18/09/2025
هي الحامل ينفع تدخل عمليات وتاخد بنج عادي ؟
لا مش دا العادي ..لكن في الحالات الخطيـ..يرة لازم نتدخل بحرص شديد حفاظًا على صحة الجنين والأم
"في بداية الشهر جاتلنا في العيادة شابة في العشرينات وحامل في الشهر السادس وكانت مرهقة جدًا:
الم حاد بالبطن غير مستجيب للعلاج
ترجيع مستمر
📈 ارتفاع في وظائف الكبد وكرات الدم البيضاء
الأعراض كانت واضحة… لكن الخطورة إنها ممكن تتلخبط مع مشاكل الحمل العادية.
بعد الفحوصات اتضح إن السبب مش الحمل… السبب كان التهاب حصوي حاد في المرارة، ومكنش فيه أي استجابة للعلاج التحفظي.
وهنا كان لازم القرار يتاخد بسرعه
✔️ جهزنا المريضة فورًا للمنظار
✔️ عملنا استئصال للمرارة بالمنظار
✔️ وخرجت الحمد لله بصحة جيدة ومعاها جنين سليم
مش كل وجع بطن في الحمل "عادي" أو "هيروح مع الوقت".
أحيانًا الوجع هو إنذار لمشكلة خطيرة.
ونصيحتي لاي ست عندها مشاكل في المرارة او حصوات ومخططة للحمل.. ياريت تعمل العملية قبل الحمل لزيادة الأمان 🙏🏻
شارك المعلومة مع غيرك وربنا يقدرنا جميعا ويشفي عن الجميع🙏🏻♥️
