Dr. Hoda Mansour clinic - عيادة د.هدي منصور لطب الأطفال و حديثي الولادة

14/09/2025

من التطعيمات الإضافية المهمة جدا و اللي بتلغبط الأمهات و بتبقي محتارة تدي ايه و امتي
تطعيم السحائي
في كذا نوع بفضل
Nimenrix
بيحمي من الالتهاب السحائي و مضاعفاته الخطيرة علي المخ
العمر :
📌 تحت عمر السنة بيكون جرعتين بينهم شهرين
📌 بعد عمر السنة بيكون جرعة واحدة

و دا غير التطعيم الثنائي اللي بيتاخد في عمر دخول
المدارس

خصوصا ان الفترة الأخيرة قابلنا في المستشفي حالات
كتير من اعمار مختلفة

متوفر بالعيادة بحجز مسبق

و ربنا يحفظ أولادكم جميعا
د. هدي إسماعيل منصور
أخصائي طب الأطفال و حديثي الولادة
ماجستير طب الأطفال جامعة عين شمس
العنوان:
كفر كلا الباب .. بجوار النقطة القديمة
للحجز و الاستعلام تواصل معانا
واتس اب علي
📩 015 05605843

13/09/2025

❓طفلي عنده 9 شهور ولسه مبيزحفش.. أبدأ أقلق؟

السؤال ده اتكرر كتير جدًا مؤخرًا في العيادة ، وحابة أطمن الأمهات 👶💬

الزحف مش من التطورات الأساسية اللي بنقلق لو الطفل معملهاش، بشرط إن باقي مراحل التطور الحركي ماشية بشكل طبيعي، زي:

✅ رفع راسه كويس عند 3 شهور
✅ قعد متسند في الميعاد (حوالي 6 شهور)
✅ بيتحرك أو بيمد إيده للعب والحاجات حواليه

لكن بنبدأ نراجع الطبيب لو ظهرت علامات خطر زي:

⚠️ مش بيقدر يشيل جسمه على إيده ورجله خالص
⚠️ جسمه دايمًا مرخي أو العكس مشدود زيادة
⚠️ مش بيتفاعل مع اللي حواليه أو تحركاته قليلة جدًا
⚠️ تأخر واضح في باقي المهارات الحركية أو العقلية

لو عندك قلق أو مش متأكدة من تطور طفلك، احجزي معانا كشف وهنطمنك عليه بكل التفاصيل 💙

📍 و ربنا يحفظ أولادكم جميعا
د. هدي إسماعيل منصور
أخصائي طب الأطفال و حديثي الولادة
ماجستير طب الأطفال جامعة عين شمس
المواعيد :
الجمعة و السبت
و الاثنين و الثلاثاء
من 7 ل 10 م

العنوان:
كفر كلا الباب .. بجوار النقطة القديمة
للحجز و الاستعلام تواصل معانا علي
📱01044868571
أو واتس اب علي
📩 015 05605843

12/09/2025

تطعيم يحمي طفلك... وفحص شامل مجانًا!

لو عندك طفل من عمر شهرين لـ 5 سنين، متفوتيش الفرصة دي!
دلوقتي في عيادتنا:
✨ تطعيمات إضافية مهمة مش موجودة في تطعيمات وزارة الصحة زي:
✅ تطعيم الروتا – يحمي من النزلات المعوية
✅ تطعيم المكورات الرئوية – يحمي من الالتهاب الرئوي و التهابات الاذن الوسطي
✅ تطعيم السحائي يحمي من التهاب السحايا و مضاعفاتها الخطيرة

💝 ومع كل تطعيم:
📋 فحص شامل مجاني للطفل يشمل:
🔹 قياس الوزن والطول
🔹 متابعة النمو
🔹 الكشف العام على الطفل

📍 العنوان: كفر كلا الباب بجوار النقطة القديمة
عيادة د. هدي منصور لطب الأطفال و حديثي الولادة

📞 احجزي دلوقتي و لمدة أسبوع واتس اب على
015 05605843

متنسيش تعملي شير للبُوست علشان كل أم تستفيد 💌

05/09/2025

05/09/2025

مصل الإنفلونزا (Influvac) لموسم 2025 – 2026 متوفر الآن بعيادتنا 🩺👶

مع دخول موسم الخريف والشتاء، أطفالنا هما أكتر فئة معرضة للإصابة بالأنفلونزا ومضاعفاتها…
عشان كده التطعيم السنوي ضد الإنفلونزا يعتبر خط الدفاع الأول لحمايتهم 🌸

💉 فوائد المصل للأطفال:

يقلل من فرص الإصابة بالأنفلونزا.

يقلل من شدة الأعراض لو حصلت عدوى.

يحمي من المضاعفات الخطيرة خصوصًا للأطفال اللي عندهم حساسية صدرية أو أمراض مزمنة.

👩‍👧‍👦 مين لازم ياخد المصل؟

كل الأطفال من عمر 6 شهور فيما فوق.

الأطفال المصابين بحساسية صدرية أو ربو او حساسية الانف

الأطفال اللي بيعانوا من أمراض مزمنة (قلب – سكر – مناعة ضعيفة).

📍 اللقاح متوفر الآن في عيادتنا
واحجزي لطفلك بدري قبل بداية موسم العدوى 🤍

☎️ للحجز والاستفسار
015 05605843

31/08/2025

🍼💙 "اللي عايز يبسط طفل… يبسط مامته"
جملة ملهمة قالتها أستاذتنا استشاري الرضاعة الطبيعية 👩‍⚕️

لأن التوتر والزعل مش بس بيأثروا على نفسية الأم، لكن كمان بيرفعوا هرمون الكورتيزول اللي بيأثر على هرمون مهم جدًا اسمه الأوكسيتوسين…
وهو الهرمون المسئول عن نزول اللبن وقت الرضاعة (let-down reflex) 👶

⬅️ النتيجة: اللبن ممكن يكون موجود بكمية كافية… لكن نزوله للطفل بيكون صعب بسبب التوتر.

✨ عشان كدا، أهم حاجة للأم اللي بترضع طبيعي هو الدعم النفسي.
الجملة اللي بتتقال باستخفاف زي:
❌ "اللبن خفيف"
❌ "مش كفاية"
❌ "مش بيزود وزن الطفل"
ممكن تحبط الأم وتضر الرضاعة.

✅ في المقابل، الطبيب هو الوحيد اللي يقدر يحدد إذا الرضاعة كافية للطفل أو محتاجة دعم إضافي.

كلمة دعم صغيرة ممكن تفرق كتير ❤️

د. هدي إسماعيل منصور
أخصائي طب الأطفال و حديثي الولادة
ماجستير طب الأطفال جامعة عين شمس
المواعيد :
الجمعة و السبت
الاثنين و الثلاثاء
من ٧ ل ١٠ م
العنوان:
كفر كلا الباب .. بجوار النقطة القديمة
للحجز و الاستعلام تواصل معانا علي
📱01044868571
أو واتس اب علي
📩 015 05605843

29/08/2025

باذن الله موجودين في العيادة النهارده من 7 ل 10 م

22/08/2025

تنويه هام 🚨
نعتذر عن عدم التواجد في عيادة الأطفال اليوم [الجمعة] و غدًا [السبت ] ان شاء الله نظرًا لظروف صحية طارئة.
✍🏻 الحالات اللي ليها متابعات التواصل واتس اب علي
015 05605843

ودعواتكم 💙

18/08/2025

خراج في الجسم أو فروة الرأس من🚨
الخلف
الفترة دي بسبب الحر الشديد و العرق أطفال كتير خصوصا الرضع الام بتشتكي من حبوب بتطلع في الجسم أو فروة الرأس من الخلف
دا عبارة عن التهاب بكتيري بيجمع صديد تحت الجلد📌
📌 غالبا بيكون حجمه صغير و مش بيحتاج نفتحه
📌 بيتحسن مع مضاد حيوي موضعي فعال ضد النوع دا من العدوي و شاور للاستحمام مضاد للبكتيريا
📌 في بعض الأطفال ممكن نحتاج مضاد حيوي شراب
📌 مع الاهتمام بنظافة الطفل و تغيير الملابس و تغيير وضعية النوم
📌 الاهتمام بقص ضوافر الطفل لانه لو لمسها ممكن يعدي نفسه تاني و غسيل الايدين للام
📌 مش معناها بالضرورة أنه في مشكلة في مناعة الطفل

و ربنا يحفظ أولادكم جميعا

د. هدي إسماعيل منصور
أخصائي طب الأطفال و حديثي الولادة
ماجستير طب الأطفال جامعة عين شمس
المواعيد :
الجمعة و السبت
و الاثنين و الثلاثاء
من ٧ ل ١٠ م
العنوان:
كفر كلا الباب .. بجوار النقطة القديمة
للحجز و الاستعلام تواصل معانا علي
📱01044868571
أو واتس اب علي
📩 015 05605843

17/08/2025

لو في ثقافة نفسي تنتشر و الناس تتعلمها بخصوص الاطفال و الأمهات خصوصا الأمهات لأول مرة
هي أن مش كل طفل يتولد يخرج بعلبة اللبن الصناعي و الببرونة 🥲
أمهات كتير بيبقي عندها الرغبة أنها ترضع طبيعي و دا الأفضل علي الاطلاق و كل شركات الألبان بتتنافس عشان تعمل مكونات اللبن شبيهة للبن الأم
و لكن للأسف مبيلاقوش اي دعم من اللي حواليهم
في نقطة مهمة نفهمها

📌 ان حجم معدة الطفل حديث الولادة في أول يوم بعد الولادة صغير جدًا، وده السبب إنه بيرضع كميات قليلة جدًا لكن بشكل متكرر.

📌 بالأرقام:

اليوم الأول: حجم المعدة حوالي 5–7 مل فقط (قد حجم كريز أو نصف ملعقة شاي صغيرة).

اليوم الثالث تقريبًا: بيكبر لـ حوالي 22–27 مل (قد حجم عين جمل).

نهاية الأسبوع الأول: يوصل لـ حوالي 45–60 مل (قد حجم خوخة صغيرة).

نهاية الشهر الأول: يوصل لـ حوالي 80–150 مل تقريبًا.

✨ علشان كده الكولستروم (لبن السرسوب) في أول أيام بيكون كافي تمامًا لمعدة الطفل، رغم إنه بينزل كميات قليلة، لكنه غني جدًا بالعناصر الغذائية والمناعة

فمنستعجلش علي اللبن الصناعي بدون سبب
أحيانا بنضطر نلجأله في حالات مرضية سواء عند الطفل أو
الأم بس كمكمل مع لبن الأم مش بديل تماما الا في حالات قليلة جدا

📌 مش معني ان في طفل بياخد ببرونة جنب الرضاعة الطبيعية " بدون داعي "
ان كل الاطفال تقدر تكمل الاتنين مع بعض للأسف معظم الأطفال بتوصل لأربع أو خمس شهور و ترفض الرضاعة الطبيعية تماما

📌 الرضاعة عند الطفل بتكون منعكس طبيعي ربنا خالقه محتاجين بس يتحط في حضن الام اول ساعة بعد الولادة و الرضاعة هتتم بشكل تلقائي و لو في صعوبات عند الأم
بشوية توجيهات من الدكتور الأمور بتظبط

📌 أطفال كتير بتعاني من الارتجاع لأن بياخدوا رضعات صناعي زيادة رغم أن الرضاعة الطبيعية كافية ؛ أطفال بتعاني من امساك و مغص

📌 تكلفة اللبن الصناعي بقت عالية دلوقتي و كتير الأهل مبيقدروش يتحملوا التكلفة دي بعد ما الطفل يرفض الرضاعة الطبيعية و يبدأوا يدخلوا لبن بقري من بدري قبل عمل السنة و في معظم الأحيان الطفل بيدخل في نزلات معوية و مضاعفات
فلو احنا مش مضطرين للبن الصناعي من الاول منبدأوش

و ربنا يحفظ أولادكم جميعا

26/07/2025

موجة الحر ورضيعك.. خلي بالك! 👶☀️

في الأيام اللي درجة الحرارة فيها عالية، الرضع بيبقوا أكتر عرضة للجفاف وارتفاع حرارة الجسم، وده ممكن يبقى خطر جدًا!

💧 نحافظ عليهم إزاي؟

✅ الرضاعة الطبيعية أو الصناعية تكون منتظمة، وممكن تزودي عدد الرضعات حتى لو بيطلب أكتر من المعتاد.
✅ لو الطفل بدأ ياكل ممكن تشربي مياه مع الوجبات و بينها
✅ خففي هدومه ولبسيه لبس قطني خفيف.
✅ ابعدي عن الخروج في الشمس خصوصًا من 11 صباحًا لـ 4 عصرًا.
✅ خلي الطفل في مكان جيد التهوية، وممكن مروحة أو تكييف خفيف على حرارة معتدلة.
✅ الاستحمام مرة أو اكتر في اليوم علي حسب جو البيت
✅ ممنوع ادخال الملح قبل السنة و دا لأن الصوديوم اللي بياخدوه في الملح بيزود كمية السوائل اللي جسم الطفل بيفقدها و بيزود إحساسهم بالعطش

🚨 إمتى نقلق؟
لو لاحظتي:
❗ قلة في عدد الحفاضات المبلولة
❗ جفاف في الفم أو الشفايف
❗ خمول أو بكاء بدون دموع
❗ سخونة الجسم أو احمرار شديد

🍼 الأم كمان لازم تهتم بشرب المياه والسوائل كويس عشان تفضل قادرة ترضع وتغذي طفلها ميقلش عن 3 لتر في اليوم


و ربنا يحفظ أولادكم جميعا
د. هدي إسماعيل منصور
أخصائي طب الأطفال و حديثي الولادة
ماجستير طب الأطفال جامعة عين شمس
العنوان:
كفر كلا الباب .. بجوار النقطة القديمة
للحجز و الاستعلام تواصل معانا علي
📱01044868571
أو واتس اب علي
📩 015 05605843