27/09/2018
سلام عليكم 😊
بما اننا داخلين علي الشتا و الشتا معروف طبعا بظهور القشرة ف خلونا نتكلم في البوست ده عن شوية حاجات نعملها تقلل من ظهور القشرة سواء في الشتا او غير الشتا 😊
اولا : لو انت فروة راسك من النوع الدهني الي سهل يظهر فيها القشرة تجنب انك تستخدم الكريمات او الزيوت الي مليانة مواد دهنية ، و الي ملمسها بيكون دهني شوية ، حاول تستخدم حاجات تكون ملمسها خفيف اكتر و المواد الدهنية فيها اقل
ثانيا : نستخدم شامبو طبي للقشرة ، طبعا في شامبوهات للقشرة غير طبية بس دي مش بتعالج المشكلة هي بتخفيها نستثني من ده شامبو هيد اند شولدرز بس لان الدراسات اثبتت ان وجود مادة السالفيد فيه بتساعد في القضاء علي القشرة بس يفضل استخدام الشامبوهات الطبية طبعا زي
( نيزورال nizoral ، نيزابكس nizapex ، جاستن بلو justin blue ) كل دي حاجات كويسة جدا للقشرة ، بس لازم ناخد بالنا من حاجة مهمة ان معظم الشامبوهات دي بتنشف الشعر عشان كده طريقة استعمالها بتبقي مرة واحدة في الاسبوع و نسيبه علي فروة الشعر وهو مبلول ٥ دقايق و نشطفه كويس و ممكن نستخدم اي حمام كريم عشان نحافظ علي ترطيب الشعر بعده 😊
دمتم بخير 😊
Your health is our duty
