صفحة تقدم كل ماهو متعلق بالادوية وكيفية الحفاظ ع صحتنا خلي موبايلك دكتورك في البيت
22/04/2024
الغسول الوحش
ريفيو كامل عن افضل غسول في الصيدليات
وداعا للحبوب مع غسول (الوحش) ريفيو كامل وطريقة استخدامه
08/04/2024
✨كنا اتكلمنا قبل كدا غن الأدوية الممنوعة خلال فترة الحمل والنهاردة هنتكلم عن الأدوية الآمنة خلال الحمل
✅ بعض المضادات الحيوية : زى الأوجمنتين ، هاى بيوتك ، زيثروماكس
👈بالنسبة للأدوية المسكنة : تعتبر الأدوية المحتوية على مادة الباراسيتامول مثل البنادول والبارامول، والدوليبران وغيرهم
✨ولو استفدت من البوست شاركه وخلى غيرك يستفيد
👈 ومتنساش تعمل متابعة لصفحتنا عشان يصلك كل جديد
16/03/2024
👈 القواعد الذهبية العشرين لو بتاخد التروكسين.
لازم تفتكرهم كويس ..
⛔مبدأيا كدة أفضل ميعاد للجرعة في رمضان هيكون قبل السحور بساعة بشرط نكون صايمين قبلها من ٣ ل ٤ ساعات.
⛔بمناسبة إنه ناقص شوية اليومين دول..ممكن في الحالة ديه يتجاب بديله الإيثيروكس بنفس التركيز بشرط يتم تحليل TSH بعد ٦ أسابيع من تاريخ أول جرعة.
👈القاعدة الأولى : الالتروكسين بيتاخد على معدة فاضية قبل الفطار من نص ساعة لساعة الصبح .
👈القاعدة الثانية : لا تنس القاعدة الأولى أبدا.
👈القاعدة الثالثة : ميتاخدش معاه لا حديد ولا كالسيوم ولا أدوية معدة من عيلة PPI وال H2 blockers ولا مضادات حموضة antacids ولا ال sucralfate ولا الأورليستات.
👈القاعدة الرابعة : بلاش يتاخد بقهوة أو شاى عشان الكافيين بيقلل من امتصاصه بنسبة ٣٠٪ ..محبكتش يعني😀 ..مفيش أحسن من المية والله.
👈القاعدة الخامسة: لا يستخدم للتخسيس ..لا يستخدم للتخسيس..لا يستخدم للتخسيس.
👈القاعدة السادسة : متابعة جرعته بتبقي بتحليل ال free T4 وده مبيتعملش غير على الاقل قبل مرور ٤ أسابيع في حالات الثانوية secondary..يعني أي تغيير في الجرعة مستناش منه نتيجة غير قبل شهر .والاولية primary بال TSH مع الأخذ في الاعتبار إنه التحليل ده بيتأثر بعوامل كتير من ضمنها البيوتين.
👈القاعدة السابعة: في بداية علاجة ممكن يعملي زيادة شوية في ضربات القلب لأنه بيزود مش شغل القلب اللي كان نايم بقاله فترة وجسمك خد على كدة.
👈القاعدة الثامنة : من الأفضل في بداية العلاج يتبص علي مستوى دهون الدم عشان لو عالي يتزود حاجة للكوليسترول والدهون الثلاثية في الدم لأنه ممكن الالتروكسين لما يزود من شغل القلب ده بيخليه يحتاج أكسجين اكتر عشان يشتغل وطبعا مع كسل الغده اللي بقاله فترة بيرسب الدهون في الشرايين الاحتياج بيزيد وبالتالي الشرايين مش بتقدر تكفى حاجة القلب وممكن يعملى أعراض ذبحة في الاول anginal pain .
👈القاعدة التاسعة : عشان القاعدة الثامنة بنبدأ بجرعة صغيرة ممكن من ٢٥ ميكرو ل ٧٥ ونزود تدريجيا بعد مش أقل من شهر .
👈القاعدة العاشرة : لا تنس القاعدة الخامسة
👈القاعدة رقم ١١ : لو العيان بياخد كورتيزون معاه فهو محتاج يزود في جرعته لأن الالتروكسين بيزود من metabolism الأيض بتاعه وبالتالي لو مريض أديسون ولا مريض بمرض مناعي وماشي عليه يخلي باله ويعرف دكتوره.
👈القاعدة رقم ١٢ : طبقا للقاعدة السابقة لو مريض أديسون او عموما adrenal insufficiency وأديناله الالتروكسين قبل الكورتيزون ممكن يدخله فى acute adrenal crisis يعني نقص شديد في الكورتيزون بتاع الجسم واللي هو أصلا ناقص نتيجة طبعا الالتروكسين اللي خرجه بسرعة..فلازم الأول أبدأ بجرعة كورتيزون وبعدها استخدم الالتروكسين .
👈القاعدة رقم ١٤ : الالتروكسين دوا مش هين واللعب في جرعته مش حاجة سهله والدليل على كده جرعته بالميكرو has a narrow therapeutic index
👈القاعدة رقم ١٥ : العيان اللي بياخد أدوية سيوله anticoagulant محتاج يقلل من جرعتهم شويه عشان اللالتروكسين بيزود من شغلهم .
👈القاعدة رقم ١٦ : ارجع للقاعدة رقم ١٠ تاني .
👈القاعدة رقم ١٧ : لو ماشي علي المصري متبدلوش بالمستورد ولو ماشي علي المستورد متبدلوش بالمصري ..بلاش تغير بأي بديل تاني حتى لو هو هو بالظبط عشان فيه اختلاف في ال bioavailability وديه حاجة بترجع لطريقة التصنيع ومدى استجابة الجسم وديه بتختلف من شركة للتانية حتى لو نفس المادة ونفس التركيز.
👈القاعدة رقم ١٨: لو حامل مش بنوقف الدوا ..أبدا ..أبسليوتلي 😀..بالعكس إحنا بنزود الجرعة بحوالي ٣٠ ل ٥٠ ٪ عشان الطفل بيعتمد اعتماد كلى عليكي في الحصول على الهرمون وبيفضل لحد ما يتولد ب ١٢ أسبوع تقريبا ولو مخدوش منك ممكن يحصله cretinism أو قماءة ..ولحد ما ترجعى لدكتورك ممكن الجرعة تضاعف مرتين أسبوعيا.
👈القاعدة رقم ١٩ : ارجع للقاعدة رقم رقم ١٦.
👈القاعدة رقم ٢٠ : والله العظيم ما بيستخدم في التخسيس حتى لو كان بيخسس.
⛔تابع الصفحة لو عاوز محتوى طبي تستفيد منه أو عندك أي سؤال ابعتهولي في الإنبوكس.
Be the first to know and let us send you an email when كبسولة سريعة - معلومه طبية posts news and promotions. Your email address will not be used for any other purpose, and you can unsubscribe at any time.
