Psy Walaa Elsadany, أخصائية ولاء السعدني تخاطب وتنمية المهارات

18/11/2025

👶 ابنك مش شقي… هو بس محتاجك تفهميه!

مش كل طفل بيتنطط وبيتحرك كتير يبقى "متعب" أو "مايسمعش الكلام"!
في أطفال بتتعلم وتستكشف الدنيا بالحركة 👣✨

لكن لو الحركة الزيادة معاها:
🔸 تشتت كبير
🔸 صعوبة يركّز
🔸 يقاطع الكلام
🔸 مايكملش حاجة للآخر
يبقى محتاجي تبصي له بنظرة أعمق 👀

💡 دوري كأم إيه؟!
أفهم إن دي طاقته، وأساعده يفرّغها في أنشطة مفيدة، ألعاب ذكية، وتوجيه هادي ومحسوب.

ابنك مش ضدك… هو محتاجك تكوني جنبه 💛

للتواصل والاستفسار كلمينا
ت/01025821981-01032085385


#دولاءالسعدني

19/07/2024

📌 تنمية مهارات الأطفال ليها اهميه كبيرة منها:

⚜️ ﴿المهارات الحياتية والمعرفية﴾
ودي
🔸بتمكن طفلك يكون أكثر قدرة على التواصل اللفظي والتعبير عن نفسه.
🔸كمان بتساعده على مواجهة أي مشكلة بتقبله وازاي يتعامل معاها ويحلها ، من غير مايكون معتمد ع والديه أو أي شخص آخر .
🔸كمان بتخليه حابب أنه يتعلم اكتر ويكتشف البيئه المحيطه .
ودا بيجعله قادر على معرفة إمكاناته وقدراته والمجالات اللي ممكن ينجح فيها في المستقبل .

09/04/2024

كل عام أنتم في خير عيد فطر مبارك 😍🎉
أعاده الله علينا وعليكم بالخير واليُمن والبركات، وجعل أيامكم كلها سعادة 🎊🎈
نسأل الله أن يتقبل صيامنا وقيامنا وأن يعيده علينا وعليكم في صحة وسعادة.
🎉♥️

18/03/2024

علاج اللدغات في الحروف 😍
اللدغات :- 👅
هي اضطراب من اضطرابات الكلام واللي بتؤدي إلي صعوبة في نطق صوت أو بعض الأصوات أو إبدال صوت مكان آخر ، وهى نطق الأصوات (الحروف) بطريقه غير صحيحه ، واشهر الحروف حرف (س) ، (ر) .

👈أنواع اللدغات :-
لدغات أمامية خلفيه يعنى ينطق (ك) ، (ت) وينطق (ج) (د) وينطق (ق) (ت) .

👈ومن أشهر اللدغات سنية وأنواعها :-🤦♂
- اللدغة السينية الامامية وفيها (س) تنطق (ث).
- اللدغة السينية الجانبية وفيها (س) تنطق (ش).
- اللدغة السينية البلعومية وفيها (س) تنطق (خ).

👈وكمان من أشهر اللدغات الرائيه وأنواعها:-
- (ر) تنطق (ل).
- (ر) تنطق (ي).
- (ر) تنطق (غ).
- (ر) تنطق (و).

👈متى يبدأ علاج اللدغات ؟ ؟ ! 🤷♀
- كلما بدا علاج اللدغات فى سن مبكر كان أفضل لطفل من الناحية النفسية اطفل والأكاديمية لأن بعض الأطفال يكتب الحروف كما ينطقها.

👈هل اللدغه وراثيه ؟؟!
اللدغة ليست وراثية، ولكنها تعتبر بقايا التركيب الصوتي، والتعلم الخاطئ للصوت يعني لو الام أو الأب أو أحد المحيطين بالطفل عنده لدغه هيكتسبها الطفل عن طريق تقليد صوت خاطئ وهي تسمى لدغة وظيفية.

👈هل يتوقف العلاج عند عمر معين ؟👶
-لا طبعا فى أى وقت ممكن تصحيح اللدغات لا يتوقف عند عمر معين.
للحجز والاستفسار
📞01142120953 _01032085385

04/02/2024

✨❤️

🔊 #لكل أسرة بتحلم بمستقبل أفضل لابنائها (المحاضره دى ليكم)🫵💚
🔍لو بتلاحظى على ابنك أنه بيشاور على الحاجه ومش بيتكلم، لو عنده تهته أو حتى لدغة أو خنف، ومش عارفه تعملى اى🤷‍♀️يبقى مهم جدا تحضرى معانا المحاضرة دى😍👌
🔍 #هنتعرف خلال المحاضرة على:
👈معنى التخاطب.
👈هنتعرف على اضطراب الصوت.
👈اضطراب الكلام.
👈 اضطراب اللغة.
🔊كل دا مع الدكتورة:
〽️ولاء السعدنى
اخصائي تخاطب وتعديل سلوك بوزارة الشباب والرياضة

تفاصيل الورشه:
📅يوم: الاحد 4/2/2024
🕗الوقت:
الساعة 8م بتوقيت مصر 🇪🇬
الساعة 9م بتوقيت السعودية 🇸🇦
هيكون فى

لجميع المشاركين وفقا لتطبيق الشروط🤌
لحضور الورشه يوجد شرط بسيط
1-عمل منشن ل5 من الأصدقاء
2-عمل لايك و فولو للبيدج
3-مشاركة البوست على 5 جروبات

الورشه اونلاين على تطبيق زووم 📲

📲 *رابط الزووم أسفل الرسالة*
👇👇👇👇

📲 *رابط الزووم* :
Join Zoom Meeting
https://us02web.zoom.us/j/86974960445

Meeting ID: 869 7496 0445
---
*رجاء تفعيل المايك* عند فتح الزووم بالضغط علي أسفل اليسار رمز السماعة 🎧 واختيار اول اختيار للتمكن من سماع الورشة بشكل جيد

28/01/2024

إختبار الذكاء 🎲🧩
♦️تعالي أقولك ليه لازم تعملي اختبار ذكاء لإبنك؟!!
▫️علشان تعرفي تقدمي للمدرسة السنة الجاية ولا لأ
▫️علشان تعرفي محتاج تخاطب وتنمية مهارات ولا لأ
▫️علشان تعرفي هو ليه بينسى ومش بيعرف يحفظ
▫️علشان تعرفي عمره العقلي يفرق عن عمره الزمني بقد إيه؟!
▫️علشان تعرفي ليه ابني ذكي بس مش بيجيب درجات عاليه وتحصيله الدراسي ضعيف
▫️علشان تعرفي أدخله علمي ولا ادبي
📌أفضل وقت لاختبار الأطفال يكون بداية من عمر الأربع سنوات فيما فوق السن.
للحجز والاستفسار
ت/ 01142120953 - 01032085385

04/01/2024

ازاى أفرق بين شقاوة الطفل العاديه وفرط الحركه ؟

📌اولا أعراض فرط الحركه:-

🔹"الفرك" وده بيكون في صورة تخبيط الايد أو الرجل والفرك في الكرسي.
🔹عدم القدرة علي الجلوس في المدرسة او في اي مكان غريب.

🔹الجري الكتير في البيت وبرا البيت او تسلق الاشياء في كل مكان بداعي وبدون داعي

🔹عدم القدرة علي اللعب في صمت.

🔹كثرة الكلام والاندفاعية في الكلام.

🔹عدم القدرة علي الانتظار في دور يعني ميقدرش ينتظر دوره في اي لعبة مع اقرانه.

🔹بيجاوب علي اي سؤال بسرعة جدا حتي لو مش اجابه صحيحه

🔹بيقاطع الاخرين بشكل ملحوظ ومش بيسمح لحد غيره يتكلم.

📌 ثانيا اعراض تشتت الانتباه :-

🔹عدم القدرة علي التركيز علي التفاصيل وعمل اخطاء سهل تجنبها.

🔹عدم القدرة علي التركيز فترة كافية عشان يقدر يلعب مع اصحابه او يركز في المدرسة او في الواجبات المنزليه.

🔹التأخر الدراسى .

🔹عدم القدرة علي ترتيب وقته.

🔹دائما حاجته ضايعة منه زي كتبه او ادواته .

💥 اهم نقطة بقي ان لازم تكون الاعراض دى مجتمعه فى البيت والمدرسه والنادى لو بيمارس رياضه ،وتؤثر هذه الاعراض اكاديميًا و اجتماعيًا على الطفل في الوقت دا لازم الام تقلق وتزور اخصائي لمساعدة الطفل ووضع برنامج علاجي .

09/09/2023

اتشرفت بتكريم ✨🎉🎊
محافظ المنوفية/ اللواء ابراهيم أبو ليمون
ومدير جهاز تنمية المشروعات /ايهاب حجازي
✨♥️

26/08/2023

كتير من الأمهات بتسأل ازاي اخلي ابني يدافع عن نفسه؟

تعالي ياست الكل اقولك علي 9️⃣ حاجات تخلي ابنك يعرف يدافع عن نفسه 👌
لما يجي ابنك بيعيط وبقولك أن زميله ضربه في المدرسه او في اي مكان عايزاكي تعملي اللي هاقولك عليه :

📌سيبي ابنك يدافع عن نفسه وبلاش تقوليه ابعد عن اي حد يضربك ،لان المشاجرات دي جزء من الحياة فلازم ابنك يخوض التجربه دي ويعرف ازاي يدافع عن نفسه وتعليمه الطرق الصحيحه الي ياخد بيها حقه .

📌 علمي ابنك ازاي يعبر عن رأيه ويقول كل اللي بيحس بيه سواء مشاعر او افكار بدون خوف أو قلق.
📌 اوعي تخليه يتعود علي الاستسلام أو الضعف لمجرد أنه غير قادر علي أنه ياخد حقه ويتقبل ايذاء الآخرين له داخل اسرتك ؛لانه هايفكر أن دا الطبيعي وهايقبل الايذاء من خارج أسرته.
📌 دربي ابنك لما حد يضربه ان يرفع صوته ويأمر الشخص اللي بيضربه أن يتوقف ؛ لان دا غالبا هايخلي اللي بيضربه يخاف ويحس بقوته وأنه قادر ياخد حقه .
📌 وعشان تشجعي طفلك اكتر أنه ياخد حقه اعملو مشهد تمثيلي وهو ليقوم بدور الدافع عن نفسه ضد اللي اللي بيضربه ؛ عشان يتدرب ع أنه ياخد در فعل قوي ضد اي حد يأذيه .
📌ابني طفلك جسديا عشان يقدر يدافع عن نفسه لو حسيت أنه ضعيف جسديا ،اشتركله في نادي يتعلم الجودو أو الكاراتيه او غيرها من الرياضه القتاليه.

📌 احرصي انك تعلميه الفرق بين الضرب الهجومي والدفاعي ،وانصحيه إنه مايبدأش بالاعتداء مهما حدث.

📌 ساعدي ابنك علي أنه يتاخذ قراراته بنفسه ، ولا تختاري له كل شي زي لبسه او نوع طعامه اتركيه يختار ويتحمل قرارته.
📌 لا تلغي شخصيته بحجة أنك تعرفي مصلحته؛ فحتى لو أخطأ سيتعلم الصح ويتجنب الخطأ .



للتواصل يرجى الحجز أولا
ت / 01142120953 - 01032085385
العنوان / المنوفية - الشهداء -شارع بورسعيد - التأمينات الاجتماعية- شارع التلاجه - بجوار النساجون الشرقيون

22/06/2023

امهات كتير بتشتكي اني ولادها بيعملوا عكس اي حاجه تقولهم عليها
- ماتضربش اخوك ⬅️ يضربه
- ماضيعش ادواتك ⬅️ يضيعها
- متعليش صوتك ⬅️ يزعق
- ماتلعبش هنا خطر ⬅️ يلعب
وقيس ع كدا اي شئ اقولهوله يعمل عكس .
مهما قولت ما تعملش يعمل وكأنه بيعاندني وبيضايقني
بص ياست الكل ركزي معايا وهاوضحلك ليه بيحصل كل دا
احنا عندنا
- العقل الواعي: وهو اللي بتتكلم بيه وبتاخد قراراتك بيه
- العقل الباطن (اللاوعي): ودا بقي مخزن المشاعر والأفكار والمخاوف وهو دا اللي بيحركنا
🔗طبيعة العقل الباطن بتعنا مابعرفش الأوامر المنفيه (السلبية) ومش بيتعامل معاها وبيعتبرها أوامر ولازم تتنفذ
عشان كدا لو قولتي لطفلك ماتقلقش ؟؟؟
ع طول هايفكر في القلق وبعدين يجي يعكس دا ويفكر في الامان
هايلاقي العمليه دي صعبه عليه
أما
لو قولتليه عايزاك تطمن ..
ع طول هايفكر في الامان
يبقي ولادنا بيعملوا عكس اللي بنقولهم عليه ليييه ؟!!
عشان بنقولي دا بشكل غلط وبنحفز عقولهم ع الأوامر السلبيه
يبقي لازم تمنعي استخدام الأوامر المنفيه (السلبية) وتستخدمي الأوامر المثبتة زي
- اتكلم بهدوء
- حافظ ع العابك
- ألعبك مع اخوك بهدوء
كوني ايجابيه انتي تخاطبي العقل بطريقته لا بطريقتك
لما تتعاملي مع عقل اولادك باللي يفهمه هاتلاقي ولادك بيسمعوا كلامك