Dr.Samar kids care clinic د سمر عبد الوهاب عمار

08/10/2022

08/10/2022

غدًا سيتم انطلاق حملة تطعيم ضد مرض شلل الأطفال بالمجان

في الفترة من ٩ إلى ١٣ أكتوبر الجاري، بمحافظتي القاهرة والجيزة فقط.

🔵 التطعيم من سن يوم إلى ٥ سنوات للمصريين وغير المصريين

🔵 أماكن التطعيم:
- يتم التطعيم من خلال الفرق الطبية الثابتة (في مكاتب الصحة والوحدات والمراكز الطبية والميادين الكبرى وبجوار المساجد والكنائس والنوادي وفي الأسواق)
- الفرق المتحركة (من منزل لمنزل ومن شقة لشقة بواسطة فرق مدربة وتحت إشراف وزارة الصحة والسكان)

14/08/2022

العوامل اللي بتساعد في حدوث متلازمه الموت المفاجئ للأطفال الرضع..

⛔ الأب او الأم بيدخن

⛔ الطفل مولود قبل ميعاده ( غير كامل النمو أو خديج ) أو مولود وزنه قليل

⛔ سن الأب و الأم يكون صغير

⛔ النوم مع الأب و الأم في نفس السرير

و الصح هو نوم الطفل في سرير منفصل في غرفة الأب و الأم حتى سنة

⛔ نوم الطفل على بطنه و أصح وضع إن الطفل ينام على ظهره

⛔ إستخدام مرتبة لينة أو طرية في سرير الطفل و إستخدام مخدات ... و كمان إستخدام بطانية كبيرة مش متثبته في سرير الطفل

⛔ وجود ألعاب في سرير الطفل أو إستخدام طاقية أكبر من حجم رأسه

⛔ المبالغة في تدفئة الطفل

⛔ وجود تاريخ عائلي بحدوث حالات مشابهه

11/08/2022

تأخر الكلام يقلق
لو الطفل عنده ٩ شهور وما قالش مقطع من حروف ذي ( داد او باب أو مام ) مش مهم معناه ايه
لو الطفل عنده ١٥ شهر وماقالش ولا كلمه واحده مفهومه ذي ( بابا _ ماما _ امبوه)
لو الطفل عنده ١٨ شهر وما قالش اكتر من كلمه مفهومه مثلا ( بابا _ ماما _ احمد _ جنا )
لو الطفل عنده سنتين وما قالش جمله من كلمتين ( عايز امبو _ ماما جت _ عايز مم )
لو الطفل عنده ٣ سنين ومش فاهمه كلامه
لو الطفل في اي سن مش متفاعل بالنظر والفرح والزعل

28/01/2022

تم زيادة عدد جرعات الأطفال بكبسولات فيتامين A إلى ٩ جرعات بدلًا من جرعتين فقط، وذلك وفقًا لتعديلات بروتوكول إعطاء جرعات كبسولات فيتامين A للأطفال بالمنشآت الصحية الأولية طبقًا لتوصيات منظمة الصحة العالمية…

13/12/2021

أطعمة مفيدة يمكنك تقديمها لطفلك أثناء انتشار عدوى لتقوية مناعته🙏

07/11/2021

الطفل ممكن يصلب رأسه لنهاية الرابع طبيعي
والجلوس لوحده لنهاية التاسع طبيعي
والحبو مش لازم يحصل
والتسنين ممكن يبدأ ل ١٥ شهر طبيعي
والمشي لحد سنه ونص طبيعي

09/10/2021

08/10/2021

📍 ينتبه كثير من الأمهات الى وجود بقع زرقاء غامقة او سوداء عند الأطفال حديثي الولادة و خصوصًا في منطقة الظهر ..

📍 تُسمى هذه البقع بأسم البقع المنغولية (ولكن لا علاقة لها بمتلازمة داون ) فهي بقعة مسطحة مائلة للون الأزرق أو الأسود عند حديثي الولادة أو الرضع .

📍 وتظهر غالباً في أسفل الظهر أو الأرداف وقد تظهر أحياناً بين الكتفين .

❗️ غالباً يولد الطفل وتكون موجودة عند ولادته وفي حالات أخرى قد تظهر بعد الولاده بفترة قصيرة.

❗️ هي شكوي شائعة حيث أن 10٪ من الأطفال البيض و 50‎%‎ من الاصول اللاتينية و 90‎%‎ من الاصول الافريقية يعانون من هذه البقع والتي سببها هو بقاء بعض الخلايا الصبغيه (الميلانيه) في ادمة الجلد .

❗️ هذه البقع حميدة وليس لها أي تأثيرات مرضيه ولا تحتاج أي علاج ولا تُسبب أي مشاكل ولا تزيد إحتمال الاصابه بأي أمراض خطيرة ولا تسبب تشوهات جلديه ولا تستدعي أي قلق .

❗️ عادة تبدأ بالتلاشي قبل عمر السنتين وعادة ما تختفي كلياً عند عُمر الخمس سنوات دون أي علاج .

02/10/2021

أصنعهم علي عينك يا الله ...
فما عادت التربية تنفع بقطع الحلوى والكلمات الجميلة والقصة المختلَقة قبل النوم
ما عادوا يرون بعيوننا ولا يسمعون بآذاننا لقد فتَحت لهم الدنيا طرقًا ودروبًا ومسالكًا كثيرة
ما عدنا نستطيع أن نأمر فنُتَبع أو ننهى فنطاع

لقد كبرت عصافيرنا الصغيرة وبدأت تطير وحيدة وترى عالمًا واسعا جديدآ بكل مافيه

لقد كبروا يالله وبدأت تتغير ملامحهم وأفكارهم
جمّلهم بالستر والعفة وارفعهم بالهمة والعزة
احفظهم لنا من زمن كل ما فيه فتن
سلمهم من مستنقع شهواته وبحور شبهاته

علمنا الحكمة في تربيتهم والأسلوب في توجيههم
لا تجعلنا تعبًا لهم ولا تجعلهم تعبًا لنا
افتح لنا مغاليق قلوبهم ووسع صدورنا وفهمنا لكي نحتويهم ونكسبهم
ولا تكل أمرهم وأمرنا إلا إليك
وعاملنا معهم بألطف لطفك وواسع جودك
واجعلهم فخرنا وراحة صدورنا وقرة أعيننا وارزقنا تمام برهم في حياتنا وبعد مماتنا
ولا ترفع عنا وعنهم معيتك ما أبقيتهم وأبقيتنا إنك بنا حليم خبير
يالله يا قدير يا مقتدر يا قادر لاتكسر لنا فيهم روحا ولا قلبا ولا رجاءً ولاخاطرًا
منقووول

30/09/2021

اه يادكتور انا مش عارف احكيلك ايه عن ماما ولا ايه 😔 ..

🔸مبتخلنيش ارمي كل حاجه في الزبالة ..
ولا ألعب بالبصل و أشيلو من السلة وافرفطلها ورقه على الأرض بعد ما تكون ماسحة ومنضفة 😥 ..

🔹ولا أوسخ الدنيا بعد ما تخلص تنظيف😥😥 ..

🔸حتى نومتي عايزانى انام من الساعة ٨ وأنا عايز ألعب واتنطط لوش الصبح😭😭

🔹يادكتور ماما مش مخلياني أخد راحتي ابدا 💔

🔸لو لعبت في الحمام بتزعق فيا 😭 ولو أكلت في شبشب الحمام ألاقيها بتصرخ

🔹ولو رميت لها الادوية في قلب التواليت بتزعل مني😥😥
ولو نكشتلها الهدوم اللي في الدولاب بتزعل من كل عقلها 😭

🔸قشرتلها حيط البيت كله وانا قاعد بلعب ضربتني على حفاضتي 😭

انا تعبان نفسيآ 😭😭

عايز حل مع ماما يا دكتور 😭😭💔

28/09/2021

حقن المضادات الحيوية لاااااازم اختبار حساسية قبلها كل مررررره👌👌👌
حتى لو اخدتها قبل كده
ربنا يحفظ أولادنا جميعا يارب ❤❤