Dr. Mady clinic

30/12/2023

🔺هتقوليلي ابني لسه مولود!
🔻هقولك،،
متنسيش حقنة فيتامين ك في أول ٢٤ ساعه
ومتنسيش الجرعة الصفرية من الإلتهاب الكبدي ب

🔺هتقوليلي،، ابني يدوب ٣ أيام!
🔻هقولك ،،متنسيش عينة الكعب في الصحة

🔺هتقوليلي،، الصفرا ظهرت🤦‍♀️
🔻هقولك ،، رضعية كل ساعة وتابعي ارتفاعها مع الدكتور بتاعه

🔺هتقوليلي،، انا برضع طبيعي👌
🔻هقولك ،، أهتمي بالأوميجا٣ - وقطارة فيدروب يومياً- وكلي اسماك بحرية مرتين في الأسبوع علشان اليود ،، كل دا هينزل للبيبي في اللبن وهيفرق في نضوجة العقلي

🔺هتقوليلي،، ادي للواد فيتامينات ايه؟
🔻هقولك،،
-فيتامين د (فيدروب-ڤي دي ٣) ،، ٤ نقط يوميا في اول سنة ،، و ٦ نقط يومياً في تاني وتالت سنة
-الحديد من الشهر السادس ،، ربع قطارة هيدروفرين او انريتش
-فيتامين أ ،، في الشهر التاسع وعند سن سنة ونص ويتتكرر لسن ٥ سنوات كل ٦ - ١٢ شهر

🔺هتقوليلي،، والكاسيوم ايه ؟
🔻هقولك،، ٣٠٠ سم لبن كافي كجرعة وقائية ،، الا اذا أثبتنا نقص بالتحليل او الدكتور بتاعه شايفه متأخر

🔺هتقوليلي ،،الانتفاخات والمغص مبهدلينه 😢
🔻هقولك،، رضعي كويس من ١٠-٢٠ دقيقة من الناحية الواحدة علشان يوصل للبن نهاية الرضعة وكرعيه كويس وسيبي( ساعه - ساعة ونص) بين كل رضعة والتانيه ،، وابعدي في أكلك عن المسبك والسعرات الحرارية والمياة الغازية والكافيين ،، ومتنسيش تديله سايمثيكون

🔺هتقوليلي،، الواد بيجيلة إمساك مش عارف اتصرف؟
🔻هقولك،، عليكي وعلي تمارين الامساك وبلاش لبوس جليسرين غير بعد يومين بدون حمام وظبطي اكلك واديله زيت اللوز الحلو،، ولو مظبطش اللاكتيلوز آمن بس بوصف طبيب

🔺هتقوليلي،، الواد علي طول مخنفر!
🔻هقولك،، دا شيء طبيعي وكل لما يكبر هيتحسن ،، وعليكي وعلي نقط محلول الملح واسبراي ماء البحر هينفعوه جداً وآمنين جداً جداً

🔺هتقوليلي،، انا حساه متأخر في ظهور الاسنان والحركة!!
🔻هقولك،، التسنين من ٦-١٢ شهر
وصلب الراس علي ٣ شهور،، والقعدة واحنا ساندينه علي ٦ شهور ،، ومن غير سنده علي ٧ شهور ،، ومش لازم يزحف ،، والوقفه مسنود علي سن سنه ،، والمشي من ١٥-١٨ شهر..
طبقي بقا علي ابنك لو عدي اللي قولته ومحصلش افحصيه عند دكتور🤓

🔺هتقوليلي،، الواد جاله اسهال!!
🔻هقولك ،، اوعي تنسي تديله محلول الجفاف وزنك

🔺هتقوليلي،، انا بديله سيتال قبل التطعيم !!
🔻هقولك،، بلاش لانهم لقوا ان بيأثر علي فاعلية التطعيم ،، كل اللي عليكي لو سخن بعد التطعيم ياخد سيتال (نقطتين لكل كجم) بحد اقصي ٦ جرعات يومياً

🔺هتقوليلي،، طب لو سخن من غير اعراض اعمله ايه؟
🔻هقولك،، اصبري عليه يومين بالخافض ومتنسيش الكمادات بمياه فاتره ،، واديله سيتال لو قبل ٦ شهور ،، وبروفين او سيتال لو بعد ٦ شهور ،، وبروفين او سيتال او دولفين لو بعد سن سنة... لو استمرت الحراره اكتر من يومين اكشفي

🔺هتقوليلي،، طب والتسلخات احميه منها ازاي!!
🔻هقولك ادهنيله كريم فيه زنك بعد كل غيار ونشفي وهوي لمدة دقيقة ،، لأ وايبس لأ،،😬

🔺هتقوليلي،، طب إيه رأيك في التطعيمات التكميليه
🔻هقولك،، اجبارية في كل دول العالم
روتا ومكورات في اول سنة
جديري والتهاب كبدي أ وحمي شوكية وتيفود في تاني سنة

🔺هتقوليلي،، ايه رأيك في الأوميجا ٣ للطفل؟
🔻هقولك،، لقوا انه ليه فوايد عظيمة للقدرات الذهنية للطفل .. فبدأوا يوصفوه للأم وهي حامل وهي بترضع وللطفل من بعد سن سنة،، وكل بيصب في مصلحة البيه الصغنن

🔺هتقوليلي،، طب انا ديماً مشغولة وبسيبه قدام الموبايل او التلفزيون!
🔻هقولك ،، هتندمي يوم لا ينفع الندم😤 ،، ارتباط الميديا بالاضطراب السلوكي ارتباط قوي ،، وعلشان كدا نصحت الاكاديمية الامريكية لطب الأطفال بمنع كل ماله شاشه من الأطفال قبل سن سنتين

30/12/2023

ابنك بيشتكي كتير ان رجله بتوجعه ؟؟

هو ممكن يكون عنده روماتيزم 🤔
طيب أكشف عليه عند دكتور عظام واللا دكتور أطفال 🤔
طيب أعمله أشعه الأول واللا أحلله 🤔

الحقيقه ولا أي حاجة من دي طالما :

🔹الطفل حالته العامة كويسه ( يعني معندوش همدان – ولا سخن- ولا نشاطه اقل من الطبيعي بتاعه – ولا عنده طفح جلدي - ولا وزنه نزل فجأة – ولا شهيته للاكل قلت )

🔹 الالم مش مستمر - بيروح وييجي – و مش ب يشتكي منه الصبح

🔹 لو الطفل مش بيعرج و بيدوس علي رجله عادي وبيلعب عادي وبيجري عادي 🏃‍♂️🏃‍♂️

🔹لو الوجع مش معاه التهاب في المفصل ( يعني رجله مش وارمه ولا سخنه ولا حمرة أو مش طايق حد يلمسها )

☑️☑️ لأن دي حاجة مشهورة عند الأطفال من سن ٣ الي ١١ سنه - وأكتر كمان - اسمها 👇
( آلام النمو) 😑 وهي الحقيقه ولا نمو ولا حاجة لأن نمو العظام مش بيوجع.. بس هي سُمعة بقي طلعت عليها وخلاص 😁 و هذه الآلام ممكن تكون نتيجة اجهاد عضلي- او نتيجة وقفه لفتره طويله اوالنوم او الجلوس في وضع غلط – اوحتي ممكن يكون سببها نفسي والله أعلم بسببها الحقيقي.

🔹الآلام دي لها شويه خصائص لو لقيتيها عند ابنك خلاص تطمني 💚

1⃣ بتيجي في الرجلين مش في رجل واحدة

2⃣ بتيجي غالباً في الساق من الخلف أو من الأمام ( بين الركبه والكعب ) – وفي الركبه من الخلف - وممكن تيجي في الذراع - وممكن كمان يكون معاها صداع

3⃣ بتيجي بالليل – وممكن من شدِّتها تصحيه من النوم – وبتختفي الصبح

4⃣ مش بتأثر إطلاقاً علي حركة الطفل – ما لهاش علاقه بالمفاصل

5⃣ مش بتتأثر بالحركة – يعني ولا المجهود بيزودها ولا الراحة بتقللها

6⃣ بتتكرر علي فترات – وممكن تستمر شهور او حتي سنة وبعدين تختفي لوحدها

🔹طيب ايه علاجها ؟؟

مساج لمكان الألم – كمادات دافيه – مُسكن خفيف ( زي باراسيتامول ) وبس 💁‍♂️

اللهم احفظ اطفالنا
❤️انشروا العلم النافع

30/12/2023

⚠️⚠️

29/12/2023

☆ هل لازم ندى ادويه الكالسيوم للاطفال👦 عشان يمشو او يطلعو سنان🍼 ؟؟

الحاجات دى سببها مش نقص الكالسيوم فى الدم و لكن سببها نقص فيتامين د اللى بيمتص الكالسيوم و بيرسبه فى العضم و الأسنان .

☆طب امتى ندى كالسيوم ؟؟

●نشك فى نقص الكالسيوم لما يظهر على الطفل اعراض نقصه زى التشنجات.

● نعمل تحليل كالسيوم:(Total and ionized )
ويكون قليل

● بندي كالسيوم لمده اسبوع قبل ما ادى حقنه ال devarol وبنكمل عليه بعديها لمدة شهر لعيانين لين العظام"

●الطفل الى مش بياخد كفايته من الكالسيوم فى اللبن 🥛 او الاكل وتحليل الكالسيوم طلع قليل .

●بندي كالسيوم لعيانين "الفشل الكلوى" و اللى عندهم البوتاسيوم زياده فى الدم hyperkalemia

☆طب ايه الاكل الغنى بالكالسيوم ؟؟

1•طبعا لبن الام
2• منتجات الالبان زى اللبن والجبنه والزبادى🧀.
3•البيض🥚.
4• الخضراوات والمكسرات والفاكهة

☆طب ايه اشهر الادويه اللى فيها كالسيوم 💊؟؟
*Osteocare
*Maxical
*Hi cal
* Calcimax
* pedical

☆ لو فى حاله إن الطفل لازم ياخد حديد مع الكالسيوم لازم يبقى كل واحد فى معاد مختلف ✋ يستحسن الكالسيوم يبقى بالليل بيبقى امتصاصه افضل والحديد بالنهار.

☆ لازم نوقف الكالسيوم مع السيفترياكسون❌ ولازم الدكتور يتاكد ان الطفل ما آخدش كالسيوم فى خلال 48 ساعه قبل ما يكتب السيفترياكسون.

قولنا مشكلتك ايه واحنا هنقولك الكالسيوم المناسب لحالتك..
للتواصل ابعت رسالة على واتس : 01226310014

17/11/2023

بيان صحفي تصريح صادر عن المديرة التنفيذية لليونيسف كاثرين راسل حول زيارتها لغزة 14 تشرين الثاني / نوفمبر 2023 UNICEF متوفر بـ:Englishالعربية غزة، 15 تشرين الثاني/نوفمبر 2023 – "ق...

17/11/2023