09/12/2023
في دخول الشتا دايما الكل عنده شكاوي مستمرة بخصوص امراض الجهاز التنفسي ، معاكم في صيدلية اماني خلال الفترة الجاية بإذن الله هنتكلم عن الامراض دي وازاي نحاول نتجنبها ونعالجها 🤌
هنتكلم النهاردة باختصار عن حاجة بتقابلنا كلنا طوال فصل الشتا وهي الكحة 🤦♂️
الاول ايه هي انواع الكحة اللي بتقابلنا ؟
١-كحة ناشفة
٢-كحة ببلغم
في ناس كتير بتيجي تشتكي ، يا دكتور انا مش عارف افرق بين دي و دي 🤔
بنسبة ٩٠ % طالما مش قادر تحدد نوع الكحة فهي الكحة ناشفة .
نعالج ازاي الكحة الناشفة ؟
*عندنا ادوية كتيرة جدا في السوق المصري بس دي دايما في ادوية نتيجتها ممتازة وسريعة
حد فوق ال ٦ سنين نستعمل Notussil او Tusskan شراب ونقدر نستعملهم في الحمل بحذر بس نخلي بالنا في استعمال Tusskan لانه لو جرعته زادت هياثر بالسلب ، مع العلم ان ممكن نستعمل الادوية دي لاقل من ٦ سنين لكن بحذر شديد
اقل من ٦ سنين نقدر نستعمل guava شراب ودا ممتاز جدا ونقدر نستعمل عسل النحل مع الاطفال اللي اكبر من سنة او vaporub دهان على صدر الاطفال هيمنع تهيج الرئة فيمنع الكحة خالص
طب الكحة ببلغم ؟
*نقدر نستعمل ادوية زي bisolvon شراب مذيب للبلغم ودا مناسب لجميع الاعمار وللحامل او acetylcistein فوار بتركيزاته ، لو الشخص نفسه مش قادر يخرج البلغم ممكن نستعمل حاجة زي All-vent هيكون طارد ومذيب وفي نفس الوقت موسع للشعب الهوائية لكن نخلي بالنا من اضراره لانه مش دايما مناسب خصوصا في حالات تخص مشاكل القلب ، وممكن نستعمل للاطفال ادوية شراب فيها ورق اللبلاب زي ivyrospan و ivypront
*ناخد حذرنا في استعمال Ambroxol نقط للاطفال فيما اقل من سنة لانه مذيب للبلغم والطفل مش هيعرف يطرد البلغم فممكن يتسبب في التهاب رئوي
*احيانا ممكن الشخص يكون بيكح بطريقة عنيفة وفي وسط الكحة بيحس بعدم القدرة على التنفس تماما ، ساعتها نقدر نفكر ان دي حالة اسمها السعال الديكي ولكن دي تشخص من قبل الطبيب وفي الحالة دي الشخص هياخد مضاد حيوي يحتوي على مادة Azithromycin
في بعض حالات الكحة المريض يفضل ياخد ادوية ومفيش اي نتيجة 🫣
طب ايه المشكلة يا دكتور ؟
بشكل مبدأي ممكن المريض ياخد جلسات على صدره بشكل منتظم لمدة أسبوع ، طب لو مفيش نتيجة ؟
ساعتها ممكن نفكر في حاجة من الاتنين ، المريض بيتعالج من الضغط وبياخد ادوية معينة بتتسبب في الكحة ، او المريض بيعاني من شئ في المعدة وفي الحالتين المريض هيتوجه لطبيب الباطنة
_____________________________________________
العنوان : ١٠٨ شارع الشهيد احمد حمدي التلاتيني فيصل بجوار اسواق جده
01113664772
01227412541
01020386267
37832678
