كل عام وحضراتكم جميعاً بخير 🐏 🌹🍃🍃🌹
بمناسبة عيد الأضحى المبارك أعاده الله علينا وعليكم وعلى مصرنا الحبيبة باليمن والخير والبركات......عيدكم مبارك ..... 🍃🐏 🕌 🕋 🌹
14/04/2022
سؤال مهم
بتتسأله دائما في العياده ابني🤸♀️ مش بياكل 🥣 عاوزه فاتح للشهية؟؟؟؟
كلمتين ورد غطاهم فى موضوع الأكل ..
٩٩٪ من الأطفال اللى مش بياكلوا ومغلبين أهلهم والأم بتجرى وراهم بالطبق بيكون سببه حاجتين :
الأول وجود الأكل "المدمر" 🍔🍫🍬🍭صحياً
شوكولاته ،، بسكوت ، عصير ، حلويات ،، شيبسي ، بيبسي .. مش مهم المهم أى "اكل" مضر من برا مليان مواد خافظه وزيوت مهدرجة ومكسبات طعم ورائحة بتدمر " حرفياً " النظام البيولوچى للأمعاء .. بتأثر على الهضم والإمتصاص .. ب "تسد النفس" بطريقة وهمية .
فطبيعي طفل قدامه أكل مليان سكر وأكل من غير سكر هياكل ليه البروتين والخضار ؟؟
أكل سكره واضح وصريح وظاهر وسهل الذوبان ومتزين كده هياكل ليه فاكهة يستحمل الألياف عشان يحس بطعم السكر ؟؟.
الثانى : إستمرار تعويد الطفل على الإعتماد"الكلى" على أمه فى الأكل ... تلاقى الطفل ٥ سنين ..
٥ سنين يا مؤمن بيركب عجل ويلعب سباحه و كورة و بلاي ستيشن و بيحل معادلة فيثاغورث ..
وييجى عند الأكل ميمسكش المعلقة وأمه لسه بتحط الأكل فى "بؤه" لغاية دلوقتى .. أو "لازم" تفتح التليفزيون يا إما مياكلش !!!!
للأسف انتى اللى عودتيه على كده ..
من ٣ سنين يقدر يمسك المعلقة .. من ٤ سنين ياكل ١٠٠٪ زى الكبار
( أساساً المهارة دى بتتكون عند سنة ونص والأم بتنمى أو تهمل).
عارف انك بتأكليه عشان كده أسرع .. و عشان تضمنى انه بياكل كل حاجة .. بس صدقينى الصعوبة فى الأول بس بعد كده هيتعود .!!
باعتماده على نفسه .. ومع الوقت .. هوا اللى هيطلب .. ووظيفتك "بس" اختيار الطعام المناسب 🍼🍌🍓🥝🍎.. ووضعه أمامه .. مأكلش ؟؟ مره على مره هيجوع ويطلب فيتعلم إنه ياكل ويبطل دلع .. ومتقلقيش مفيش طفل بيموت م الجوع....
وأي طفل المفروض نحلل له صورة دم كل ٦ شهور علشان الانيميا كمان بتسد النفس عن الأكل.....
Be the first to know and let us send you an email when الدكتور /عثمان أحمد عثمان posts news and promotions. Your email address will not be used for any other purpose, and you can unsubscribe at any time.
