12/04/2025
دكتور أنا هتجنن ،بحس أن جسمي نجس،بستحمى،مرة و عشره و مش بيختفي الإحساس دا . يومي كله فالحمام.
-طيب أنت كشفتي عند ثلاثة أطباء نفسية،و من علاجهم واضح أنهم شخصوا حالتك (اضطراب وسواس قهري) و الأدوية كويسه هل اتحسنتي على العلاج؟
دكتور تحسن بسيط جدا...
- طيب أنت إيه اللي مضايقك فحياتك؟
و لا حاجه.
- كلامك مش صحيح...أنت عندك مشكلة كبيرة،بتسببلك صراع عنيف.
إيه اخبار علاقتك بزوجك؟
بدأت تبكي بغزارة.
دكتور زوجي معاه ،كل اللي بطلبه بيجيلي،و أحلى لبس و.و.و ...بس دكتور أنا بحس أني جارية عنده...و لا مرة قالي كلام حلو...و أنا بطبيعتي رومنسية.
طيب و انتي اتعاملتي ازاي مع المشكلة دي؟
دكتور أنا بتكلم مع راجل بيحبني،و بحبه،بيقدرني ،و بيقول أرق كلام..دكتور والله ما في بينا غير الكلام.
طيب،أنت،بينك و بين نفسك، ايه رأيك في تصرفك دا؟
دكتور عارفه أنه غلط و حرام...بس ما عنديش حل تاني... أعمل ايه!
إنتي مؤمنة بالله،و بتصلي،و عارفه أن الي بتعمليه حرام و غلط،و هوا دا اللي مسببلك شعور عميق بالذنب،بتحاولي تتخلصي منه،لكن مش هتقدري.
طب يا دكتور...ايه الحل؟
الحل عندك أنت:
عشان تتخلصي من الشعور بالذنب،و اللي بيخليكي تحسي أن جسمك نجس مهما تطهرتي،عندك ثلاثة حلول:
١-أن تقطعي علاقتك بالراجل الغريب،و تحاولي اصلاح علاقتك مع زوجك.
قالت:
دكتور مستحيل،أنا لولا وجود الرجل دا فحياتي،كنت انتحرت من زمان.
٢- طيب الحل الثاني،أن تتطلقي من زوجك،و تتزوجي الراجل اللي بتحبيه.
دكتور مستحيل، الراجل دا متزوج،و فقير ،و عنده أولاد،و..و..و مستحيل.
٣- إذن الحل الأخير،أن تتخلي عن قيمك،وأخلاقك،و دينك،عشان متحسيش بالذنب.
دكتور انا خايفه من ربنا...خايفه من عقابه.
طيب،إيه رأيك، زوجك يجي في الزيارة الجايه إن شاءالله،و هشرح له حالتك...
دكتور هتقوله على...!!!
أكيد لا...لا تقلقي...أسرارك هذه لن يطلع عليها أحد.
لقائي به،هيكون عشان افهمه حالتك واحتياجاتك المعنويه ،زوجك يحبك،و هو أبو أولادك،لكنه لايعرف التعبير عن مشاعره.
عندما تتفهمي مع زوجك،لن تشعري بحاجة لذلك الرجل الغريب...قولي لزوجك احتياجاتك النفسية الطبيعية المشروعة، يسهل عليك التخلي عن ذلك الرجل الغريب .
طيب..دكتور معلش...اديني فرصة أفكر بهدوء.
أكيد.
هذه الحالة كثيرة ،ليست حالة نادرة أو وحيدة،للأسف تتكرر كثيرا...مع اختلافات بسيطة بالتفاصيل.
دوري- كطبيب - لا أفكر بتقييم المريض/المريضة...فأنا لست قاضيا...كل ما أفكر به:
هو حل الصراع عند المريض و شفائه من معاناته،لكن في كثير من الحالات،يكون العلاج الدوائي عاجز عن حل صراع عنيف حقيقي يعيشه المريض.
أرجو من كل زوج،أن يعلم بوضوح:
أن زوجته،مهما كان عمرها،و حالها،فهي إنسانة ،لا تقتصر احتياجاتها على الطعام و اللباس و المال و الجنس،بل لديها احتياج فطري قوي للكلمة الطيبة...لأن تعبر أنت عن حبك لها و تثني عليها .
دمتم بصحة وعافية 🌹🌹🌹🌹🌹🌹
د. أسامه ابو الدهب استشاري المخ والاعصاب والطب النفسي وعلاج الادمان وطب نفسي الاطفال والمراهقين بكليه الطب.
https://www.facebook.com/dr.osamadahb/
************************************************
العناوين ومواعيد العمل:👇👇
جرجا-- برج الأطباء--أعلى كشري جحا--الدور السادس
للحجز والاستفسار: 01027722663
سوهاج -- ميدان العروبة -- امام المطافي -- اعلى جزارة أولاد بلس
للحجز والاستفسار : 01117402827
