Daily medical news, Giza (2026)

05/03/2026

أتوقع ثلاث أرباع العالم ميعرفوش ان نينجا نيرد تخصصه ماهو طب ولا هو دكتور.

02/03/2026

الساعة ٤ ونص الفجر مستشفى العاشر وقت السحور فيه حالة يا دكتور تحت بوجع ف صدره واشتباه جلطة ف القلب طب اعملي رسم قلب بسرعة ونسيبنا من السحور هو بوق ميه كفاية وانسى النوم خلاص وننزل بسرعة نشوفها هوب جلطة حادة ف القلب ف شخص أربعين سنة نسأل أسئلتنا المهمة الوجع بدأ معاك من امتى؟

من ساعتين طب المسافة بينا وبين سنتر القسطرة تاخد وقت فناخد قرار إعطاء عقار الستربتوكينز المذيب للجلطات فنجيب الأهل نفهمهم إننا هندي الدوا ده بس ليه مخاطر بردو من نزيف حاد واختلال ف كهربية القلب اللي ممكن يؤدوا للوفاة بردو بس هو حل ضروري وافقوا توكلنا ع الله وصل الحالة ع المونتر..

وجهاز الصدمات الكهربية وابدأ الدوا الساعة ٥ وتلت الفجر تدخل الحالة ف اختلال ف كهربية القلب (VF) بسرعة القط البدالز بتاعت الجهاز واديله صدمة كهربية فيرجع تاني للطبيعي طب تابع العلامات الحيوية قيس الضغط وأنت بتقيسه يخش تاني في VF كمان صدمة بسرعة ١٥ مرة الوضع هكذا مع إعطاء أدوية…

بين ذلك تتماشي مع الحالة لغاية ما الحمدلله هدي الوضع نسبيا وبدأ مفعول الدوا الإيجابي يظهر في إذابة الجلطة فيلا بسرعة عربية إسعاف مجهزة وتطلع ع مستشفى الجامعة ف تمام الساعة ٧ ونص عشان يخش قسطرة وبالفعل دخل الساعة ١١ وركب دعامات ودلوقتي حي يُرزق الحمدلله وتحت الملاحظة بعد القسطرة..

لحين الاطمئنان عليه عشان يخرج بفضل الله ويرجع لحياته اللي تعرض لأكتر من ١٥ مرة في ظرف ساعة ونص لانتهاء أجلها ولكن كان كرم ربنا بيه إنه يُرزق سعة ف عمره لسه وكرم ربنا بينا إننا نكون سبب من أسبابه اللي استخدمها ف ده فالحمدلله رب العالمين وربنا يكمل شفائه ع خير ويرده لأهله سالم معاف
ويتقبل منا عملنا خالصا لوجهه الكريم.

02/03/2026

لا حول ولا قوه الا بالله العلي العظيم

01/03/2026

مهندس مدني، 29 سنة، أعزب، غير مدخن، مسلم، طولي 179 سم ووزني 72 كجم، بشرتي قمحية، بكالوريوس هندسة مدنية، ومستواي المادي فوق متوسط. مقيم بالقاهرة الكبرى – العاشر من رمضان.
من أسرة كبيرة بالصعيد، والدي موظف بمصنع، لدي شقيقان مؤهل متوسط وأخت متزوجة.
شقة تمليك 3 غرف، وبعد الزواج إن شاء الله في نية للسفر.
أبحث عن زوجة متدينة ومتزنة، تؤمن بالمشاركة والاحترام والحوار، لا تهتم بالمظاهر، ونيتي الجدية والاستقرار وبناء بيت قائم على المودة والرحمة.للتواصل مع تيم الترشيحات اول كومنت واتساب

01/03/2026

بنت عندها 13 سنة كانت بتشتكي من ألم في الإبط اليمين بقاله 9 شهور.
طبيب العيلة كان شايف إنه مجرد “آلام نمو” عادية بتحصل في سن المراهقة.

لكن يوم الخميس اللي فات، الأم رجعت تاني وهي مُصممة إن الموضوع مش طبيعي، وحاسة إن في حاجة أكبر من كده.
تم عمل فحص للصدر، والنتيجة وضحت إن القصة فعلًا أكبر بكتير من مجرد آلام نمو.

الدرس هنا مهم جدًا… أي ألم بيطوّل أو شدته بتزيد، حتى لو الطفل في سن نمو، لازم يتاخد بجد ومايتسكتش عليه.
إصرار الأم هو اللي خلّى يتم التشخيص الصح.

Dr Ahmed sherif

01/03/2026

💉 راحت تعمل فيلر… رجعت فاقدة عين

الساعة 6 مساءً…
بنت 27 سنة داخلة تبتسم… خارجة بتصرخ😭 .

راحت تعمل فيلر شفايف بسيط.
الإجراء: Dermal fillerفيلر
ومعه شوية Botox بوتوكس

مكان “شيك”…
صور قبل وبعد…
سعر أقل 40% من أي عيادة محترمة.

بعد الحقنة بدقائق قالت:
“حاسّة بألم مش طبيعي… كأن في نار”

الشفايف بدأت تبيض…
بعدين تميل للأزرق😭 …
التورم يزيد بشكل مخيف.

اللي حصل أخطر من تورم.

الإبرة دخلت جوه شريان.
المادة سدت الوعاء الدموي.
الدم وقف يوصل للأنسجة😭.

ده اسمه انسداد وعائي.

خلال أقل من ساعة:
• الجلد بدأ يموت
• ألم شديد لا يُحتمل
• تشوش مفاجئ في الرؤية

المادة وصلت لشريان بيغذي العين.

النتيجة؟
فقدان شبه كامل للرؤية في عين واحدة.
نخر في جزء من الشفايف.
عمليات إنقاذ.
علاج مكثف.
تشوه دائم.

⸻

ليه الكارثة بتحصل👌 ؟

لأن الوجه شبكة شرايين دقيقة جدًا.
وفي مناطق “خطرة” اسمها مناطق خطر danger zones.

الحقن فيها محتاج:
• طبيب فاهم تشريح الوجه بالتفصيل
• تقنية حقن صحيحة
• استعداد فوري بحقن مادة مذيبة (Hyaluronidase)
• بروتوكول طوارئ واضح

العيادات غير المؤهلة مفيهاش ده.

⸻

الحقيقة الصادمة

في حالات عالمية مسجلة حصل فيها:
• عمى دائم
• سكتة دماغية
• نخر واسع في الأنف والشفايف

التجميل مش كريم مرطب.
دي مادة بتتحقن جوه أوعية قريبة من المخ.

⸻

حقنة تجميل ممكن تبقى لمسة جمال…
وممكن تبقى لحظة تغير حياتك للأبد.

الجمال اختيار…
بس الأمان مش رفاهية

د/كريم شرابي

28/02/2026

"أيوة يا دكتور! بشم ريحة شياط.. أو كبريت محروق.. مفيش حد شامه غيري!" 👃🔥⚡

وكأن الولد نطق بطلسم من عالم تاني!! 😢😵‍💫
الجملة دي بالنسبة لي مكنتش مجرد شكوى، دي كانت المفتاح اللي فتح لي باب لغز كان مقفول بـ ١٠٠ قفل! 🗝️

الحكاية بدأت من حوالي شهر في عيادتي في مدينة المحلة الكبرى، الباب انفتح ودخلت أسرة واضح عليها شقاء السفر وطول الطريق.. جايين لي مخصوص من "الغردقة"، مسافة طويلة ، بس الوجع اللي شايلينه كان أبعد وأصعب من المسافة دي بكتير. ولد عنده ١٥ سنة، عينه فيها نظرة انكسار وحيرة تقطع القلب، كأنه شايل جبل فوق كتافه الضعيفة.
"سنتين يا دكتور أحمد والولد بيضيع مننا .. بيموت من وجع بطنه!".. الأم بدأت تحكي بمرارة، وقدامي على المكتب كان فيه "جبل" من الورق، سونارات وأشعات مقطعية بالصبغة ومناظير وتحاليل من أكبر مراكز مصر، وكلها بتقول جملة واحدة مستفزة: (الولد سليم عضويًا.. ده تلاقيه دلع أو ضغط مذاكرة.. ودوه لدكتور نفسي!). 💔
الولد بص لي بوجع وقال جملة هزتني: "يا دكتور الوجع كأن فيه حد ماسك (مكواة نار) وبيمشي بيها جوه أمعائي.. أنا والله بموت ومحدش مصدقني!" 😭🔥

لحظة "الشك" الإنساني.. وتوهة التشخيص:
في اللحظة دي، سألت نفسي بكل أمانة: "يا أحمد، هل فعلاً كل التقارير دي غلط؟ هل معقول عشرات الأطباء والأشعات أجمعوا إنه سليم وأنت اللي بتفكر بزيادة؟ يمكن فعلاً الموضوع نفسي؟ يمكن انت يا أحمد اللي بتحمل الأمور أكتر من طاقتها؟" 🤔
بدأت أتوه معاهم.. قعدت أفكر: هل هي حساسية طعام نادرة؟ هل هو قولون عصبي شرس بشكل غير معتاد؟ بدأت أراجع كل الاحتمالات التقليدية في دماغي، والوقت بيمر، والأسرة عينها عليا مستنية "كلمة السر".
لكن فجأة.. قررت أبعد كل الورق ده ورا ظهري وأسمع "الولد" مش "الورق". سحبت الكرسي بتاعي وقعدت قدامه بالظبط، مسكت إيده وقلت له: "أنا مصدقك.. احكي لي بالظبط، ثانية بثانية، بيحصل إيه (قبل) الوجع ما يبدأ؟" 🤝
وهنا رمى القنبلة: "بشم ريحة شياط وكبريت محروق يا دكتور.. ريحة قوية جداً مفيش حد غيري شاممها!". 👃🔥

هنا عقلي بدأ يربط الخيوط زي "المحقق" اللي بيجمع أدلة جريمة غامضة. سألت الولد بلهفة: "وقت الوجع بتسمع اللي حواليك؟".. قال لي: "بحس إني في عالم تاني، أصوات اللي حواليا بعيدة قوي كأنهم بينادوا عليا من قاع بئر غويط!" (Altered Consciousness). "ولما بتفوق؟".. رد: "بصحى ناسي كل حاجة، وجسمي مكسر ومصدع."
بصيت للأب وقلت له بهدوء وثبات: "يا حاج، تروح تعمل للولد (رسم مخ مطول) EEG."
الأب اتنفض من مكانه، وشه اتخطف، وبص لي باستنكار وقال: "رسم مخ إيه يا دكتور أحمد؟! إنت سمعتنا وإحنا بنحكي؟ الولد بطنه بتتقطع، الولد بيموت من المغص، تقولي رسم مخ؟! إحنا جايين من الغردقة عشان تكشف على بطنه مش راسه!"
ابتسمت له بهدوء الطبيب اللي واثق في خيوطه وقلت له: "يا حاج، ابنك بطنه بريئة، المشكلة في (لوحة مفاتيح) جسمه.. المشكلة في المايسترو اللي فوق! ثق في الله وفي تشخيصي، وإن شاء الله ده آخر فحص هتعمله في رحلة العذاب دي."

كيف وصلتُ للحل؟ (السر الطبي) :
شرحت لهم "المعجزة" : المخ عامل زي لوحة مفاتيح الكمبيوتر، زرار (الوجع في البطن) محطوط قدراََ جنب زرار (الشم)! لما بيحصل (ماس كهربائي) في الفص الصدغي للمخ، الكهرباء بتلمس في الزرارين مع بعض.. فالولد يشم (الحريقة) في مخه، وبطنه هي اللي تصرخ! ده العدو الخفي اللي بنسميه (صرع البطن - Abdominal Epilepsy).

الانتصار الحقيقي.. 🏆:
وفعلاً.. النتيجة طلعت وزلزلت المكان: (بؤرة صرعية نشطة وعنيفة جداً في الفص الصدغي).. نفس المكان المسؤول عن الشم، وهو ده اللي كان بيخليه يشم ريحة الشياط (Aura) قبل ما النوبة تبدأ. 🎯

كيف واجهنا "الماس الكهربائي"؟ (رحلة العلاج) 💊⚡
التشخيص كان نص المعركة، والنص التاني كان "إعادة ضبط المصنع" لكهرباء المخ.
بدأت مع الولد بخطة علاجية دقيقة:
مضادات التشنجات (Antiepileptics): بجرعات محسوبة جداً للسيطرة على البؤرة الصرعية في الفص الصدغي، عشان نمنع "الشرارة" قبل ما تلمس في أعصاب البطن.
تنظيم كيمياء المخ: اشتغلنا على تهدئة العصب الحائر ومنع الرسائل "المزيفة" اللي المخ بيبعتها للأمعاء.
الدعم النفسي: كان لازم نفهم الولد إن وجعه "حقيقي" مش وهم، عشان يرمي جبل الخوف اللي كان شايله فوق كتافه.

بعد ٣ أسابيع بس، جالي تليفون من الغردقة، صوت الأب كان بيرتعش من الفرحة وهو بيبكي: "يا دكتور أحمد.. الوجع انتهى! الولد رجع يضحك، رجع يعيش، رجع الغردقة وهو شايل لك جميل مش هننساه طول العمر." 📞

الوجع مش دايماً في مكان "الصرخة"! أحياناً البطن بتصرخ والوجع في الراس، وأحياناً العين بتدمع والوجع في الروح.

د/ أحمد عبد الجواد

27/02/2026

بسم الله الرحمن الرحيم
{وما تنفقوا من شيء فإن الله به عليم} -
ان شاءالله هنعمل وجبات إطعام اللي حابب يشارك مادياً يبعتلنا واتساب اول كومنت..

27/02/2026

بمناسبه شهر رمضان
عرض جهاز ضغط وسكر عليهم جهاز ضغط وسكر هديه.
وكل ده بسعر مفاجأه
واتساب اول كومنت

27/02/2026

رغم رفض الأطباء.. حسام موافي:

كان عندي مريض كلى والدته اتبرعت له بكليتيها الاثنتين

المصدر: تصريحات إعلامية

27/02/2026

راجل عنده ٣٩ سنة راح الطوارئ وهو مش قادر يبلع حتى ريقه بعد ما أكل كمية من بذور الشيا وهي ناشفة وبعدها شرب وراها مياه كتير البذور امتصت الميه بسرعة جدا وكبرت في الحجم ولما وصلت للمريء نفخت هناك وكونت كتلة شبه الجل سدت المريء وخلته مش قادر يبلع الأطباء تدخلوا بسرعة وعملوله منظار وشالوا الكتلة والحمد لله حالته استقرت وبقى كويس وخرج من غير مضاعفات.
بذور الشيا مفيدة فعلا لكن لازم تتنقع في ميه الأول قبل ما تتاكل وما تتبلعش ناشفة علشان ما تسببش مشكلة زي دي

26/02/2026

آنسة مسلمة، 23 عامًا، محجبة، أخصائية تحاليل، من محافظة الشرقية.
هادئة الطباع، أقدّر الاستقرار وأؤمن أن الاحترام والتفاهم أساس الحياة الزوجية، وأسعى لتكوين أسرة قائمة على المودة والرحمة.
أبحث عن شريك حياة متدين، محترم، غير مدخن، مسؤول، وجاد في نية الزواج والاستقرار.للتواصل مع تيم الترشيحات اول كومنت واتساب

Daily medical news

05/03/2026

02/03/2026

02/03/2026

01/03/2026

01/03/2026

01/03/2026

28/02/2026

27/02/2026

27/02/2026

27/02/2026

27/02/2026

26/02/2026

Address

Telephone

Website

Alerts

Contact The Practice

Shortcuts

Share