EHKY إحكي

01/08/2025

لو حاسة بحزن رددي الدعاء ده
يا رب، أنزل على قلبي سكينة لا يفهمها أحد، واجبرني جبراً يتعجب له خلقي. وبدّل الحزن راحة، والضيق فرجًا، والهم سعادة، فإنك على كل شيء قدير
#احكي مع #ربنا

23/07/2025

كلما تعاملت مع وحدتها وجدت أن عليها أن تصنع عالمها الخاص
لا أن تستجدي وجودهم الكاذب حولها

وحدتك لا تخبرك من أنتِ بل تصنع منك النسخة الأقوى التي لا تنتظر اهتمام الآخرين

حبي وحدتك التي ربما تكون أفضل من الونس الكاذب

انت تستحقين الحب و أنت أولى بحب نفسك لنفسك

#اتنفسي #إحكي #احكي

22/07/2025

هي تعبت من الشعور بأنها تقود كل شيئ
هي لا تنتظر مقابل و لكنها تتمنى استراحة محارب لتكمل مسيرتها
اعطوها مساحتها فهي تستحق

لا تستجدي حقك في الراحة اقتنصيه فأنتِ تستحقين
أنتِ تستحقين 🤍🌷

#اتنفسي #احكي #إحكي #قوةالداخل

21/07/2025

نتشرف بالمشاركة في حفل تخريج الدفعة الأولى من دبلومة إعداد المعلمين
الحضور متاح للمعلمين و المهتمين بالمجال التربوي حيث سيحتوي اليوم على ورش عمل مصغرة مقدمة من كوكبة من التربويين و المدربين المحترفين لتأهيل المعلمين تأهيل عملي و نفسي لإحتراف المجال

لمزيد من التفاصيل و حجز تذكرة الحضور يرجى التواصل مع صفحة الأكاديمية

Level up with certified training programs led by top experts 💼.
Your growth starts here — Online or Offline at our📍Dokki branch.

21/07/2025

المرأة التي تفضل البقاء بمفردها ليست متكبرة إنها مرهقة.
اتركوها تستريح
لأنها ستعود أقوى 💪

حبي نفسك 🤍

#اتنفسي #إحكي #احكي

20/07/2025

كانت بتشتغل في مصنع صغير في أطراف المدينة سبع سنين من عمرها راحت في نفس المكان ونفس الخطوة ونفس السؤال كل يوم هو ده بس اللي هافضل أعمله طول عمري

الراتب بسيط والضغط كبير والحلم نايم جواها زي عيل صغير ساكت علشان عارف إنه مش هيتسمع

بس في يوم وهي راجعة من الشغل جت لها رسالة على الموبايل من صفحة بتتابعها فيها إعلان عن دورة تدريبية في التصميم الجرافيكي حاجة عمرها ما جربتها بس بتحب الألوان من وهى صغيرة

ما قالتش لنفسها إن ده مش وقته وما خافتش من سنها ولا من الشغل اللي مالوش نهاية ولا من كلام الناس

سجّلت في الدورة وبدأت تتعلم بعد الشغل كل يوم ساعة بس ساعة من عمرها كانت كفيلة إنها تصحي الحلم

بعد خمس شهور اشتغلت أول مشروع فريلانسر وفضلت تخبي أول فلوس كأنها شهادة ميلاد جديدة

النهاردة بقت بتشتغل من بيتها مع تيم في الإمارات وشغالة على مشروع مع براند في السعودية ولسه بتشتغل في المصنع لحد ما تقدر تمشي بثبات

بس وهي ماشية الصبح مش بتمشي زي زمان بتمشي وخطاها بتقول أنا كنت هناك وجيت هنا بإيدي

اسمها نجلاء
وسنها تسعة وثلاثين
ومافيش سن معين للحلم غير اللحظة اللي بتصدقي فيها إنك تقدري

اعملي زي نجلاء و دوقي طعم النجاح

لو قصتك زي نجلاء اكتبيلنا في التعليقات و خلينا نستمتع بحكايتك و ننشرها كمان
#احكي

#إحكي

20/07/2025

أريد هدم هذه الجدران التي تحبسني
حاسين بيكي و عارفين أد إيه الجملة دي لو قولتيها يبقى وراها وجع كبير 💔

إهدمي جدرانك و اخرجي للحياة لأنك تستحقي تعيشي حرة غير مقيدة
من حقك تشوفي النور اللي ورا جدرانك العالية
حرري نفسك من عذابك و انطلقي للجمال و التصالح مع الذات 🤍

عيشي السلام الداخلي
اشتغلي
انجحي
حبي
إخرجي
إصنعي مجتمعك.... حبي الحياة
احنا معاكي 🤍❤️

#اتنفسي #إحكي #احكي #قوةالداخل

18/07/2025

زمان في المدينة في بيت هادي على طرف الطريق

كانت فيه ستّ من الصحابيات اسمها أم ورقة.

الناس كانوا بيسموها الشهيدة من كتر ما النبي ﷺ كان بيحبّها وبيشيد بإيمانها.

جمعت القرآن و كانت بتحبه جدًا وبتتمنى تفضل قريبة منه طول الوقت

لدرجة إنها راحت للنبي ﷺ وقالت له:

يا رسول الله، نفسي يبقى ليا مؤذن وأصلي بأهل بيتي

النبي ﷺ ما قالش لأ

ما استغربش

ما استصغرش طلبها

بالعكس أذن لها إنها يكون ليها مؤذن في بيتها وتصلي باللي حواليها.

كانت بتصلي بيهم في بيتها ويوم الجمعة كان ليه طعم تاني

البيت ده كان بيت صلاة قرآن وخشوع

بيت ستّ مؤمنة ربنا استخدمها في نشر النور وهي قاعدة في مكانها.

عارفة إيه الحلو في الموضوع ؟

إن ده كان تمكين حقيقي

مش بالكلام ولا بالشعارات

ده تمكين بالإذن، بالثقة، وبالمساحة إن الست يكون ليها دور.

ويوم الجمعة

كان بيت أم ورقة، منور بذكر الله، مش ساكت.

خلي بيتك منور بصلاتك وبصوت القرآن وبنية طيبة بتقول يا رب اجعلنا من أهل النور. 🌸
وصلى معانا على أشرف الخلق سيدنا محمد عليه أفضل الصلاة و السلام 🤍☘️
#جمعه

16/07/2025

انتي تعبتي… وده يستاهل شكر "قولي لنفسك شكراً"

قبل ما تنامي اكتبي ٣ حاجات عملتيهم الفترة اللي فاتت وانتي فخورة بيهم.
حتى لو:
حميتي نفسك من بيئة مش مناسبة.
قلتي "لأ" لأول مرة.
خدتي أول خطوة تجاه تطوير نفسك.

التقدير الذاتي هو وقود الاستمرار.

شاركينا في التعليقات اكتبي لنفسك شكراً لأنك...

#شكراً_لنفسي
#احكي

15/07/2025

قبل ما نقولك إزاي تحمي نفسك من الابتزاز الإلكتروني

هنقولك احترمي نفسك قبل ما تقعي في سلسلة ابتزاز نهايتها مش دايما لصالحك

البنت المحترمة بتحترم نفسها فبتحمي نفسها و جسمها من التعرض للانتهاكات

ما تبعتيش صورك لحد غريب

ما تصوريش جسمك و هو مش محتشم و تبعتي صورك لحد

ما تجريش ورا أي علاقة وهمية على الإنترنت و تصدقي انك بتحبي

ما تسمحيش لولد انه يتجاوز حدوده معاكي في الكلام أو غير الكلام

الهزار له حدود

الكلام له حدود

العلاقات كلها ليها حدود

المساحات الآمنة بتريح

احترام الذات واجب مش اختيار

ما تصدقيش انه معجب بيكي و انك مختلفة و صوتك حزين و عنيكي فيها كلام كتير و ضحكتك بتغير مودي و صورك جامدة آخر حاجة و انتي عارفة الباقي بقى 😄

خليكي واعية و احترمي نفسك ما تحطيهاش في موقف ضعيف أو تضطري انك تتحايلي على انسان غير محترم انه يستر عليكي و ما يفضحكيش

إعرفي حدودك هترتاحي 👌 و

15/07/2025

يا ترى أول حب هو أصدق حب؟
مش كل حب أول بيكون حقيقي.
مش كل وجع بيسيب علامة يبقى كان حب صادق.
الحب الحقيقي هو اللي بيعلمك هو اللي بيساعدك تتطوري و تكوني مبسوطة و تعملي اللي بتحبيه الحب ما بيكسرش الحب بيقوي
خدي وقتك تفهمي اللي حصل… بس ما ترجعيش لنفس الدائرة.
يا ترى أصدق حب في حياتك هو اللي عايشة فيه دلوقتي و لا لسه ما جاش ؟
#احكي