Dr/shaimaa fawzy kides clinic

31/05/2021

بمناسبه الجو النار دا اللي احنا فيه
وارتفاع درجه حرارة الجو

لازم ناخد بالنا من كذا حاجه 🎤🎤🎤🎤🎤🎤

١-ملابس الطفل تكون خفيفه ويفضل تكون قطن
بلاش نلف العيل ف كذا حاجه
احنا ف صيف مش شتاء

٢- شرب السوائل والعصائر والمياه ضروري جدا
الطفل ممكن مايطلبش يشرب بنفسه بس لازم الام هي اللي تديه
وتشجعه ع الشرب

٣-نيجي بقي للسؤال المتداول دائما
اشغل عليه التكييف ولا ايه

طبعا التكييف ف الجو دا حاجه كويسه بس لو هيخرج من المكان المكيف لازم نطفيه الاول وجسمه ياخد حرارة الاوضه وبعدين يطلع

٤_ اللي مش متوفر تكييف عنده لازم كل كام ساعه كدا انزل أطراف الطفل أيديه ورجليه تحت مياه الحنفيه

واكيد هياخد دوش مرة يوميا

مافيش حاجه اسمها لو استحمي هيتعب (ماشي)

اما بالنسبه للاطفال للرضع
لو اكتر من ٦ شهور يشرب عادي

قبل ٦ شهور
لو بيرضع صناعي ممكن ندخله كميه قليله من المياه بالسم بين الرضعات

لو بيرضع طبيعي فلبن الأم يكفي مش محتاج اي مياه من برا

17/03/2021

هنتكلم النهاردة عن خوافض الحرارة

طبعا شكوي الام من ارتفاع درجه حرارة الطفل
دي شكوي متكررة
ولازم كل الامهات هتصادف الموقف دا ف اي يوم

علشان كدا كان لازم نتكلم عن الموضوع دا النهاردة

واول حاجه لازم نعرفها

س:امتي اعتبر الطفل دا سخن؟؟؟؟؟؟؟؟؟🤔🤔

علشان كدا هكرر واقول لازم كل بيت يبقي فيه ترمومتر
ولو واحدة هتقول مش بعرف استخدم الترمومتر الزئبقي

هقولها ف دلوقتي ترمومتر ديجيتال✨✨✨
سهل كدا وهيظهرلك درجه الحراره مع نفسه

ج-نرجع تاني امتي هقول سخن؟؟؟؟؟
لو قستي الحرارة وطلعت فوق 37.5

بس خلي بالك 🎤🎤🎤🎤🎤

ف كذا مكان بنقيس منه الحرارة

١-الفم. ودا بناخد الرقم اللي ليظهر ف الترمومتر زي ماهو
٢-تحت الابط .ودا بنضيف نص ع الرقم اللي ظهر
(يعني لو ظهرلي 37.5 كدا هزود نص
يبقي حرارة الطفل 38)

٣- من فتحه الشرج. وكدا هنقص نص من القراءة اللي ظهر ف الترمومتر

س- لو طلع فعلا سخن ايه الادويه اللي ممكن استخدمها؟؟؟؟؟؟؟؟؟
ج- لو الطفل عمره اقل من ٦شهور مافيش حاجه هتنفع معاه غير السيتال
هو دا اكثر الادويه امان ف العمر دا

اكبر من ٦شهور ممكن نستخدم السيتال ومعاه ادويه تانيه
زي البروفين والسيتافين و........

س-العيل بيرجع ومش عارفه اديله دواء خالص
ج-ممكن تستخدمي اللبوس (وخلي بالك من التركيزات اللي مكتوبه ع اللبوس
مش كله تركيز واحد )

وطبعا اللبوس ماينفعش مع عيل عنده اسهال (مش محتاجه كلام دي 😀😀)

س-طب انا ف البيت ومش عندي اي ادويه اعمل ايه اسيب العيل سخن كدا؟؟؟؟؟؟؟؟

ج- لا طبعا
تعملي كمادات بماء فاتر من الحنفيه
مافيش حاجه اسمها مايه ساقعه ولا تلج 😡😡😡

والكمادات دي تتعمل فين ع دماغ العيل ؟؟؟؟؟؟

لا لا لا

ممنوع الكمادات ع الرأس

الكمادات تغسلي نص الطفل اللي من تحت (كأنه بتغسلي رجله بعد ماهما حمام كدا)

وممكن تبلي قماشه قطن كدا وتحطيها تحت الابط بس بعيد عن الصدر

وممكن حوالين الرقبه

تمام كدا

وف كمان دلوقتي كمادات طبيه بيبقي جيل بيمتص الحرارة

طبعا كل الكلام دا الام هتعمله لغايه ماتعرض الطفل ع الدكتور وهو يشخص الحاله ويعرف سبب ارتفاع الحرارة ايه علشان يكتب العلاج الصح

🎤🎤🎤🎤🎤🎤🎤🎤🎤
طبعا ف حد هيسأل طب أما انا كدا كدا هكشف ايه لزمه دواء السخنه بقي

هرد عليكي واقولك
لان لو ماادتيش دواء سخونه للطفل بدري
ممكن الحرارة تزيد اكتر وتوصل 39او40

ودي مرحله ف اطفال كتير بتدخل بعدها ف تشنجات
بنسميها(تشنجات حراريه)
واحنا مش عاوزين ندخل في المرحله دي

06/03/2021

*حقن العضل للأطفال*

🚩 *ممنوع منعا باتا🚫 إعطاء الطفل حقنة العضل في عضلة الفخذ الخلفية او الإلية قبل ثلاث سنوات* 💉💉💉💉

*ليه؟؟!!🤔🤔

✔ أولا حسب توصيات منظمة الصحة العالمية WHO ماينفعش تدي الطفل الحقنة في عضلة الفخد الخلفية(الإلية) قبل ما يتم 3سنين 🤯🤯

✔ ثانيا عضلة الفخذ الخلفية تكون صغيرة قبل سنتين على الاقل لحد ما يبدأ الطفل يمشي ويجري.. ولما نحقن الطفل في منطقة الإلية خصوصا بحقن المضادات الحيوية أحيانا يظهر ورم أو لا قدر الله عدم قدرة على التحرك

❔ ليه بيحصل الورم في عضلة الإلية من الحقن؟
⏪ لأن أعصاب عضلة الفخذ تكون غير مكتملة النمو ويصعب تحديد مكان الأعصاب الرئيسية وكذلك الأوردة وأي خطأ أثناء إعطاء الحقنة سواء في العصب أو الأوردة يعمل تجمعات دموية وكلكعة وورم في فخذ الطفل وأحيانا يسبب تليف في جزء من عضلة الإلية أو يسبب حفرة في الفخذ وتشوهات..

❔ ازاي ممكن يحصل شلل بسبب حقنة الإلية؟

⏪ لأن عضلة الفخذ الخلفية قبل 3 سنين تكون صغيرة وتكون قريبة من الجلد ودا بيخلليها عرضة للإصابة بالخدش بواسطة الإبرة ودا بيعمل إلتهاب شديد في العصب وفى حالات نادرة ممكن يصيب بالشلل لا قدر الله

طيب..
الطفل لازم ياخذ تطعيمات في العضل قبل عمر ال3سنين ازاي نعطيهاله

⏪أفضل مكان لإعطاء الحقن للأطفال من عمر يوم وحتى 3سنوات هو العضلة الأمامية الجانبية للفخذ والطفل نائم على ظهره

نقسم منطقة الفخذ الجانبية 3أقسام (شوفوا الصورة) ونعطي الحقنة في القسم الأوسط

❔ هل ده المكان الوحيد اللي ممكن نعطي فيه الحقن العضل للأطفال؟
⏪ لا.. من عمر سنة حتى 3 سنوات يمكن إعطاء الطفل الحقنة العضل في عضلة الكتف من الخارج؛ لو كان وزن وحجم الطفل كويس بس مش قبل السنة. ودا مسموح لأن هذه العضلة ما فيهاش اوردة رئيسية أو أعصاب ممكن تصاب.*حقن العضل للأطفال*

🚩 *ممنوع منعا باتا🚫 إعطاء الطفل حقنة العضل في عضلة الفخذ الخلفية او الإلية قبل ثلاث سنوات* 💉💉💉💉

*ليه؟؟!!🤔🤔

✔ أولا حسب توصيات منظمة الصحة العالمية WHO ماينفعش تدي الطفل الحقنة في عضلة الفخد الخلفية(الإلية) قبل ما يتم 3سنين 🤯🤯

✔ ثانيا عضلة الفخذ الخلفية تكون صغيرة قبل سنتين على الاقل لحد ما يبدأ الطفل يمشي ويجري.. ولما نحقن الطفل في منطقة الإلية خصوصا بحقن المضادات الحيوية أحيانا يظهر ورم أو لا قدر الله عدم قدرة على التحرك

❔ ليه بيحصل الورم في عضلة الإلية من الحقن؟
⏪ لأن أعصاب عضلة الفخذ تكون غير مكتملة النمو ويصعب تحديد مكان الأعصاب الرئيسية وكذلك الأوردة وأي خطأ أثناء إعطاء الحقنة سواء في العصب أو الأوردة يعمل تجمعات دموية وكلكعة وورم في فخذ الطفل وأحيانا يسبب تليف في جزء من عضلة الإلية أو يسبب حفرة في الفخذ وتشوهات..

❔ ازاي ممكن يحصل شلل بسبب حقنة الإلية؟

⏪ لأن عضلة الفخذ الخلفية قبل 3 سنين تكون صغيرة وتكون قريبة من الجلد ودا بيخلليها عرضة للإصابة بالخدش بواسطة الإبرة ودا بيعمل إلتهاب شديد في العصب وفى حالات نادرة ممكن يصيب بالشلل لا قدر الله

طيب..
الطفل لازم ياخذ تطعيمات في العضل قبل عمر ال3سنين ازاي نعطيهاله

⏪أفضل مكان لإعطاء الحقن للأطفال من عمر يوم وحتى 3سنوات هو العضلة الأمامية الجانبية للفخذ والطفل نائم على ظهره

نقسم منطقة الفخذ الجانبية 3أقسام (شوفوا الصورة) ونعطي الحقنة في القسم الأوسط

❔ هل ده المكان الوحيد اللي ممكن نعطي فيه الحقن العضل للأطفال؟
⏪ لا.. من عمر سنة حتى 3 سنوات يمكن إعطاء الطفل الحقنة العضل في عضلة الكتف من الخارج؛ لو كان وزن وحجم الطفل كويس بس مش قبل السنة. ودا مسموح لأن هذه العضلة ما فيهاش اوردة رئيسية أو أعصاب ممكن تصاب.

28/02/2021

النهاردة هنتكلم عن تطعيم BCG(الدرن)
أو زي ماهي معروفه بين الناس(حقنه الكتف)

1-التطعيم دا بيتاخد كام مرة ؟

التطعيم دا بياخده الطفل مرة واحدة في العمر
عكس باقي التطعيمات اللي ممكن تتكرر كذا مرة

2- بيتاخد فين بالظبط؟

التطعيم بيتاخد ف أعلي الكتف الايسر

(واللي هيسأل ليه بالتحديد المكان دا
علشان يبقي مكان ثابت ومعروف لكل الاطفال )

3- هو لازم منه يعني ؟؟؟

طبعا التطعيم دا مهم جدا بيحمي من مرض الدرن اللي هو السل
ودا مرض ممكن يصيب كذا مكان ف الجسم
أكثرهم شيوعا الجهاز التنفسي والجهاز الهضمي

4_طب هو ضروري بتاخد أو مايتولد ع طول ؟؟؟

هو الأفضل طبعا يتاخد ف اول شهر من الاولادة
بس لو ف اي ظرف أو مرض يحيل دون التطعيم
زي الطفل كان تعبان ومحجوز ف الحضانه مثلا
أو الطفل وزنه كان قليل جدا
ممكن يتأجل مش مشكله

5_طب ليه مضاعفات؟

هو زي اي تطعيم ممكن يسبب احمرار مكان الحقن
أو تورم بسيط بيخف بعد كام يوم ويسبب اثر أو علامه
(ودي بتبقي اثر ثابت ف أعلي الكتف الأيسر طول العمر)

وف حالات ممكن يعمل خراج
وهنا بقي الأم تخلي بالها
ممنوع التدليك نهائيا أو وضع اي كريمات
ولو الأمور زادت لازم استشارة الطبيب طبعا

26/02/2021

حمله التطعيم ضد شلل الاطفال
الفرق الطبيه هتلف ع المنازل
ومافيش اي موانع للتطعيم

الا هذه الحالات :

١-ارتفاع شديد ف الحرارة فوق 39
٢- النزلات المعويه المصعوبه بقئ مستمر
٣-الاطفال اللي بتتناول ادويه مثبطه للمناعه (العلاج الكيماوي مثلا)
٤_الاطفال المصابين بلوكيميا (شفاهم الله وعافاهم)

25/02/2021

ولأن التطعيمات الاجباريه حاجه مهمه
فلازم كل الامهات تبقي عارفه
ايه هي التطعيمات ومواعيدها
ودا جدول التطعيمات الجديد اللي هتمشي عليه الوزارة

25/02/2021