الدكتور محمد عاشور - طب الأطفال وحديثي الولادة

23/04/2026

😱

✍️ طفلك مش بيعمل حمام كل يوم؟
ومش بيحس إنه فَضّى بطنه كويس؟ 🤔
📌 الحقيقة إن جزء من البراز بيفضل متراكم داخل القولون…
يوم ورا يوم ⏳
وشهر ورا شهر ⏳
لحد ما القولون يتمدّد زي البالونة 🎈
ومع التمدد ده… تبدأ المشاكل 👇
━━━━━━━━━━━━━━━
🔴 إيه اللي بيحصل؟
1️⃣ القولون فيه أعصاب…
ومع التراكم يحصل ألم وتقلصات 😣
2️⃣ القولون الممتلئ يضغط على المثانة 💧
⬅️ صديد متكرر في البول
⬅️ الطفل يدخل الحمام كتير
⬅️ يعمل نقطتين ويرجع تاني بسرعة
3️⃣ الضغط يوصل للمعدة 🍽️
⬅️ فقدان شهية
⬅️ يشبع بسرعة جدًا
⬅️ يقول: “مش قادر آكل”
━━━━━━━━━━━━━━━
🚨 نتائج الإمساك المزمن:
❌ وجع بطن مستمر ومش بيتحسن
❌ ألم معدة متكرر
❌ التهابات بول متكررة + حرارة
❌ تشخيصات غلط (زي حمى البحر المتوسط)
❌ فقدان شهية مزمن
❌ تبول لا إرادي (ليلي أو نهاري)
━━━━━━━━━━━━━━━
💡 المفاجأة الكبيرة!
أغلب الأطفال دول مش بيشتكوا من إمساك أصلاً 😳
ولا الأم عارفة!
وده اللي بنسميه:
✨ الإمساك الخفي (Occult Constipation)
━━━━━━━━━━━━━━━
✅ الحل؟
لما بنعالج الإمساك…
✔️ وجع البطن يختفي
✔️ الشهية ترجع
✔️ مشاكل البول تتحسن
✔️ معاناة سنين ممكن تنتهي 🙏
━━━━━━━━━━━━━━━
⚠️ مهم جدًا:
علاج الإمساك مش يومين وخلاص!
⬅️ ممكن يستمر شهور
⬅️ بيعتمد على:
✔️ نظام غذائي صح 🥦🍎
✔️ علاج دوائي حسب الحالة 💊
✔️ التزام الأم 👩‍👦
━━━━━━━━━━━

23/04/2026

الحالة العقلية والنفسية للأمهات مع كثرة التقييمات وامتحانات الشهر وكبر المناهج😂🙆😂

22/04/2026

21/04/2026

طفلك بيرفض الدوا🤔
👶 شكل جديد من الباراسيتامول للأطفال
شكل مختلف من Paracetamol متوفر في الصيدليات باسم Nopyretron 125 mg.
💊 ما المميز فيه؟
الدواء يحتوي على باراسيتامول بتركيز 125 مجم، لكنه يأتي في صورة فيلم فموي سريع الذوبان.
شريحة صغيرة توضع على لسان الطفل وتذوب خلال ثوانٍ، وده بيسهّل إعطاء الدواء خصوصًا للأطفال اللي بيرفضوا الشراب أو اللي ممكن يتقيؤوا بسهولة.
🌡️ يُستخدم في:
خفض الحرارة
تسكين الألم الخفيف إلى المتوسط
مثل:
ألم التسنين
الألم بعد التطعيم
أعراض نزلات البرد
⚖️ الجرعة الصحيحة مهمة جدًا
الجرعة تُحسب حسب وزن الطفل وليس حسب عمره.
استشر الطبيب او الصيدلي عن الجرعة المناسبة ل طفلك👶✅

21/04/2026

منتظرينكم

يوم السبت
٢٥ ابريل
من ١٢ الظهر

من عمر سنه ل ١١ سنه

الفحص للمعادن والفيتامينات مجانا لكل الحالات

21/04/2026

صباح الخير على كل أم شقيانه مع أطفالها طول الليل ومنامتش ساعتين ع بعض ، لكم الجنه

21/04/2026

الأب الهادئ القريب من طفله يساهم بشكل مباشر في تنمية ذكائه وقدراته. دوره لا يقتصر على توفير الاحتياجات بل يبدأ من قضاء وقت حقيقي وممتع مع الطفل منذ الولادة.

اللعب .. الحكي .. والأنشطة المشتركة تعزز التعلم والتطور العقلي. وقد أظهرت دراسة بريطانية أن الأطفال الذين يقضون وقتًا أطول مع آبائهم يتميزون بذاكرة وتعلم أفضل في عمر السنتين.

وجودك مع طفلك أهم من أي شيء تشتريه له

20/04/2026

♦👈متى يوضع /يجلس الطفل فى المشاية ؟ فوائدها /أضرارها ..

👈شروط وضع الطفل فى المشاية وماهو الوقت المناسب لها ؟

1- يجب أن يكون الطفل قادرا على رفع رأسة بثبات .

2-يجب أن يكون الطفل قادرا على الجلوس بمفردة دون مساعدة من الآخرين .

3- يجب أن تكون رجلي الطفل(أطرافة) تصل إلى الأرض عند وضعه فيها .

4- يجب أن يكون عمر الطفل لا يقل عن 7 أو 8 أشهر .

5-إذا بلغ الطفل عمر ال7أشهر ولكنة لم يتوفر فية الشروط السابقة لا تستخدميها لطفلك.

♦👈مميزات المشاية للأطفال

1-تحفز المشاية النمو العقل والبصرى للطفل ، لما يتوفر بها من ألعاب وعوامل جذب تجذبهم بها وتمنحهم الإستكشاف .

2-تمنح الأمهات المجال للقيام بأعمالهم اليومية لإنشغال الطفل بالألعاب المزودة بها المشايات .

3-تشجيع الأطفال على المشي.

4-تساعد المشاية الطفل على تلبية رغباتة لسهولتها فى تحريكه تجاه ما يريد الوصول إلية .

5-تساعد الطفل على تنمية مهارات الإعتماد على النفس فى محاولة الوصول للأشياء والتنقل فى جميع الأنحاء .

♦👈عيوب إستخدام المشاية للأطفال

1-تعمل على إعاقة النمو الحركى الطبيعى للطفل فعملية الجلوس ثم الزحف ثم المشي هى أفضل وسيلة لتعليم الطفل المشي .

2-إستخدام المشاية للطفل يشجع المشي ولكنة يؤخر عملية المشي والحركة عند الطفل .

3-تضعف المشاية من توزان الطفل أثناء عملية المشي ، وذلك لما للمشاية تأثير سلبى على عضلات قوة ساق الطفل .

4-تجول الطفل بالمشاية فى المنزل يعرضة للكثير من المخاطر، وخاصة المشايات متعددة العجلات .

5-قد تسبب المشاية تشوه وتقوس ساقين الطفل وخاصة الأطفال ذو الوزن الزائد ، إذ تعمل على ضعف قوة ساق الطفل ، مما يجعلة غير قادر على تحمل وزنة .

6-تمنع المشاية الطفل النظر إلى قدمية أثناء المشي مما يؤدى إلى فقدان عملية التصحيح البصرى للمشي والتى تحرم الطفل من تعلم التحكم بالقدمين .

♦👈أهم ضوابط ونصائح إستعمال المشاية

1-لا تطيلى فترة جلوس طفلك فى المشاية للتقليل من أضرارها على طفلك فقط يكفى ساعتين يوميا .

٢_لا تتركى طفلك بمفردة يتجول بها فى المنزل إجعلى نظرك عليه دائما ولا تجعلية يغيب عن عينيكى حتى لا يتأذى .

٣_ ضعى طفلك فى مساحة محددة وأزيلى من أمامة ما يمكن أن يصطدم بة.

٤_لا تضعى طفلك فى المشاية قبل أن يتم ال٧أشهر وأن يكون قادرا على الجلوس بمفردة حتى لا يتشوة عموده الفقرى .

♦💔وأخيراالبديل الذى يمكنك إستخدامة بدلا من المشاية :

لا ننصحك عزيزتى بشراء المشاية لطفلك، بل إجعلية يمر بجميع مراحل تطورة الحركى واحدا تلو الآخر فالأرض هى البديل الذى يجعل طفلك متمكنا من المشي مع نمو جميع عضلاتة بقوة وبدون حدوث أى مشكلات فإتركى طفلك على الأرض ليساعد ويساند نفسة بنفسة ليكون أكثر قوة وإتزان ، وإذا قمتى بالفعل وتمكنتى من شرائها فيمكنك إتباع جميع التعليمات السابقة لضمان سلامة صغيرك.

20/04/2026

بصي بقى… كل سنة في نفس الفيلم
أول ما البطيخ يظهر في السوق كده، نحس إن الصيف دخل رسمي، ونقوم جايبين بطيخة ونقول أخيراً حاجة حلوة نديها للعيال
وبعدها بيومين تلاتة نرجع نقول: هو إيه اللي حصل فجأة؟ ترجيع وإسهال وسخونية، والعيّل مش قادر حتى يشوف الأكل
وتبدأ الجملة الأشهر: “بس يا دكتور ده أكل بطيخ بس!”
هو فعلاً بطيخ… بس مش أي وقت ينفع، ولا أي بطيخة تبقى أمان، خصوصاً في أول الموسم كده لما لسه بدري عليه، يا إما متخزن غلط يا إما اتقطع بطريقة تخليه يتلوث بسهولة
فالقصة مش في البطيخ نفسه، القصة في التوقيت وطريقة التعامل معاه
كل اللي بنقوله كل سنة ومحدش بيسمع: استنوا شوية، اختاروا كويس، وما تدوش الطفل كمية كبيرة مرة واحدة، وخلي بالكوا من النظافة والتخزين
علشان من الآخر كده… مش كل بطيخة أول ما تظهر تبقى جاية تفرّحنا، في بطيخ بييجي يقولك “يلا على النزلة المعوية” 🤦🏻

20/04/2026

ممنوع ❌ الزبادى بالفواكه الجاهز من بره لانه مليان سكر ومواد حافظة
✅ إديلة من بعد إتمام السادس زبادى سادة واهرسيله عليه موزه أو إبشرى تفاحة أو ضيفي مكسرات مطحونة أو سمسم مطحون

ممنوع ❌ البسكويت فى المية أو فى الشاى للطفل مليان سكر ومش هيفيد الطفل
✅ اديلة خضار أو فاكهه مسلوقة ومهروسة أصح وفيه بسكويت للرضع ممكن تعمليه في البيت

ممنوع ❌ السيريلاك الجاهز فيه سكر ومواد حافظة
✅ جيبى قمح أو رز أو شوفان حمصيهم وبعدين إطحنيهم وخدى معلقتين وارفعيهم على النار مع شوية مية وبكدة معاكى أحلى سيريلاك بيتى وكمان تقدرى تضيفي أى حاجه الطفل بيحبها لبن الأم أو لبن صناعي او فاكهه او خضار

18/04/2026

الناس اللي بيشتكوا من زعيق الأمهات والصراخ طول اليوم.. جرب تقعد مع طفل واحد ٢٤ ساعة وأنت تعرف السبب🙄😓