26/02/2026
من الحاجات اللي لازم تبقى جزء من فطارك يوميا اي خضار
مبتحبيش الكوسا كلي فاصوليا
مبتحبيش الفاصوليا كلي بسله
مبتحبيش البسله كلي بميه.... ملوخيه
بصي دوري على اي حاجه خضرا تطبخيها تاكليها بجانب السلطه 🙂🙂🙂
لكن.....
❌❌❌مينفعش الطبق الرئيسي يكون طبق مليان رز او مكرونه او يا حبذا محاشي صواني
فكده بتاخدي كمية نشويات مع دهون زياده عن احتياجك جسمك وش هيخزنهم فالبطن والارداف دهون 🙂🙂🙂🙂
❌❌❌ولا ينفع تاخدي ٤- ٥ معالق رز وقطعه البروتين كده انت مش هتشبعي....
هتجوعي يا ما..... 👇🏻
🙂هتفضلي جعانه ومكتئبه وبردو مش هتخسي لانك مقلله سعراتك جامد ف جسمك مش هيحرق والله ما هيحرق هيحافظ على دهونه🤦🏻♀️
... يا اما
🙂 هتأتي ع الاخضر واليابس ف اخر اليوم وبردو مش هتخسي والاتنين عذاب
الحل نوازن اكلنا
▪️ جزء نشويات مش كتير ٥ ل ٧ معالق (احنا صايمين👌🏻)
▪️جزء خضار مطبوخ وخضار سلطات وده الجزء الاكبر ف وجبتك
▪️حصة بروتين محترمه متقلش عن ٢٠٠ جرام في وجبه الافطار
وطبعا نعلي حرقنا بشويه حركه خفيفه بعد الاكل💃🏻🦸🏻♀️🥷🏻🙅🏻
ومتنسيش شرب الميه صيام وشتا... يا وجع الكلى 😒
وخفي حلويات كفايه ندوقها مره كل ٤ ايام يا سعديه
وبلاش الاكل يكون عرض مستمر لحد السحور كفايه فطار سناك او اتنين سحور وبنوزعهم حسب احتياجتنا 😃
هتعملي غير كده هنرجع نعيط سوا بعد رمضااااان ... وللحديث بقيه 🙂😃
رقم المتابعات
01029415592
📩
