مركز الامل للعلاج الطبيعي

28/06/2018

لكل واحد أو واحدة ماشية ف مشوار التخسيس ....بجد كمل وخليك ورا هدفك ومتستلمش ومتسمعش لاي حد بيحبطك ناس كتير تتمني تعمل زيك واحنا هنا من خلال الصفحة هنحاول نساعدك ونشجعك ونقدملك المعلومات اللي ممكن تساعدك....وكل اللي عايز يخس ومش قادر أو مش عارف أو بيأجل.....ياريت تبدأ من النهاردة و احنا نساعدك علي قد ما نقدر ابدا وكفاية تأجيل...اللي بدا وعرف يخس ميفرقش عنك حاجة غير انه بدأ
اي حد محتاج اي سؤال أو استفسار احنا تحت امرك ف اي وقت

20/06/2018

اعمل لايك او كومنت عشان توصلك كل منشوراتنا

17/06/2018

اعمل لايك أو كومنت عشان توصلك كل البوستات بتاعتنا

26/04/2018

التحول

14/04/2018

01/04/2018

-مفيش اكل بيخسس منطقة معينة وبالتالي بردو مفيش اكل بيتخن مناطق معينة
-عايزة اخس من غير ما وشي يخس......مفيش حاجة اسمها كدا الجسم كله بيخس بس بنسب يعني الأغلبية من مناطق التخزين والباقي من جسمك
-عادي جدا تاكل فاكهة ما بين الوجبات
-النوم بعد الاكل مش بيتخن....اه والله مش بيتخن..هو بيعمل عسر هضم وارتجاع مرئ
-حاول تخفف اكل الموالح والمخللات أو تبطلها خالص ياريت عشان دي بتخزن المياه ف الجسم
جسمك محتاج كل العناصر الغذائية ...بروتين وكاربوهيدرات ودهون المهم متاخدش منهم اكتر من احتياجك
-شرب المياه كتير بيعلي معدل الحرق
-الدايت مش حرمان ده برنامج اكل صحي
احنا تحت امرك ف اي استفسار أو سؤال ابعتلنا ف كومنت أو برسالة
واحنا هنرد عليكم

20/03/2018

النهاردة هنتكلم معاكم ف اخطاء كتير مننا بنقع فيها واحنا عايزين نبدا ف الدايت وبسببها ممكن نسيبه ونرجع ناكل تاني
منها مثلا انك بتكون قاسي علي تفسك زيادة عن اللزوم او العكس
ومنها (واللي بعتبره مهم جدا)غياب الحافز...الحافز ده من اهم الحاجات اللي هتخليك تكمل ...لازم قبل ما تبدأ تدور علي الحافز بتاعك....حتي ولو كان بنطلون بقي ضيق عليك او تيشرت او بدي او بلوزة...اه عادي جدا.. علقه قدامك دايما...ده كفيل جدا انه يشجعك اول ما ارادتك تضعف شوية.
ومنها بردو اللي بيبقي عايز حد يشجعه ويخس معاه...طبعا حلو قوي نشجع بعض بس مينفعش يبقي هو الدافع الاساسي لانه لو يوم اهمل او كسل او تعب انت بردو هتكسل....لازم تكون انت من جواك عايز تخس وتكون مستعد ليه اوي
وفي المبررات.. منها انا مش فاضي العب رياضة ف مش هقدر اخس...لا انت ابدأ الاول حتي بنظام غذائي بس وبعدين لما تلاقي نفسك بتخس هتتشجع وهتلاقي وقت للرياضة
وفي اللي عايز بقي يخس بسرعة ..12 كيلو ف الشهر او ف الاسبوع ولما يلاقي نتيجة مش عاجباه يسيب كل حاجة.....لا طبعا الجسم ده نظام معقد وله معايير ومقاييس كتير....ف مش معني ان النتيجة انت شايفها ضعيفة يبقي تهمل وتكسل لا انت كمل وهتوصل وهتلاقي معدلات الحرق يتاعتك بتعلي وتزيد وهتوصل للي انت عايزه
اسف طولت عليكم ف البوست ده بس انا حاولت اختصر الاسباب اللي بتواجه الاغلبية
لو عندك سؤال او استفسار احنا تحت امرك ف اي وقت

18/03/2018

دي اشكال مختلفة لتمارين البطن.....طبعا ممكن متقدرش تعملها كلها ف الاول....ابدأ حتي باول تمرينين وكل شهر ممكن تزود تمرين😉😉💪

15/03/2018

نصائح يومية مهمة:
1-ابدأ يومك بالرياضة(حتي ولو 10 دقايق وفي تمارين كتير هنتداولها معاكم ممكن تعملها سواء عايز تخس او مش عايز تخس..الرياضة هتساعدك تبدا يومك نشيط من غير ارهاق و تعب)
2-افـطـــر.....افطر فطار صحي ومتكامل النظام مهم ليك
3-اشرب قدر كافي من المياه ....المياه مهمة جدا ليك ولصحتك وخصوصا لو بتحس بالارهاق وضعف التركيز
4-اسمع مزيكا هادية عشان تهدي اعصابك
5-حاول تبعد عن الشاي والنسكافيه .....ممكن فنجان قهوة واحد ف لبيوم
6-حافظ علي نظام غذائي صحي ليك ومتكامل(يعني متهملش اي عنصر غذائي زي السلطة والفاكهة اللي مظلومين ف البيت المصري)
7-لو وقتك بيسمحلك تتفرج ع النت حاول تحضر حاجة مفيدة زي الفيديوهات اللي تلهمك وتشجعك وتساعدك توصل لحلمك و هدفك(متضيعش وقتك ....استفيد من وقتك علي قد ما تقدر)
8-واخيرا ابتسم وخليك متفائل دايما وشجع نفسك
>>>حاول تجرب الحاجات البسيطة دي وهتفرق معاك جدا