The Doctor - الدكتور

The Doctor - الدكتور the doctor was a medical page ;)
we will show a medical cases plus a medical and nursing knowledge

بسم الله الرحمن الرحيم :) :)
" فأما الزبد فيذهب جفاء وأما ما ينفع الناس فيمكث فى الارض"
صدق الله العظيم..,
نرحب دائماّ بكل فكر جديد يضيف لنا ويجعلنا نخطو نحو تحقيق اهدافنا
صفحه متخصص هادفه من الدرجة الاولى وليس صفحه ترفيهىه إنما من اجل تحقيق رسالة سامية تحمل فى مضمونها نهضة هذه الامة **

12/01/2020

كلنا نعرف الضغط العالي و الضغط المنخفض ✋
لكن للاسف منعرفش يعني ايه اصلا !؟
ضغط الدم ده عباره قوه الضغط اللي بيعمله الدم علي جدار الاوعيه الدمويه 😉
و ده معناه بردو انه بيدل علي قوه ضخه عضله القلب للدم
البوست اللي جاي عن ايه هو الضغط العالي و الضغط المنخفض
قلوبنا في الكومنتات تعرفوا ايه عن الضغط العالي و الضغط المنخفض 😘
💪

السلام عليكم و رحمه الله و بركاته ،👋احنا دلوقتي يعتبر في فصل الشتاء 🥶و فصل الشتاء معروف ببرده و الساقعه و غالبا بيجيلنا ...
11/01/2020

السلام عليكم و رحمه الله و بركاته ،👋
احنا دلوقتي يعتبر في فصل الشتاء 🥶
و فصل الشتاء معروف ببرده و الساقعه و غالبا بيجيلنا نزله برد محترمه 🥵
طبعا نروح علي اقرب دكتور صدر 😷
تقله عندي برد و كحه مموتاني و مش قادر 🤧
يكتبلك في الروشته #برونشكم
طيب ايه برونشكم ده 🤔
مبدأيا ده مش دوا ✋
ده 😉
خلاصة من نبات الزعتير وهي مادة مطهرة ومذيبة للبلغم.⁦☺️⁩
يحتوي على فيتامين ب6.😊
يحتوى على خلاصة جذور زهرة الربيع هي مادة مهدئة للكحه😊 وملطفة للجهاز التنفسي و بتساعد في علاج الألتهابات 😊
وبتقلل من نسبة الكولسترول 😊
سعر ازازه البرونشكم ٣٠ جنيه

11/01/2020

لو الاعراض دى عندك الحق نفسك😟
قصور القلب🤔
هو أحد الأمراض المزمنة اللى بتصيب عضلة القلب وبتؤثر على قدرتها في ضخ الدم ليصل الى جميع انحاء الجسم بالكمية الكافية ويزودها بالأوكسجين اللازم للقيام بوظائفها الأساسية

وممكن نقسم قصور القلب او فشل القلب على حسب مكان الإصابة واللى عادة ما يصيب العضلة القلبية كاملة لكن احياناً ممكن يصيب الجزء الايمن فقط او الايسر فقط ودا نادر الحدوث

و ممكن نقسم فشل القلب على حسب نوع القصور، فلو كان الفشل بسبب صلابة جدار العضلة القلبية وعدم قدرتها على انها تملى الدم في حجرات القلب بنسميه فشل القلب الانبساطي .. في حين اننا بنسميه فشل القلب الإنقباضي إذا كانت المشكلة في انقباض العضلات القلبية نفسها

وفي الوضع الطبيعي يتم ضخ ما يعادل 5.5 لتر في الدقيقة الواحده وفي حالة الفشل القلبي يكون المعدل أقل من كدا

يؤثر فشل عضلة القلب في الجانب الأيسر، الأيمن أو الاتنين واللى عادة بيبدأ في الجانب الأيسر وبالتحديد في البطين الأيسري
♥️

12/05/2019

تعرفو ان الحامض اللي معدتنا قادره انها تشيل #صدا علي قطعه حديده و ممكن #تحلل مشرط

12/05/2019

"معلومات عشوائية ف الكبسولة الطبية "

1- لما حد يشرق قدام حضرتك متسمعش كلام طنط عفاف وتجري تجبله ماية يشرب او يتوضي حتي . بلاش ماية خالص هوا مش سمكه .لان الشرقة هوا عبارة ان شئ دخل ف مجري النفس . فمطلوب من حضرتك تنظم نفسك وتتنفس براحه تاخد نفس من الانف وتطلعه من الفم وبكدا انت بتساعد الجهاز التنفسي علي سرعة طرد الحاجة دي اين كانت . اما شربك للماية ف الوقت دا بياثر،علي النفس عموما فبيزود البلة طينه .

2- ربنا وصانا بطاعة الوالدين .بس دا مش معناه انك تسمع كلام الدكتور الروحاني الي بتتقمصه الست الوالدة لما يجيلك شوية كحه او سخونية.وتقولك خدلك مضاد حيوي هتبقي زالفل .مش كل دور برد لزمله مضاد حيوي هوا مش الدوا السحري لاي تعب .لزمن اكشف واعرف سبب التعب اي فيرس ولا ميكروب ولا بكتيري .عشان علي اساسه هناخد مضاد حيوي او لاء .

3- وعلي ذكر المضاد الحيوي ابوس كعوب رجليك يا شيخ بلاش تتعامل مع المضاد الحيوي علي انه مستحلب واول ما تتحسن تتقمص دور مجدي يعقوب وتدي لنفسك اجازة من العلاج . الله يرضي عليك انت كدا بتدي مناعك للبكتريا الي عندك . اي مضاد حيوي بيكون ليه كورس معين لزمن يتاخد كاملا دون التهاون ف دا .ودا طبعا هنعرفه من الدكتور مش من طنط الفت جارتنا

4- طيب انت دلوقتي سهران و نزل عليك الوحي تعمل كوباية فسكافيه . امهم بعد ما المية سخنت وانت جاي زي الشطور بتصبها ف المج الي جالك ف عيد ميلادك قوم اي بقي المية ادلقت علي رجلك . تعمل اي بقي .؟
خليني اقولك ف اللحظة دي بلاش نسمع لنصايح تيته وجدو وتجري تحط عليهم معجون سنان ومعجون ودا اصل جلدك مش مسوس .ولا حتي دقيق .خلي الدقيق دا لكيكة طنط عبير . حضرتك هتعرض المكان دا لماية لمدة مابين خمسه لعشر دقايق . ثم تسبها تنشف بعدها تحط اي مرهم للحروق وخلينى اقولك افضلهم ميبو وممكن درامايزين . وبعدها نغطي المكان دا بشاش نضيف مش بطرحة اختك . ولا شال جدتك .طبعا لو في اي فقافيق اتكونت مش محتاج اقولك بلاش تعاملها معلمة زوقزيقة البلالين . مش عيد ميلاد هول سبها ف حالها هتتصفي لوحدها.طبعا .وتاخد اي مسكن من مشتقات البروفين تهدي الالم شوية .

5- بما اننا ف شهر كريم يتميز بالصيام لمدة كبيرة بتخلي اغلب اجهزة الجسم ف رييست لحد ما البيه ياكل وتبدأ حالة طوارئ جيم ف المعدة . المهم ماعلينا كان من هدي الرسول انه كان بيفطر علي تمر الي هوا "بلح مش عصير " فان لم يكن موجود فماء . ودا طبيا ليه تفسير .لان بنكرياس حضرتك بيكون مقيليل شوية لحد ما تفطر ويبدا يشتغل تقوم انت ظارفه بكوباية عصير تمر او مانجا تخليه يتخض يقوم فارز انسولين بصورة عشوائية .ودا طبعا مش حاجة حلوة .لكن افطارك علي بلح فاثناء المدغ بتروح اشارة للبنكرياس مضمونها " استعد يا برنس . " الاكل قادم .

💜
#يتبع1
"احمدشافعي"

11/05/2019

أن العقل البشرى يستطيع الاحتفاظ بمعلومات تعادل خمسة أمثال مافى دائرة المعارف البريطانية !!!

11/05/2019

تعرفو انكو عشان تتحركو خطوه واحده بتحركو حوالي 200 عضله ف جسمك !!

11/05/2019

تخيل ان العظم اللي في ايدك و رجلك 106 عظمه يعني اكثر من العظم اللي موجود في جسمك كله

11/05/2019

سؤال الصباح
ده عامل زي تمارين الصباح بس للدماغ 😉
دلوقتي لو حد صايم و الدنيا حر نار ، فار ، اجيب صرصار ، العب بالدولار
✋🏽
خلاص هكمل بقيت السؤال
لو حد صايم و الدنيا حر و لقيته مغمن عليه في نص الشارع ايه اول حاجه اعملها و ايه اقرب حاجه اشك فيها 🧐
سؤال محتاج يكون دماغك بتشيل حديد 😂

11/05/2019

انت يا اللي بتبص علي البوست
ايوا انت.
صليت الفجر 🧐
اتفضل يلا قوم صلي الفجر 😘

11/05/2019

اعتاد المصريّون القدماء على إزالة الدّماغ من رأس الموتى عبر الأنف أثناء التحنيط .

اكييد بالملقاط 😂✋🏽

Address

Kasr Ainy
Giza
12651

Website

Alerts

Be the first to know and let us send you an email when The Doctor - الدكتور posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to The Doctor - الدكتور:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category