25/11/2025
⚠️ مع تغيير الفصول بتزيد فرص انتشار الفيروسات التنفسية
وده بيخلّي الأطفال أكثر عُرضة لنزلات البرد والإنفلونزا.
علشان كده جمعنالك أهم النصايح اللي فعلًا بتساعدك تقللي العدوى وتحافظي على صحة طفلك 👇
🟪 احرصي على نظافة منزلك وتهويته باستمرار.
🟪 لو الأب مدخن، امنعي التدخين تمامًا داخل البيت… ويُفضَّل يغيّر هدومه وياخد شاور قبل ما يلمس ولاده، لأن دخان السجائر بيفضل متعلق في الملابس حتى بعد ما السجاير تطفَى.
🟪بلاش نخلي غرفة المعيشة دافئة جدًا بالتكييف أو الدفاية؛ لأن الخروج المفاجئ لجو أبرد بيعرّض الطفل لتيارات هوا قوية ويزود فرص الإصابة.
🟪 مهم جدًا نفتكر حالات الاختناق اللي حصلت السنة اللي فاتت بسبب التدفئة بالحطب في الغرف المغلقة… الموضوع خطير فعلًا ولازم نخلي بالنا.
🟪 جددي هواء البيت بشكل مستمر عن طريق ترك جزء بسيط من الشيش مفتوح في كل غرفة، علشان يدخل هواء خفيف يجدد هواء المكان ويخليه متوازن.
🟪اغسلي ألعاب طفلك وأدواته باستمرار.
🟪 قدمي لطفلك كباية مياه باردة قبل خروجه الصبح… ده بيساعد جسمه يتأقلم مع برودة الجو برا.
🟪 علميه يغسل إيديه قبل الأكل وبعده، وبعد اللعب والعطس والسعال… ومش مهم نوع الصابون، أي صابون مناسب للأطفال هيقوم بالغرض.
🟪 لو طفلك بدأ يتعب بلاش المدرسة يومين… حماية ليه ولزمايله.
🟪 بلاش أي مضاد حيوي من غير استشارة الطبيب، ولو دور البرد بسيط فخافض الحرارة ومضاد الرشح بيكونوا كفاية. وافتكري إن دور البرد الطبيعي بياخد حوالي أسبوع وده طبيعي جدًا طالما مفيش مضاعفات.
وفي كل الحالات… لو الأعراض زادت أو استمرت أكتر من الطبيعي، الأفضل فحص الطفل والاطمئنان.
عشان صحة طفلك.. إحنا معاكي خطوة بخطوة 🛡️
ـــــــــــــــــــــــــــــــــــــــــــــــــــــــ
🟪د. مروان أشرف
استشاري طب الأطفال وحديثي الولادة
زمالة بريطانية – ماجستير طب الأطفال
عضو الجمعية الأمريكية والمصرية لأمراض القلب
🏨 العيادة: الفيوم – برج رويال أوركيدا – الدور الثالث
(أمام صيدلية الإسعاف – بجوار نادي الشرطة)
📞 01023476929
🕐 السبت، الاثنين، الثلاثاء من 2 لـ 6 مساءً
