15/07/2022
أنا الهيموجلوبين😄هحكيلكوا علي أجمل فسحه قضيتها في حياتي صحيح هي أنتهت بمأساه لكن كانت رحله ممتعه بس قبل ما أحكي أحب أعرفكم بنفسي😀
أنا ببقي موجود دايما جوه خلايا الدم الحمراء عارفين خليه الدم الحمره دي عامله زي إيه؟.....
دي زي البالونه الشفافه اللي مليانع سائل من جوه......
أهو أنا بقي السائل اللي جوه.....
وأنا في كل البشر تركيبتي واحده....إنما فصائل الدم بتبقا من خصائص الغلاف اللي بره....
أنا ماليش دعوه......
متفكروش أني كسول زي الأنسان أو أني مجرد حاجه بتدي الدم لون أحمر وخلاص....
أبدا والله ده انا اللي بشيل الأوكسجين من الرئه وأوصله للأنسجه وياريت النسيج بيرجعني فاضي ابدآ......ده ابن الإيه ده.....بيديني Co2..ويقولي وصل ده معاك للرئه وأنت راجع😕😕وبالمناسبه أنا عمري قصير😢بتكسر بعد 4شهور يعني بتكسر بتكسير كرات الدم الحمرا ولما بتكسر بنقسم نصين......نص اسمه Hemeونص اسمهglobin
الجلوبين ده ياعيني بيتحلل وبيبقا أحماض أمينيه والجسم يستفيد منه وبيفضل مني جزء ال Heme
و ذي ما أنتو عارفين محدش بيسيب حد في حاله......
فجأه كده طلعلي أنزيم اسمه شبه أسمي ....راح ماكسدني وحولني biliverdin وبعد ما كنت أحمر بقيت أخضر وبعد ده مأكسدني قابلني إنزيم ثاني اسمه شبه اسمي لقاني متاكسد:3......
قالي ازاي تمشي في الشارع كده وأنت متأكسد......مش مكسوف من نفسك😃؟.....
وراح مختزلني ....وحولني bilirubin وفي ناس بتسميني بيليروبين( غير مباشر)......
وعلي فكره بعد ما كنت أخضر بقيت أصفر.....
واللون الأصفر ده هيفضل معايا.......
ومشيت في الدم بره .....ولقيت واحد ماشي لوحده كده......قولتله اسمك أيه؟
قالي :البيومين ......وأنت؟
قولتله:bilirubin
قالي :ما تيجي نتحد مع بعض وبدال ما أحنا في الدم كده ندخل (الكبد) نتفسح شويه؟
قولتله :أوكي
وأتحدت مع الالبيومين ودخلنا الكبد .....لكنه غدر بيا وسابني جوه😬.......
قمشيت في الكبد لوحدي وأنا حزين لأن الألبيومين غدر بيا لحد ما قابلت حمض اسمه (جلوكورونيك) اتعرفت عليه وبصراحه ارتحتله وحكيتله علي غدر الألبيومين بيا .......
قالي ولايهمك.....أنا هفسحك هنا في المصنع فسحه مكنتش تحلم بيها.....
تعالي معايا😄
ومشينا مع بعض لحد ما وصلنا غرفه مكتوب عليها (غرفه تصنيع البروتين) فتحنا ودخلنا....لقيت ماكينات تصنيع.....
واحده مكتوب عليها ماكينه تصنيع الالبيومين كنت عايز اكسرها بصراحه😡😡......
والثانيه مكتوب عليها.....ماكينه تصنيع الجلوبيولين ......وأنا ببص علي الماكينات....لقيت ماكينه مكتوب عليها ....ماكينه (الأمونيا)
قولت لصاحبي:الماكينه دي بتعمل ايه؟
قالي:دي بتحول الأمونيا إلي يوريا....وتطلع اليوريا للدم وال lidney تخرجه من الدم لبره مع البول
قولتله:مش كنتو حطيتوها في غرفه ثانيه....
المفروض إنها ماكينه لتكسير البروتين مش تصنيعه
قالي:المصنع زحمه وبدال ما نعمل غرفه تكسير البروتين لماكينه الأمونيا وحدها حطيناها هنا في غرفه تصنيع البروتين وخلاص
قولتله:ريحه الأمونيا واليوريا وحشه تعالي نطلع بره احسن وطلعنا نتمشي في المصنع......ولقيت غرفه مكتوب عليها غرفه الكوليسترول
قولتله:تعالي ندخل هنا.....
قالي:أوكي
ودخلنا غرفه الكوليسترول.....ولقيت كرتونتين كبار.......بصيت في الكرتونه الأولي لقيت كوليسترول ومدغدغ خالص .......والثانيه الكوليسترول فيها سليم مفيهوش حاجه!!!!!!!!
قولت لصاحبي:إيه يا عم الهبل ده؟......
مفيش نظام هما ولا إيه .....؟
مين ميكسر الكوليسترول ده؟....واشمعنا الكوليسترول اللي في الكرتونه الثانيه سليم يعني!!!!!!
قالي:الكوليسترول المتكسر ده اللي بييجي من الطعام ....الكبد بيكسره....
أما السليم فده الكبد اللي بيصنعه هنا بنفسه
قولتله طب ليه يصنع طالما جايله من بره جاهز....غاوي تعب هو؟
قالي:لا أصل اللي جاي من بره ده ضار....بتبقا كثافته قليله وبيترسب علي جدار الأوعيه الدمويه ويعمل تصلب في الشرايين....😕
أما اللي بيصنعه الكبد بنفسه بيبقا كثافته عاليه ومش بيترسب علي جدار الأوعيه الدمويه
قولتله:طب طالما كثافتهم مختلفه المفروض يسموا كل واحد اسم!!!
قالي:طبعا.اللي بيصنعه الكبد اسمهEstratrifie
Cohlesterol
أما اللي بييجي من هضم الطعام فده non estratified
قولتله :علي كده اللي كبده تعبان هيزيد عنده الكوليسترول؟
قالي:لا مش هيزيد لأن الكبد مش هيصنع ولا هيكسر وبالتالي مستوي الكوليسترول هيفضل ثابت بس طبعا هيجيله تصلب في الشرايين
قولتله:أه عشان كده مرضي الكبد بيجيلهم تصلب في الشرايين ........
طيب يلا بينا نخرج من هنا......
وخرجنا لحد ماشفت غرفه مكتوب عليها:تصنيع وتخزيم الجلايكوجين
قولتله:ايه الاسم المزيكا ده؟
(تصنيع وتخزين الجلايكوجين)
مش المفروض كانوا سموه غرفه(الجلوكوز)وخلاص ولا عشان الأسم مزيكا عجبهم يعني؟
قالي:لا أصل في حاجه ثانيه بتصنع جلوكوز هنا في الكبد.
وهي عمليه اسمهاgluco neo genesis
وبتصنعه من الأحماض الأمينيه
قولتله:تمام ........طب ايه الغرفه اللي قدامها حديد خرده دي؟
قالي:دي غرفه الفيتامينات والمعادن ......تعالي معايا كده ندخلها.....
ولما دخلنا جوا غرفه الفيتامينات والمعادن لقيناها مليانه حديدونحاس من جوه......
قولتله ايه الكركبه دي؟
قالي:أصل الكبد بيخزن الحديد والنحاس هنا......
قولتله:طيب والفيتامينات
قالي:زي ما أنت شايف الماكينات دي ........واحده بتحول فيتامينD للActive form
والثانيه بتحول k للActive form
قولتله : طيب وايه الكرتونتين دول؟
قالي:الكرتونه دي بنخزن فيها فيتامين B12
ودي لل folic acid
قولتله تمام .....يلا نخرج...وخرجنا لقينا غرف كتير.....غرفه تصنيع Coagulation factors
وغرفه ضددها تماما اسمها غرفه تصنيع anti Coagulant
وغرفه للصفراء
ودي لفتت نظري الصراحه.....
قولتله:ما تيجي ندخل هنا.....
قالي : اوكي
ودخلنا الغرفه وبالفعل....فلقيت فيها بابين ....فسألت صاحبي ايه البابين دول؟
قالي :هنا بتتصنع الصفراه.....الكبظ بيصنع منها600ملي في اليوم 300بيروحوا من الباب ده اللي بيودي علي مخزن اسمه gallbl ad der
وال300ملي الباقيين بيروحو ع طول الباب ده اللي بيودي علي الأمعاء ع طول....علشان تعرف تمتص الدهون ....وفجأه سمعنا صوت أنذار بره......فخرجنا جري😯.......
لقينا بكتيريا داخله وخلايا بتتصدي ليها....
قولتله أيه ده؟
قالي :ده خلاياvon kupffer بتبتلع البكتريا فال lNTESTlNE حولتها علي هنا
قولتله ياه......دا الكبد ليه وظايف كثيره
قالي:طبعا ......أكتر من500وظيفه حيويه في الجسم عشان كده لو اتعطل الأنسان يموت خلال 24ساعه الأولي......
قولتله:طب أنا شايف أن مستوي الانزيمات هنا عاليAlt ,ASt
ورغم كده الكبد شغال حلو😕😕
قالي:لازم ال enzymes ديه تبقا atleost من 3اضعاف النورمال بتاعها عشان نقول أن الشخص ده الكبد عنده Damageفي ال liver
قولتله:طب هي عاليه كده
قالي :بسبب الدهون اللي علي الكبد......
قولتله:مفيش وظائف ثانيه نسيت تقولهالي
قالي: فيه ال Detoxif cation الكبد بيتخلص من ال toxins اللي جايه من بره ،زي ال drugs فيه drugs كثيره ال Liver بيكسرها وفجأه واحنا بنتكلم لقينا الباراسيتامول داخل الكبد بكميه كبيره .....فالغرفه. اللي فيها إنزيمات
اتفتحت وطلع منها واحد بيجري😯😯
قولت لصاحبي :مين ده؟
قالي : ده أنزيم السايتوكرومP450 طالع يستقبل الباراسيتامول...... بس انا مش مطمن خالص 😕😕!!!!!
قولتله ليه؟
قالي كميه الباراستيامول عاليه اكثر من 4جرام وممكن كده يحصل مشكله توصل لل liver da mag
قولتله:ليه وازاي؟
قالي:استني هتشوف بنفسك وفجأه اتحول الباراستيامول إليNApQlوبمجرد ما اتحول ......لقينا واحد ثاني خارج من احدي الغرف بيجري😯قولتله:مين ده؟
قالي :ادخ الجلوتايثون لازم يرتبط بالNApQlفورا عشان يحوله لمركب غير سام وفجأه الجلوتايثونخلصت وال NApQl يبتدي يرتبط مع خلايا الكبد😯
وصفارات الاانذار انطلقت في الجسم كله 😯..
لقيت صاحبي بيقولي ........يلا بينا نرتبط ببعض ونخرج من هنا الكبد هيحصله
Damage😢😢😢
فجه ال(UDPGT) جه ربطني مع الجلوكورونيك اسيد واتحولت الي
Direct bilirubin
وبعددها رحت الأمعاء اتحولت بالتأثير الجرثومي ل اليوروبيلنيوجين وتم امتصاصي مره ثانيه و5%مني خرج عن طريق الكليه والباقي عن طريق الكبد وقدرت اخرج من الجسم قبل ما صاحبه يودع 😃الحمدلله😃
وبكده انتهت قصتي 😂😂😂😂
