صحتك بالدنيا مع دكتور أحمد يوسف حسن

02/04/2022

كل عام وانتم بخير وصحة وسلامة
تقبل الله منا ومنكم صالح الاعمال

26/10/2021

03/09/2021

📢📢 الموجه الرابعة من كورونا ومتحور دلتا 😰😱
الحالات رجعت تزيد بصورة كبيرة واحتياجات الاكسجين نتيجة الالتهابات الرئوية فى تزايد
دى صورة أشعة مقطعية على الصدر فيها الرئتين اتحولت للون الابيض بدل الاسود من شده الالتهاب وطبعا الحالة محتاجة جهاز تنفس صناعي ربنا يتم شفاها على خير وتعدى الازمه دى 🤲🤲
دى أسوأ أشعة مقطعية على الصدر شوفتها خلال جائحة كورونا منذ بدايتها 😱😰

نخلى بالنا كويس من نفسنا واقرب الناس لينا
لازم كلنا ناخد لقاح كورونا
ارجع لكمامتك والكحول والتباعد الاجتماعى 😷😷😷

ربنا يحفظنا وإياكم وتعدى الأزمة دى على خير أن شاء الله
دكتور احمد يوسف حسن

01/09/2021

تحذير:
⛔ معلومة منتشرة جداً أن مرض كورونا ولقاحات كورونا لها تأثير على المخدر أثناء العمليات الجراحية وعمليات الأسنان.
✅ هذه معلومة خاطئة ولا تمت للعلم بصِلة، لا يوجد أى علاقة بين لقاحات كورونا وأدوية التخدير ويُسمح لمن تلقى اللقاح خلع وحشو الأسنان وجميع أنواع العمليات الجراحية بدون خطورة بعد كشف طبيب التخدير وعمل اللازم.

28/08/2021

دور البرد اللى ماشى فى البلد اليومين دول واللى أشهر أعراضه (رشح وصداع ووجع فى البطن وسخونية) ده كورونا متحور دلتا.
ردا على أسئلة فى الرسائل:
✅ هل اللى خد اللقاح ممكن يجيله متحور دلتا؟
طبعاً وارد الدور ده يجى للناس اللى خدت اللقاح برده لكن بيكون خفيف جداً لأن اللقاح بيحمى بنسبة كبيرة وبيقلل شدة الأعراض.
✅ هل ده أكثر انتشاراً بين الأطفال؟
لا مش خاص بالأطفال هو أكثر انتشارا بين كل الناس بما فيهم الأطفال.
✅ عايز أخد جرعة تالتة احتياطى من اللقاح هل ينفع؟
ينفع وبالفعل فى الولايات المتحدة ومقاطعات فى كندا قررت إعطاء جرعة ثالثة تنشيطية للناس اللى خدت لقاح فايزر ومودرنا للناس اللى مناعتها ضعيفة وهم (اللى عاملين زراعة أعضاء قريب - اللى بياخدوا علاج للأورام - الناس اللى عندها أورام فى خلايا الدم) ودول هايدوهم جرعة ثالثة من نفس نوع اللقاح اللى خدوه.
ربنا يحفظكم ويبعد عنكم أى شر.

18/07/2021

الله اكبر الله اكبر الله اكبر
لا اله الا الله
الله اكبر الله اكبر الله اكبر
ولله الحمد
كل عام وانتم بخير
🐏🐑🐏🐑🐏🐑🐏🐑🐏🐑🐏🐑🐏🐑🐏

02/07/2021

هل عمل تحاليل للمقبلين على الزواج مهمة ام لا ؟؟؟👫
اولا الف مبروك لكل المقبلين على الزواج وربنا يسعدكم 🥳
التحاليل دى مش حاجة روتينيه بالعكس دى حمايه لكل واحد فيكم ولازم تعملها قبل الزواج علشان لو فى مشكله خصوصا المشاكل الوراثية أو الأمراض المعديه نتفاداها

طيب يا سيدى ايه التحاليل ؟؟
بالنسبة للزوجين هنعمل
👫 سكر عشوائي
👫 صورة دم كاملة
👫 أنزيمات الكبد ووظائف الكلى
👫 الفيروسات الكبدية بى وسي
👫 تحليل الايدز ومرض الزهرى والأمراض التناسلية
👫 فصل كهربائي للهيموجلوبين لتشخيص الانيميا الوراثية
👫 فصيلة الدم ومعامل RH

🕺وبالنسبة للزوج هنزود تحليل سائل منوي

💃 وبالنسبه للزوجة هنزود تحليل هرمونات متابعة التبويض

على فكرة الفحوصات دى أقرتها وزارة الصحة ومجلس الشعب والأزهر الشريف

مشاكل كتير بتحصل بعد الجواز بسبب الأمراض الوراثية أو الأمراض المعدية
التأكد من عمل الفحوصات فعلا مهم وانت بتعمل الشهادات الصحية قبل الجواز
📢📢🥳🥳📢📢🥳🥳📢📢🥳🥳📢📢🥳🥳
ربنا يسعدكم يارب
د.احمد يوسف حسن

28/06/2021

عملت أشعة سونار على البطن والدكتور قالك أن عندك دهون على الكبد 😰😰
ماتقلقش اتفرج على الفيديو وانت هتعرف المشكله ايه
ياريت نشير الفيديو علشان يوصل لأكبر عدد من المتابعين
🌹🌹🌹🌹

28/06/2021

اللهم امين

18/06/2021

📢📢 لو ابنك او بنتك مكلبظ شويه 👪👪 (زياده وزن أو سمنة ) ولقيتى فى رقبته أو تحت الابط يعنى مكان ثنيات الجسم البقع الداكنه اللى فى الصورة دى يبقي خلى بالك أن ممكن يبقي عنده زياده في إفراز الأنسولين لأن الجسم ببساطه بيقاوم الأنسولين

🕵️🕵️ طيب وايه الخطورة يعنى ؟🤷
الخطورة هنا أن ابنك او بنتك عنده قابليه عاليه لمرض السكري والضغط لما يكبر
أو أن فى مشاكل في هرمونات الغدة الدرقية أو الكظريه أو تكيسات فى المبايض

👀👀 طيب وايه الحل ؟
ياريت نكشف كشف باطنى كويس ونعمل تحاليل نطمن أن مفيش مشكله فى السكر أو الدهون أو الغدد

🕵️ طيب وفى علاج ؟
العلاج الأساسي هو فقدان الوزن واتباع نظام غذائي علشان نقلل مقاومة الأنسولين علشان ابنك مايحصلش ليه مشكله لما يكبر 🦸🦸
خلى بالك من اولادك ونظام الاكل والحياة بتاعهم 🏋️🏋️
ممارسة الرياضة والابتعاد عن الوجبات السريعة الضارة أساسي ليهم فى فترة النمو

🌹🌹🌹🌹🌹🌹🌹🌹🌹🌹🌹🌹🌹🌹
الف سلامه
د.احمد يوسف حسن