https://www.facebook.com/773616529166966/

Dr /Eman Refeat د.إيمان رفعت

Home
Egypt
El Shohada
Dr /Eman Refeat د.إيمان رفعت

Contact information, map and directions, contact form, opening hours, services, ratings, photos, videos and announcements from Dr /Eman Refeat د.إيمان رفعت, Health & Wellness Website, El Shohada.

Dr/Eman Refeat Clinical Nutritionist
🔹 د/ إيمان رفعت
أخصائية تغذية علاجية وأمراض السمنة والنحافة
وتغذية الرياضيين
🔹 تغذية الأطفال والحوامل والمرضعات
🔹 تغذية مرضى القلب والكبد والكلى وأمراض الجهاز الهضمي
🔹 متابعة التغذية بعد العمليات الجراحية

08/04/2026

👶🍽️ سلسلة التغذية الصحيحة لطفلك
📍 الجزء الثاني: بداية الأكل عند 6 شهور
طفلك تم 6 شهور؟ 👀
مبروك… دخلنا أهم مرحلة في تكوين علاقته بالأكل 💚
أول قاعدة مهمة 👇
🍼 الرضاعة (طبيعي أو صناعي) تفضل المصدر الأساسي للتغذية لحد عمر سنة.
الأكل هنا “تكميلي” مش بديل.
👀 إزاي تعرفي إن طفلك جاهز؟
✔️ يقعد بمساعدة
✔️ يتحكم في رقبته كويس
✔️ يفتح بقه لما يشوف الأكل
✔️ يبلع الأكل بدل ما يزقه بلسانه
🥄 نبدأ إزاي؟
• كميات صغيرة جدًا (2–3 ملاعق)
• مرة أو مرتين يوميًا
• قوام ناعم جدًا ومهروس كويس
🥣 نبدأ بإيه؟
🥕 خضار مهروس (كوسة – جزر – بطاطس)
🍎 فاكهة مهروسة (تفاح – كمثرى – موز)
⚠️ قواعد مهمة:
🔹 صنف واحد جديد كل 3 أيام
🔹 من غير ملح
🔹 من غير سكر
🔹 من غير عسل
🔹 القوام يكون آمن وناعم
💡 معلومة تطمنك:
طبيعي جدًا يرفض الأكل أول مرة…
الطفل ممكن يحتاج يجرب الأكل 8–10 مرات قبل ما يتقبله ❤️
الصبر هو السر.
📌 احفظي البوست عشان ترجعي له
📌 اكتبي في الكومنت: بدأتي أكل إيه الأول؟

07/04/2026

👶💚
سلسلة التغذية الصحيحة لطفلك
📍 من الولادة حتى 6 شهور
وفق التوصيات الغذائية للأطفال:
🍼 يُنصح بالرضاعة الطبيعية الحصرية أول 6 شهور.
وعند عدم توفرها → لبن صناعي مدعم بالحديد.
❗ لا يُنصح بإعطاء:
الماء أو الأعشاب أو أي أطعمة صلبة قبل 6 شهور.
💊 جميع الأطفال الذين يعتمدون على الرضاعة الطبيعية
(أو يتناولون أقل من 950 مل لبن صناعي يوميًا)
يحتاجون مكمل فيتامين د بجرعة 400 وحدة دولية يوميًا.
🔎 بعض الأطفال قد يحتاجون مكمل حديد حسب التقييم الطبي.
🧡 الرضاعة الطبيعية يمكن استمرارها حتى سنتين حسب رغبة الأم والطفل.
التغذية السليمة في هذه المرحلة = أساس المناعة والنمو الصحي طويل المدى.
الجزء القادم 👇
🍽️ بداية إدخال الطعام عند 6 شهور خطوة بخطوة.

06/04/2026

👶💚 لأن صحة طفلك تبدأ من أول لقمة…
بنقدملك سلسلة التغذية الصحيحة لطفلك من الولادة لـ 4 سنين 🌟
لو دايمًا بتسألي نفسك:
❓ أبدأ أكل إمتى؟
❓ أدخل إيه الأول؟
❓ أعمل إيه لو بيرفض الأكل؟
❓ إمتى أحول للبن كامل الدسم؟
❓ وإزاي أحميه من الحساسية؟
السلسلة دي هتكون دليلك خطوة بخطوة 👌
معلومات واضحة، بسيطة، وتقدري تطبقيها بسهولة في بيتك 💛
هنمشي مع بعض مرحلة مرحلة:
1️⃣ من الولادة لـ 6 شهور (الرضاعة والمكملات)
2️⃣ بداية الأكل عند 6 شهور
3️⃣ إدخال البروتين والحديد
4️⃣ إدخال الأطعمة المسببة للحساسية
5️⃣ من 9–12 شهر (تنويع القوام والوجبات)
6️⃣ بعد عمر سنة (التحول للبن كامل الدسم)
7️⃣ أخطاء شائعة لازم نتجنبها
8️⃣ إزاي نربي طفل بيحب الأكل الصحي
📌 احفظي البوست علشان ترجعي له
📌 اعملي متابعة للصفحة
📌 واكتبي في الكومنت عمر طفلك
واستني أول جزء 👶✨

03/04/2026

لسه مكملين سلسلة الكورتيزول 🔥
وقولنا قبل كده إيه علامات ارتفاعه…
طيب النهارده السؤال الأهم 👇
✨ إزاي نقلل الكورتيزول طبيعيًا من غير أدوية؟
1️⃣ ابدأي يومك صح
متشربيش قهوة على معدة فاضية ☕❌
الأفضل تاكلي حاجة فيها بروتين + دهون صحية (بيض – زبادي يوناني – مكسرات).
2️⃣ نظمي سكر الدم
وجبات متوازنة كل 3–4 ساعات
بروتين + ألياف + دهون صحية
عشان تمنعي تقلبات السكر اللي بترفع التوتر.
3️⃣ نامي بجد مش مجرد عدد ساعات 😴
اقفلي الموبايل قبل النوم بساعة
حاولي تنامي قبل 11
الظلام الكامل بيساعد جسمك يظبط هرموناته.
4️⃣ قللي الكافيين لو نومك متلخبط
مش لازم تمنعيه… بس بوعي.
5️⃣ دخّلي أكلات مهدئة للجهاز العصبي 🌿
خضار ورقي – أفوكادو – سمسم – شوفان – مغنيسيوم طبيعي من الأكل.
6️⃣ اتحركي… بس من غير إفراط
الرياضة العنيفة جدًا يوميًا ممكن تعلي الكورتيزول
المشي + تمارين مقاومة خفيفة أفضل لو جسمك مرهق.
التوازن الهرموني مش دايت مؤقت…
هو أسلوب حياة 💚
البوست الجاي هنتكلم عن
أخطاء يومية بتخلي الكورتيزول عالي وانتي مش واخدة بالك 👀
#الكورتيزول

02/04/2026

وحشتوووني 💚
بقالي فترة غايبة… بس رجعتلكم بمحتوى مهم جدًا 🔥
في حاجات بنحس بيها يوميًا وبنفتكرها عادية… توتر، إرهاق، نوم متقطع
لكن أحيانًا السبب بيكون ارتفاع هرمون الكورتيزول (هرمون التوتر) 👇
⚠️ علامات ممكن تكون إشارة إن الكورتيزول عالي:
▪️ رائحة الإبط قوية جدًا حتى مع الاهتمام بالنظافة
▪️ يا إمّا مش قادرة تدخلي الحمام… يا إمّا العكس تمامًا
▪️ تساقط شعر ملحوظ
▪️ إرهاق طول اليوم حتى بعد النوم
▪️ بتصحّي يوميًا بين الساعة 2 و4 الفجر
▪️ تجشؤ متكرر أو غازات وانتفاخ
▪️ زيادة وزن خصوصًا في البطن والوجه
▪️ قلق مستمر وإحساس إنك تحت ضغط طول الوقت
▪️ اشتهاء قوي للسكريات والكربوهيدرات
الكورتيزول مهم للجسم 👌
لكن لما يفضل عالي لفترة طويلة… بيبدأ يعمل خلل في الحرق، النوم، الهرمونات وحتى المناعة.
✨ ودي بداية سلسلة مهمة جدًا عن فهم إشارات جسمك وإزاي ترجعي التوازن لهرموناتك طبيعيًا.
تابعي البوستات الجاية عشان هنتكلم بالتفصيل
إزاي تحققي التوازن الهرموني بخطوات عملية وسهلة 💚

10/03/2026

🌙🔥 القولون العصبي في رمضان
"أنا بصوم اليوم كله… وأفطر 10 دقايق وأدخل في حرب مع بطني!"
انتفاخ ✔️
غازات ✔️
مغص وكركبة ✔️
لو ده بيحصلك بعد الفطار… فأنت غالبًا بتعاني من القولون العصبي في رمضان.
بس الخبر الحلو؟ الموضوع مش قدَر… الموضوع ليه نظام 👌
خليني أقولك الخطة اللي بتفرق فعلاً 👇
💥 أول غلطة: تفطر كأنك بتعوّض السنة كلها!
الصح؟
ابدأ بمية فاترة + شوربة خفيفة
واستنى 10 دقايق (روح صلي المغرب)… معدتك محتاجة تمهيد مش صدمة.
🚫 المقليات = قنبلة موقوتة
سمبوسك، بطاطس، قطايف مقلية… كلهم بيولعوا القولون.
لو نفسك فيهم؟ دخّلهم الفرن مش الزيت.
🧠 امضغ ببطء
الأكل السريع = هواء أكتر = انتفاخ أكتر.
🥣 السحور هو طوق النجاة
• زبادي أساسي (بكتيريا نافعة تهدي القولون).
• الفول؟ ينفع… بس مهروس ومن غير قشرة ومش كل يوم.
• كمون + شمر = أصدقاء القولون.
🌿 مشروبات بعد الفطار بساعة:
نعناع – ينسون – شمر
مش عصاير مليانة سكر.
🚶‍♂️ أهم سر محدش بيقولهولك؟
الحركة بعد الفطار بساعتين (تراويح أو مشي خفيف) بتحسن الهضم أكتر من أي دواء.
ولو عندك التهابات قولون مزمنة… الموضوع ليه تفاصيل مختلفة ومحتاج متابعة صح 👩🏼‍⚕️
✨ لو عايز تعرف:
إيه الأكل اللي "بيهيّج" القولون حتى لو شكله صحي؟
وإزاي ترتب وجبتك عشان تصوم من غير مغص؟
تابع الصفحة…
واكتبلي في الكومنت: أكتر حاجة بتتعب قولونك بعد الفطار إيه؟

05/03/2026

لو عندك تكيس مبايض…
رمضان فرصة ذهبية 💛
بس بشرط 👇
مش أي صيام = هرمونات مظبوطة
ومش كل أكل قليل = نزول وزن
السر مش في عدد الساعات…
السر في بتاكلي إيه لما تفطري وتسحري ✨
⚠️ لو كان فطارك عصاير وحلويات:
سكر الدم هيطلع فجأة ⬆️
والإنسولين هيقفز بسرعة
ونبدأ دايرة مقاومة الإنسولين من أولها 🔁
لكن 👇
✅ لو بدأتي فطارك ببروتين وخضار
السكر يطلع بهدوء
الإنسولين يفضل متزن
وجسمك يحرق بدل ما يخزن 💪
🌙 إفطارك المثالي:
بروتين + خضار + دهون صحية
والنشويات بذكاء… مش حرمان.
🌙 سحورك:
بروتين + ألياف
علشان السكر يفضل ثابت
وأقل سكر = أقل مقاومة أنسولين = أقل تخزين دهون.
لو محتارة تبدأي إزاي
أو عايزة نظام متظبط مخصوص على جسمك وتحاليلك 👩🏻‍⚕️✨
ابعتِلي رسالة وهظبط لك خطة تناسبك وتساعدك تخسي من غير حرمان 🤍

28/02/2026

🚫 أسرع دايت… ممكن يوصلك لأوضة العمليات!
الـ Very Low Calorie Diet
(أقل من 800 سعر حراري في اليوم)
بينزّل وزن بسرعة 👇
لكن في المقابل ممكن يرفع خطر تكوّن حصوات المرارة 😔
ليه؟
لأن النزول السريع: ⚡ يزوّد إفراز الكوليسترول في العصارة الصفراوية
⚡ يقلل تفريغ المرارة
⚡ يكوّن حصوات
📌 الدراسات بتوضح إن نسبة مش قليلة من اللي بينزلوا وزن بسرعة ممكن يكوّنوا حصوات خلال شهور قليلة.
يعني المشكلة مش في الدايت…
المشكلة في السرعة غير المحسوبة.
💚 التخسيس الصح: ✔️ نزول تدريجي 0.5–1 كجم أسبوعيًا
✔️ دهون صحية بكمية مناسبة
✔️ متابعة متخصصة
ما تخليش استعجالك يخليك تدفع الثمن من صحتك.
لو عايزة خطة آمنة تحافظ على وزنك ومرارتك 👩‍⚕️
اكتبي “أمان” في الكومنت ❤️

27/02/2026

🌙 الإمساك في رمضان… والحل الطبيعي قد يكون بسيط!
كتير في رمضان بيشتكوا من:
🔸 إمساك
🔸 انتفاخ
🔸 إحساس بعدم الراحة
وده بيحصل بسبب:
❌ قلة شرب المياه
❌ زيادة المقليات والحلويات
❌ قلة الخضار
❌ قلة الحركة
طيب نتصرف إزاي؟ 👇
💧 اشربي ٨–١٠ أكواب مياه بين الفطار والسحور
🥗 خلي طبق السلطة يومي وأساسي
🚶‍♀️ مشي خفيف 15–20 دقيقة بعد الفطار
🥣 اهتمي بسحور فيه بروتين + ألياف
🌿✨ وأهم بطل في الموضوع… القراصيا!
القراصيا غنية بـ:
✔ ألياف طبيعية بتحفّز حركة الأمعاء
✔ سوربيتول طبيعي بيساعد على تليين البراز
✔ مضادات أكسدة مفيدة للجسم
طريقة استخدامها:
🍑 انقعي 2–3 حبات قراصيا في كوب مياه من بعد الفطار لحد السحور
واشربي المياه وكليها على السحور 👌
⚠️ الكمية باعتدال علشان متسببش إسهال.
رمضان فرصة نرجّع انتظام جسمنا بشكل طبيعي وصحي 🤍🌙
#إمساك #قراصيا

21/02/2026

٥ أخطاء المعظم بيعملها في رمضان
اوعى تكون واحد منهم 👀

المشكلة مش إنك بتاكل…
المشكلة إزاي بتفطر!

❌ 1) تبدأ بقهوة / عصير / حلويات
بتكسر الصيام بسكر عالي → بعدها تجوع أسرع طول اليوم

❌ 2) تهاجم الأكل مرة واحدة
جسمك كان نايم ساعات طويلة… مش مستعد لصدمة أكل 😅

❌ 3) تفطر وتقعد
مفيش حركة = هضم أبطأ + تخزين أسرع للدهون

❌ 4) تنسى تشرب مية
فتحس إنك جعان… والحقيقة إنك عطشان

❌ 5) حلويات على معدة فاضية
أسهل طريق لزيادة الوزن في رمضان 🍰

💡 طب لو نفسك في حلويات؟
خد قبلها علبة زبادي أو كوب رايب
هيقلل سرعة وحدّة ارتفاع سكر الدم ويخليك تشبع أسرع

احفظ البوست عشان ترجعله وقت الفطار ✔️
وابعتُه لحد دايمًا بيقول: "أنا باكل قليل وبرضه بتخن" 😄

قولّي في الكومنت 👇
أكتر عادة بتقع فيها كل رمضان؟

17/02/2026

أول سحور بكرا 🌙
عايزة تصومي اليوم كله من غير جوع؟ 🥰

السحور الصح مش كمية أكل…
السحور الصح = مكونات متوازنة 💪

في 3 عناصر لازم يكونوا موجودين في سحورك:

🥚 أولاً: البروتين
هو سر الشبع الحقيقي…
بيخلّي المعدة تفضى ببطء ويحافظ على عضلات الجسم

أفضل مصادره:
✔ البيض (مشبع جداً وفيه دهون صحية)
✔ الزبادي أو الجبنة القريش (بروتين بطيء الامتصاص يخليكي شبعانة ساعات طويلة)
✔ التونة — لكن يفضل مش كل يوم

🍞 ثانياً: النشويات (لكن الصح منها)
إحنا محتاجين طاقة للصيام… لكن مش أي نشويات!

اختاري النشويات المعقدة
علشان بطيئة الامتصاص → سكر ثابت → جوع أقل

زي:
✔ الشوفان
✔ الحبوب الكاملة
✔ البطاطس أو البطاطا

🥗 ثالثاً: الألياف
أكتر حاجة بننساها… وهي اللي بتفرق فعلاً!

طبق سلطة فيه ورقيات:
✔ يساعد على الشبع لفترة أطول
✔ يمنع الهبوط
✔ يمد الجسم بفيتامينات ومعادن مهمة

💡 سحورك البسيط المتوازن يخلي صيامك أسهل بكتير…
وأغلب نوبات الجوع في رمضان سببها سحور غلط مش ضعف إرادة 😉

اكتبي "سحوري اتغير" لو ناوية تطبقيه من أول يوم

16/02/2026

⚠️ أخطر 10 دقائق في رمضان… هي اللي بتحدد هتخسي ولا تزيدي
أول ما المدفع يضرب 💥
الجسم بيكون داخل على 14 ساعة صيام
اللي أغلب الناس بتعمله:
تمر + عصير + شربة + سمبوسك + رز + حلو
في أقل من 5 دقايق!
والنتيجة؟
🚫 الجسم يدخل وضع التخزين
🚫 الأنسولين يضرب فجأة
🚫 دهون مش طاقة
🚫 خمول رهيب بعد الأكل
ليه ده بيحصل؟
لأن جسمك بعد الصيام مش محتاج كمية…
هو محتاج "إشارة أمان"
يعني تفطري صح… مش كتير
الطريقة الصح لأول 10 دقائق 👇
1️⃣ 2 تمر + ماء فقط
واستني 5–10 دقائق (سيبي المعدة تصحى)
2️⃣ شربة دافئة (مش كريمية)
3️⃣ بعدها ابدئي الأكل… بس بنظام "الطبق الواحد"
قسمي طبقك كده 🍽️
نص الطبق بروتين
(فراخ – لحمة – سمك – بيض)
النص التاني:
ربع نشويات (رز أو عيش أو مكرونة)
ربع سلطة أو خضار
هتلاقي نفسك شبعتي أسرع بنص الكمية 😳
الحركة الصغيرة دي بس:
✔ تقلل التخزين
✔ تقلل شراهة الأكل
✔ تساعد جسمك يحرق الدهون بدل ما يخزنها
جربيها أول يوم رمضان…
وهرجع اسألك حصل إيه 😉
اكتبي "هجرب" لو ناوية تغيري طريقتك السنة دي 🌙

Address

El Shohada

Website

facebook.com

Alerts

Be the first to know and let us send you an email when Dr /Eman Refeat د.إيمان رفعت posts news and promotions. Your email address will not be used for any other purpose, and you can unsubscribe at any time.

Shortcuts

Want your practice to be the top-listed Clinic in El Shohada?