Dr/Mohamed Abd El-Wahed - دكتور محمد عبد الواحد

13/02/2026

جمعة مباركة 🌹

13/02/2026

جمعة مباركة 🌹
نطلع لايف الساعه ٢ باذن الله بعد ٤٥ ق من الان
لو حد عنده استفسار

11/02/2026

الإنسان عدو ما يجهل

11/02/2026

معرفش صاحب الرسالة .. لكن جزاه الله كل خير والله .

10/02/2026

قال النبي صلى الله عليه وسلم: لا ينبغي لمؤمن أن يذل نفسه ، قالوا : وكيف يذل نفسه ؟ قال : يحملها من البلاء مالا تحتمل .

يعنى يشيلها اكتر مما تحتمل و شايل الهم طول الوقت .

و لَعلَّ ما تَخشاهُ لَيسَ بِكائنٍ، ولعلَّ ما تَرجوهُ سَوفَ يَكونُ
ولعلَّ ما هَوَّنتَ لَيس بِهَيّنٍ، ولعلَّ ما شدّدتَ سَوفَ يَهونُ

10/02/2026

- كل مرضى السكر عندهم مشاكل فى الجهاز الهضمي .
- كل مرضى الضغط عندهم مشاكل فى الجهاز الهضمي .
- كل مرضى امراض المناعه الذاتية " اين كان ايه هى " عندهم مشاكل فى الجهاز الهضمى .
- كل اللى بيعانى من سمنه و زيادة وزن .. و كل اللى بيعانى من نحافة و ضعف وزن .. بيعانى من مشاكل فى الجهاز الهضمي.
- كل مرضى المشاكل الهرمونية " تكيسات .. تثدي " الخ .. عندهم مشاكل فى الجهاز الهضمى .
- كل اللى عندهم مشاكل نفسيه إكتئاب شديد الخ عندهم مشاكل فى الجهاز الهضمى .
- الأطفال اللى عندها ضعف فى النمو و طيف توحد عندهم مشاكل فى الجهاز الهضمى .
- اللى عنده تضخم كبد .. دهون ع الكبد .. حصوات مرارة او كلي .. عنده مشاكل فى الجهاز الهضمي .
- اللى عندهم انيميا مستمرة و جفاف جلد دائم و ضعف عام فى الجسم عندهم مشاكل فى الجهاز الهضمى .
- اللى عندهم صدفيه .. إكزيما .. الخ عندهم مشاكل فى الجهاز الهضمي.
- كل السيدات اللى عندهم مشاكل نسائيه اين كان مسماها " لغبطة هرمونات .. إلتهابات .. إجهاضات متكرره .. فشل حقن مجهري .. لغبطة فى الدورة الشهرية .. الخ " عندهم مشاكل ف الجهاز الهضمي .
- كل الرجال اللى عندهم مشاكل فى الذكورة او الهرمونات او الحيوانات المنوية .. عندهم مشاكل فى الجهاز الهضمي .
- اللى عندهم اورام " كانسر " عندهم مشاكل فى الجهاز الهضمي .

العامل المشترك بين كل الأعراض المرضية لأي مرض ان كلهم بيشتكوا من معدتهم .
واللى خلي المرض معاهم يزيد و يكون مزمن هو ان محدش بيتكلم معاه عن جهازه الهضمى.
يعنى اللى عنده سكر انت بتنظم " ارقام " السكر له بس .. الضغط كذلك بتنظم " أرقام " .. الكوليسترول كذلك بتنظم " أرقام " .. وبالتالى مش هيتعالج طول عمره و هيفضل يعانى من مضاعفات كل سنه اكتر من التانيه .. لانه مجابش اصل المشكلة من البداية ! انت ماشى تعدل رقم و نسيت مشاكلك نفسها .
وكله تحت مسمى ان ده " وراثة " او تعايش معاه .
لان مرجعناش لأصل المشكلة .. جهازه الهضمى .
و الجهاز الهضمى متولدتش انت بيه بيتعبك .. انت تعبته بموروثات غذائية غير سليمة وحتى الأطفال اللى بتتولد بمشاكل فى الجهاز الهضمى هى اكتسبتها من سلوك غذائى غير سليم من الأم نفسها اثناء الحمل و الرضاعه !
- و بالتالى محتاج انك تعيد إصلاحه من تانى و مش هيتصلح فى يومين دا محتاج وقت علشان يرجع تانى سليم .. هتتفاجئ بعد فتره ان الأمراض اللى كنت بتسمع عن انها مزمنه او وراثية .. إختفت ! اه والله إختفت بنسبة كبيرة .لانك عالجت الـ جذور المشكلة من بدايتها مش مجرد اعراضها.
بدل ما انت بتصرف نص ثروتك فى الحياة على شوية ورق تحاليل و اشاعات و كشوفات و مناظير و روشتات اد كده و مش بتوصل لشئ فى النهايه ! و لو الطبيب بتاعك مقعدش اتكلم معاك عن مشاكل معدتك و سلوك اكلك حتى لو هو تخصصه عظام او اعصاب او اى تخصص تانى اعرف انك مش بتعالج المشكلة اصلا .. انت بتخفى العرض اللى تاعبك مؤقتا .

الجهاز الهضمى علاجه مش حبوب تاخدها .. انت كده بتأذي اكتر من بتنفع .
علاجه تمنع اللى بيتعبه و تقاوم شهوتك لحد ما امورك تكون كويسة طالما كل الأكل بيتعبك .. خلال شهر ونص هتلاحظ ان جسمك و صحتك اتغيرت 180 درجة بأمر الله .

و دمتم جميعا بكل خير .

08/02/2026

بالأمس شوفت فيديو لدكتور صيدلي " محترم و ذو علم و خلق " كان بيقول للناس الحقوا جهزوا شنط رمضان .. ف طبيعى اى شخص يسمع كده هيفتكر شنط رمضان اللى بيكون فيها اكل و كده .. إتضح انه بيقولهم شنط رمضان اللى فيها الأدوية التاليه .
= تشتروا مثبط حموضة " حاجة للحموضة " علشان الحموضة اللى هتجيلكم بعد الفطار .
- دواء للإنتفاخات و الغازات علشان لما يلغبطوا بعد الفطار
- دواء للإمساك
- مجموعه فيتامينات علشان اللى بيناموا بعد الأكل على طول
دى بقت شنطة رمضان الجديدة اللى المفروض الناس تشتريها و تحطها جنبها 😄 اه والله.
طاب ده كله ليه و بتعمل فى نفسك كده ليه ؟
= علشان تاكل براحتك و لو جسمك اشتكى من الأكل بتاعك تقوله اخرص متشتكيش .
طاب ما ياعم الحموضة و الإنتفاخات دى رسائل جسمك بيقولك انت بتعمل حاجة غلط بطل اللى بتعمله ! لا طز .. انا هاكل براحتى
طاب ما انت هتمرض بعد كده و يجيلك كل امراض الدنيا ؟ لا اكيد الأمراض دى جاتلى وراثه او حسد !
انا مش بشكك فى الحسد بس اعتقد فى امر مهم انت لازم تاخد بالك منه .. انك طفس 😅 و طفاستك سر تعاستك ..
رمضـان مش شهر اكل .. واللى الناس بتعمله عند الفطار كارثة من كم الأصناف اللى بتكون محطوطه من حلويات و عصائر و معجنات و خلافة دا بيخلي جسمك بعد ما كان فى افضل لحظاته " الصيام " بيلعن اللحظة اللى انت اكلت فيها و بالتالى بيرسل إشارات عنيفة لحضرتك من نوم بعد الأكل لانه مش قادر خلاص .. انتفاخ معده .. حموضة .. عسر هضم .. الخ .. يبقى من حق جسمك عليك انك تسمعله مش انك تكتمه بالأدوية .. اللى بتخفى الإنذار لحد ما تصحى على كوارث بعد كده .
الأفضل إتباع النهج النبوي .. المغرب تأذن تفطر على 3 تمرات " اى حد حتى لو متشخص سكر " و كوب ماء اتوضى و صلي فى المسجد او البيت
بعد كده ابدء بالشربة و معلقتين بس بالعدد من اى حاجة قدامك .
و قوم بقى استنى لصلاة العشاء و التراويح .. بعدهم تعالى كمل اكلك حاجات بسيطة .

اينعم عارف ان ده صعب .. بس اتحداك لو عملت كده و تعبت و شوف رمضان هيعدى عليك ازاى بأحسن صحة وحال !
الحل فى ايد كل واحد فينا بس محتاج يجاهد شهوته و يجاهد المجتمع اللى عايش فيه اللى اغلبه غلط للأسف .. احسن ما يمشى بصيدلية ادوية فى البيت .
و دمتم دايما يارب بكل خير .

07/02/2026

ليه الأمراض بتزيد و مش بتتعالج !؟ افهم جسمك شغال ازاي

03/02/2026

اهو محمد ربنا كرمه و وفقه و قرر يوفر نص فلوسه اللى بيصرفها طول حياته على شوية ورق تحاليل و العيادات و قرر يشوف هو بياكل ايه اتسبب فى المشاكل اللى بيعانى منها
و بمجرد ما الأعراض اختفت قالك والله ما انا داخل اى معمل تانى ولا هدفع مليم فى ورق تانى طالما انا كويس و الحمدلله مش بعانى من حاجة .. و يوم ما هتعب هيكون بسبب انى لغبطت فى الأكل مش بسبب حاجة تانيه .
خليك زى محمد بدل ما انت نص فلوسك اللى بتمسكها من يوم ما تتولد لحد ما تموت بتصرفها على شوية ورق علشان تشتري بيه المرض .
بالتوفيق ودمتم بخير ...

03/02/2026

طبت حيا وميتا ❤

المجد للي مسك الغربال وكركب العالم وخلى الكل يعض في بعضه والاسرار تتكشف والفضايح على عينك يا تاجر.

02/02/2026

قال رسول الله صلى الله عليه وسلم: إن الله ليطلع في ليلة النصف من شعبان فيغفر لجميع خلقه، إلا لمشرك أو مشاحن"
- ف اللهم اغفر لنا و ارحمنا و امحي ذنوبنا و يسر لنا امورنا و إغفر تقصيرنا و عافنا و اعفوا عنا يا رحمن يا رحيم .
- ف لو كان احد يحمل فى نفسه ضغينه منى او اسأت له بقصد او بغير قصد ف ليسامحنا و يصفح عنا .

02/02/2026

افضل نظام غذائى على الإطلاق