29/04/2025
بما اني في مجال تربيه خاصه لتوضيح بس ♥️
Pe******ia
البيدوفيليا الموضوع دا انتشر بشكل مبالغ فيه الفترة الأخيرة .. بس دا هل ينفي أنه قديم لا طبعًا
بإختصار شديد هو عبارة عن اضطرابات نفسيه أن الفرد يكون عنده Sexual orientation تجاه الاطفال ..
طبعًا مش كل الي بيعمل التصرفات دي بيصنف بيدوفيل .. بس مش موضوعنا
أنا حابة أتكلم معاكم عن موضوع تاني ألا وهو دورنا كأولياء أمور أو معلمين سواء تربية خاصه أو عاديه ..
(إزاي نوعّي أولادنا إن جسمهم ملكهم، وإن ال Private Area محدش يلمسها أو يقرب منها مهما كان ..)
أول حاجة، مهم جدًا إننا نعلم الطفل من سن صغير
إن جسمه له خصوصية
إن ال Private Area هي الأجزاء اللي بتتغطى بالمايوه، وممنوع حد يشوفها أو يلمسها نهائي ..
وإنه من حقه يقول (لأ) بصوت عالي، حتى لو الشخص اللي قدامه كبير أو قريب ليه مهما كانت صلة القرابه ..
محتاجين نوصل لهم المعلومة بلغة بسيطة ومريحة، من غير تخويف، لكن بحزم و يوصلهم خطورة الموضوع و مش بلغة يخافوا يحكولنا بسببها
عشان كدا هقترح عليكو إسكريبت بسيط يساعدكوا نشرح و نوضح ليهم الموضوع بشكل سلس
جسمك ملكك، ومفيش حد له حق يلمسك حتى لو قال إنه كدا بيلعب معاك ، أو أنه يحاول يخليك تلمس ال Private Area الخاصه بيه
لو حد حاول، لازم تيجي تحكي لماما أو بابا فورًا، ومش هتتعاقب مهما حصل و إن أكيد هنثق فيه و هنعاقب الي تطفل علي خصوصيتك و حاول يضايقك
كمان، ضروري نعلمهم ٣ حاجات مهمة:
1. قواعد اللمس الآمن: إن اللمسات لازم تكون مناسبة زي سلام أو حضن بإذن الطفل، وأي لمسة مش مريحة ليهم لازم يرفضوها
2. الثقة في البوح: نأكد عليهم إنهم مش هيبقوا غلطانين أبدًا لما يحكوا لنا عن حاجة مضايقاهم
3. التفرقة بين اللمسات: إن في لمسة "كويسة" زي حضن ماما وقت الحزن، ولمسة "مش كويسة" زي أي حد يحاول يلمسهم بشكل مش مريح بالنسبالهم
ودورنا كأهل و أولي الأمر إننا نصدقهم ونتعامل مع أي موقف بجدية، ونطمنهم إنهم آمنين ..
*كلكم راع و كلكم مسؤول عن رعيته 💗".
#طفلك أمانه .
#التربية السويه.
#افهم اكتر اعرف اكتر طور اكتر ادعم اكتر
- ♥️
