Dr. Mohamed Nafez - د. محمد نافذ

04/01/2026

تكريم عمي الأستاذ / الشوربجي نافذ من السيد المستشار رئيس الإستئناف / عبدالله بيك الشاذلي رئيس محكمة شمال المنصورة الإبتدائية ، لبلوغه السن القانوني للمعاش على درجة مدير عام بوزارة العدل .

بذلك يكون عمي قد أتم على خير مسيرة عملية حافلة ومشرّفة ، قضاها في أروقة وزارة العدل خادمًا للوطن والمواطنين ، متوشّحًا بالشرف والأمانة ، نقي اليد ، طيبَ السيرة ، حسنَ السمعة بين السادة المحامين والمتقاضين والقضاة على السواء .
ربنا يبارك فيك ياعمو ويديك الصحه وطول العمر ❤️

04/01/2026

انا جاهز يا ريس 🤣

30/12/2025

الواد مش عايز يتصور معايا 😁😂
ياابني انا بقيت بروجر زي كروان مشاكل كده🤭

29/12/2025

لا فضل لمريض علي طبيب في رزق ولا لطبيب علي مريض في شفاء .لو علم الأطباء أن الرازق هو الله ما أكلوا حراما ولو علم المرضي أن الشافي هو الله لتقبلوا قضاء الله عسرا بالصبرأو يسرا بالشكر.
لعلهم يعقلون

27/12/2025

اخويا الغالي الكبير مقاما الف الف مبروك وربنا يجعلك ديما نصير للحق والمظلومين ❤️❤️

بفضلِ اللهِ تعالى وتوفيقه .. يَسُرُّنا أن نعلن عن افتتاح الفرع الثاني لمكتبنا في قلبِ العاصمة القاهرة ، بميدان التحرير .

ليكون هذا الموقع بإذن الله ميدانًا جديدا نمارس فيه رسالة المحاماة كما ينبغي لها أن تكون ، شرفاً لا يُساوَم ، وأمانةً تؤدى ورسالةً تحمل بصدق وإخلاص ، ونسأل الله أن يجعل هذا التوسع عونا على نصرةِ الحق ، وخدمةِ العدالة ، والذودِ عن المظلومين ، وأن يكتب لنا فيه القبول والسداد .

عنوان المكتب بالقاهرة : ١٥ ش ميريت باشا - ميدان التحرير - قصر النيل .

27/12/2025

الحالات كلها اليومين
والله يا دكتور انا اخدت علاج الكحه اللي قولت عليه والكحه زادت 🤣

انا 👇👇

25/12/2025

ما شاء الله تبارك الله

ولدين وبنوته بارك الله فيهم وحفظهم لذويهم ❤️❤️

25/12/2025

🤣
هو انا مخبي الحله مثلا

25/12/2025

#الكشف المستعجل

ناس كتير بالذات الازواج نظرا لظروف شغلهم عاوزني اعمل كشف مستعجل بضعف تمن الكشف

مع احترامي لظروفكم طبعا انا عندي قناعه شخصيه ان الكشف المستعجل دا اجحاف بظروف ناس بسيطه جايه تدفع تمن الكشف بالعافيه فمينفعش عشان انت ظروفك كويسه (ربنا يبارك) اظلم ناس تانيه ظروفها مش احسن حاجه وبعتبر دا استغلال لحاجه المريض ودا هيخلي فيه مشاكل
مع احترامي لكل الزملاء اللي بيعملو كدا

في الطواري احنا بنحترم دا وبنحاول نستأذن اللي قاعد وفي اغلب الاحوال الناس بتقدر الحاله الطارئه وبتدخل قبل الناس

مش كل الرزق فلوس ممكن تاخد باقي نصيبك #ستر

23/12/2025

بصو يا جماعه انا طبيعتي بقدر جدا ظروف الناس وان ممكن الاطفال مفيش حد يقعد بيهم ف البيت ومش بمنع دخول الاطفال العياده

لكن مش لدرجه ان الطفل يدخل الاوضه ويلعب ف السونار او يكسر ف اي حاجه و الاب والام ساكتين عشان احنا بنربيه تربيه ايجابيه مينفعش نزعله

دا فوق دماغي طبعا بس معلش نطبق دا ف بيتنا مش عندي ف العياده انا لو رايح ازور حد اكيد مش هسمح لابني ان يكسر التليفزيون واسكت عشان بربيه تربيه ايجابيه

فلو سمحتم اللي يقدر ميجيش الاطفال العياده اكون شاكر جدا ليكم

23/12/2025

هديه عزيزه وغالية جداً جداً من حبيبي الغالي سيادة الرائد / محمد بيك بيومي ً
تسلمً ياغالي وربنا يحفظكم لينا ولبلدنا❤️

20/12/2025

بيفرق جدا الزوج المتواجد من اول يوم

الدعم النفسي منك في اضعف ايام حياتها عمرها ما هتتنسي