29/12/2024
الكحه وما أدرانا ما الكحه 🤦🏻♀️😭
عشر 🖐️🖐️علامات للخطورة مع الكحة:
لو عند طفلك اي علامه منهم لازم تكشفي عليه فورا
1️⃣صعوبة في التنفس. Respiratory Distress
2️⃣حدوث زرقة في الشفاة. Cyanosis
3️⃣تغير في درجة الوعي. DCL
4️⃣شكل الطفل شاحب مع حرارة عالية Toxic manifestation s
5️⃣صعوبة في دخول النفس واختناق بممرات الهواء العلوية Stridor.
6️⃣حدوث شرقة مفاجأة chocking spell.
7️⃣عدم زيادة الوزن FTT.
8️⃣وجود علامات سوء تغذية بالفحص مع الكحة المزمنة.
9️⃣وجود تضخم في عقلة الاصبع القصوى Clubbing.
🔟بالسماعة وجود إنخفاض في صوت دخول الهواء.
داخل جزء بالرئة diminished Air entry او سماع أصوات غريبة crepitations , Wheezes.
❤حجات مهمه تعرفيها عن الكحه
✅الكحه لو متقطعه كل ساعات او اكتر وما زادتش عن ٥ ايام ما تخوّفش
✅أشهر سبب للكحه في الاطفال هو
الرشح بسبب دور برد ودي غالبا بتقعد ٥ ايام الي اسبوع وتخف وعلاجها تنضيف الأنف بالنقط أو البخاخه أو محلول ملح واستخدام الشفاط اذا لزم الأمر
✅الكحه لو مستمره ومتكرره كل ساعه أو أقل او الطفل مش عارف ينام منها والرضاعه مش تمام أو لو عدي ٥ ايام وما خفتش كده لازم كشف وفحص فورا دي يا اما نزله شعبيه يا اما التهاب رئوي
✅ الكلام ده عن الاطفال اكبر من ٦ شهور انما اي طفل اقل من ٦ شهور لو بيكح لازم كشف فورا ما تستنيش
✅ علاج الكحه البسيطه تسليك الأنف وسوايل دافيه عليها ليمون ( ينسون _ حلبه _ كراويه _ شربه ) وادويه الكحه
✅علاج الكحه الجامده مش دواء كحه وشكرا لازم علاج اقوي ذي جلسات البخار والمضاد الحيوي وممكن حجز في المستشفي
✅ لو الكحه متكرره كل شهر أو أقل ومعاها رشح أو انسداد وشخير في الانف احتمال حساسيه انف أو لحميه علاج اللحميه عمليه بعد ٣ سنين و علاج حساسيه الأنف
✅ اما لو متكرره ومعاها تزييق في الصدر والطفل غالبا بيحتاج جلسات بخار عشان يرتاح كده الطفل ده عنده حساسيه صدر علاج حساسيه الصدر الوقائي
✅ الكحه لو استمرت اكتر من اسبوعين لازم نعمل اشعه علي الصدر لان كده احتمال التهاب رئوي
او شرقه بجسم غريب ذي قشرة لب او قشرة سوداني من ضمن اسباب الكحه المستمره علي فكره
✅ الاطفال اقل من ٦ شهور هتلاقي علي طول الأنف مسدوده لازم تسليك الأنف باستمرار ذي ما قلت
✅ التهاب الجيوب الانفية مشهور بارتفاع شديد فى الحرارة ورشح اكتر من ١٠ ايام وكحه وصداع شديد وبنلاقى مخاط فى سقف الحلق وبيحتاج مضاد حيوى
✅لو طفل بيكح والدكتور اداله دواء ترجيع ما تستغربيش لان من ضمن اسباب الكحه عند الاطفال ارتجاع المرئ
✅ ممنوع التدخين جنب الاطفال واي حد عنده برد ما يقربش جنب الاطفال خصوصا اللي اقل من ٦ شهور لان دور برد عن الكبار يقلب بالتهاب رئوي في الاطفال دي
✅احسن مذيب للبلغم عسل النحل مع الليمون علي كوبايه ينسون
✅مشهور مع دور البرد والتهاب الحلق نزلات معوية اسهال وعلاجة نعالج السبب نقفل الحنفية اللى فوق وياخد محلول جفاف
✅ لتقوية مناعة طفلك اهم حاجه النوم كويس والرضاعه الطبيعيه والتغذيه الصحية
✅ تطعيم الانفلونزا قبل كل شتا للأطفال أكبر من ٦ شهور
تطعيم المكور الرئوي عند ٢ و٤ و ٦ و ١٥ شهر من العمر
✅ الكورونا بتيجي في الاطفال بس مش كل طفل بيكح يبقي عنده كورونا
✅واخيرا خليكى عين دكتور الاطفال فى البيت تلاحظى اى تغير فى سلوك طفلك مش بيرضع كويس كحه نوعها ايه بتزيد امتى فى نهجان ولا لا فى اسهال ولا لا .. حاجة معينة لو اتعرض لها (مسبب حساسية) حصلت معاه اعراض معينة ( حساسية ) .. الام مصدر اساسى لترتيب دكتور الاطفال افكاره للتشخيص والعلاج.
