Hamdy Clinic

19/11/2023

🌺 عدنا بعد غياب

🍃 معروف ان فتره التنقل بين الفصول ☀️🌧️هي فتره انتقال امراض فيروسيه وبالذات في الاطفال 👦🏻🧒🏻👶🏻
الفتره دي وبعد الحمد لله ماعدينا من فيرس كرونا اللعين
❌ الفيرس مانتهاش للاسف هو تحور الي فيرس تاني بنفس الاعراض مع مضاعفات اقل
الفيرس ده نتيجه تحور فيرس الكرونا مع الانفلونزا .

❌ وللاسف الفتره دي برضو معانا فيروسات تانيه زي #هيربس #وكوكساكي و

🍃 هنتكلم عن المتحور الجديد .
#اعراضه بتبدا باعراض #رشح و #انسداد الانف #والتهاب حلق مع #التهاب في الاذن مع #ارتفاع شديد ف درجه الحراره
#احساس بالقئ #ومغص #وممكن اسهال لمره او مرتين

❌المضادات الحيويه #ليس لها اي دور في العلاج

🍃شرب الميه والسوايل الدافئه مهم جدا جدا جدا .
🍃 استخدام الخوافض بانتظام مهم جدا
🍃 الراحه ثم الراحه ثم الراحه

🔔 وارد الاعراض تتحسن ومع المجهود ونزول المدرسه ننتكس تاني .

🍃 افضل خافض للحراره هو الشاور🚿 بماء فاتر قبل ما ندى الخافض .

🍃 افضل دوا مذيب للبلغم هو الماء الدافئ .
🍃 افضل علاج للكحه هي الجلسات والبخاخات .
🍃 الدور ممكن يستمر لحد #١٥ يوم 🥹
🍃 الكحه ممكن تستمر طول الفتره دي
المهم ان الحراره تنزل وماتحصلش مضاعفات .

❌ المضاعفات لاي فيرس انه ممكن يحصل #عدوي #بكتيريه او اصابه بانواع اخري من #الفيروسات عشان كده #مراجعه #الطبيب #ضروريه

🔔🔔 اي طفل متشخص #بحساسيه #صدريه او #انفيه وارد الاعراض تكون اصعب معاه
ولذلك قبل الاصابه نزود ادويه لمنع دخول الطفل في نوبه تحسسيه صدريه
وكمان ندي #تطعيم #الانفلونزا #الموسميه لان دول من الفئات اللي اتفقنا قبل كده انهم محتاجينه .

🍃 الغذاء المتوازن والسلطه وشرب الميه والفاكهه 🍒🍇🍌هما احسن وقايه
مع غسل الايدي🧽

🍃🍃 اكرر اي طفل سخن لازم #يرتاح

#دمتم #في #صحه #وعافيه ♥️
وربنا يحفظ اولادنا جميعا
…………………………………………..
د. احمد حمدى
اخصائى طب للاطفال وحديثى الولاده جامعه عين شمس
عنوان العياده :المسله العبودى بجوار دندرمه اعلى كشرى الاسكنرانى
للحجز والاستفسار: 01554555041 - 0842153393

10/10/2023

❌ من الحالات اللي جتلنا الفتره اللي فات اطفال يعانوا من اعراض #برد خفيفه تكمل كام يوم ويقلب الي #مغص مع #اسهال #وترجيع #وسخونه تستمر كام يوم وبعدها لون الجلد #بيصفر وبعدها لون #البول يبدا يغمق زي لون الشاي .

⬅️ مع الفحص والتحاليل بيطلع الطفل مصاب #فيرس #الالتهاب #الكبدي 😞

⬅️ طب اسبابه ايه 🤔
❌ وده بيجي من الاكل اللي مش نضيف او استخدام معالق وكوبايات شخص مصاب
في معظم الحالات الامور بتاخد 5 ايام الي اسبوع والحاله بترجع طبيعيه .

❌ً في حالات نادره ممكن يحصل مضاعفات .

⬅️ طب نحافظ علي نفسنا ازاي 🤔

✅بغسل الايدي طبعا وناكل من اماكن موثوقه ونستخدم معالق خاصه بينا او ليها استخدام واحد وتترمي .

🔴 في #تطعيم ضد #فيرس #الالتهاب #الكبدي وهو تطعيم اضافي في سن #18 #شهر وجرعه تعزيزيه عن سن #24 #شهر
ربنا يحفظ اولادنا جميعا .

#دمتم #فى #صحه #وعافيه ♥️
………………………………
د. احمد حمدى اخصائى طب الاطفال وحديثى الولاده جامعه عين شمس .

عنوان العياده : المسله العبودى بجوار دندرمه اعلى كشرى الاسكندرانى .

للحجز والاستفسار : 0843153393-01554555041

08/10/2023

💠 #العنايه #بالاسنان #اللبنيه 🦷

👈🏻 طفلك 👶🏻 هيبدا يطلع اسنان 🦷من الشهر #4 الي #6
👈🏻 اعراض التسنين بتكون بسيطه ف الفتره دى :
🔴 تورم اللثه .
🔴 سخونه فترات من اليوم وبتروح لوحدها .
🔴 حمام براز سايل شويه مرتين في اليوم .

👈🏻 الاعراض البسيطه دي #لا تحتاج الي علاج .
🔴 يوجد بعض الاطفال يعانوا من الم شديد ممكن ف الحاله دى مسكن باراسيتامول بالكتير ومش بنحتاج مطهرات معويه .

✅ في الفتره دي لازم نكون بناخد #فيتامين د بانتظام بجرعه #4000 وحده دوليه وبنتعرض للشمس #نصف ساعه علي الاقل يوميا ونعرض المفاصل اهم حاجه .

❌ في حاجه اسمها #تسوس الاسنان اللبنيه وده بيحصل لحالات معينه😞 اسنانها عندها قابليه للتسوس مع تراكم #السكر اللي موجود فى #لبن الام او #اللبن الصناعي او مع ادخال #الاطعمه مع الرضاعه الطبيعيه او الطفل يشرب عصائر فيها سكر .

👈🏻 طب حتي لو عندنا قابليه ان الاسنان تسوس لازم الاسباب التانيه تكون موجوده عشان يحصل التسوس .

✅ طب نمنع الاسباب ازاي ؟؟
👈🏻اول ما الطفل اسنانه تبدا تظهر او تشك حسب التعبير الدارج لازم #تتغسل بنجيب #شاشه ونبلها ونبدا ننظف الاسنان اللي ظهرت
الحركه مهمه جدا وتحافظ علي نظافه الاسنان .
👈🏻 بلاش نستخدم العصاير المحلاه في الببرونه اللي بنرضع منها الطفل لو بيرضع صناعي .
👈🏻 هنستخدم معجون الاسنان بعد السنه ما تظهر وفرشه الاسنان المسموح بيهم في السن ده ونعلم ابننا ازاي يغسل اسنانه .
👈🏻 لو ليه اخ او اخت عندهم تسوس بلاش يستخدموا نفس المعالق والشوك .

🔴 مراجعه دكتور الاسنان في الحاله الحاده ضروريه جدا .
🔴 الاسنان بتطلع من #سته اشهر #وبدون ترتيب .
❌ تاخر التسنين مع تاخر الجلوس يستدعي مراجعه طبيب الاطفال .
👈🏻 الاسنان بتبدا تتغير الي الاسنان #الدائمه من #5 سنين .
( صور طريقه العنايه بالاسنان بالتعليقات )
#دمتم #ف #صحه #وعافيه ♥️
…………………………………..

د. احمد حمدى اخصائى طب الاطفال وحديثى الولاده جامعه عين شمس .

👈🏻عنوان العياده : المسله العبودى بجوار دندرمه اعلى كشرى الاسكندرانى .

👈🏻للحجز والاستفسار : 0842153393-01554555041

29/09/2023

⬅️ الروتا فيرس 🦠

🔴 ايه خطوره #الروتا وليه هو بالذات من ضمن التطعيمات المهمه ؟
⬅️ هو من ضمن فيروسات كتير بتسبب نزلات معويه
⬅️ الخوف منه ان الطفل في اول سنه #80 ٪؜ من جسمه بيكون عباره عن ماء فاي فقد في الماء ولو بنسبه بسيطه بيدخل الطفل في جفاف😞

⬅️ مشكله #الروتا فيرس انه بيسبب جفاف من الدرجه التانيه للتالته بسبب فقد كميه سوايل كتيره
⬅️ وعليه الطفل بيحتاج الي محاليل وريديه لمعالجه الجفاف .

🔴 طب ايه هى مواعيد تطعيم #الروتا وجرعاته ؟
⬅️ تطعيم #الروتا هو عباره عن #نقط #بالفم لازم #اول جرعه #قبل 8 اسابيع من عمر الطفل.
ويفضل من #5 الي #8 #اسابيع

🔴 وعلي حسب #النوع يتحدد الجرعات

⬅️فى نوع بيتاخد علي #جرعتين الفرق بينهم شهرين.
⬅️ ونوع تاني علي #3 جرعات الفرق بينهم
شهرين.

✴️ ملحوظه

التطعيم #لا #يمنع النزلات المعويه
هو فقط #يقلل المضاعات #للروتا فيرس
و في اسباب اخري كتير للنزلات المعويه.

#دمتم #فى #صحه #وعافيه ♥️
………………………………….
د. احمد حمدى اخصائى طب الاطفال وحديثى الولاده جامعه عين شمس

عنوان العياده : المسله - العبودى بجوار دندرمه اعلى كشرى الاسكندرانى .

للحجز والاستفسار : 0842153393-01554555041

28/09/2023

✴️ اكتر الاسئله اللى بتيجى من الامهات عن #التطعيمات 💉

✴️ علشان انتوا تهمونا هنكلمكم عن كل تطعيم #لواحده ف بوست منفصل .
✴️ ممكن #تسألوا كل اللى عاوزين تعرفوه عن التطعيم دا ف التعليقات #والدكتور ان شاء الله هيدخل يرد عليكم بنفسه .

#دمتم #فى #صحه #وعافيه ♥️
…………………………………
د. احمد حمدى اخصائى طب الاطفال وحديثى الولاده جامعه عين شمس

عنوان العياده : المسله -العبودى بجوار دندرمه اعلى كشرى الاسكندرانى .

للحجز والاستفسار : 0842153393-01554555041

27/09/2023

🏆من الحالات اللى تم تشخيصها بفضل الله 🙏🏻

‼️ حاله نادره جداااا….
👈🏻 طفل في عمر ما قبل المدرسه 👧🏻 عندها مغص علي فترات متقطعه مع عسر هضم مفيش سخونه او سخونه بسيطه بتروح وتيجى مفيش تسلخات او قرح في الفم او الشرج
مع الم في المفاصل لا تمنع الحركه .

👈🏻بالفحص البنت ناقصه جدا في الوزن علامه علي ❌ضعف التغذيه.

👈🏻 طلبنا صوره دم كامله
طلع فيها ❌ انيميا و❌ نقص في كرات الدم البيضا

👈🏻 طلبنا #تحليل #مرض #سيلياك
او #حساسيه #القمح
‼️‼️طلع ايجابي😞

⬅️ الحاله هتتمنع من اي اكل فيه جلوتين اللى هو المكون الاساسى للقمح
(الصور ف التعليقات )
#دمتم #فى #صحه #وعافيه ♥️
……………………………..
د. احمد حمدى
اخصائى طب الاطفال وحديثى الولاده جامعه عين شمس.
عنوان العياده : المسله -العبودى بجوار دندرمه اعلى كشرى الاسكندرانى .
للحجز والاستفسار : 0842153393-01554555041

26/09/2023

🔔 سؤال جالنا كتير عن تطعيم الانفلونزا الموسميه ؟؟؟
عباره عن ايه التطعيم 🤔
👈🏻هو تطعيم ضد مجموعه من فيروسات الانفلونزا عن موسم الشتا اللي فات وبيتجدد كل سنه فهو بيدي مناعه للفيروسات السابقه للموسم الشتوي السابق وطبعا الفيروسات من طبيعتها انها بتتحور وبتكتسب مناعه وده اللي مخليها مكمله كل فصل.

⬅️ طب مين الاطفال اللي هتبقي محتاجه التطعيم ده اجباريا ❓
👈🏻لو طفل تكرر عليه لا قدر الله الحجز في المستشفي نتيجه التهاب رئوي او في تاريج مرضي في العيله للحساسيه الصدريه او طفل عنده مشكله في القلب
#لازم ياخد التطعيم .

⬅️طب جرعته ايه من 6 شهور الي 9 سنين❓
👈🏻 نص سم وهناخد جرعه تانيه بعد شهر.
👈🏻بعد 9 سنين لو واخد جرعه قبل كده هتبقي جرعه #واحده فقط كل موسم شتوي
#دمتم #فى #صحه #وعافيه ♥️
………………………………………
د.احمد حمدى اخصائى طب الاطفال وحديثى الولاده جامعه عين شمس .
عنوان العياده : المسله العبودى بجوار دندرمه اعلى كشرى الاسكندرانى .
للحجز والاستفسار : 0842153393-01554555041

23/09/2023

مع دخول المدارس 🚌✏️

ازاي نحفظ اطفالنا 👦🏻👧🏻 في المدرسه من اي فصول مش لذيذه او امراض .
مبدأيا دي مجرد ارشادات للوقايه والامر كله بيد ربنا اولا واخيرا

👈🏻 الخطوه #الاولى والفعاله جدا جدا جدا هي #غسيل #الايدي 🙌🏻
لازم نعلم اولادنا ان غسل الايدي بالصابون العادي مهم جدا ولازم نعلمهم الطريقه #المثاليه لغسيل الايدي🙌🏻
ولازم نعرف انها طريقه فعاله جدا في قتل معظم الميكروبات باستخدام #الصابون #فقط.

👈🏻 #ثانيا نرش ايدنا بالكحول بعد غسل الايدي كده احنا قضينا علي 99.9 من الميكروبات.

👈🏻 #ثالثا نتعلم لما نعطس 🤧 نحط كوعنا مش ايدنا علي الانف .

👈🏻 #رابعا اي طفل عنده اي اعراض سخونه او تعب لازم يرتاح في البيت .
الراحه تحسن جهاز المناعه وتمنع تدهور الحاله ونقل العدوي لزمايله

👈🏻 #خامسا وجبه #الافطار .
ياريت الطفل ياكل قبل ماينزل من البيت وياسلام لو ساندوتش فيه حاجه مسكره
مربي او حلاوه طحنيه او عسل
يديله طاقه🙇‍♂️ توصل لحد مخه🤔 عشان يقدر يستوعب ويفهم ويحفظ .

👈🏻 #سادسا lunch box
لازم يحتوي علي 50% نشويات
ياريت عيش برده وفيه جبنه بيضا او بيض او بطاطس بيوريه
لازم يكون معاه خيار 🥒 او جزر🥕 وطماطم 🍅
لازم ثمره فاكهه 🍇🍌🍓🍑🍅من اي نوع
مع الساندوتش بتاع رقم 5 .

👈🏻 #سابعا كل الارشادات دي مش هتنفع 🤷🏻‍♀️ طالما مش بنتناقش مع الطفل ونفهم ونعرف بيحب ايه وبيكره ايه ولازم نجري الحديث ده يوميا عشان نعرف ايه مفرحه او مزعله في المدرسه .

⬅️ تغيير انواع الاكل مطلوب عشان الزهق
بيض اومليت او بيض مسلوق بطاطس بيوريه بالبيض .
جبنه بيضا جبنه بطماطم جبنه بخيار .

❌ اياكم واللحوم المصنعه اعملوها في البيت كده كده بقت جودتها اقل وسعرها عالي

#دمتم #في #صحه #وعافيه ♥️
وعام دراسي سعيد
…………………………………
د. احمد حمدى اخصائى طب الاطفال وحديثى الولاده جامعه عين شمس .
عنوان العياده : المسله - العبودى برج الساعه اعلى كشرى الاسكتدرانى
للحجز والاستفسار : 0842153393 - 01554555041

07/07/2023

🏆من الحالات اللى تم تشخيصها بفضل الله🙏🏻

🔴 الام 🤱طفل ٣ سنين يعاني من التهاب رئوي متكرر .
فحصنا الطفل كان وزنه وطوله مناسب لسنه.

1️⃣ طلبنا اشعه علي الصدر اظهرت فعلا الالتهاب الرئوي .
وهنا لازم نعرف ليه الالتهاب بيتكرر ؟
2️⃣ طلبنا صوره دم كامله عن طريقها بنعرف عدد كرات الدم البيضا وبتدينا فكره عن نوع الميكروب وطلع التهاب بكتيري فعلا متكرر.
3️⃣ طلبنا بعدها تحليل للاجسام المضاده طلع الطفل عنده #نقص #في #الاجسام #المضاده #من #نوع طب دورها ايه بالظبط ؟
⬅️ هى المسؤوله عن المناعه في الجهاز التنفسي والجهاز الهضمي .
وهي حاله نادره جدا تم تشخيصها بتوفيق ربنا.

⛔️علشان كدا بنأكد انه اهم من علاج الاعراض علاج #سبب الاعراض .

#دمتم #في #صحه #وعافيه ♥️
…………………………………………
د. احمد حمدى اخصائى طب الاطفال وحديثى الولاده

عنوان العياده : المسله العبودى بجوار دندرمه اعلى كشرى الاسكندرانى .

للحجز والاستفسار : 0842153393-0155455504

03/07/2023

عدنا بعد الاجازه وعيد اضحى 🐑مبارك على الجميع ❤️
ونقول عود حميد .

🔴 منتشر في الفتره دي #الطفح #الجلدي عند الاطفال .

👈🏻 #الاعراض بتبدا بنزله برد عاديه مع احتقان في الزور وصعوبه في البلع لمده ٥ ايام الي اسبوع يتبعه ظهور طفح جلدي عباره عن حبوب جواها سائل وتقلب بقشره او حبوب فقط .

👈🏻 توزيع وانتشار الحبوب بيبقي مختلف بين #الجديري #المائي و #الحصبه ومتلازمه #اليد #والقدم #والفم .

👈🏻 واحتقان الزور بيبقي بدرجات مختلفه والسخونه يابتروح مع ظهور الحبوب او تزيد او مش بيبقي في سخونه خالص .

🔔 الامراض كلها امراض فيروسيه .

👈🏻التطعيم ضد الجديري المائي والحصبه موجود ضمن التطعيمات الاجباريه في مصر عشان كده #لا تحتاج الي مضادات حيويه الا في حالات خاصه بتبقي المناعه ضعيفه وبتحصل مضاعفات للفيرس وللاسف بتبقي خطيره عشان كده لازم اي طفح جلدي مانتعاملش معاه ببساطه .

#العزل للمصاب مهم الاطفال مناعتهم ضعيفه و #كبار #السن اصحاب الامراض المزمنه و #الحوامل في اول #٣شهور لازم مايتعرضوش لاي حاله فيها طفح جلدي.

تشخيص الحاله بيحتاج لمعرفه التاريخ المرضي كويس جدا والفحص الجيد للحاله.
وهننزلكم صور كل حاله ف التعليقات 👇🏻
دمتم في صحه وعافيه ♥️
…………………………..
د.احمد حمدى اخصائى طب الاطفال وحديثى الولاده .

عنوان العياده : المسله -العبودى بجوار دندرمه اعلى كشرى الاسكندرانى .

للحجز والاستفسار : 0842153393 - 01554555041

09/06/2023

الخوف 😨 مش دايما صح ❌

دي صوره بامبرز حقيقيه (ف التعليقات )
لطفل مولود 👶🏻 بقاله 5 ايام
المنظر ده يخوف من الوهله الاولي
لكن للاسف الاهل ممكن من خوفهم علي الطفل يضروه 🥹

⬅️ ايه اللي حصل ⁉️
👈🏻 ابني بخاف عليه وفي الجو الحر 🔥ده بنلفه بهدوم زياده وكمان نخاف نشغل المروحه 🪭 مش بس كده مش هنشغل التكييف 🥵

وكمان الرضاعه🍼 في اول كام يوم بتبقي مش علي القدر الكافي
👈🏻 في النهايه الطفل 80 في الميه من جسمه ميه .
بيحصل ايه 🙄 ان حمام الميه بتاع الطفل بيبقي مركز وفي املاح .
👈🏻 الاملاح لونها بيغير في البامبرز
وتميل الي اللون الاحمر .

⬅️ طب ايه الحل 🤔
نخفف هدوم الاطفال علي حسب الجو
نشغل المروحه والتكييف ولو في طياره ✈️نشغلها .
👈🏻 انت كانسان كبير من طايق الجو 🌞
الطفل هيطيقه ❗️

👈🏻الرضاعه الطبيعيه 🍼 المنتظمه والتشجيع 👏🏻عليها حجر اساس لكل واي حاجه كويسه لاطفالنا 👌🏻

دمتم في صحه واجواء صيفيه🏖️ بنسمه هوا ❤️
………………………………..
د .احمد حمدى
اخصائى طب الاطفال وحديثى الولاده

عنوان العياده : المسله -العبودى بجوار دندرمه اعلى كشرى الاسكندرانى .

للحجز والاستفسار : 0842153393-01554555041

https://www.facebook.com/profile.php?id=100092012995681&mibextid=LQQJ4d

Noenates & kids healthcare

06/06/2023

🔔 ليه بناخد فيتامين د في اول يوم في الولاده ؟
👈🏻 لبن الام 🍼بيحتوي علي كل المعادن والبروتينات وحتي الدهون اللي بيحتاجها الطفل في اول 6 شهور #ماعادا فيتامين د .

⬅️ طب ايه اهميه فيتامين د ⁉️
ببساطه هو الصمغ اللي بيلزق الكالسيوم علي العظم🦴 .
بس كده لا طبعا ليه اهميه تانيه في المناعه
كرات الدم البيضاء بتحتاجه عشان تكون اجسام مضاده للميكروبات 💪🏼

⬅️ 🤔طب ندي كالسيوم مع فيتامين د ⁉️
الحقيقه برضو ان الكالسيوم بيبقي كافي في لبن الام لحد سن السنه .

⬅️ طب امتي ندي كالسيوم ⁉️
في حالات بيبقي فيها نقص فيتامين د ادي الي نقص الكالسيوم والاعراض بتبقي خفيفه في الاول مجرد الطفل بيمغص او بيعط بدون سبب ظاهر .
او الاعراض الصعبه اللي بتبقي تشنج في مفاصل اليد والقدمين
ودي حاله طوارئ تستدعي الحجز وناخد كالسيوم في الوريد .

❌ طب طفل طنشا فيتامين د هيدخل في لين عظام🦵🏻 وتأخر التسنين 🦷 وبالتبعيه هيدخل في نقص كالسيوم وده اللي هيحتاج فيتامين د بجرعه كبيره ممكن حقن عضل وهيمشي علي كالسيوم شراب .

🔔 الكالسيوم لا يعطى الا بعد مراجعه الطبيب .

👈🏻في حالات ممكن يكون السبب في نقص فيتامين د مش اننا مش بنديه لا
السبب بيكون خلل هرموني او جيني او وراثي يخلي في مقاومه او عدم امتصاص لفيتامين د وبالتبعيه الكالسيوم
او خلل في وظايف الكلي

#دمتم #في #صحه #وعافيه ❤️
……………………………………….
د. احمد حمدى
اخصائى الاطفال وحديثى الولاده .

عنوان العياده : المسله - العبودى بجوار دندرمه اعلى كشرى الاسكندرانى.

للحجز والاستفسار : 0842153393 -01554555041