24/08/2024
ليه أروح لدكتور أخصائى طب أسرة ؟
١- لأنه عارف وفاهم كل الأمراض الشائعة اللى ممكن حضرتك تروح لها لعيادة أى طبيب فى أى تخصص
٢- هيقدر يجاوب على كل أسئلتك الطبية
٣-هيوفر عليك تروح لكذا تخصص علشان توصل للمرض الذى تعانى منه
٤- بيسمعلك ويعاملك كأنك واحد من الأسرة ....ما هو طبيب أسرة
ومتابع لجميع الأمراض على مستوى الأسرة الواحدة
٥- يعنى تقدر تتكلم معاه براحتك
٦-طيب والجراحات هيقدر يتعامل معاها؟
هيقدر يشخصلك حالتك ويفرقها عن أى حالة تانية وهيوصلك للجراح اللى يتعامل مع حالتك
٧- يعنى هو ممارس عام؟
لا هو أخصائى طب عام وتخصصه هو الأهم فى الدول المتقدمة واللى بتطبق الخدمة الطبية صح وتخصصه له دراسات عليا وشهادات أوروبية وأمريكية ويعد الطبيب نمبر وان فى الخدمة الطبية وعليه الإقبال الكبير من المرضى
و مينفعش تروح لطبيب تانى من غير ما تعدى عليه وهو اللى يقولك محتاج طبيب تانى ولا لأ
٨- طيب لو كشفت عند أخصائيين تانيين هيعرف كل اللى أعانى منه بإختلاف التخصصات؟
أيوه هيعرف ومش بس كده ده هيشوف الأدوية اللى حضرتك واخدها من كل أخصائى ويشوف هل فيه تفاعل بينها ولا لأ وتأثير كل مرض على الآخر ودور الوراثة والچينات فيها
٩- على كده بقى طبيب الأسرة بيطلب تحاليل وأشعة كتير علشان هو بيكشف على الجسم كله؟
لا متخافش هو مدرب على إنه يعرف التشخيص والعلاج بأقل عدد ممكن من التحاليل والأشعة ويمكن من غيرهم كمان فى معظم الأحيان
١٠-طيب ليه مافيش عيادات لتخصص طب الأسرة فى المستشفيات الخاصة والإستثمارية؟
علشان وجوده فى المستشفيات ديه يعد خسارة مادية لهم لأنه مستشفى لوحده و٨٥٪ من الأمراض بيعالجها لوحده وبأقل فحوصات وتكلفة ممكنة وده طبعا يتعارض مع السياسات الإقتصادية للمستشفيات ديه
١١- أومال ما بتشوفش ليه عيادات خاصة للأطباء أخصائيين طب الأسرة ؟
علشان كلهم مطلوبين فى أوروبا وأمريكا وأستراليا والخليج واللى موجود هنا قليل جدا وده حسب ظروفهم ورغبتهم الخاصة وسبب آخر إن الناس معندهاش معلومات كافية عن قدرات التخصص ده
١٢-طبيب الأسرة هو الطبيب الموسوعة والقريب منك واللى هيقدر بإذن الله يعالجك بأقل تكلفة
١٣- يعنى فى تخصص باطنة تلاقيه وأطفال تلاقيه وجراحة تلاقيه ونسا تلاقيه وعظام وغدد و.........إلخ برضه تلاقيه
أهلا بحضراتكم فى عيادتنا الرئيسية بالهرم
٤ش خلف النادى متفرع من ش النادى الرياضى نصر الدين خلف برج الأطباء
يوميا من ٨م إلى ١١م ما عدا الجمعة
عيادة باب اللوق عمارة ستراند من ١١ص إلى ١ ظهرا أيام السبت والإثنين والأربعاء
عيادة إمبابة برج الضرائب بشارع الوحدة يوميا من ٢ ظهرا إلى ٤عصرا
عيادة فيصل برج النصر بأول فيصل فوق الأبيض للسيارات من ٥م إلى ٧م أيام الأحد والثلاثاء والخميس
الكشف بالموجات فوق الصوتية ورسم القلب
جلسات كاڤيتشن وراديفركوانسى وميزوثيرابى
أخصائي طب أسرة (باطنة وأطفال) وتغذية علاجية
