19/07/2025
هل القيء أثناء الحمل طبيعي؟ 😵
أيوه، القيء أو الغثيان من أكتر الأعراض الطبيعية والشائعة جدًا في بداية الحمل، وخصوصًا في الشهور الأولى 🤷🏼♀️
وبيُعرف باسم:
"Morning Sickness" (الغثيان الصباحي)
لكن الحقيقة إنه مش شرط يحصل "الصبح بس" — ممكن يحصل في أي وقت من اليوم أو حتى طول اليوم!🤦🏼♀️
📆 إمتى بيبدأ القيء في الحمل؟
غالبًا بيبدأ من الأسبوع 6 من الحمل (يعني بعد تأخر الدورة بحوالي أسبوعين)
وبيوصل لذروته حوالي الأسبوع 9 إلى 11
وبيبدأ يخف عند أغلب الستات حوالي الأسبوع 14 إلى 16 (يعني بعد دخول الشهر الرابع) 👇
ليه بيحصل القيء والغثيان؟
بسبب التغيرات الهرمونية السريعة، وبشكل خاص: 👇
ارتفاع هرمون hCG (هرمون الحمل)
تغيرات في هرمون الاستروجين
زيادة حساسية المعدة للروائح والطعام
التوتر والتعب الجسدي
إمتى يكون طبيعي؟ 👇
-لو بيحصل مرة أو مرتين في اليوم
-لو لسه بتقدري تاكلي وتشربي
-لو تعبك بيزيد مع الروائح أو فراغ المعدة
-لو الغثيان بيقل تدريجياً مع الوقت
❗️إمتى يكون خطر؟
لو بدأتي تلاحظي: 👇
-قيء متكرر جدًا (أكتر من 3–4 مرات في اليوم)
-صعوبة في الأكل أو الشرب نهائيًا
-جفاف في الفم، دوخة، أو بول لونه غامق جدًا
-فقدان وزن واضح خلال أسبوعين
ده ممكن يشير لحالة اسمها:
👉 Hyperemesis Gravidarum
وده نوع من القيء الشديد في الحمل، ومحتاج تدخل طبي فورًا، عشان ميأثرش على صحتك أو صحة الجنين.
💙 خلاصة:
القيء في الحمل شيء طبيعي، ومؤقت، وبيعدي عند أغلب الحوامل 🤰🏼
لكن مهم تميّزي بين الطبيعي اللي بيُحتمل، والخطر اللي محتاج متابعة 😉
🩺 د. كيرلس راضي – أخصائي أمراض النساء والتوليد والعقم وجراحة المناظير
📍 القوصية – أسيوط
📞 للحجز: 01013507348
📞 للطوارئ: 01014242724
