مركز الإيمان للأطفال وحديثي الولادة

  • Home
  • Egypt
  • Faqous
  • مركز الإيمان للأطفال وحديثي الولادة

مركز الإيمان للأطفال وحديثي الولادة نخبه من امهر اطباء الاطفال بفاقوس مدربين علي التعامل مع كافه امراض الاطفال وحديثي طبقا لاحدث بروتوكولات العلاج العالميه

29/12/2025

الصفره عند الأطفال ممكن تكون عادية .. أو محتاجة متابعة دقيقة.

التخمين ممكن يضر أكتر ما ينفع.

الكشف الصح بجهاز متخصص يحدد مستوى الصفره بدقة ،

وبالمتابعه الصحيه بتضمني لطفلك رعاية مستمرة واطمئنان كامل على صحته.

✨ متسيبيش التفاصيل الصغيرة تمر .. لان اطمئنانك على ابنك بيبدأ بخطوه.

📲 احجزي كشفك دلوقتي مع د .السيد عبد اللطيف - استشاري طب الأطفال وحديثي الولاده

🏡العناوين
عيادة1 : العياده فاقوس امام قصر الثقافه
المواعيد : من الساعه 12 ضهرآ حتى 5 مساء
للحجز والأستعلام : 01212138530 من ١٢ -٥م

عيادة 2 : الحمادين اعلي صيدليه المصطفي
مواعيد : من الساعه 6 مساء حتي 10مساء
للحجز والاستعلام : 01144228469

29/12/2025

🌹معلومات مهمه لكل مشروع مامي🌹

خلاص هتولدي
متنسيش بقا،،،،،🚨🚨

✅مساج للحلمه قبل الولاده بفتره علشان تتجنبي الحلمه الصغيره او الغير بارزه علشان تقدري ترضعي بعد الولادة علي طول.
✅السرسوب دا ذات قيمة وفوايد ربانية لاحصر لها ،، حوالي ٢٥-٣٠ سم وكافي جداً للطفل في اول ٤٨ ساعه،، متحرميش طفلك منه ورضعيه اول ماتفوقى

✅الطفل بيخس في اول ١٥ يوم حوالي ١٥ ٪‏ من وزنه طبيعي،، اوعي تفقدي الثقه في نفسك وتديله لبن صناعي بغرض المساعده ،، انتي كدا مش صح😤،، خليكي واثقة في نفسك وتابعي الوزن.

✅حقنة فيتامين ك في اول ٢٤ ساعه من الولاده مهمه جدا للبيبي

✅الجرعة الصفرية للإلتهاب الكبدي ب ،، في مكتب الصحه في اول ٢٤ ساعه من الولاده

✅عينة الكعب في مكتب الصحه من اليوم التالت للسابع .. ضروري لاستبعاد مشاكل الغدة الدرقية والتمثيل الغذائي

✅الشور بعد ٢٤ ساعه للبيبي ومتخافيش علي السرة.

✅ظبطي اكلك وزودي في التمر والحلبة والمية،، هتفرق في زيادة اللبن

✅امنعي الاكل اللي فيه دهون وكافيين واملاح عاليه

✅خدي فيتامين( د) ليكي وللبيبي من اول يوم

✅الاوميجا٣ للام المرضعه أثبتوا انه ليها تأثير علي النضوج الذهني للبيبي واللي هيفيده من خلال اللبن

✅الرضاعة من الثدي الواحد ع الاقل 20دقيقه،، وصول البيبي للبن نهاية الرضعه مهم هيفرق معاكي في زيادة اللبن ،، ومعاه في راحة معدته ومعدل زيادته.

✅هتقضيها اول ٤ شهور مغص وانتفاخات وخنفره متقلقيش😁😁

✅لازم يكون معاكي حد يساعدك وبالأخص لو اول بيبي،، اكتئاب ما بعد الولاده شىء مش ظريف متحاوليش حتي تفكري فيه ،، خليكي فريش 💪
هتتعبي ،،آه
هتبكي،، آه
هتكرهي نفسك،، آه
🫩🫩
بس لما تبصي في وش الملاك اللي ربنا بعتهولك ويضحكلك،، هتنسي هموم الدنيا ومافيها وهيبقي أملك الوحيد في الدنيا🌷🌷

🩺د السيد عبداللطيف استشاري اطفال 🩺
ا

29/12/2025

رشح وكحة عند الطفل؟
قبل ما تقولي “نزلة برد وهتعدّي”
اسألي نفسك شوية أسئلة بسيطة 👇
– الكحة ناشفة ولا بصوت؟
– النفس سريع؟
– الطفل بيصحى من النوم مخنوق؟
لو الإجابة “آه” على أكتر من سؤال
يبقى محتاجة متابعة، مش مجرد علاج برد.
الفرق بين نزلة برد ونزلة شعبية
تشخيصه الصح يحمي طفلك من مضاعفات.
📍 الكشف بدري أمان لطفلك
د/ السيد عبد اللطيف
🏡العناوين
عيادة1 : العياده فاقوس امام قصر الثقافه
المواعيد : من الساعه 12 ضهرآ حتى 5 مساء
للحجز والأستعلام : 01212138530 من ١٢ -٥م

عيادة 2 : الحمادين اعلي صيدليه المصطفي
مواعيد : من الساعه 6 مساء حتي 10مساء
للحجز والاستعلام : 01144228469

29/12/2025

ليه الديدان بترجع رغم العلاج؟ 🤔

⬅️ الأدوية بتقتل الديدان الحية بس مش البيض
لازم تكرار الجرعة بعد أسبوعي واوقات بنحتاج جرعة ثالثة

⬅️ الديدان معدية جدًا : لو طفل واحد مصاب، غالبًا كل الأسرة محتاجة العلاج

⬅️ انتقال العدوى: البيض بيتحط بالليل حوالين الشرج ولما يهرش الطفل العدوي بتنتقل لكل البيت

⬅️عشان نخلص نهائي
◀️ استحمام يومي للطفل صباحًا وتنظيف الشرج
◀️ قص الأظافر لكل الأسرة
◀️ غسيل الفوط والملابس بمياه ساخنة
◀️ تعقيم الأسطح ومقابض الأبواب

29/12/2025

🚨 تنبيه مهم للأمهات 🚨
مع إن دور الإنفلونزا بدأ يهدى الفترة دي،
إلا إننا بنلاحظ زيادة واضحة في حالات الأطفال أقل من 6 شهور
بسبب فيروس RSV 👶🦠
⚠️ الفيروس ده بيكون أخطر نسبيًا على الرضع،
وبنشوف بسببه: ▪️ التهاب شعبي حاد
▪️ التهاب رئوي
▪️ حالات كتير بتحتاج حجز ومتابعة أكسجين 🏥
🚩 ناخد بالنا من الأعراض دي:
🔸 كحة مستمرة أو بتزيد
🔸 خنفرة أو صوت صفير في الصدر
🔸 نهجان أو سرعة في النفس
🔸 صعوبة في الرضاعة
🔸 كسل أو نوم زيادة عن الطبيعي
🔸 ازرقاق حول الفم أو الأظافر ❗
🛑 تعليمات مهمة جدًا للأمهات:
✅ أي دور برد لرضيع أقل من 6 شهور مايتسابش
✅ بلاش الاختلاط أو الخروج غير الضروري
✅ غسل الإيدين كويس قبل شيل الطفل 🧼
✅ ممنوع أي حد عنده برد يبوس الطفل أو يقرب منه
✅ الرضاعة الطبيعية مهمة جدًا وبتقوي المناعة 🤱
✅ لو الأعراض زادت أو النفس اتأثر
➡️ التوجه فورًا للطبيب أو المستشفى
📌 الاطمئنان بدري بيفرق جدًا
وكل ما نلحق الحالة بدري،
كل ما نقدر نتجنب مضاعفات وحجز.
ربنا يحفظ أولادنا جميعًا 🤍
👨‍⚕️💙

29/12/2025

👶 حاجات بتقلّق كل أم جديدة… لكنها طبيعية جدًا
في الشهور الأولى من عمر المولود 😌💙

▪️ ابني عنده أسبوع ولسه سرته ماوقعتش؟
✔️ طبيعي
✔️ سُرّة المولود ممكن تقع من 7 أيام لحد 3–4 أسابيع
✔️ أحيانًا تمتد لحد 45 يوم طالما:
🔹ناشفة
🔹مفيش احمرار
🔹مفيش إفرازات أو ريحة وحشة
📌 خلي السرة دايمًا خارج الحفاض
📌 مشبك السرة دوره أول ساعات بس، ويتشال عادي
📌 ملوش أي قيمة دينية أو طبية بعد كده

▪️ بيحزق ويتلوّى ولونه يتغير؟
✔️ طبيعي
طالما:
🔹بيرضع كويس
🔹وزنه بيزيد طبيعي

▪️ عدد مرات البراز؟
✔️ من 7 مرات في اليوم
✔️ أو مرة كل 5–7 أيام
كله طبيعي طالما الرضاعة والوزن تمام.

▪️ لون البراز أصفر / أخضر / أصفر مخضر؟
✔️ طبيعي جدًا مع الرضاعة.

▪️ بول فيه لون وردي؟
✔️ مش دم
✔️ أملاح مترسبة
✔️ طبيعي أول أيام الحياة

▪️ النفس سريع شوية وبعدين يبطّأ؟
✔️ طبيعي في الشهور الأولى
طالما مفيش زرقة أو صعوبة رضاعة.

▪️ بطنه طالعة ونازلة مع النفس؟
✔️ طبيعي
الرضيع بيتنفس بالحجاب الحاجز.

▪️ خنخة وصوت في الأنف؟
✔️ طبيعي
لو أثرت على الرضاعة أو النوم:
👈 نستخدم محلول ملح أو بخاخ ماء بحر
❌ مفيش حاجة اسمها “لحمية كاذبة” في الرضع

▪️ التوبرين / التوبرال؟
✔️ قطرة تعقيم
✔️ تُستخدم 3–5 أيام بعد الولادة
❌ مش قطرة أمراض عيون

▪️ حقنة فيتامين K؟
✔️ مهمة جدًا
✔️ تمنع نزيف حديثي الولادة
❌ ملهاش علاقة بالصفرا

▪️ مطهر السرة؟
✔️ كحول 70%
❌ بتادين (بيأثر على الغدة الدرقية)

▪️ العين بتحوّل؟
✔️ طبيعي لحد 6 شهور

▪️ لون العين بيتغير؟
✔️ طبيعي أول 3–4 شهور

▪️ الاستحمام؟
✔️ يوميًا في الصيف
✔️ 2–3 مرات أسبوعيًا في الشتاء

👧 البنات حديثي الولادة
✔️ إفرازات مخاطية أو دم بسيط 👈 تأثير هرمونات الأم
✔️ بروز لحمي بسيط 👈 طبيعي ويختفي

👶 تضخم الثدي أو نزول لبن (ولد أو بنت)
✔️ طبيعي
❌ ممنوع العصر تمامًا
عصر الثدي ممكن يعمل التهاب أو خُراج ويضر الثدي مستقبلاً.

📌 الخلاصة
معظم اللي بيقلّق الأمهات في أول شهور
✔️ طبيعي
✔️ ومش محتاج علاج
✔️ محتاج طمأنة وفهم

معًا… لصحة أفضل لأطفالنا 🌱👶

29/12/2025

📌التوصيات العلمية حول استخدام اللهاية (السكاتة ، التيتينا) للرضع 👶

✅ أظهرت الأبحاث العلمية أن وضع اللهاية عندما ينام الرضيع يمكن أن يقلل من خطر متلازمة الموت المفاجئ للرضع (SIDS) بشكل ملحوظ ، ولذلك توصي بعض الجمعيات الطبية بوضع اللهاية عند النوم حتى عمر سنة.

✅ تساعد على تهدئة الطفل وتعزيز شعوره بالأمان وتقليل البكاء ، وتعتبر مفيدة في كثير من المواقف مثل السفر أو بعد التطعيمات.

✅ تساعد على تخفيف التوتر والألم عند الرضع أثناء بعض الإجراءات الطبية مثل (أخذ الدم أو التطعيمات).

✅ مساعدة الأطفال الخُدّج (المبتسرين) لتحسين انتقال الطفل من التغذية بالأنبوب إلى التغذية الفموية ومن ثم تقليل مدة الإقامة في وحدات رعاية الأطفال المبتسرين (الحضانات).

✅ الأطفال الذين بدأوا استخدام اللهاية قبل عمر 4 أشهر كان لديهم نسبة أقل في حدوث عادة مصّ الأصابع أو الإبهام مقارنةً بالأطفال الذين بدأوا استخدامها بعد عمر 4 أشهر.

💥 نصائح عملية لتجنب الآثار السلبية المحتملة
:

✔️ يوصى بعدم إعطاء اللهاية للطفل خلال أول (٣-٤ أسابيع) من العمر لحين استقرار الرضاعة الطبيعية ، لأن استخدام اللهاية مبكرا جدا قد يشتت الطفل عن الرضاعة .

✔️ نظّفها بانتظام عن طريق وضعها في ماء مغلي لمدة ١٥ دقيقة أو رشها بالكحول ثم اغسلها بالماء لتقليل فرص حدوث العدوى وفطريات الفم.

✔️ ابدأ في الفطام عنها تدريجيًا بين 6–12 شهر لتقليل الاعتماد عليها وتقليل المخاطر المحتملة وتشوه الأسنان والفكين.

✔️ استخدم لهاية ذات نوعية جيدة لمنع خطر انكسارها او تفككها داخل الفم وابتلاع جزء منها.

✔️ تقليل مدة استخدامها بعد الشهر السادس لتقليل فرص حدوث إلتهاب الأذن الوسطى وتأخر النطق والكلام.

#دكتور

29/12/2025

� مغص حديثي الولادة… طبيعي ولا محتاج كشف؟

سؤال بيتكرر عند كل أم، وخلّينا نطمنك:
معظم حالات المغص عند الرُضع طبيعية وبتتحسن مع الوقت 👌

🔹 من أشهر أسباب المغص:

• عدم اكتمال الجهاز الهضمي عند الطفل
• دخول هوا أثناء الرضاعة
• الغازات والانتفاخ
• حساسية من نوع اللبن أو تأثر الطفل بأكل الأم
• إرهاق أو قلة نوم

👈 غالبًا المغص بيظهر في أول شهور الحياة، ويقل تدريجيًا.

⚠️ إمتى لازم نكشف؟
لو المغص مصحوب بقيء متكرر، حرارة، ضعف رضاعة، أو بكاء مستمر غير معتاد.

💙 التعامل الصح والتشخيص السليم بيفرقوا كتير في راحة الطفل واطمئنان الأم.

📍 عيادة الأطفال د. السيد عبد اللطيف
متابعة دقيقة واحدث الاجهزه لحديثي الولادة
علشان طفلك يكبر بصحة وراحة.

15/12/2025

⛔ الصفرا الفسيولوجية عند حديثي الولادة: إمتى تبقى عادية؟ وإمتى نخاف؟👌👌

👈 أكتر من 50% من الأطفال حديثي الولادة بيجي لهم صفرا فسيولوجية، وده طبيعي جدًا.
👈 بتبدأ غالبًا في اليوم الثاني أو الثالث بعد الولادة، وتختفي بالتدريج خلال أسبوعين من غير أي تدخل في أغلب الحالات.

🤔 نتصرف إزاي في البيت لو الصفرا بسيطه بعد استشاره الطبيب👇👇
✅ رضاعة طبيعية متكررة كل ساعتين تلاتة.
✅ عرض الطفل على نور الشمس الخفيف (الصبح بدري أو قبل المغرب) من 5 لـ 10 دقايق – من غير إزاز.
✅ متابعة لون الجلد والعين كويس.

❌ خد بالك من التصرفات الغلط اللي ممكن تضر الطفل أكتر ما تفيده:

‼️اللمبة النيون ملهاش أي علاقة بعلاج الصفرا، وممكن تكون مضرة.

‼️اللبن الصناعي مش علاج للصفرا، إلا لو الدكتور وصفه لسبب محدد.

‼️الأعشاب أو أي أدوية بدون استشارة طبيب = خطر كبير على البيبي.

‼️متستخدميش وصفات على الإنترنت أو كلام غير المتخصصين.

⛔⛔ طب إمتى نروح للدكتور فورًا؟🤔🤔

❗ لو الصفرا بدأت في أول 24 ساعة بعد الولادة.
❗ أو لو زادت بشكل سريع في يوم أو اتنين وبقت اكتر من 20.
❗ أو بقت لونها غامق قوي (لون أصفر واضح جدًا).
❗ أو الطفل بدأ ينام كتير ومش بيرضع كويس.
❗ أو الصفرا استمرت أكتر من 14 يوم (في الطفل الكامل)، أو أكتر من 21 يوم (في الطفل المبتسر).

الصفرا الفسيولوجية مش مرض، لكن محتاجة متابعة صح علشان نطمن إن الأمور في النطاق الطبيعي.

متوفر بالعياده
جهاز قياس الصفره عن طريق الجلد
عنوان العياده فاقوس امام قصر الثقافه اعلي مركز معالي للاشعه من ١ل٥م للحجز ٠١٢١٢١٣٨٥٣٠
عياده الحمادين اعلي صيدليه المصطفي من ٦الي ١٠م ٠١١٤٤٢٢٨٤٦٩

15/12/2025

كيفيه. التعامل مع الكحه لدي الاطفال

١- الكحه لو متقطعه كل ٤ ساعات او اكتر وما زادتش عن ٥ ايام ما تخوّفش
٢- أشهر سبب للكحه في الاطفال هو الرشح بسبب دور برد ودي غالبا بتقعد ٥ ايام الي اسبوع وتخف وعلاجها تنضيف الأنف بالنقط أو بخاخه ماء البحر
٣- الطفل ما بيتعودش علي الجلسات
٤- الكحه لو مستمره ومتكرره كل ساعه أو أقل او الطفل مش عارف ينام منها والرضاعه مش تمام أو لو عدي ٥ ايام وما خفتش كده لازم كشف وفحص فورا دي يا اما نزله شعبيه يا اما التهاب رئوي
٥ - الكلام ده عن الاطفال اكبر من ٦ شهور انما اي طفل اقل من ٦ شهور ده لو بيكح لازم كشف فورا ما تستنيش
٦- علاج الكحه البسيطه تسليك الأنف وسوايل دافيه عليها ليمون ( ينسون _ حلبه _ كراويه _ شربه ) وادويه الكحه حسب عمر الطفل
٧ - علاج الكحه الجامده مش دواء كحه وشكرا لازم كشف علشان يتحدد طريقه العلاج ومكانه وممكن حجز في المستشفي
٨ - اما لو متكرره ومعاها تزييق في الصدر والطفل غالبا بيحتاج جلسات بخار عشان يرتاح كده الطفل ده عنده حساسيه صدر عشان تمنع تكرار الكحه
والله يباركلكم بلاش موضوع الطفل هيتعود علي البخاخات
٩- الاطفال اقل من ٦ شهور هتلاقي علي طول الأنف مسدوده لازم تسليك الأنف باستمرار
١٠ - علي فكره الطفل ما بيتعودش علي الجلسات
١١- لو طفل بيكح والدكتور اداله دواء ترجيع ما تستغربيش لان من ضمن اسباب الكحه عند الاطفال ارتجاع المرئ
١٢ - ممنوع التدخين جنب الاطفال واي حد عنده برد ما يقربش جنب الاطفال خصوصا اللي اقل من ٦ شهور لان دور برد عن الكبار يقلب بالتهاب رئوي في الاطفال دي
١٣- احسن مذيب للبلغم عسل النحل مع الليمون علي كوبايه ينسون بعد عمر سنه ونركز اوي في النقطه دي
١٤ - لتقوية مناعة طفلك اهم حاجه النوم كويس والرضاعه الطبيعيه والتغذيه الصحيه
ومعاكي
١٥- تطعيم الانفلونزا قبل كل شتا للأطفال أكبر من ٦ شهور

د السيد عبداللطيف استشاري اطفال وحديثي الولاده

🏡العناوين
عيادة1 : العياده فاقوس امام قصر الثقافه
المواعيد : من الساعه 12 ضهرآ حتى 5 مساء
للحجز والأستعلام : 01212138530 من ١٢ -٥م

عيادة 2 : الحمادين اعلي صيدليه المصطفي
مواعيد : من الساعه 6 مساء حتي 10مساء
للحجز والاستعلام : 01144228469

15/12/2025

متوفر بالعياده
جهاز قياس الصفره عن طريق الجلد
عنوان العياده فاقوس امام قصر الثقافه اعلي مركز معالي للاشعه من ١ل٥مللحجز ٠١٢١٢١٣٨٥٣٠
عياده الحمادين اعلي صيدليه المصطفي من ٦الي ١٠م ٠١١٤٤٢٢٨٤٦٩

Address

مدخل فاقوس . . أمام بنزينة المفارق
Faqous

Telephone

01022606770

Website

Alerts

Be the first to know and let us send you an email when مركز الإيمان للأطفال وحديثي الولادة posts news and promotions. Your email address will not be used for any other purpose, and you can unsubscribe at any time.

Shortcuts

Share

Category