Dr. Tawfik pharmacy صيدليه دكتور توفيق

10/04/2023

السمنه تعتبر من اخطر الامراض لانها لا تقتصر فقط علي المظهر الخارجي للانسان فقد تسبب له الاكتئاب و نقص الثقه بالنفس و خاصه الاطفال و ايضا تؤدي الي امراض مزمنه مثل السكر و امراض القلب وخشونه المفاصل والعديد من الامراض الاخري و يوجد اسباب عديده للسمنه كالعوامل الوراثيه و قله الحركه و عدم ممارسه الرياضه و النظام الغذائي غير الصحيح و لذلك علينا الاهتمام بالرياضه و الغذاء الصحي لكي نحافظ علي صحه اجسادنا و صحه اولادنا لان العقل السليم في الجسم السليم

26/01/2023

استخدام المياة كتير يؤدي لجفافها و خاصة في فصل الشتاء
لذلك يفضل الاهتمام بترطيب اليدين وتجنب استخدام المناديل المبللة لأنها ممكن تساعد في ظهور اكزيما باليدين واستخدام كريم مرطب لليدين

We wash our hands often which can lead to dryness
And to keep your hands moisturized, avoid using wipes, as they can contain preservatives that trigger hand eczema, and apply a rich layer of hand cream

Tax #: 237-814-145

20/09/2022

فيتامين B1 واحد من ثمانيه فيتامينات للمجموعه فيتامين B اللي اتكلمنا عنه post اللي فات فيتامين B1 الجسم لا يستطيع انتاجه بمفرده لذلك يجب الحصول عليه من خلال الاطعمه الغنيه بفيتامين B1 و منها الدواجن و المكسرات و البقوليات و يعد هذا الفيتامين ماده مغذيه تحتاجها جميع انسجه الجسم لانه يعزز انتاج الطاقه و ذلك لاهميته في عمل الانزيمات الضروريه لاكسده السكر , يحمي الاعصاب, يحسن اداء القلب , يمنع حدوث اعتام لعدسه العين او يؤخر ظهوره , يحسن الذاكره , الوقايه من فقر الدم و يعتبر نقص هذا الفيتامين في الجسم نادر ولا يشكل مشكله لدي معظم الاشخاص لانه متوفر في العديد من الاغذيه و لكن من يفرطون في تناول الكحول قد يعانون من نقص في فيتامين B1

17/09/2022

فيتامين B
يتكون فيتامين B من 8 عناصر غذائيه اساسيه للحفاظ علي صحه الخلايا و نشاط الجسم يجب تناول فيتامين B بانتظام لان الجسم لا يخزنها لفترات طويله و مجموعه فيتامينات B ضروريه لعمليات التمثيل الغذائي بالاضافه الي دورها الاساسي للحفاظ علي صحه الاعصاب و هناك انواع مختلفه من فيتامين B و تم جمعها في مجموعه واحده نظرا الي التشابه في الخصائص و الوظائف الرئيسيه لها و لكن علي الرغم من عمل فيتامينات B معا في الجسم الا ان كل نوع يمتاز بوظائف فريده و هم ( B1, B2, B3, B4, B5, B6, B7, B9, B12)

10/09/2022

الفيتامينات الجسم بيحتاجها بكميات محدده للقيام بالعديد من الوظائف الحيويه
دلوقتي هنتكلم عن فيتامين A:
يلعب فيتامين A دورا كبيرا في العديد من الامور فهو مهم للنمو و يساهم في تحسين النظر و تعزيز صحه الجهاز المناعي و يعتبر مضاد اكسده قوي جدا و الذي يساعد في الحفاظ علي و ظائف كل من القلب و الرئتين و الكلي
نحصل علي فيتامين A طبيعيا من اللحوم و الاسماك و منتجات الالبان و ايضا الفواكه والخضراوات
نقص مستواياته في الدم يسبب ارتفاع خطر العدوي و تاخر النمو في الاطفال و جفاف البشره
و ايضا اذا زادت جرعه فيتامين A عن الجرعه المحدده قد يحدث تغييرات في البشره و الم و ترقق العظام و الغثيان و الدوار والصداع و ايضا مشاكل في الكبد

09/08/2022

23/07/2022

العنايه بالشعر في فصل الصيف يحتاج الي جهد اكثر من الفصول الاخري بسبب الجفاف الشديد الذي يتعرض له الشعر بسبب الحراره والرطوبه و ايضا تاثير الشمس و ماء البحر
طيب ايه الطريقه اللي تخلينا نعرف نحافظ عليه ؟
١- شرب الكثير من الماء و تناول الفاكهه وخصوصا البطيخ
٢- يفضل قص الشعر في فصل الصيف للتخلص من الاطراف التالفه و المقصفه
٣- استخدام شامبو و بلسم مرطبين
٤- تجنب تعرض الشعر للحراره الناتجه عن مكواه الشعر قدر الامكان في فصل الصيف
٥- يفضل ارتداء قبعه للحفاظ علي الشعر من التعرض لاشعه الشمس المباشره

08/07/2022

عيد سعيد و كل عام و انتم بخير 😍♥️

03/07/2022

طبعا زي ماكلنا عارفين ان الجسم بيحتاج طاقه عشان يعرف يمارس كل الانشطه اليوميه طيب الطاقه دي بيجبها منين؟؟
الطاقه دي بتيجي لما الدم بيمشي في الجسم و هوه شايل الجلوكوز اللي بييجي من الاكل اللي احنا بناكله
في الشخص السليم الجلوكوز ده بيتحكم فيه شويه هرمونات زي الانسولين اللي بييجي من البنكرياس
طيب بنحتاج ليه الانسولين ده؟؟؟
علشان الانسولين بيسمح للجلوكوز انه يدخل في الخلايا بتاعه الجسم ليوفر له الطاقه.
اما مرض السكري فيوجد له نوعين:
النوع الاول:مرضي هذا النوع لا ينتجون ما يكفى من الانسولين.
النوع الثاني:مرضي هذا النوع ينتجون الانسولين لكن لا تستطيع اجسامهم استخدام الانسولين بشكل صحيح.
ايه اللي بيحصل بقي في مرض السكري؟؟
الجلوكوز مش بيعرف يتحرك في الدم بكفاءه للخلاياعشان يمدها بالطاقه فعشان كده الجلوكوز نسبته بتفضل عاليه فى الدم

27/06/2022

‎مؤشر كتلة الجسم Body Mass Index

‎هو أحد القياسات العالمية لتحديد طبيعة الوزن، وهو عبارة عن حساب الوزن بالكيلوجرامات مقسوما على الطول بالمتر المربع

‎فعلى سبيل المثال يكون وزنك 65 كيلوجرام، وطولك 164 سم، فتقوم بحسابها (65÷1,64)، والناتج عنهما يعبر عن محاولة لتحديد كمية كتلة النسيج (من العضلات والدهون والعظام) في الجسم، ويتم تحديد وضع الجسم بناءا على هذه النتيجه

وزن طبيعي 18.5-24.9

‎ زيادة في الوزن 25-29.9

‎ سمنة خفيفة 30-34.9

‎ سمنة متوسطة 35-39.9

‎ سمنة مفرطة 40 واكثر

‎أشخاص الذين لديهم مؤشر عالي جدا أو منخفض جدا هم الأكثر عرضة للمخاطر الصحية

23/06/2022

Body scrub
بيعمل تقشير للجسم من غير اي كيماويات لانه طبيعي 100 % وده لانه بيتكون من سكر و و زيت جوز الهند و زيت اللوز الحلو و فيتامين e وفيتامين c و بتلات الورد
و بيستخدم في ازاله الجلد الميت و بيقلل من المناطق
الغامقه و بيقلل من stretch marks و بيغذي البشره

22/06/2022

Body butter
ده طبيعي 100% و ده علشان بيتكون من زبده الشيا و زبده الكاكو و زيت جوز الهند و زيت اللوز الحلو و شمع النحل
استخداماته:
يرطب البشره و ينعمها
يقلل التجاعيد و المناطق الغامقه
يقلل من stretch marks
بيعمل طبقه علي البشره لحمايتها

19/06/2022

دلوقتي هنتكلم علي l’oreal paris Elvive extraordinary oil مناسب لجميع انواع الشعر جربوه مش هتندموا 😉😉 و ده لانه بيتكون من 6 زيوت للشعر و بيمنح الشعر التغذيه و الترطيب الازم و خصوصا في فصل الصيف
خلاصه زيت الكاموميل بيقوي الشعر من الجذور و حتي الاطراف
زيت جوز الهند بيعمل علي ترطيب الشعر بشكل عميق و كمان بيقلل الهيشان بشكل كبير
خلاصه زيت بذور عباد الشمس بتحمي الشعر من الاضرار اللي ممكن يتعرضلها زي الحراره و الرطوبه و ده لانه مضاد الاكسده و كمان بينعم الاطراف المتقصفه
خلاصه زيت فول الصويا غني بفيتامين E و بيعمل علي حمايه الشعر ومنحه التغذيه الازمه
المميزات بتاعه serum ده انه
سريع الامتصاص من بصيلات الشعر و بيخلي الشعر رائحته جميله
الشعر بيكون سهل التسريح و التصفيف
يمكن وضعه قبل استخدام المكواه و التصفيف لانه بيحمي من الحراره
يمنح الشعر لمعان و اشراقه صحيه

16/06/2022

التدخين يدمر الصحه و يسبب الوفاه هذه المقوله لعبت عليها شركه فيليب موريس اكبر شركه سجائر لاقناع دوله التشيك بادخال السجائر لبلادها حيث ان دوله التشيك كانت رافضه هذا الموضوع رفضا تاما بسبب انهم كحكومه اشتراكيه يكون العلاج فيها علي نفقه الدوله فبالتالي ادخال شركه كبيره هيخلي عدد المدخنين هيزيد وبالتالي عدد المرضي باعراض التدخين
بس فيليب موريس ماستسلمش للرفض ده و فعلا اتعملت دراسه و اتقدمت لحكومه التشيك بشكل رسمي و بناء علي الدراسه دي اتوافق علي طلب شركه فيليب انها تبيع منتجاتها في التشيك والدراسه دي كانت الاتي
انتو حكومه اشتراكيه يعني عندكوا نظام معاشات للموظفين اللي تجاوزت اعمارهم 60 سنه و انتو عندكوا متوسط الاعمار عالي يعني بتفضلوا تدفعوا معاشات من سن 60 لحد ما يموتوا فانتوا لما تخلونا نبيع السجاير عندكوا فده هيقلل عدد السنين اللي تدفعوا فيها معاش للناس يعني بدل ما متوسط الاعمار عندكو 80 سنه احنا هنقلله ل 70 سنه و هتدفعوا 10 سنين بدل 20 سنه و كده هتوفروا فلوس بتطلع من خزينه الدوله ده غير انكوا هتلموا ضرائب محترمه علي بيع السجائر لانها تعتبر من المنتجات الي الاستهلاك بتاعها مبيتأثرش بزياده السعر فلو حطينا التوفير في المعاشات عالضرائب اللي هتتلم هتلاقوها اكتر بكتير من زياده فاتوره التامين الصحي نتيجه امراض التدخين
خلي بالك بقي قبل ماتولع سيجاره وافتكر ان سنين عمرك والوقت اللي ممكن تقضيه مع الناس الي بتحبهم و بيحبوك هو مجرد رقم في معادله العائد علي الاستثمار لشركات السجائر

12/06/2022

بما اننا دخلنا في الصيف والشمس🌞🥵فا في ناس كتير عايزه تعرف و تفهم ايه الفرق بين sunblock و sunscreen
‏Sunscreen مش هايعمل مفعول غير لما يمتص من الجلد عشان كده لازم ندهنه لحد مانلاقي ان الجلد امتصه
‏Sunblock بيشتغل كطبقه حمايه فوق الجلد عشان كده الجلد مش بيمتصه ف بيسيب الطبقه البيضاء فوق الجلد

10/06/2022

النهارده يوم صحه الاسره واللياقه البدنيه 👨‍👩‍👧‍👦🏋️‍♀️
و نحب ان احنا نتكلم في اول post عن العائله عشان العائله هي كل شئ 💪🏻👨‍👩‍👧‍👦😍
و عشان نحافظ علي عيلتنا اهم حاجه هي اللياقه البدنيه و لازم ننميها في اطفالنا من و هما صغيرين عشان هي مش بس بتحسن القلب و الاوعيه الدمويه لا هي كمان بتحسن النوم و بتقلل التوتر و بتزود الانتباه و التركيز في المذاكره 👩‍🏫👨‍💻🧐
و عشان الاطفال ياخدوها روتين في حياتهم لازم احنا كاولياء امور نمارسها بانتظام امام اطفالنا عشان تفضل عاده صحيه في حياتهم و كمان ممكن نحولها لنشاط عائلي ووقت جميل بنتجمع فيه ونمارس الرياضه مع بعض 💕🎉😍