Dr. Elia Mamdouh Pharmacy, شارع حسن شاكر متفرع من شارع المنشية ميدان الساعه الطالبية فيصل (2026)

10/11/2025

دوائك.. عندنا كل شهر بدون اى تعب.!💊
دلوقتي مفيش داعي تقلق من نفاذ دوائك أو تقضي وقت طويل في التدوير علي علاجك في الصيدليات. 🤔⚕️
مع خدمة التوصيل الشهري للأدوية هتوصل أدويتك مباشرة لباب بيتك، وعليه خصم كمان 😉🔥
بسرعة وأمان .🚴‍♀☺️
وانت مطمن تمامآ !
• توصيل سريع وأمن لكل الأدوية الشهرية. 📅🏃‍♀
• متابعة دقيقة لضمان وصول دوائك في الموعد المحدد 🕐
• توفير الوقت والجهد :كل طلباتك الشهرية مرة واحدة فقط ⚡💁‍♀️
• راحة البال لك ولعائلتك.. بدون اي قلق 💆
📞اتصل او ابعت رسالة دلوقتي لتفعيل خدمتك الشهرية ! 💌
💊معانا دوائك يوصل لك ..كل شهر ، بكل سهولة وأمان وتوفير اكتر 💵 💊
للتواصل واتساب او فون
01099244779
011 12985217

23/10/2025

بص كدا ع الروشتة ديه🥲
أفيروزوليد يحتوي على لينزوليد
يحتوي Codilar على دكستروميثورفان وفينيليفرين
يحتوي دواء سيبرالكس على مادة سيتالوبرام
عندنا كوكتيلات دوائية يعمل نسخه وهي متلازمة السيروتونين
لينزوليد +ديكستروميثورفان➡️متلازمة السيروتونين
➡️ لينزوليد + سيتالوبرام ➡️ متلازمة السيروتونين
ديكستروميتورفان + سيتالوبرام ➡️ متلازمة السيروتونين
لو جيت بصيت علي درجه التداخل الدوائي في أي اتنين مع بعض بيكون مخاطرة عالية وتجنبها
لكن تلاته مع بعض موانع الاستعمال
ثانيا: أي الداعي إني أكتب Linezolid !
ثالثا: عندنا تداخل تاني مهم برده هو أن كوديلار بيحتوي على Phenylephrine
فبقا وهنا برده موانع
لينزوليد + فينيليفرين ➡️أزمة ارتفاع ضغط الدم
بص هو روشته زي ديه لو الطبيب قاصد لانه مريض دا مش هيبقي بالوضوح دا😡✔️
ولو حاولنا نفهم المريض إن الي مكتوب غلط ونشرحله الأعراض الجانبية مستحيل يقتنع للاسف.

23/10/2025

لو إبنك شرب كلور🍶 أو كلوريكس أو فنيك🍾 أو بوتاس أو صودا كاوية♨️ أو أى منظف في البيت...... تعمل ايه بسرعه لحد ما تروح لأقرب مركز لعلاج السموم⁉️
ركز....الكلمتين الجايين دول = حياة بنى آدم.

⚠️أولا : ممنوع‬ تماما🚫 تخليه يرجع🤮 غصب عنه .. يعنى ممنوع تشربه ماية بملح أو لبن ببيض أو تدوس على لسانه علشان يرجع او تديه فحم او تعمل له غسيل معده...

💁‍♀️طيب ليه⁉️
👨‍⚕️ علشان كده بنعرض المرىء والبلعوم والفم للمادة الكاويه دى تانى يعنى بنضره اكتر ...
👨‍⚕️ وكمان ممكن تدخل الماده الكاوية دى فى مجرى الهوا وتؤدى بعد ذلك الى إلتهاب رئوى شديد.. يعنى زى اللى جه يكحلها عماها☠.....

⚠️ثانيا : شربه فنجان ‫‏لبن‬🥛 وبس (بدون مياة)

💁‍♀️ طيب ليه لبن ⁉️ مينفعش ماية⁉️
👨‍⚕️ مينفعش مياه علشان المواد الكاوية دى ممكن تكون حمض "acid" أو قلوى "alkaline" .. وممكن تتفاعل💥 مع المياه داخل المعدة وينتج عن التفاعل ده حرارة عالية🔥 تزود المشكلة.. وتدمر انسجة المعده اكثر واكثر ..... يعنى برضه زى اللى جه يكحلها عماها☠....

💁‍♀️ وهما شوية اللبن الصغيرين دول هيعملوا ايه بقى⁉️
👨‍⚕️ هيخففوا⬇️ شوية من تركيز المادة إلى شربها .. ولو فيه حاجة واقفة فى فمه او البلعوم او المرئ هيحركوها للمعدة.

💁‍♀️ طيب ليه شوية صغيرين مش نصف كيلو لبن مثلا⁉️
👨‍⚕️ علشان ما يحصلش قئ ..وقلنا قبل كده ان احداث قئ فى هذه الحالات خطيررررر جدااااا☠....

⚠️ثالثا : هو ينفع نعادل الماده اللى شربها الطفل يعنى لو هو شارب حمض أديله قلوى أو العكس علشان أقلل مفعولها⁉️

👨‍⚕️ طبعا غلط لان هينتج عن ده تفاعل كيميائي💥 وده هيسبب حرارة عالية🔥 تعمل تدمير للانسجة...يعنى جه يكحلها......ايوة بالظبط كده....

⚠️رابعاً : نقل الطفل للهواء النقى علشان يقدر يتنفس✅ ..

⚠️خامسا : لو المادة الكاويه وقعت على هدومة👕 يقلعها ونغسل جسمه🧖‍♂️ كويس ..

⚠️سادساً : لو المادة دى وقعت على عينة👁👁 نغسلها كويس جدا بالمية🚿 لمدة ربع ساعه⏰.....
🚑🚑🚑🚑🚑🚑🚑🚑🚑🚑🚑🚑🚑🚑🚑🚑

وبسرعه نجرى لأقرب مركز سموم🏨 لسرعة اتخاذ الاجراءات الطبيه الازمه👌 للطفل حسب حالته وحسب مدى سمية الماده وحسب الكميه اللى اخذها وحسب المدة اللى اتأخر فيها.....
وطبعا لازم تاخد معاك زجاجة المادة التى شرب منها الطفل....للتعرف على المادة وتحديد كيفية العلاج بسرعة..
واوعى تكسل تدوس شيررررر....
والله الكلمتين دول = حياة فعلا🧑‍🏫

22/10/2025

إنت كمريض مصري لازم يبقى عندك خلاص الوعي إنك تبقى فاهم سوق الدوا ماشي إزاي في مصر.
لازم تبقى عارف إن كل يوم هتلاقي صنفين تلاتة تجاريين نزلوا.

لازم تبقى عارف إن المُسكّن اللي مكتوب لك في الروشتة عبارة عن اسم شركة مش أكتر، مش السحر اللي هيعالجك من كل وجع والتهاب في جسمك، أو هيضيّع لك الخشونة من أول قرص، وإنك لو خدت نوع تاني شركة تانية مش هيعمل حاجة!
لأن لو ماعملش حاجة، اللي كان مكتوب لك برضه مش هيعمل حاجة!

لازم تبقى واعي إن فيه حاجة اسمها (مادة فعّالة)، وحاجة اسمها (اسم تجاري).

لازم تكون خلاص فهمت الدنيا ماشية إزاي، وإن اللي بيحصل عندنا في مصر ده اسمه بظرميط!
آه والله زي ما بقولك كده… مش هتلاقي في أي حتّة في العالم روشتة مكتوب فيها اسم تجاري لدواء معيّن!
مش هتلاقي صنف تحت بير سلم مكتوب لك يخليك تلف الدنيا والآخرة علشان تلاقيه!
مش هتلاقي حد بيأكد عليك تجيب الدواء من الصيدلية الفلانية وتيجي تورهولي!
مش هتلاقي كل نص ساعة دوا معدة نازل، أو حديد وكالسيوم “يونيك فورميولا”، أو دوا شَرْب أعشاب جديد بقى مفيش زيه في السوق بخلاصة ورق اللبلاب، أو حتى مُسكّن جديد بقى سحر لعلاج الخشونة والالتهابات مادته الفعّالة “إيتوريكوكسيب”!

إحنا عدّينا، أو بالمعنى الأصح إنت كمريض عدّيت، بمرحلة قبل كده تقريبًا مكنش فيه أدوية خالص في السوق.
فاكر لما جه فترة مكنش فيه أي فوارات للأملاح، وكل ما يتكتب لك نوع ما تلاقيهوش!
لدرجة إني والله العظيم مرة جالي روشتة لحد عنده أملاح ونقرس مكتوب له بالحرف كده: فوار يورسولفين أو يوريفين أو يور إيد أو كولي يورينال… أي واحد فيهم، دلوقتي بقي البديل حلو!

طب بلاش أدوية الغدة نفسها!
مش جه فترة الدكتور بقى يكتب لك الأربع أسماء التجارية: إلتروكسين، وإيوثروكس، وتي4-ثيرو، وثيروكسين… ويقولك اللي تلاقيه هاته!

بلاش… إنت دلوقتي كمريض قلب ومكتوب لك لانوكسين اللي منزلش بقاله فترة، والمثيل بتاعه اللي كان “معفّن” بـ11 جنيه قبل كده (40 قرص) واللي مكنتش بتفكّر فيه أصلًا… مش دايخ عليه دلوقتي وبتدوّخ لغاية ما تلاقيه!

أي نعم الكلام مش على كل الناس؛ لأن فعلًا في ناس خلاص اتعلمت وفهمت وبقى عندها الوعي، لكن للأسف الأغلبية لسه عندها نفس المشكلة.
نلتمس العذر أكيد، لأن في منهم ممكن يكونوا كبار سن أو مش متعلمين… بس للأسف إن فيه أكتر وأكتر عادي هتلاقيه متعلم ودارس وفاهم وما عندوش الوعي الكافي بالموضوع ده.

بالإضافة كمان—أنا ما بقولكش سيب الدوا اللي مكتوب لك وخُد البديل وخلاص، لأن فعلًا في بعض الأدوية يُفضَّل إنك لو هتاخدها تدوّر على المستورد:
يعني مثلًا زي أدوية الغدة، أدوية القلب، الأدوية اللي بتتتصنّع بطريقة معيّنة ومحتاجة Quality Control عالي على التصنيع—سواء بقى كانت أقراص مُغلّفة بتتتصنّع بطريقة معينة، أو محتاجة إنها تطلع في جسمك بمعدّل تحرير معيّن (Release Rate) زي دوا المعدة، أو الأدوية النفسية… وهكذا.
إنت لو قدّامك الاتنين—ساعتها اختار ماشي المستورد، أنا ما عنديش مشكلة في كده.

لكن يبقى مكتوب لك نوعين أو صنفين شركات مصري، وتقول لي: لأ أنا مش عايز ده، عايز المكتوب!
طب ما هم الاتنين نفس المادة الفعّالة يا حبيبي، والاتنين أصلًا ممكن تلاقيهم كمان بيتصنّعوا في مصنع واحد—ده طبعًا بعيدًا عن الأدوية اللي بتتتصنّع تحت بير سلم، كل يوم بنشوفها.

الخلاصة في البوست ده—أو الكلام اللي أنا بقوله—إنك كمريض مصري أو مستخدم مصري لازم يبقى عندك الوعي.
لأن للأسف: إن كان في طبيب ممكن يقول للمريض “لو ما لقيتش النوع ده هات أي بديل نفس المادة الفعّالة”، هتلاقي 10 قصاده بيأكدوا على المريض إنه يجيب اللي مكتوب بالضبط!

أنا لا بهاجم حد ولا بدافع عن حد؛ أنا عايزك إنت كمريض تبقى واعي:
اسأل—اللي مكتوب لك ده بكام؟ وهل مستورد؟ وهل بتستخدمه في حالة حرجة أو لحاجة ما ينفعش فيها الغلط؟ ولا مجرد مُسكّن مثلًا أو دوا بيحافظ على معدتك من الأدوية اللي إنت بتاخدها؟
ساعتها اسأل: الدوا ده بكام؟ وهل هو مصري؟ ولو مصري هل في مثيل ليه بنفس المادة الفعّالة أقل في السعر؟ وما تكسفش ولا تخاف.

خليك واعي.

20/10/2025

داخلين على 2026 ولسه في ناس فاكره ان الفوار ده للاملاح بس؟
وكمان نوع واحد من الاملاح، اوكسالات الكالسيوم Ca.oxalate
بس الحقيقه غير كده خالص، الفوار ده مظلوم وليه استخدامات تاني كتير

1- اول حاجه:
ممكن فعلا يتاخد بجرعات عاليه (من 7 لـ10 اكياس على لتر ميا) علشان يعمل تنضيف للجهاز الهضمي قبل المنظار او العمليه
هو فعلا بيحرك القولون كويس وبيخليه نضيف، بس خلى بالك
ده مش الاستخدام الرسمي ليه، التحضير الحقيقي بيكون بمحاليل مخصوصه زي Moviprep او Fortrans
الفوار ممكن يتاخد كحل بسيط لما التحضير ده مش متوفر

2- تاني حاجه:
لو المريض عنده امساك بسيط، الكميه الكبيره منه ممكن تعمل اخراج مؤقت، بس ماينفعش يتاخد كعلاج دائم للامساك خصوصا للي عندهم مشاكل في الكلى او الضغط

3- تالت حاجه:
الفوار ده ممكن يشتغل كـ antacid بعد الاكل
هو فعلا بيعادل حموضه المعده ويريح شويه، يعني لو عندك املاح وحموضه في نفس الوقت كيس بعد الاكل هيظبطك
بس طبعا مش بنفس قوة ادوية الحموضه اللي مخصصه كده زي PPI او H2 blockers

4- رابع حاجه:
هو كمان بيرفع pH البول، وده بيساعد يقلل الاحساس بالحرقان وبيخلي بيئة البول اقل مناسبه للبكتيريا
يعني لو فيه املاح وصديد بول وحموضه، الفوار ده هيساعد، بس ماينفعش نعتمد عليه لوحده
المضاد الحيوي لازم يمشي معاه

5- خامس حاجه:
فيه انواع من الفوارات دي بتكون مصدر بسيط للماغنسيوم، وده بيخليه ليه تأثير مهدئ خفيف وباسط عضلات آمن
عشان كده ساعات بيريّح في حالات الشد العضلي او المغص البسيط

⸻

10/10/2025

🔶♦ هام جدا إذا صادفتم شخصا أصيب بجلطة دماغية فأنتم تستطيعون إنقاذ حياته، حتى ولو كنتم لاتملكون أي شهادة في الطب. لكن كيف ذلك؟
✦ هناك طريقة صينية ناجحة بنسبة 100 % في حالة حدوث جلطة دماغية، ينصح باستعمالها حتى ننقذ ضحايا الجلطات من تلف الأعضاء ترتكز على وخز الأصابع وهي كالآتي:

✦ حافظوا على هدوئكم ولا تحملوا أو تحركوا المصاب حتى لا تتسببوا له بنزيف دماغي داخلي.

✦ بواسطة إبرة جهاز فحص السكر أو إبرة خياطة معقمة (لتعقيم هذه الإبرة عرضوها لحرارة ولاعة مثلا).

✦ قوموا بوخز رؤوس أصابع اليد العشرة بهذه الإبرة المعقمة، هذا الوخز يجب أن يتم على بعد بضعة ملليمترات من الاظافر لكي يسيل الدم قطرات، وإذا لم يسل الدم نقطة نقطة، اضغطوا بلطف ليستطيع أن يسيل ببطء ويسمح للدم في الداخل بأن يتحرك.

✦ إذا لاحظتم تشوها في شكل فم الضحية، قوموا بتدليك الأذنين حتى يصلهما الدم.

✦ قوموا ببوخز شحمة الأذن بهذه الإبرة حتى تشاهدوا سيلان قطرتين من الدم.
بعدها فورا، سيستعيد المريض وعيه وسيعود شكل فمه إلى طبيعته.
✦ خذوا المريض بعدها إلى المستشفى حتى تستقر حالته.

♦ س/ ما هي أعراض الجلطة الدماغية؟
• ج/ من بين الأعراض نذكر:

✦ عدم القدرة على الفهم والإستيعاب.
✦ إرتخاء في جانب واحد من الفم عند التبسم.
✦ فقدان أو ضعف البصر في إحدى أو كلتا العينين.
✦ فقدان القدرة على النطق أو التثاقل في الكلام.
✦ هبوط أحد الذراعين عند محاولة رفعهما معا فوق الرأس.
✦ فقدان القدرة على المشي ، والاحساس الدائم بفقدان التوازن.
✦ خدران أو شلل في جانب واحد من الجسم (قد يصيب الوجه أو أحد الذراعين أو الساقيين).

لو عجبكم المنشور اكرموني بالصلاه علي حبيبي رسول الله ♥

05/10/2025

منقول عن دكتور

واقف في الصيدلية وخلاص بقفل الحسابات عشان اشد الرحال
لقيت ست في شارعنا بتقولي استني يا دكتور محمد في علاج عايزاه ضروري
- خير يا ام احمد تحت امرك
= الورقة دي فيها برشامين عايزاهم ضروري لبنتي وعايزك تفهمني تخادهم ازاي
(ابص في الورقة الاقي ترياكتين وديكسازون)
- طيب يا حجة انتي اول مرة تجيلي تطلبي الحاجات دي فمين اقلك عليهم؟!
= بنت اختي كانت رفيعة خالص وراحت لاخصائي سمنة ونحافة كتبلها دول وشوية حاجات تاني ومشيت عليهم فترة واديها الحمد لله وشها اتفرد وفاتحتها الاسبوع الجاي
( هات يابني الكحل اعقم ايدي، استعنا علي الشقا بالله)
- بصي يا حجة واحدة واحدة نجيب الموضوع من الاول

الترياكتين دة في الاساس مضاد حساسية بيستعمل طبعا في حالات الرشح والعطس واحتقان الجيوب الانفية اللي بتبقي في ادوار البرد والانفلونزا الموسمية وممكن كمان في حالات ضيق التنفس (asthma) والهرش واي شكل من اشكال الحساسية

بس لقيوا المعلم دة بيوصل المخ وبيلعب في شوية حاجات هناك وبالاخص هرمون السعادة الشهير بالسيرتونين (serotonin) فبيخلي اللي ياخده يحس بالجوع بصورة كبيرة ومتكررة خلال اليوم فعشان كدة خلي الناس تتجهله كفاتح شهية ممتاز،
غير كمان بعد 3 او 4 ايام بتدخل في نوم عميق شوية

لكن ❌❌❌ بعد 2-3 شهور من الاستعمال اعكس الكلام اللي فوق
1 بيقل استجابة الجسم ليه كفاتح شهية، فلو وقفته بعد 6 شهور بتفقد شهيتك اللي كانت طبعية قبل استعمالك ليه
2 الاكتئاب والارهاق والخ طبعا وحالتك النفسية في النازل
3 عدم انتظام في النوم ومتكملش ساعتين تلات نوم متواصل
4 ضيفلي كمان اجهاد للكبد

نيجي للحج التاني
الديكسازون دة كورتيزون وطبعا مفيش حد مسمعش كلمة كورتيزون ودة اللي اثاره الجانبية بتزيد بزيادة الجرعة

الكورتيزون بيتم استخدامه في حدوتة النحافة عشان طلع بيحفز تخزين الجسم للدهون وخصوصا منطقة البطن والارداف
ولكن شغله الاساسي انه بيعمل احتباس للماء في الجسم وبيظهر في الوش وشكل الوش اسمه MOON FACE (يعني اتنفخ مش زاد جماله) وبيدي شكل تخن كاذب لانه بيبقي فيه عدم تناسق في زيادة حجم الجسم فتلاقي الشخص دة تخن في حتت من جسمه وحتت لا ودي بتختلف من شخص للتاني.

غير ان استعمال الكورتيزون لاكتر من اسبوعين بيضعف جهاز المناعة جدا وبيخلي الشخص في حابة ارتباك وقلق وفي ضغط نفسي واستعماله لفترة طويلة لازم هيرفع السكر في الدم

= طب خلاص يعني يا دكتور نسيب البت هتفضل ناشفة كدة؟!
-مين قال كدة يا حجة؟! اية اللي يخلينا نلجا لادوية اضرارها اكتر من منافعها في حين ان في بدايل طبيعية وفعالة وصحية كمان نعالج بيها النحافة ....

لو حابين نكمل نخبط لايك 👍 وننزل بكومنت "تغذية" وتعمليلي متابعه عالاكونت

(وقل ربِ زدني علماً) سورة طه
(قالوا سبحانك لا علم لنا الا ما علمتنا انك انت العليم الحكيم) سورة البقرة

01099244779لو عاوزة تتابعي الوصفات

02/10/2025

التوفير حقك
لو بتستلم ادويه ومحتاج تبدلها او تاخد مكانها فلوس
اتواصل معانا على الواتساب ب أفضل نسبه خصم وكمان هناخد منك اي صنف 😉🔥
حسن شاكر الطالبية فيصل أمام سوبر ماركت بيم
للتواصل فون [0112985217]
واتساب [01099244779]

25/09/2025

الخُلاصة قبل حدوث أي حالة من اللَّغط وإثارة البلبلة ..

البارسيتامول مع الحامل !!
او الأسيتامينوفين (اسم نفس المادة الفعالة فى أمريكا)
او الاسم التجاري الامريكي تيلينول زى بنادول عندنا

الباراسيتامول هو المسكن وخافض الحرارة المفضل أثناء الحمل وهو آمن إذا استخدم بأقل جرعة فعّالة ولأقصر مدة ممكنة.

موضوع التوحد أو فرط الحركة ADHD لسه غير مؤكد علمياً بشكل كامل وهذا الكلام تم إثارتة من عدة سنوات سابقة ولكن زادت الدراسات علية الفترة الاخيرة ولكن لم تؤكد المخاطر بشكل كامل ونحتاج المزيد من الدراسات، وهذه المخاطر تزيد مع الإستخدام المزمن مع الجرعات العالية،

وعل الجانب الأخر إرتفاع الحرارة "الحمي" نفسها أخطر على الجنين من خطورة محتملة لظهور التوحد فى الطفل، وعشان كده لازم نستخدم الباراسيتامول وقت الضرورة.

Paracetamol is the analgesic–antipyretic of choice in pregnancy and considered safe when used at the lowest effective dose for the shortest duration.

Concerns about autism/ADHD risk remain inconclusive, but maternal fever itself carries greater risk to the fetus, so paracetamol should be used when clinically indicated.

فى النهاية يستخدم البارسيتامول بأمان وقت الحاجة فقط

ونصيحة فى أي دواء مهما كان هذا الدواء آمن فى الحمل
فهو يستخدم وقت الضرورة فقط اثناء الحمل ..
ماعدا
المكملات الغذائية والفيتامينات الضرورية في الحمل مثل حمض الفوليك.

Dr.Ahmed

23/09/2025

🔴 90% من الناس فاكرين إن أدوية التورم زي Alphintern – Ambezim – Metapsin – Oponov – Allzyme Max كلها نسخة واحدة…
لكن الحقيقة 👇 في فروق مهمة جدًا لازم تبقى عارفها.
---

1️⃣ Alphintern – Ambezim – Allzyme Max

المكونات:
Trypsin + Chymotrypsin
(Allzyme Max فيه كمان Bromelain)

الآلية:
🔹 تكسير البروتينات الالتهابية وبقايا الخلايا التالفة.
🔹 تقليل التورم والانتفاخ.
🔹 تسريع الالتئام بعد الجروح والعمليات.

الاستخدام:
تورمات بعد العمليات – الكدمات – الإصابات.

الدراسات:
✔️ بتقلل مدة التورم والكدمات أسرع من الـ Placebo.
✔️ Allzyme (بفضل الـ Bromelain) فعال أكتر خصوصًا بعد عمليات الأسنان والجراحات التجميلية.
---

2️⃣ Metapsin – Oponov

المكونات:
Bromelain + Trypsin + Rutoside (+ أحيانًا L-Leucine)

الآلية:
🔹 Bromelain: يقلل التورم عن طريق التحكم في وسائط الالتهاب.
🔹 Rutoside: يقوي جدار الأوعية ويقلل الكدمات.
🔹 L-Leucine: يساعد على ترميم الأنسجة وتحسين الامتصاص.

الاستخدام:
تورمات وعائية – كدمات شديدة – مشاكل الدورة الدموية الطرفية.

الدراسات:
✔️ فعاليتهم قريبة من بعض مضادات الالتهاب (NSAIDs).
✔️ وجود Rutoside بيفرق جدًا في تقليل الكدمات.
---

🧠 الخلاصة:

Alphintern / Ambezim / Allzyme Max ➜ الأنسب للتورم والكدمات بعد العمليات والإصابات.

Metapsin / Oponov ➜ أقوى مع الكدمات الكبيرة أو التورمات المرتبطة بالأوعية.

⚠️ احتياطات:

الحذر مع أدوية السيولة (مضادات التجلط/الصفائح).

مش بديل عن المضاد الحيوي في العدوى أو الخراج.
---
Dr.Ahmed 🫡🤍

16/09/2025

💃💋 عايزة جاذبيتك تبقى كاملة من غير فلاتر ولا فوتوشوب؟
من النهاردة السر عندنا 👇

✨ منتجات صيدلية مصرّح بيها وآمنة 100%

صيدلية د. ايليا ممدوح

علشان تكبير وتجميل:
💋 شفايف مرسومة ومليانة
🍑 أرداف بارزة وجذابة
👙 صدر مشدود وأنوثة كاملة

🚀 النتايج طبيعية، تدريجية، وأكتر من اللي بتحلمي بيه!
📍 متوفرة حصريًا في صيدلية د ايليا ممدوح
⏳ الكمية محدودة… احجزي دلوقتي وخليكي النسخة الأقوى من نفسك 👑
تواصل واتساب : 01065461507
تواصل موبايل : 01112985217
او علي رسائل الصفحة

09/09/2025

أغرب خرافة بتتكرر عندنا يوميًا:
كاتفلام مابيعلّيش الضغط… وفولتارين بيعلّيه!
ليه؟ عشان واحد فيه "صوديوم" والتاني فيه "بوتاسيوم"!
بس الحقيقة مختلفة تمامًا عن اللي متخيلينه.

━━━━━━━━━━━━━━━━━━━

📌 هل كاتفلام أأمن من فولتارين على الضغط؟

👥 في ناس كتير فاكرة إن الـ كاتفلام (Diclofenac Potassium) ← مش بيرفع الضغط زي الـ فولتارين (Diclofenac Sodium).
السبب؟ ببساطة شايفين كلمة "Sodium" فافتكروا إنه هو اللي بيحبس المية ويزوّد الضغط، وإن "Potassium" مش بيعمل كده.

❌ بس الحقيقة مختلفة…
الاتنين في الآخر نفس المادة الفعالة: Diclofenac.
والفرق بينهم مش في الأثر الجانبي، إنما في السرعة:

كاتفلام (بوتاسيوم) ← بيمتص أسرع فالمفعول يبان بسرعة.

فولتارين (صوديوم) ← امتصاصه أبطأ فالمفعول أهدى وأطول شوية.

يعني من الآخر: سرعة البداية بس هي المختلفة… لكن المخاطر الجانبية؟ واحدة بالظبط.

━━━━━━━━━━━━━━━━━━━

💡 طب ليه أصلاً ممكن الديكلوفيناك يرفع الضغط؟
هنا لازم نفهم إن الموضوع مش له علاقة بالصوديوم أو البوتاسيوم اللي مكتوب على العلبة، لكن بالميكانيزم بتاع الدوا نفسه كـ NSAID (Non-Steroidal Anti-Inflammatory Drug):

🟢 في الكلى ←
• الديكلوفيناك بيقلل إفراز مادة البروستاجلاندين، ودي اللي بتحافظ على توسع الأوعية.
• لما البروستاجلاندين يقل ← الأوعية تنقبض ← الجسم يحتفظ بالصوديوم والمية ← الضغط يعلى.

🟢 في الأوعية الدموية والقلب ←
• ممكن يزوّد مقاومة الأوعية الدموية (Vascular resistance).
• وكمان يقلل من فاعلية بعض أدوية الضغط زي الـ ACE inhibitors ومدرات البول.

━━━━━━━━━━━━━━━━━━━

⚠️ طب مين أكتر ناس يتأثروا؟
الموضوع مش معناه إن كل واحد هياخد قرص ديكلوفيناك هيلاقي ضغطه بيعلى… لأ.
الخطر بيبان أكتر مع:

• الاستخدام الطويل
• الجرعات العالية
• أو وجود مشاكل قلب/كلى من الأساس

والمشكلة مش مقتصرة على الديكلوفيناك بس… أغلب الـ NSAIDs زي الإيبوبروفين والنابروكسين ليهم نفس التأثير.
وعلشان كده الـ guidelines العالمية بتنصح إن مرضى الضغط أو الكلى يتجنبوا الاستعمال المزمن للـ NSAIDs.

━━━━━━━━━━━━━━━━━━━

✅ طب نتصرف إزاي بقى؟
هنا ييجي دور النصايح العملية بقي مننا كصيادلة:

• الفئات الأكثر عُرضة للمضاعفات ← كبار السن، مرضى الكلى، مرضى القلب، واللي بياخدوا أدوية ضغط أو مدرات.

• الديكلوفيناك موجود في أشكال مختلفة (أقراص، أقماع، أمبولات، جيل موضعي) ← والتأثير على الضغط بيبان أكتر مع الأقراص والحقن بجرعات عالية أو لفترات طويلة، مش مع الاستخدام الموضعي.

• لو عندك ضغط عالي أو أي مشاكل في القلب أو الكلى ← لازم تستشير دكتور قبل ما تستخدم أي نوع ديكلوفيناك.

• استخدم أقل جرعة ولأقصر فترة ممكنة، واعمل متابعة للضغط طول فترة العلاج.

• وفي بعض الحالات ممكن يكون البديل الآمن أكتر هو Paracetamol، أو حتى COX-2 inhibitors تحت إشراف طبيب، أو استخدام Topical NSAIDs بدل الأقراص/الحقن.

━━━━━━━━━━━━━━━━━━━

ℹ️ تنويه مهم :
الكلام هنا مش عن أسماء تجارية بعينها، إنما عن المادة الفعالة نفسها Diclofenac.
وتم ذكر "فولتارين" و"كاتفلام" كمثال لأنهم الأسماء العالمية الأشهر للدواء.

━━━━━━━━━━━━━━━━━━━

🔍 الخلاصة ←
كاتفلام = فولتارين في تأثيرهم على الضغط.
الفرق الوحيد بينهم في سرعة الامتصاص والمفعول… مش أكتر.

Monday	10:00 - 02:00
Tuesday	10:00 - 02:00
Wednesday	10:00 - 02:00
Thursday	10:00 - 02:00
Friday	10:00 - 02:00
Saturday	10:00 - 02:00
Sunday	10:00 - 02:00

Dr. Elia Mamdouh Pharmacy

10/11/2025

23/10/2025

23/10/2025

22/10/2025

20/10/2025

10/10/2025

05/10/2025

02/10/2025

25/09/2025

23/09/2025

16/09/2025

09/09/2025

Address

Opening Hours

Website

Alerts

Shortcuts

Share