٣ أسباب تخليكي تستخدمي في الدايت:
١– بيساعد على الشعور بالشبع لإنه مدعم بالجلوكومانان والاينولين ودول عبارة عن الياف طبيعية.
٢– مدعم بالقهوة الخضراء والشاي الأخضر و الكروميوم اللي بيساعدوا على زيادة معدل الحرق.
٣– بطعم التفاح الأخضر وإستعماله سهل وبسيط.
19/06/2023
السلام عليكم
حقنة البرد اللي بيقولوا عليها "حقنة هتلر"
☠ Hitler_Combination ☠
كنت قولت اني هتكلم لكم عنها في بوست لوحده.
ودي بتتكون من 3 حاجات (مضاد حيوي - كورتيزون - مسكن)
>>> مين فينا ينسى شخصية "عم مبلولي".. قصدي "مدبولي" فى فيلم "أونكل زيزو حبيبى"، التمرجي المتقاعد الذي لم يكن حبه لابن أخيه "زيزو" يقل عن حبه للديك "لهيطة"، الديك الذي لو تمكن من النطق لتوسل لعم مدبولي أن يرحمه من "حقنة هتلر"، التي كان يحقنه بها يوميًا والتي كان زيزو يتهرب دائمًا من عمه حين يعرض عليه تجربة "حقنة هتلر" عليه 😅😆👇👇
عميل : والنبي يا بني اديني حقنة البرد ؟
حاضر يا حاج..
و يبدأ في تحضير التركيبة المنشوده
1) Cefotaxime 1gm (antibiotic) dexamethasone 8mg (corticosteroid) diclofenac 75 mg (NSAIDs)
……………………
ليه بيعمل كده ؟؟؟
الاجابه واضحة جدا ... انه عايز العميل يخف بسرعة و يقول عليه دكتور و دكتور شاطر كمان.
تعالوا بقي نتكلم بشكل علمي شويتين…
1. مش شرط كل دور برد يكون محتاج مضاد حيوي >>>> و هنا بنيجي ل 3 حالات:
- انه ميكونش bacterial infection اصلا .. و يكون فيروس viral infection
- ان تكون bacterial infection بس الجهاز المناعي immune system هو اللي عامل الاعراض الجانبية
- ان تكون نوع البكتريا اللي انت مديلها المضاد الحيوي ده مش sensitive ليه (يعني المضاد الحيوي اللي اديته مش هيجيب نتيجة معاها)
2- الحقنة في الغالب العميل بياخدها مره واحدة بس و بيحس ان الدنيا معاه تمام و انه مش محتاج تاني .. فبيتكون نسبة كبيره من البكتريا حوالي 25% من الحالات antibiotic resistance . و ده بيودينا للنقطة الاكثر خطورة.
3- بتتكون strains او سلالات من البكتريا مقاومة للمضاد الحيوي اللى انت اديتهوله... المصيبة بقي لما بتنتقل العدوي البكتيرية لمريض تاني ... فبيستخدم مضاد حيوي تاني بنفس الطريقه ال one shoot antibiotic .فبيزيد احتمالية وجود بكتريا في المجتمع مش sensitive للمضادات الحيوية ... الا الحاجات اللي ليها آثار جانبية خطيرة زي مجموعة ال aminoglycoside زي gentamycin و اخواته ... و طبعا فاكرين انهم بيعملوا ototoxicity و nephrotoxicity
4- الدكسامثازون اللي بتديهاله one shoot ليها تأثيرات كتيره جدا :
- بتعمل masking لاعراض ال bronchial asthma
- التأثير الوقتي على diabetic suspects او المشتبه به كمريض محتمل للسكر non insulin diabetes mellitus ... السكر يقعد عالي لحد أما المريض ياخد انسولين mixtard و lantus
- التأثير الوقتي على الاشخاص اللى عندهم الضغط عالي ... طبعا كلنا عارفين الطرق المختلفه اللى بيعلي بيها ال dexamethasone الضغط كواحد من عائلة ال synthetic gluco-corticosteroid
- الاثر ك immunosuppressant و ده في حد ذاته بيعمل superinfection بس من غير اعراض علشان هوه بيعمل masking لكل الاعراض بتاعة البرد .
5- نيجي بقي لبرنس السنوات السابقه و القادمه ... diclofenac 75 mg injections زي ال voltaren و بدايله و مشاكلهم نلخصها في الاتي :
- هو مش ال NSAID كخافض حراره .. المعتمد بس البروفين مش الديكلوفيناك.
- ال maximum allowed dose بس 150 مجم يوميا ... فوق كده بيبقي ظهور الاثار الجانبيه اكتر بكتير
- الامان بتاعه مش كبير يعني زي بقيه ال NSAID مش آمن في الحمل و لا الرضاعة و كمان مش بيستخدم اقل من 6 سنوات و فيه قول اخر 3 سنين .
- الاهم انه قوي و سريع في المفعول .. و ده بيخلي العميل بيستخدمه من نفسه و الدكتور بيكتبه برضه و الصيدلي بيطلعه
- اهم اثار جانبيه هي التأثير على الكليه renal insufficiency و ال NSAID induced peptic & duodenal ulcer و كمان بيعمل exacerbation bronchial asthma .
علشان كل الاسباب دي و أكتر بنقول للمريض بلاش تطلب الحقنة دي من الصيدلية…
يعني المفروض ان المضاد الحيوي ميبقاش اول حاجة نلجألها يعني المفروض الاول تجرب الادوية العادية بتاعة البرد زي كونجستال وكومتركس وغيرهم ®️ ولو في ألم تاخد معاهم مسكن 💊 ولو في حرارة تاخد خافض للحرارة مع كمادات 👍 وتشرب سوايل دافية 🍵وعصير لمون او برتقال🍺وشوية هتلاقي البرد راح لوحده من غير ما تتعب نفسك بالمضادات الحيوية 😌 حتي لو الحقنة بتجيب معاك من الاخر…
متنسوش المشاركة والتعليق بتم او منشن لزمايلكم ❤❤
31/03/2023
السلام عليكم
❌❌
البيبسى Pepsi
✔ الصورة رقم 1 دى شوفتها صدفة وعجبتنى جدا لانها فعليا معبرة جدا وأكيد معمولة لغرض تحذير الناس من البيبسي وتوعيتهم بأضراره 😡
معظم الناس بيشربوا حاجة ساقعة كتيييير عشان الجو حر 😥 او بديل للمياه ودا طبعا نظريا وعلميا غلط جدا جدا ليه‼
لأن شرب البيبسى الكتير دلوقتى بقى احدى الاسباب الرئيسة للسمنة والاصابة بمرض السكر ده غير الحساسية وحصوات الكلى اللى فعليا زادت جدا فى الفترة الاخيرة وتأثيره على العظام والكالسيوم وبرضه الاسنان وحدوث التسوس 😱
فياريت يعني نعرف ان المشروبات الغازية للترفيه فقط يعنى متخليهاش أساسي مع كل وجباتك وبرضو لا تغنى ابدا ابدا عن شرب المياه 😍
اشرب مياه كتير (فى اليوم حاول متقلش عن 3 لتر) الاكل باعتدال واشرب بيبسى مرة أو اتنين فى الاسبوع وياريت لو بطلته خالص بكدا هتحافظ على صحتك 💪🤞
✔ نيجي للناس اللي بتشرب بيبسى كتيييير وممكن يخلصوا اللتر فى مرة واحدة حابب أوريهم الصورة رقم 2 😢😔
صورة من مصدر أجنبي مكتوب عليها
" This kidney stones because of drinking a lot of soda water "
(هذه الحصوات نتيجة شرب الكثير من المياه الغازية)
كتير طبعا هيستغرب ازاى البيبسى مهما كانت الكمية تعمل كده وتكون سبب فى الحصوات دي، وايه علاقتها بارتجاع اللمرئ والسمنة وامتصاص الكالسيوم ‼ 🙄
هنقول ازاى 💬
☜ المشروبات الغازية بتحتوي على الفوسفوريك اسيد ( Phosphoric acid ) عشان يدي للمشروب الطعم والفوران اللي بنلاحظهم
☜ الفوسفوريك اسيد دا بيعمل وسط حمضي في المجرى الكلوي ودا بيسمح بتكوين الحصوات بمنتهى السهولة 😤
☜ مش كده بس لا ده الفوسفوريك اسيد كمان بيقلل امتصاص الكالسيوم فى الجسم فبيضر بالعضم والاسنان وخاصة في حالة الاطفال 👶
☜ ومش كده بس لا ده بيرفع نسبة السكر فى الدم ويسبب السمنة اللى هى سبب مهم جدا من اسباب ارتجاع المرئ 🤒
✺ فملخص الكلام واللي المفروض نعرفه ان المشروبات الغازية مشروبات منعشة مش مشروبات يومية بديلة عن الماء 👌
فبلاش نكتر منها وخاصة مع الاطفال 👶 ومرضى السكر 🙄 واللي عندهم زيادة في الوزن 🙆♂️ واللي عندهم أملاح أو حصوات لأن الوضع هيسوء جدا بشرب البيبسي في الحالات دي 💔💔
مننساش الشير عشان الكل يعرف خطورة المشروبات الغازية ويحاول بقدر الإمكان يتجنبها ومنشن لصاحبك اللي ميقدرش يستغني عن البيبسي وعكننه بقي 😂😅
Be the first to know and let us send you an email when Apothecary Pharmacy posts news and promotions. Your email address will not be used for any other purpose, and you can unsubscribe at any time.
