عيادة الباطنة والسكر وعلاج السمنة - دكتور محمد حامد Dr. Mohamed Hamed

25/02/2026

لو ضغطك كويس بالنهار.. ده مش معناه إنه مظبوط بالليل!
ليه بعض الناس ضغطهم طبيعي.. ومع ذلك بيجيلهم مشاكل قلب؟ السر أثناء النوم..

15/02/2026

صوت يلمس القلب قبل الاذن.. وآيات تطمئن القلب
اخويا وحبيبي دكتور احمد النجار

07/08/2025

" إن أقسي لحظات الضعف البشري عندما يشم الانسان رائحة الطعمية السخنة "
يا دكتور، إحنا بنحب الطعمية.. ينفع ناكلها وإحنا في الدايت؟

الطعمية في الأصل مصدر بروتين نباتي كويس لأنها معمولة من الفول أو الحمص، ودي حاجة مفيدة في الدايت.

لكن المشكلة مش في الطعمية نفسها..
لما بنقلي الطعمية في زيت كتير بتشرب دهون كتير جدًا

والحل حاجة من تلاتة..
✅ استخدم الطعمية المشوية في الإيرفراير أو الفرن
✅ أو كل اتنين صغيرين مع عيش بلدي قليل وخضار عدد ايام قليلة
✅ او يوم الفري خدها وجبة من نفسك

يعني الطعمية مش ممنوعة… لكن لازم نعرف إمتى وازاي ناكلها
👌 الدايت مش حرمان.. الدايت تنظيم.

24/06/2025

كفاية عليك دايت الاسبوع كدة... خد يوم فري بقي يا عبده 😃😂

31/05/2025

بعد اما قولنا ٥ حاجات بلاش تعمليهم لو عايزة تخسي

05/05/2025

نص ملتزمين بالدايت ونص حلويات مشكل 😂

30/04/2025

28/04/2025

عشان تخس وتكسب جسم رشيق:
بدل الحلويات بفاكهة ومشروبات دايت
قلل الدقيق واشبع كويس بالوجبات
اشرب ماء كويس
في حالة وجود شوكلاتة انسي كل اللي انا قولته 😂

10/04/2025

لو حاولت تخس كتير او وزنك ثابت

🔴 فأنت مش محتاج تشرب مشروب مخصوص عشان تخس
🔴 و لا تقطع اكل وتحرم نفسك
🔴 و لا تروح تشتري وصفات مخصوصة من علي النت
الطرق دي مش اسلوب حياة ونتايجها سيئة جدا ومضرة لجسمك ووقتك

🟢 هنعمل نظام مشبع تاخد منه احتياجات جسمك
🟢 متوسط النشويات قليل الدهون عشان تكمل عليه بقيت حياتك
🟢 مش مكلف ومناسب لاي ميزانية اكل هتحطها لبيتك

نفس النظام دا ساعد عملاء كتير معانا يخسوا ويحافظوا علي صحتهم
شرفنا و استمر عليه هتريح عضمك وجسمك وتلبس براحتك بإذن الله
----------------------------------------------------
دكتور محمد حامد - أخصائي الباطنة والسكر وعلاج السمنة
📞 اتصل علي ٠١٠٠٤٧٧٣١٦١
📌 عيادة أول الهرم- مدخل العمرانية- ناصية الشارع خير زمان

09/04/2025

نفسك بقت مفتوحة علي السكريات والاكل الجاهز
ووزنك ثابت ومش عارف تنزله

لو بتحس بكده خصوصا في وقت الزهق والفراغ فده اسمه الجوع العاطفي..
في الجوع الحقيقي هتحس بألم الجوع في معدتك ومش بتبقي محتاج نوع معين من الاكل زي السكريات
وده بيحصل اما بتاخد عدد وجبات قليلة مش مناسبة لمجهودك

وكمان ممكن تجوع كدا لو عندك مقاومة انسولين
خصوصا لو عندك غمقان في رقبتك او زوائد جلدية او بطنك عمالة تزيد..
مقاومة الانسولين دي بتبقي مؤشر لاحتمال ظهور السكر او الكولسترول او الضغط وتحذير من الكبد الدهني و تكيسات المبايض..

طب يا تري هنعمل ايه؟
بالنسبة للجوع العاطفي اشرب مية ومشروبات بسكر دايت مع ثمرة فاكهة وثبت يوم في الاسبوع لوجبة حلوة فري
وهنخصص وقت للراحة النفسية قبل ماننام نشغل حاجه بعد اما كتب كل اللي ورانا ضاغطنا
ونكمل بعد كدا راحة قبل النوم

شرفنا بإذن الله ومع بعض نشخص السبب والمشاكل
وهنعمل نظام غذائب يشبعك وهتخس بصحة بالاستمرار..
----------------------------------------------------
دكتور محمد حامد - أخصائي الباطنة والسكر وعلاج السمنة
📞 اتصل علي ٠١٠٠٤٧٧٣١٦١
📌 عيادة أول الهرم- مدخل العمرانية- ناصية الشارع خير زمان

27/01/2025

العلاج المجاني للقولون والتخسيس..

✅ مع كل وجبة كوب خيار وخس وسلطة
✅ نشرب نعناع بسكر ستيفيا اول ما تصحي وقبل النوم
✅ ١ - ٣ ثمرات فاكهة متوسطة يوميا
✅ نعمل البروتين في الفرن او بدون تحمير زي الفراخ والسمك والبيض والجبنة
✅ الفطار بالعيش الاسمر بالردة
✅ والغداء بالبطاطس في الفرن او الارز في حدود ربع لنصف الطبق
✅ نشرب ٢ كوب ماء مع كل وجبة او اذان
✅ اكتب جدول لايامك
✅ وناخد ساعة قبل النوم اعمل حاجة بتحبها، اقف في البلكونة، اقرا، اتفرج علي حاجة خفيفة
❌ نقلل الشطة والفلفل والتحمير وتقطيع البصل والثوم علي الاكل
❌ نقلل الاكل من بره والمشروبات الغازية والسكر
-----------------------------------------------------------
دكتور محمد حامد- أخصائي الباطنة والسكر وعلاج السمنة
📞 اتصل علي ٠١٠٠٤٧٧٣١٦١
📌 أول الهرم- مدخل العمرانية- ناصية الشارع خير زمان

14/01/2025

٣ تمارين كوتشينج هيخلوكي تلتزمي بالدايت وتخسي قوي

اكتبي ٣ اهداف ممكن تكملي عشانها؟
✔️ تلبسي براحتك
✔️ رجليكي وظهرك يرتاحوا
✔️ تبقي واثقة في نفسك اكتر

٣ حاجات مخوفاكي من الوزن
✔️ تحمي نفسك من السكر
✔️ و انك تمنعي ضغطك انه يعلي
✔️ وتحافظي علي قلبك وكليتك

٣ بدايل للاكلات المضرة اللي بتحبيها
✔️ مشروبات بسكر دايت
✔️ فاكهة طعمها جميل ١ - ٣ ثمرات في اليوم
✔️ بروتين يشبعك ومايتخنكيش

وقبل ماتنامي بالليل اكتبي كل اللي وراكي واللي شاغلك وسيبيه علي جنب واعمليلك مشروب دايت واتفرجي او اسمعي حاجة خفيفة

(اسهل دايت هو اللي يشبعك وتاخدي معاه وجبة فري اخر الاسبوع)
------------------------------------------------------------
دكتور محمد حامد - أخصائي الباطنة والسكر وعلاج السمنة
📞 اتصل علي ٠١٠٠٤٧٧٣١٦١
📌 أول الهرم- مدخل العمرانية- ناصية الشارع خير زمان