What are the opening hours?

Monday 1pm - 3pm 7pm - 10pm Tuesday 1pm - 3pm 7pm - 10pm Wednesday 1pm - 3pm 7pm - 10pm Thursday 1pm - 3pm 7pm - 10pm Saturday 1pm - 3pm 7pm - 10pm Sunday 1pm - 3pm 6pm - 10pm

https://www.facebook.com/107037138670966/

Nilly Pediatric Clinic-عيادة الأطفال و حديثي الولادة د/ نيللي عبدالمعطي, احمد عرابي, Esna (2025)

21/08/2025

📌📌 عشان الموضوع ده مهم الرضاعة الطبيعية مش عذاب لأم ولا حرمان ليها من علاج
📌📌ولا مرض الأم سبب لحرمان الطفل من الرضاعة

2️⃣المضاد الحيوي ما بيقللش اللبن
2️⃣أثناء الرضاعة لو تعبانة خدي علاج برد وعلاج سخونية وعلاج إسهال عادي وعلاج جرثومه ومراره عادي جدا ما تخافيش

3️⃣لو انت عيانه ماتوقفيش الرضاعة وإلبسي كمامة وإنتي بتتعاملي مع طفلك لان نفسك هو اللي ممكن يعديه مش لبنك

19/08/2025

لو إبنى وقع من السرير على دماغه لا قدر الله الحقه إزاى؟! 🤷‍♀️ امتى احتاج انزل طوارئ❓️ و امتى الاحظه فى البيت؟ و ألاحظ إيه❓️

⛔ وقوع الطفل من السرير دى حادثة متكررة جدا، خدوا بالكم

🤷‍♀️ حتعملى ايه❓️

✅ بهدوء....قبل ما تشيليه بصى على اطرافه الاربعة...اتطمنى انهم بيتحركوا و كويسين...علشان لو لا قدر الله فيه طرف إتكسر...ممنوع نلمسه خالص

✅ لو الطفل لا قدر الله مش عارف ياخد نفسه او غايب عن الوعى او عنده تشنجات....ممنوع تشربيه اى حاجه...و اجرى ع الطوارئ...🏃‍♀️🏃‍♀️.

🛑🛑 اتحركى للطوارئ لو حصل الآتى 👇👇

1️⃣ قىء متكرر....او قىء مرة واحده بس اندفاعى..

يعنى ايه ترجيع اندفاعى؟ يعنى بيرجع كمية كبيرة مرة واحدخ زى النافورة كده لقدام..

2️⃣ لو فيه افرازات من الاذن او افرازات بيضا او حمراء من الأنف، او نزيف فى الأنف

3️⃣ حسسى على راسه بايدك بالراحه...لو فيه اى حتى مكلكعه او وارمه، انزلى الطوارئ خصوصا لو سنه صغير

4️⃣ لو فيه ورم حوالين العين

5️⃣ لو الطفل سنه اصغر من ٦ شهور، الراس بتكون طرية و ضعيفة...لازم تنزليه الطوارئ يتطمنوا عليه

⛔ لو مفيش اى علامة من دول، حتتابعيه فى البيت لمدة ٤٨ ساعة، و تتأكدى ان مفيش علامه من دول👇👇👇👇👇👇

1️⃣ نوم كتييير جدا

2️⃣ رافض الرضاعة او الاكل

3️⃣ مقريف جدا و مووووده وحش

4️⃣ بكاء شديد....اتطمنى ان جسمه مش واجعه....تممى ان مفيش اى كدمات و زرقان

5️⃣ ترجيع

6️⃣ صعوبات تنفس

اى علامة مقلقة او غير معتادة انزلى الطوارئ

⛔ بننزل الطوارئ...مش بننتظر لما عيادة الدكتور تفتح تاني يوم....الساعة بتفرق فى انقاذ الطفل

⛔ الوقاية بقى أرجوكم....قبل ما الحادثة تحصل اساسا....و ما تقوليش مش حتحصل....الاحتياط واجب 🤔تعملي ايه❓️❓️

✅ الطفل بينام فى سريره

✅ لو مفيش سرير اطفال، افرشى بطانية او لحاف فوق سجادة على الارض و حطيه

✅ اتأكدى انه بعيد عن اخواته الكبار، مهما كانوا دول اطفال مش فاهمين

✅ لو حتحطيه على السرير، المخدات مش كفاية....بيزقوها و بيقعوا....خلى دايما جنب السرير سجادة تخينه مش سيراميك او رخام

✅ فيه اطفال بتتقلب بدرى جدا.....حطيه فى الكاريكوت لو عندك..او علي الأرض..

✅ سيبى الطفل فى المرجيحة بتاعته لو عندك....و اريطى الحزام ما تطنشيش

✅ لو فارشاله فى الارض بيلعب، حطى دايما مخدة ورا راسه....مخدة الرضاعة بتنفع فى الظروف دى

✅ لو الطفل فى الكارسيت، اتأكدى انه عمل lock صح وانها مش حتتحرك بيه

17/08/2025

🤔🤔
أفضل طريقة لخفض الحرارة هي تبريد الأماكن اللي فيها شرايين كبيرة قريبة من الجلد، زي:
تحت الإبط
بين الفخذين
على الرقبة (من الجانبين)

الأماكن دي بتسرّع من خفض الحرارة لأن الدم اللي بيمر فيها بيتبرّد بشكل أسرع.

الجبين؟ تأثيره ضعيف جدًا ومش فعّال!

🛑🛑 استخدم كمادات مبلولة بماء فاتر (مش مثلج)، واستنى على الأقل 15 دقيقة وشوف التحسّن.

17/08/2025

👇👇1️⃣الطفل بيرفع رأسه لفوق عند عمر شهرين
2️⃣ يقدر يقلب نفسه علي الجنب او من الظهر للبطن من عمر ٦ شهور
3️⃣يقعد مسنود من عمر ٦ شهور ل ٨ شهور
3️⃣ يقعد بدون مسانده او مساعده عند عمر ٨ شهور
4️⃣ يبدأ يزحف من عمر ٩ شهور ل ١١ شهر
5️⃣يبدأ يقف مسنود من ١١ شهر ل سنه وشهر
6️⃣ يبدأ ياخد خطوات مسنوده من عمر سنه وشهر ل سنه واربع شهور
7️⃣ يمشي لوحده بعد سنه واربع شهور ل سنه و ٦ شهور
----------------
🔹 بعض الأطفال عندها القدره انها تقوم بأي تطور نموي بدري شويه وده وارد جدا يعتمد علي الطفل وكفائته والنمو الطبيعي والحركي لجسمه ♥️

⛔️الطفل يعتبر متأخر لو وصل ل سنه واربع شهور ولسه مكنش وقف

16/08/2025

ليه نحتاج الاستشاري الدولي في الرضاعة الطبيعية ❓️
(IBCLC - International Board Certified Lactation Consultant)

👩‍⚕️ الاستشاري الدولي في الرضاعة الطبيعية هو داعم متخصص للأمهات في رحلة الرضاعة، من أول لحظة بعد الولادة وحتى الفطام. دعمه لا يقدّر بثمن! 💖

🎯 🌟 أهميته بالنسبة للأمهات:

🔹 1. دعم عملي في بداية الرضاعة:
يساعدك على وضع طفلك بشكل صحيح على الثدي ، ويصحّح أي مشكلة في الالتقام أو الوضعية.

🔹 2. حل المشكلات الشائعة:
مثل تشققات الحلمة 💢، احتقان الثدي، قلة أو زيادة الحليب، ورفض الطفل للثدي.

🔹 3. دعم الصحة النفسية:
يخفف القلق والتوتر 🤱، ويمنحك الثقة في قدراتك كأم 💪.

🔹 4. تشجيع الاستمرار في الرضاعة:
يقدم حلولًا عملية للأمهات العاملات 👩‍💼 أو اللواتي يرضعن توائم 👶👶.

🔹 5. التثقيف والتوعية:
يصحّح المفاهيم الخاطئة ويزوّدك بمعلومات موثوقة 🧠.

💡 متى تحتاجين استشاري رضاعة؟

✅ إذا شعرتِ بصعوبة في الرضاعة
✅ إذا لم يزد وزن طفلك بشكل كافٍ
✅ إذا كنتِ تعانين من ألم أو تشققات
✅ إذا كان لديكِ توأم أو طفل خديج
✅ إذا عدتِ للعمل وتريدين الاستمرار بالرضاعة

🌼 رحلة الرضاعة أسهل وأجمل مع دعم المتخصصين!
لا تترددي في طلب المساعدة 💞

16/08/2025

🌞 حافظوا على أطفالكم
خلى بالك الجو الأيام القادمة صعب شوية مش لازم خروج بالنهار لو مفيش ضرورة
💥💥نخاف من أشعة الشمس المباشرة

📌 ارتفاع شديد في درجات الحرارة خلال الأيام دي، وده بيزود خطر إصابة الأطفال بضربة شمس أو جفاف🥵🥵.

🤚🤚إزاي نحمي أطفالنا👶👶❓️

1️⃣ تجنب الخروج وقت الذروة (من 11 صباحًا لحد 4 عصرًا).🕰🕰

2️⃣ قدم لطفلك سوائل كفاية طول اليوم، حتى لو مش عطشان🍹🍷🥤🥛

3️⃣ لو لازم يخرج، يلبس قبعة واسعة ويحط كريم واقي شمس مناسب للأطفال.👒🎩

4️⃣ ملابس قطنية، فاتحة اللون، وخفيفة.👚👕

5️⃣ خلي مكان الطفل جيد التهوية أو مكيف.

6️⃣ ممنوع تسيب الطفل في العربية حتى لدقائق.⛔️

🔊🔊🔊🔊انتبه للأعراض الخطر:

1️⃣عطش شديد أو جفاف الفم.🥵🥵

2️⃣خمول أو دوخة.🤕🤕

3️⃣حرارة مرتفعة أو احمرار شديد في الجلد.🤒🤒
📌📌لو حصلت، توجه فورًا لأقرب مستشفى أو طبيب.

15/08/2025

بلاش نصدق او نردد انه اول 3 أيام مفيش لبن لسة منزلش اللبن

14/08/2025

👌🌟 الفيتامينات للامهات المرضعات مهمة جدا بس لو ظروفك على القد ومش قادرة تشترى فيتامينات مع الرضاعه ، ما تقلقيش خالص..... فيه حلول طبعا 👇

1️⃣ هنعوض العناصر الغذائية المهمه بأكلات رخيصه و متوفرة....و على فكره ده طبيا احسن من انك تاخدى فيتامين....الأكل اهم حاجه
✅ الحديد :
🎯 هتعملى شفشق عصير بنجر مع برتقال و تشربى كل يوم
🎯 البرتقال حيرفع امتصاص الحديد اللي في البنجر

✅ فيتامين أ مهم اوى، علشان شعرك خصوصا
🎯كل يوم هتاكلى جزراية او ثمرة بطاطا.

✅ فيتامين سى حيرفع مناعتك انتى و البيبى
🎯 حتجيبى فلفل احمر وقت تخزينه، بيبقى سعره حلو، و اعمليه دقه من غير اى ملح و قللى التوم، و خليها دايما مع اكلك....الفلفل الاحمر فيه فيتامين سى جباااار
🎯 ممكن برتقال ويوسفى و جوافه و ليمون حسب المتوفر

2️⃣ على قد ميزانيتك، حنختار اهم اقراص نبدأ بيها....مش لازم ناخد كل حاجه....و مش لازم نشترى بالعلبه

💎💎 اول فلوس هتجيلك، خليها للحديد....لو كان عندك انيميا قبل الولاده....دى الاوليه اللى حتفرق فى صحتك و نشاطك و شعرك و كل حاجه....
✅ هتشترى شريط حديد من الصيدليه، ارخص نوع عادى...هيجيب فايده 😉
✅ شريط واحد و نكرره لما الدنيا تظبط...المهم نبدأ

💎💎 الاولوية بعد كده لفيتامين د....و الحمد لله فيدروب رخيص، و تقدرى تاخدى قطارة يوميا وخديه لما تدي لابنك عشان متنسيش
( ابنك ٤ نقط وانتي قطارة كاملة يوميا )
✅ و كلى صفار البيض، هيرفع لك فيتامين د

💎💎 بعد كده اوميجا ٣ مهم جدا وبينزل للطفل في اللبن ومهم أنه بيرفع مناعته ويزود ذكاءه
✅ ممكن تأكلي كل اسبوع مرة أو مرتين سمك خصوصا السردين والسلمون والماكريل مليانيين بالاوميجا ٣
✅ زيت الزيتون دخليه في أكلك غني بالاوميجا ٣
✅ كلي مكسرات ومش لازم مكسرات غالية ، الفول السوداني كويس جدا

💎💎 الكالسيوم مش لازم تاخدي اقراص الا لو عملتي تحليل وكان فيه عندك نقص كالسيوم إنما هو مش روتين لازم تاخديه
والاحسن تاخديه من الاكل
✅ كل يوم خدي حتة جبته قريش فى رغيف مع عودين جرجير......هتعلى نسبه الكالسيوم فى لبنك جدا بس داومى عليها
✅ كلي زبادي او اشربي كوباية لبن يوميا بس بلاش شاي بلبن أو كاكاو بلبن عشان تستفيدي اكبر فايدة من اللبن

3️⃣ المياه ثم المياه مهمة جدااااا وحاولي تشربي على الأقل ٣ ل ٤ لتر يوميا

4️⃣ لو محتاجة مدرات لبن مش لازم تجيبي الغالية ..ممكن تاخدي مدرات لبن طبيعية زي الحلبة والشمر والشوفان والتمر

5️⃣ مش مهم تاكلى كتير....المهم تاكلى بذكاء....ما عندكيش لحمه و فراخ....اعملى حمص الشام و شوربة عدس و فول ع الفطار... اعملى قرع و كليه....حطى باذنجان فى الفرن.

6️⃣ نفسيتك مهمة جدااااااا وملكيش دعوة بكلام حد ... واي حد بيضايقك اعتزليه

👌 واخييييرا بدل ما تدفعي فى اللبن الصناعى... صلحي مشكلة الرضاعة اللي عندك وروحي لأقرب استشارية رضاعة طبيعية ليكي عشان تساعدك تحليها صح بدل ما تبهدلي نفسك وابنك فترات طويلة واهتمي بصحتك ونفسيتك كويس..

13/08/2025

ليه ترضعي طببعي ❓️❓️
ليه اول ساعة مهمة في الرضاعة❓️❓️
👇👇👇👇👇👇👇

12/08/2025

❓️❓️🤱

في أول شهور الولادة، كل أم بتسأل: "هو شبع؟ هو كده كفاية؟"

🛑 أهم علامات الشبع عند حديثي الولادة:🚼🚼

1️⃣ الوزن بيزيد؟ تمام كده!⚖️⚖️
لو وزن البيبي بيزيد كل أسبوع بشكل طبيعي، ده دليل قوي إنه بياخد كفايته من الرضاعة. تابعي وزنه شهريًا حسب جدول الوزن الطبيعي.

2️⃣عدد مرات التبرز مهمة جدًا🚽🚽
في أول ٥ أيام: بيتبرز مرة أو مرتين يوميًا.
بعد كده: من ٤ لـ ٥ مرات في اليوم، وده معناه إن الحليب كافي لجسمه.

3️⃣ الحفاضات المبلولة بتقول كل حاجة
الطفل الشبعان بيبلل من ٦ لـ ٨ حفاضات في اليوم، وممكن كمان يبلل الحفاضة بعد كل رضعة. وده طبيعي جدًا.

4️⃣ البلع الهادئ دليل شبع
في الأول هتلاقيه بيرضع بسرعة، لكن لو بدأ يبطأ في المص والبلع، يبقى خلاص بيشبع ومرتاح.

5️⃣الطفل النشيط = طفل شبعان
البيبي اللي بيتغذى كويس، بيبقى نشيط، بيحرك إيديه، بيتابعك بعنيه، وده معناه إن جسمه واخد اللي محتاجه.
6️⃣ المزاج المرتاح
لو لقيتيه بيضحك، هادي، مرتاح بعد الرضاعة، فده معناه إنه شبع. لكن لو بكى وتوتر يبقى لسه محتاج ياكل.

7️⃣ النوم العميق😴😴
لو نام أكتر من ساعتين متواصل مرة على الأقل في اليوم، فده معناه إن اللبن مكفيه. لكن النوم المتقطع ممكن يكون علامة إنه مش شبعان.

🛑 علامات ظريفة بتقولك: "أنا شبعان خلاص"👇👇

1️⃣يبعد وشه عن صدرك أو يلف دماغه بعيد.

2️⃣ينام بعد الرضعة على طول.

3️⃣ صوته في البلع يقل ويهدى.

4️⃣يبطل يرضع ويخرج الثدي من بُقه.

5️⃣ يبتسم أو يضحك بعد ما يخلص رضاعته 😊

📌📌لو بتلاحظي العلامات دي على ابنك، فمبروك يا مامي! ابنك شبعان ومرتاح ❤️
ولو لأ، راجعي نظام الرضاعة أو استشيري استشاري رضاعة طبيعية

11/08/2025

تأسيس مستقبل صحي يبدأ من اللحظة الأولى.

الرضاعة الطبيعية هي أكثر من مجرد إطعام، إنها بناء جسر من الأمان والحنان بينك وبين طفلك.

الرضاعة الطبيعية هى التى تمنح طفلك كل ما يحتاجه من فيتامينات، معادن، وأجسام مضادة تقوّي مناعته وتحميه من العدوى.

اهتمي بصحتكِ لتمنحي طفلكِ أفضل بداية ممكنة.

📌📌د.نيللي عبدالمعطي أبوبكر
📌📌استشاري دولي رضاعه طبيعيه
للتواصل فون01005393447

11/08/2025

#التسنين 🦷🦷
مش بيرفع حرارة الأطفال قوي 🤒
✅️يعني ممكن تعلى ل ٣٨ او ٣٨ ونص كده
❌️إنما لو الحرارة ٣٩ او ٤٠ ده مش من التسنين

#التسنين🦷🦷
مش بيعمل إسهال للأطفال 🥵
✅️ممكن الستول ( البراز ) يكون سايب شوية
❌️إنما يعمل ٦ او ٧ مرات براز في اليوم دي ممكن تكون نزلة معوية انما مش تسنينن

📌📌عشان كده خدي بالك 🤚🤚
#التسنين كبيره يخلي الطفل
1️⃣ مقريف
2️⃣ بيريل كتير
3️⃣بيشد ودانه
4️⃣بيحط ايده في بقه
5️⃣ بيمسك صباعك او اي حاجة ويعض عليها
👆👆إنما لو فيه حرارة عالية او اسهال شديد فلازم تراجعي الدكتور

اعراض التسنين ممكن تبدأ من ٣ شهور بس السنة تطلع على ٦ شهور 👶 فما تقلقيش

ولو عايزة تعرفي

Nilly Pediatric Clinic-عيادة الأطفال و حديثي الولادة د/ نيللي عبدالمعطي

21/08/2025

19/08/2025

17/08/2025

17/08/2025

16/08/2025

16/08/2025

15/08/2025

14/08/2025

13/08/2025

12/08/2025

11/08/2025

11/08/2025

Address

Opening Hours

Telephone

Website

Alerts

Shortcuts

Share

Category

Monday	1pm - 3pm
	7pm - 10pm
Tuesday	1pm - 3pm
	7pm - 10pm
Wednesday	1pm - 3pm
	7pm - 10pm
Thursday	1pm - 3pm
	7pm - 10pm
Saturday	1pm - 3pm
	7pm - 10pm
Sunday	1pm - 3pm
	6pm - 10pm