08/01/2026
التحدي التاني من الاستعداد لرمضان . 🌙
🌙هينقسم الي ٤ حاجات
1️⃣تقليل السكر .
مش عاوز تبدلي السكر الابيض بالسكر الدايت حابب تقلل سكر ايا كان بتستخدم ايه دايت او عادي
الحكمة اعود لسانك علي طعم تحلية معين .. عاوزك تجزع من الحلويات…
لو بتشرب ٢ معلقة سكر في الكوباية .. قلل كل ٣ ايام ربع الي نصف معلقة حسب مقدرت ..
لو بتستخدم كيس سكر دايت قلل .. كل ٣ ايام ربع كيس ..
خطوة خطوة هتتعود والله .. يهمني تخش رمضان مقلل علي الاقل نصف كميتك من السكر في المشروبات … بالتدريج
علشان نقلل اعراض انسحاب السكر والصداع .. ونقلل النهم بعد الفطار علي الحلويات ….. شايفك اللي ناوية تشتري ٥ ك قطايف 🥟😁😄😄
2️⃣نقلل كافيين☕️
انا كشريف 🥹بشرب ٦ مجات قهوة 😌🙂 انا اكتر واحد اعاني في التحدي ده .. بس احنا هنشجع بعض
حاول علي الاقل كل يومين الي ثلاثة قلل فنجان قهوة ☕️
هيفرق جداا معاك في تقليل الصداع الرهيب والعصبية اول يوم صيام .. وهيفرق في راحتك النفسية …..
3️⃣اتعود علي الصيام من دلوقتي
لو تقدر تصوم اتنين وخميس فكفي ونعمة
لو اول مرة تصوم خالص ابدأ الاسبوع ده يومين صيام متقطع يعني اخر فطارك للمغرب … بس خد مشروبات
والاسبوع اللي بعديها صوملك يوم اسلامي .. علشان تعود جسمك علي حرق الدهون وان الدهون تكون مصدر للطاقة من بدري
وجسمك يشتغل محرقة دهون اثناء الصيام . وكمان ده هيزود الشبع بتاعك جدااا … بدل ما تواجه كله ده في رمضان ..
وحاول تقلل كارب شوية علشان تساعدك جسمك علي التكيف مع حرق الدهون اثناء الصيام .. عاوزين نحافظ علي عضلاتك ياصديقي 🥳🥰
4️⃣ اشرب ماية ورطب جسمك .
اشتري زجاجة ماية خاص بيك . هو انت ليه ياشريف عاوز تكلفني ..
انا مهم ومفيش اهم منك . اشتري زجاجة ماية خاصة بيك ورطب جسمك . احساس العطش ممكن يترجم جوع خلي بالك . حافظ علي لون اليورين فاتح وشفاف ده المقياس.
وشاركنا في الجروب الكبير اول باول وكل تحدي 🥰👏👏👏🥳 هاشتاك تحديات رمضان مع شريف 🥰
