Dr Eman Salheen

03/01/2024

12/12/2023

عادة مص الاصابع للاطفال 👶👶

هيا عادي بيعملها الطفل اللي غالبا بيكون ذكي ف الشهور الاولى ممكن عشان عايز ينام او اما يكون يكون جعان او لما يكون متوتر من شيء عموما

🍁 الطفل بيبطلها من نفسه من ٦ شهور ل سنة

🍁 بتأثر على الطفل سواء اسنانه او ممكن ياخدها عادة فترة طويلة لو استمر يمص صابعه اكتر من اربع سنين

🤔 طيب نعمل ايه عشان يبطل العادة دي 🤔

⭐ مش هنقوله لأ او نو
⭐ اول ما يعمل كده نشغل ايده بأي حاجة ( صلصال .. بازل .. مكعبات .. اطلبي منه يجيب حاجة .. )
⭐ ما نلفتش نظره انه بيعمل حاجة غريبة
⭐ نبعد الطفل عن التوتر والضغط ولو جعان نأكله
⭐ لو محرج من ناس غريبة او مكسوف عموما ناخده ف حضننا ونطمنه
🍁ممكن نجيب عازل لصابعه بس بعد ما نقلل السبب ورا العادة دي

21/11/2023

توفيق وكرم من ربنا الحمد لله 🤲❤️

20/11/2023

طفرات النمو عند الاطفال 🩷🩷

🍧 هي فترات ف عمر الطفل اعراضها بتبقى ملحوظة قبل سن سنة والام بتبقى مش فاهمه فيه ايه

بعدها بيبقى فيه نمو عقلي او جسدي او حركي عند الطفل ممكن الام تلاحظ او لا

🍧 ف الفترة دي بتلاقي طفلك مقريف مش بتعرفي تنيميه زي الاول نومه مش متظبط شهيته ممكن تقل او تزيد بتلاقيه عايزك طول الوقت ... انتي بتحسي طفلك مختلف مش زي الاول

🍧 بيفضل الطفل كده كام يوم وبعدين بيرجع لطبيعته

🍧 اوقاتها عند
3 اسابيع ....6 اسابيع ... 3 شهور ... 6 شهور ... 9 شهور

🍧 المطلوب منك تتقبلي الفترة دي وتعديها
وانك تبقى فاهمة بيحصل كده ليه وانها ايام وتعدي ده هيريحك شوية
لان الام بتفتكر ان ابنها اتغير و ان التغير ده هيستمر ع طول فبتنهار بقا 😭😭

19/11/2023

(((( لاحظت فيه شكوى متكررة ان الطفل عند عمر ٣ سنين فاكبر بيبقى عنده دور برد وبعد ٣ ل ٤ ايام بيرجع يشتكي ان رجله واجعاه ومش قادر يحركها 😥 )))))

ف الام بتقلق جدااا 🥹🥹

احب اطمنك ان دي حاجة اسمها Benign acute childhood myositis

مش فاهمة حاجة يعني ايه 😅

يعني غالبا دور البرد سببه فيرس فبيحصل معاه التهاب فيروسي ف عضلات الرجل ( غالبا السمانة)
فبتخلي الطفل مش قادر يمشي

هوا الطفل بس يرتاح وياخد مسكن مع شرب سوايل دافية هيبقى كويس باذن الله خلال ٤ ايام

♦️ بس لازم يفحصه الدكتور عشان يتأكد ان هوا كده فعلا ومفيش لاقدر الله اي حاجة تانية 🩷🩷

13/11/2023

الاطفال حديثي الولادة والمغص 😁😁

ابنك ربنا مش هيخلقه عنده مغص وانتفاخ 😅

لو اتعاملتي مع البيبي صح مش هيحتاج دوا المغص خالص 👌

اغلب الامهات اول ما البيبي يعيط يدوله دوا المغص ع طول وده غلط

لانه مش شرط خالص يعيط عشان مغص هوا بطنه بتبقى منفوخة شوية وبيبقى فيه غازات ووشه بيحمر وهوا بيحزق اول ٣ شهور بس وده طبيعي

عياطه غالبا بسبب
جعان او بيرضع كتير .. عايز يغير .. عايز ياخد شاور .. اللبس مضايقه ( ضيق عليه او مخليه حران او بردان ) ... عايزك تشيليه وتحضنيه عشان خايف وعايز يحس بالامان ! 🩵

اااخر حاجة نفكر فيها لما البيبي يعيط هيا المغص لانك لو اديتي دوا المغص كتير هيستجيب ف الاول وبعدين مش هيستجيب

🌹🌹. الحل

كرعيه ف نص واخر الرضعة

يكون ف الوضع المناسب للرضاعة

لو عيط هنحاول نشوف عياطه ليه .... زي ما ذكرت فوق ☝️

لسة بردو بيعيط هنعمله تمارين المغص

عملتي كل حاجة وعلى صرخة واحدة مش بيسكت يبقى غالبا مغص ممكن تدي العلاج اللي الدكتور كاتب عليه

اديه ف اضيق نطاق مش عمال ع بطال 🩷🩷❤️❤️

12/11/2023

تمارين لتقوية ذاكرة الاطفال 🍁🍁

🍃 التمرين الاول
هتحطي حاجتين عارفهم الطفل ع تربيزة ويغمض عينيه ويقولهم وبعدين تزودي ف عدد الحجات مرة ف مرة وتخليه يركز ويقولهم

🍃 التمرين التاني
هتقولي له مثلا ( قطة .. كلب .. حمار .. اسد ..
وتخليه يقولهم وراكي وكل مرة زودي اسم ... وهكذا

🍃 التمرين التالت ( ده هيزود عنده الخيال )
هتبقى انتي مثلا ف الاوضة وتذكري له حجات ف الصالة
مثلا ( سفرة .. انتريه .. كرسي .. تليفزيون ..
وكل مرة زودي كلمه وخليه يقولهم وراكي ويبقى عارف انك بتقولي حجات من الصالة ... ( ممكن اي مكان هوا عارفه )

🍃 التمرين الرابع ( ده بردو هيزود الخيال عنده )
انك تحكيله قصة وبعدين تسأليه ف احداثها
( هوا احمد مثلا قابل ايه ف الطريق ..
لو الطفل مش عارف
قوليله كلب ولا قطة ؟؟ ...
وهكذا اسأليه ف باقي احداث القصة. ...

♦️ التمرين ممكن تعمليه مرتين ف اليوم

♦️ اعملوها زي لعبة مع اطفالكم هيستفيدوا ويتبسطوا ف نفس الوقت 😘🩷

08/11/2023

اللي بيجيلي العيادة بياخد لينك صفحتي على فيسبوك وبتابع معاه لاي استفسار ❤️💚
اعادة الكشف لحد ما الطفل يخف خالص 😘

07/11/2023

ابني بينسى كتير يا دكتورة اعمل معاه ايه 🤔🤔

اسباب النسيان كتير ......

☘️ ممكن يكون عنده فرط حركة وتشتت انتباه

☘️ بيعاني من صعوبات التعلم

☘️ الام والاب اما نسي مرة بدأوا يركزوا معاه ويقولو للطفل انت بتنسى كتير ليه
افتكر كذا عشان انت بتنسى
لو حد موجود بتذكر قدامه ان ابنها بينسى كتير
كل ده بيخلي المشكلة تكبر ولو بينسى مرة هينسى عشرة 😁

☘️ الضغط اننا بنضغطه عشان يكتب الواجب او عشان يذاكر او عشان يسمع الكلام
الضغط بيخليه يتناسى عشان يفك الضغط عن دماغه شوية وبعدين بيبدأ ينسى ...

❤️❤️....... الحل ...... ❤️❤️

⭐ هنعالج فرط الحركة وتشتت الانتباه وصعوبات التعلم مع اخصائي

⭐ دور الام والاب ف البيت هوا الدعم

🌥️ ما يركزوش خالص ان ابنهم بينسى
( حبيبي مفيش مشكلة ابقى خلي بالك المرة الجاية
حبيبي ما تنساش تعمل كذا ... بس ونسكت
نسي مش مشكلة نفكره مرة واتنين وتلاتة )

🌥️ الضغط نحاول ما نضغطوش خالص بقدر الامكان

🍁🍁 فيه تمارين للذاكرة هذكرها ف البوست الجاي باذن الله 😘

31/10/2023

السلام عليكم
ازيكم عاملين ايه 😘❤️❤️

الحمد لله تم افتتاح عيادتي في الاعلام
ارجو من الله التوفيق والسداد
بمناسبة الافتتاح خصم ٥٠٪ على سعر الكشف لفترة محدودة

اكيد سمعتوا قبل كده عن دكتور الاسرة
لكن الجديد بقا هوا دكتور الطفل 😅🌹
يعني ايه
يعني باذن الله هعالج طفلك طبياً وسلوكياً ونفسياً وهساعدك تربوياً 😘

للحجز والاستفسار 01002201891
للحجز متابعة تعديل سلوك اونلاين ابعتي ماسنجر