29/07/2025
يعني ايه مقاومة الانسولين يا دكتور ؟
جالي السؤال ده كتيير جدااا
وعشان نفهم بداية الموضوع لازم نعرف إن الأنسولين بيتفرز من البنكرياس للدم و بيشتغل شيال للسكر يوديه لخلايا الجسم عشان تحرقه وتاخد منه طاقة.
المشكلة بتحصل لما الخلايا ترفض استقبال الأنسولين، ويحصل مقاومة الأنسولين (يعني موجود بس مش شغال ) ومعاه السكر طبعا يفضلوا بره الخلايا ميدخلوش
طب السكر ده بيروح فين؟
السكر بيتخزن على هيئة دهون في الجسم، والجسم مبيستفيدش من الأكل في حاجة.. عشان كده الوزن بيزيد وفي نفس الوقت بنحس بتعب وإرهاق وجوع طول الوقت🤦♀️
بعد الفحص والتأكد من علامات مقاومة الانسولين نعمل التحاليل اللازمة اللي تبين فيه مقاومة أنسولين ولا لأ، وبعدها نبدأ رحلة العلاج المناسبة على حسب درجه المقاومه والوزن والسن
