الدكتورة وسام حمدي أخصائية الجلدية والتجميل والليزر - مستشفى الحوض المرصود -الزمالة المصرية للامراض الجلديه
تميز فزراعه الشعر شفط وحقن الدهون العلاج بالخلايا الجذعية المستخلصة من الدهون البوتوكس والفيلر والخيوط العلاجية.
26/01/2026
انا لله وانا اليه راجعون
توفت الي رحمة الله والدة الدكتورة. وسام حمدي
تقام الصلاه غدا بعد الضهر فمسجد ولي الصالحين بالمسله الفيوم
والدفن فالعجميين مركز ابشواي الفيوم
والعزاء بمسجد ناصر ليلا
لا اصابكم الله بمكروه
وحفظ ذويكم وبارك في صحتكم واعماركم
26/01/2026
ده راي دكتور
استاذ فكليه طب جامعه الازهر
فحقن الدهون والجهد المبذول فيها
عشان تعرفوا تعبنا اد اي سنين عشان نجيب النتايج دي
ياولاد ده انا بقي عندي كف ايد اتخن من التاني
كإن الايد اليمين دي بوديها الجيم والتانيه لا 🤣
من كتر الشده والضغط ع الاعصاب والعضلات بسبب الدهون دي 😂
24/01/2026
هل تجميل زي ده حرام؟
ليه انسان يعيش حياته كلها مش قادر يبص فمرايه بيعاني من اكتئاب بسبب وجهه
( ده وصف العيانه بالمللي)
المجال واسع جدا وفيه الحرام والحلال
والشاطر اللي تحري الحلال من زماان وصنع كارييره ع هذا الاساس
وترك الحرام وعارف حدوده فالشغل ده كويس جدا🤗
نتايج علاج اثار حبوب الشباب 🥰
استغرقت من ساعتين ونص ل٣ ساعات بنفك تليفات عنيفه طبعا بسبب التجارب الخاطئة السابقه 🥰
23/01/2026
بحمد الله وتوفيقه تم تصوير حاله حقن دهون كامل من الالف للياء وسيتم نشر الفيديوهات تباعا
طبعا العمليه نفسها ساعتين ومع تصوير هيزود الساعتين دول لاربعه وسيشهد التاريخ اني عملت العمليه بالتصوير بالهيلز
تعقيبا علي جمله( مابنثقش فدكاترة ستات أضاكتورة 🤣)
اتحملت سترس حقن وسترس تصوير وسترس هيلز 😂
انها الانثي الدكتورة المسئوله ياسادة 🤣
ومبرووك للي توقعت صح فالمسابقه
وكومنتاتكم فتحتلي مجال اني فعلا فيه مواضيع كتير ما اتكلمتش عنها
هنتكلم عنها بامر الله الف شكر لمشاركتكم الدايمة
😘
21/01/2026
تتوقعوا الفيديوهات الجايه هتكون ع اي او تصوير لاي 🥰😍
جايزة جلسه حقن اللي هو عاوزها بس نتوقع صح
لانه مختلف فالتوقع هيكون صعب شويه 🤗
18/01/2026
احنا بنقعد نضحك فالعمليه ولا كإن قعده ٣ صحاب انا والعيانه والمساعده
مابنفصلش ضحك
بيبقي مائه عاما من الالش 😂
فاللي بتقولي ميته فجلدي م الخوف
بقولها انتي هتموتي فعلا بس م الضحك 🤭😂
فبعد ماتخلص وعمليه ساعتين ولا تلاته
تقولي انا حسيت اني جيت اتفسحت وغيرت جو وقابلت صحابي ومشيت
واللي تقولي انتي ميكس بين مربوحة وياسمين عبد العزيز
الا مفيش حد يكتشفني ومش هسيب الطب لا لسه شويه 🤣🤣
بحبه أبابااااا
17/01/2026
استوقفني حاجتين
ناس تدعي عليا بدون اي وجه حق بل وصلوها للاثم
والاخريات سابت كله ومسكت فشكلي امال لو حقيقي ربنا مارزقنيش الجمال كانوا عملوا فيا اي حقيقي
كل الامراض دي اتزرعت امتي فالقلوب مش عارفه حقيقي
بس مرعب
15/01/2026
حدث بالفعل ❤️❤️
بنت عندها ٢٣ سنه عامله لحد الان جراحة انف وجراحة شد جفون وكلها عمليات ناجحة ماشاء الله
قربت كمان من عينيها بالصدفه واثناء الحقن اي ده انتي عامله تجميل جفون كمان ؟!
قالتلي ايوة
قولتلها ماشاء الله لا انتي تيجي تدرسي لبنات جيلك وجيل جيلهم وام جيلهم وولادهم 😂😂
ولو نسيت بنقول ماشاء الله ليه بص ع اول ٣ كلمات🥰😌❤️🤗
15/01/2026
الاستاذ اللي جاب ده وجري وماعرفناش هو مين
احب اقولك عيب كده جدا
ازاي تتجرأ وتعمل حاجة زي دي ف يوم
انت تعملها كل يوم🤣🤣
الورد جميل وذوقه حلو شكرا بجد 😂 🤗🥰
14/01/2026
فيه حالات حقن وجه بتاخد ٣ ساعات شغل
اه الوجه التافه ده اللي كله ع بعضه مايتعداش ال٧ سم
وتيجي واحده تقولك ليه التكاليف دي كلها دي دهوني يعني من جسمي 😂
برد عليها بكلمة واحده انا متنازله عن الشفط وهشفطلك ببلاش بس ووريني هتعرفي تعملي بيها اي لوحدك 😂
واقولها الجمله الشهيرة بتاعتي (كان القرد نفع نفسه)
اقصد كنت عرفت احقن نفسي طالما الموضوع بسيط كده
اللي بيبسطني ان الحاله بعد مابنخلص اقولها هاه اي رايك ؟
تقولي لا مجهود وتعب وسترس ابن لذينا
ربنا يوفقنا دايما ويحسن ما بين ايدينا دايما يارب ❤️❤️
Be the first to know and let us send you an email when Dr.Wessam Hamdy - Beauty Clinic posts news and promotions. Your email address will not be used for any other purpose, and you can unsubscribe at any time.
Contact The Practice
Send a message to Dr.Wessam Hamdy - Beauty Clinic:
