عياده د.هشام الروضي لجراحه العظام والعمود الفقري

13/04/2026

مشاكل العظام كتيرة ومختلفة لكن متقلقش حلها موجود في :
🩺 د. هشام الروضي _ استشاري جراحة العظام والعمود الفقري ( يوم الثلاثاء الساعة ١ ظهرا )
🩺د. مصطفى النجار _ مدرس (م)جراحة العظام والعمود الفقري بكلية الطب ومستشفيات جامعة الفيوم
( يوم السبت الساعة ١٢ ظهرا )
للحجز / 01096538342
العنوان / مجمع الراشدين الطبي _ طريق مصر الفيوم القديم بجوار قاعة ليالي أمام بنزينة شاكر

27/03/2026

05/05/2022

طب بصوا بقى علشان انا تعبت
___ابنى بنتى عنده ٦ سنين بيشتكى من ركبته كتير وبيصحينى من النوم. ياماما ركبتى بتوجعنى
وجع الركب فى الاطفال مالوش اى علاقه باللوز ولا بالحمى الروماتزميه. الا اذا كانت الركبه ملتهبه وومتورمه وحمرا ومش قادر يقوم من مكانه ودى واحده من ٣ اعراض لازم يبقوا موجودين علشان نشخص حمى روماتزميه
وحتى لو كان التحليل ٤٠٠ ولو كان ٦٠٠ ولا حاجه ده تحليل اجسام مضاده.
وماتقوليش اكتبله بنسلين علشان هاقولك لو بيجيبوا لوز باستمرار وتحليله عالى اكشف عند دكتور قلب ولو كويس انسى الموضوع ابنك كويس
طب ووجع ركبه. ده بقى لو مش موجود باستمرار وفى رجل واحده غالبا بنسبه ٨٠ ف الميه يبقى ضعف فى الغضاريف مع النمو نتيجه نقص الكالسيوم فى العظام*. ونسبه قليله يبقى فيه سبب موضعى فى الركبه وغالبا يبقى الالم فى ركبه واحده
___يادكتور عملتله كالسيوم وطلع كويس
فعلا بس اللى عملته ده تحليل ل كالسيوم فى الدم مش ف العضم
___يعنى ايه
يعنى ممكن يكون الكالسيوم فى الدم كويس بس اللى بيوصل العضم قليل
___العمل؟؟
اطمن
مرهم موضعى مضاد للالتهابات
نزود اكل فى كالسيوم
نقلل مكسبات الطعم واللون والرائحه شيبسي والخ....
ناخد كالسيوم وفيتامين د. فترة طويله
نبعد عن الرياضات العنيفه
نتعرض للشمس ساعه يوميا...... دمتم سالمين

16/04/2022

يوجد مكان بعياده مشتركه الفيوم. بجوار كليه طب الاسنان مباشرة على الرئيسي الدور الارضى. للاستفسار 01097722604

09/05/2021

اللقاح افضل من المرض... الوقايه خير من العلاج

04/05/2021

🔹 *لقاح الكورونا*🔹

حاولنا نجيبلكم معلومات مختصرة و مفيدة قدر الإمكان..

فى البداية هنقول نبذة مختصرة عن تطعيم كورونا وبعدها هنستعرض اهم الأسئلة اللي بتخطر على بال معظم الناس:

التطعيمات المتوفرة فى مصر نوعين:

1️⃣ *اللقاح الصيني ( Sinopharm vaccine ):*

وده فكرته ببساطة انى باخد الفيروس الميت الغير نشط ( killed vaccine ) و أحقنه فى جسم الإنسان وبكده الجسم هيبدأ يكون أجسام مضادة هتكون قادرة فيما بعد للتصدي للفيروس الحقيقي النشط والمحصلة في الآخر إنك بقيت محمي من العدوى وده فكرة أغلب اللقاحات اللي موجودة عندنا فى مصر

2️⃣ اللقاح AstraZeneca وده اللي صنعته جامعة Oxford في بريطانيا:*

ودة فكرته متقدمه شوية انهم بياخدوا جزء من الحمض النووى (spike protein ) للفيروس الحي ويحقنوه بطريقة معينة في جسم الإنسان ( live attenuated vaccine ) وبعدها برضه الجسم يبدأ يكوّن أجسام مضادة تقدر تكون قادرة ومستعدة لمواجهة فيرس الكورونا فيما بعد.

🔹 *نيجي للأسئلة بقى:*

▪️ *مين أهم الفئات اللي المفروض تاخد اللقاح ؟*
في ظل تزايد الأعداد حاليا كله المفروض ياخده انما برضه الأولوية للطاقم الطبي وأصحاب الأمراض المزمنة من الضغط والسكر وخلافه وكبار السن

▪️ *أنا اتصبت بكورونا هل آخد اللقاح و امتى؟*
آه حضرتك ممكن تاخد اللقاح بس بعد ٣ شهور من الإصابة.. لانه ببساطة الإصابة كوّنت عندك أجسام مضادة مفروض تستمر ٣ شهور..ويا ريت تعمل تحليل الاجسام المضاده IgG قبل ما تاخد التطعيم.

▪️ *أنا عندى دور برد هل آخد اللقاح؟*
ممنوع تاخد المصل وانت عندك دور برد إلا بعد ما تتأكد تماما انه الدور ده مش كورونا وكمان الأعراض تنتهى عندك تماماً

▪️ *آخد كام جرعة ؟*
التطعيمات بتكون على جرعتين بينهم من ٣ ل ٤ اسابيع في اللقاح الصيني.. و 3 شهور في استرازينيكا

🔸 *لقاح AstraZeneca بيسبب تجلطات ؟!*🔸
(هام جدا )
فى انجلترا لقوا ان كل مليون اتطعمو بلقاح AstraZeneca فيهم حوالي ٤ اشخاص اتعرضوا لجلطات وطبعا مش كلهم ماتوا و ده كان سببه وجود أجسام مضادة للصفائح الدموية ولذلك النوع ده من التجلطات لو انا خدتله مضادات التجلطات ال هو من عائلة Heparin كما هو شائع هتكون الحالة قاتلة لانه كدا عدد الصفائح هتقل اكتر...
*يعنى ناخده ولا لأ ؟؟*
ايوة ناخده لاننا انا بنتكلم عن ٤ حالات لكل مليون ومش كل ال ٤ حالات قاتلة وانجلترا إلى الان شغاله تطعيم ومبطلتش

*هل ممكن اخد مضادات تجلط او أسبرين احتياطيا بعد لقاح AstraZeneca؟*
اختلفت الأقوال و الطرق في التعامل مع اللقاح ده الحقيقة..
منهم اللي قال ملوش لازمة..
دُوَل تانية بتدي دوا سيولة يومين فقط..
دكاترة قالوا اسبرين فقط للاحتياط.. فا مفيش كتالوج معين و مفيش حد غلط

*ايه الافضل الصينى ولا AstraZeneca؟*
الاتنين كويسين بس في تفاوت بسيط فى تكوين الأجسام المضادة
الصيني حوالى ٨٤%
و AstraZeneca حوالى ٩٢%

🔹 *سؤال تاني.. حضرتك أنا أخدت اللقاح وظهر عندي أعراض سخونية وتكسير وهمدان زي اعراض الكورونا بالظبط ايه تفسير ده و حلّه ؟*
لا حضرتك دى اعراض عادية للقاح. (constitutional symptoms) ما تقلقش منها.. اهم حاجة الزم الراحة والسوايل الكتير وخد باراسيتامول قرصين / ٨ ساعات لحين اختفاء الأعراض

*هل الحوامل تاخد اللقاح ؟*
لا

*هل في تحليل معين ممكن اعمله قبل اللقاح ؟؟*
والله حضرتك بعض الدول بتعمل وانت حضرتك لو عايز تعمل اعمل
IgG
وده اللي هيثبت انك عندك اجسام مضادة وبالتالى اللقاح مش هيكون له قيمة ف الوقت الحالي
IgM
وده اللي هيثبت انه عندك عدوى حديثة لسة موجودة
(recent infection)
وبالتالى ما ينفعش ناخد اللقاح ( flaring of infection )
بس من فضلك لو عايز تعمل دول اعملهم ELISA مش Rapid

*اللقاح هيديني مناعة لمدة قد ايه ؟*
الأجسام المضادة بتفضل ف الجسم لشهور معظم الابحاث بتقول من ٤ ل ٦ شهور انما بقى بعد الفترة دي فى خلية محترمة بتفضل موجودة لفترة اطول بكتير يقال انها بتفضل لسنوات ودي برضه بتساعد ف المناعة والخلية دى اسمها Memory B cell

❗ *أخيـــرا:*
الكورونا حاليا تضرب بضراوة ولا تستثني أحدا.. مرض قتل اكتر من ٣ مليون ف العالم كله ولسة شغال.. اعلم ان وسائل الإنقاذ حاليا ليك ولغيرك بتتمثل فى : اللقاح + الكمامة + التباعد الاجتماعى ..
اعقلها وتوكل
دمتم في حفظ الرحمن منقول

16/04/2021

.. مرضي الضغط الصائمين في رمضان وبيفطروا علي كوباية عرقسوس وفي ناس بتفطر علي جردل عرقسوس.. خد بالك العرقسوس دا ياما حير ناس في تفسير حالات ارتفاع ضغط الدم اللي ماكنش باينلها اي سبب.. العرقسوس او licorice بيعمل عمل مادة اسمها الالدوسترون اللي بتحبس المياه والاملاح في الجسم فبيرفع الضغط ويورم الجسم وبيقلل املاح البوتاسيوم في الدم. . العرقسوس بيرفع الضغط ويقلل البوتاسيوم ويورم الرجل.. عشان كدا لو عندك مشكلة في ارتفاع ضغط الدم او مشاكل بالقلب او الكلي بلاش عرقسوس ربنا يباركلك.
منقول.. عمرو عمر

15/02/2021

- كيف يتم تحضير الفاكسين الذي يحتوي علي فيروس ميت (inactivated virus)؟
- وليكن المثال علي سينوفارم فاكسين.
- Vero cells
او خلايا Vero تم تطويرها عام 1962 بواسطة علماء يابانيين في جامعة شيبا. وهي خلايا سطحية من الكلي لانثي القرد الافريقي
Chlorocepus srbaeus.
- تمتاز خلايا Vero بقدرتها المستمرة علي الانقسام.
- ايضا تمتاز انها لا تنتج الانترفيرون مما يجعلها وسط سهل لزرع الفيروسات.
- تم استخدام هذه الخلايا في انتاج سينوفارم فاكسين كما يلي:
- تم الحصول علي COVID19 من مرضي في المستشفيات وتم زرعه علي هذه الخلايا في مستنبتات محكمة الغلق وفي هذه الحالة يتكاثر الفيروس بكميات كبيرة.
- يتم ضخ الخلايا والفيروس في انابيب محكمة الغلق الي مكان خاص لإضافة مادة بيتا-بروبيونولاكتون والذي تستخدم في قتل الفيروس.
- هذه المادة protein alkylating وايضا تؤثر اكتر في الجوانين الموجود في المادة النووية للفيروس وتم استخدامها من قبل في تطعيمات الحمي الصفراء والانفلونزا ومرض الكلب وادت لتكوين كميات كبيرة من neutralizing antibodies.
وتمتاز بانها سريعة التطاير بسرعة كبيرة ويمكن ازالتها بعد عملها ب Vacuum or heating ولذلك لا يوجد خطورة من استخدام هذه المادة في تحضير الفاكسينات.
- بعد مرور عدة ساعات يفقد تماما الفيروس قدرته علي التكاثر او احداث اي اثر مرضي.
- بتم نقل المستحضر الي وعاء خاص لتخليصه من البيتا- بروبيونولاكتون و اي مواد غير مرغوب فيها.
- يتم مزج الفاكسين الان مع المحفز مثل مادة الالومنيوم هيدروكسيد (والتي استخدمت بامان عبر 70 عام في تطعيمات مختلفة وتكون قليلة ولا تمتص عن طريق الجسم) وتخفيفه الي التركيز المطلوب.
--------------------------------------------------- منقول د. محمد النجار ---

09/01/2021

العياده. الفيوم. نزله الكوبرى العلوى بجوار باب الاداره لكليه طب الاسنان
يوميا من ١٢ - ٤ نهارا
ومن ٩-١١ مساءا ماعدا الجمعه
٠١١٢٤٩٩٤٤٤٥ - - ٠١٠٩٧٧٢٢٦٠٤

24/12/2020

الكورونا طبقا للبروتوكول الجديد من قبل وزارة الصحه

- التحاليل السليمة لا تلغي الاشتباه
- عمل أشعة مقطعية على الصدر بعد ظهور الاعراض بأربع أيام مش قبل كدا
- فقدان حاسة الشم و التذوق من الاعراض الأساسية القوية للكورونا
- اعراض كتيرة للفيروس زى ضيق تنفس ، قئ ، اسهال ، سخونة ، وجع فى الصدر
- المسحة الأولى لو سلبية قد تكون غير دقيقة ، يجب مسحتين بفرق توقيت ٤٨ ساعة
خلوا بالكم على نفسكم
خلينا فى المهم
١) لو ظهرت الأعراض ولم يمر سوى ٢٤ ساعة بلاش تتسرع وتعمل تحاليل معملية ولو الأعراض أقل من ٣ أيام بلاش تعمل أشعة مقطعية ع الصدر لأنه مش هيبان حاجة .
٢)مش معنى انك مش عندك سخونة يبقا مش عندك كورونا انت ممكن ميكونش عندك أى أعراض بس مصاب والسبب جهاز مناعتك قوى ولاعيبة الكورة وغيرهم أوضح مثال
(Mild asymptomatic cases)
٣)فقدان حاسة الشم والتذوق تعتبر كورونا حتى يثبت العكس وإن كان مفيش عكس أصلا
٤) ألم شديد فى صدرك مصاحب لضيق تنفس ، تحرك بسرعة لأقرب طبيب متخصص
( Covid with pulmonary embolism )
٥) سخونة وإسهال ومغص شديد ف بطنك تحرك بسرعة لأقرب طبيب متخصص
( Covid with mesenteric vessels ischaemia )
٦)التحاليل المعملية بتقصر طريق التشخيص وتساعدنا على بداية العلاج لكن لا تجزم باستبعاد المرض
٧)مش معنى اني عملت أشعة مقطعية على الصدر وطلعت سليمه يبقا معناه أنه مش عندى كورونا ، جايز لسة موصلتش الرئتين
Normal CT chest does not rule out extra pulmonary Covid.
٨) لو عملت مسحة وكانت إيجابي ببقا انت كدا عندك كورونا قولا واحدا (highly specific test ).
انما لو عملت وكانت المسحة سلبي فجايز يكون في احتمالية إصابة والمسحة متعملتش صح .
( false negative result)
٩)قرار خروجك من العزل والتعامل مع الناس يعتمد على الأعراض مش على سلبية المسحة ١٠ ايام من بداية الأعراض بشرط آخر ٣ ايام بدون سخونية
PCR test doesn't differentiate between dead and alive virus
١٠)بلاش نعطي بروتوكولات علاجية واحدة لأى مريض . بلاش نعطي مضادات إلتهابات (steroids ) في بداية المرض ومفيش داعي نعطي مضادات الفيروس ( antiviral) في نهاية أو بعد فترة طويلة من الإصابة ..
مضادات التجلط( anticoagulants ) لازم نعطيها بشروطها وبجرعاتها
Prophylactic dose if D Dimer between 500- 1000
therapeutic dose if D Dimer > 1000
١١)أى مريض فوق ال ٦٠ و يعانى من ضغط وسكر أو بياخد جرعات علاج كيماوي أو عيان عنده فشل كلوي ..... الحالات دى كلها الأفضل إنها تتعزل في المستشفى مش في البيت
(High risk groups )
١٢) الإجراءات الإحترازية وكافة طرق الوقاية من لبس الكمامة الطبية والتباعد الإجتماعى وتعقيم الأيدى وتجنب الأماكن المزدحمة هو الحل الوحيد اللي هيخلينا نتخطى المرحلة دي إن شاء الله
وربنا يسترها علينا جميعا ويعدي الفترة دي على خير

17/12/2020

يتم ترتيب الأولويات في الطب . و في جراحة العظام يتم تحديد الأولويات حسب إحتياجات المريض

مثلا في الأطفال يكون هدف العلاج في جراحة العظام هو ضمان أفضل مستقبل للحياة بدون إعاقة للطفل في المستقبل و اثناء النمو

في الشباب يكون هدف العلاج هو تحقيق أفضل وظيفة و قدرة على العمل و الحركة

في كبار السن يكون هدف العلاج هو ضمان الإعتماد على النفس و الاستقلالية و عدم الاحتياج الى مساعدة خارجية لأطول فترة ممكنة

و على أساس الهدف يتم وضع خطة العلاج و ترتيب الأولويات

لذلك تقول القاعدة الطبية .. الحياة حركة و الحركة حياة
منقول