07/05/2026
كى الضفيرة الكهربية بالقلب
ضربات القلب السريعة قد تنتج عن وجود ضفيرة كهربية بالقلب وهى عبارة عن وصلة زيادة بين حجرات القلب (عادة الاذين والبطين).
واللى بتعمل دايرة كهربية مغلقة بينها وبين التوصيل الطبيعى للقلب وتعمل تسارع النبض اللى بيحصل.
ودا بيكون علاجه حاجة من اتنين اما اخذ الدواء لمنع التكرار ودا بيكون غير مضمون وممكن يحصل تكرار بالرغم من الدواء اما الحل الثانى هو الدراسة الكهروفسيولوجية والكى ودا بيتم عمله فى مستشفى مجهز بالامكانيات اللى تسمح بهذا الاجراء ودا بيكون بالبنج الموضعى عند منطقة الفخذ ويتم ادخال انابيب رفيعة عبر الوريد الفخذي حتى القلب ( ودا مش بيكون معاها اى الم ) وبعد كده بنعمل الدراسة الكهربية اللى بتكون عن طريق حث القلب ونحاول نجيب نفس الضربات السريعة اللى بتحصل ونعمل خريطة ونعرف منها مكان الضفيرة بالظبط لانها بتكون فى مكان صغير جدا ووقتها بنعمل تسخين للمكان دا باستخدام احد الانابيب وفى الوقت بيكون فيه الم محتمل فى الصدر وبينتهي بمجرد انتهاء التسخين ودا اسمه الكى. وبعدين نحاول نجيب الضربات تانى ونتأكد ان الضفيرة مش موجودة خلاص.
وبعدين نخرج من المستشفى بعد حوالى ٤ الى ٦ ساعات. وبيتم ممارسة الحياة الطبيعية بعدها فى خلال ٢٤ ساعة.
دكتور احمد عبد الحافظ لأمراض كهرباء القلب Cardiac Electrophysiology Clinic
للحجز 👇
📍الدقى مركز نبض الحياة- ميدان المساحه اعلى ماكدونالدز
01028290087
01157057095
01157057092
📍بنها: بنها الجديدة ش التأمين الصحي خلف الاستاد
01212024820
📍 طنطا : برج الزهراء شارع عثمان محمد من المديرية -عيادة دكتور احمد عقاب
01009901981
