What are the opening hours?

Tuesday 9am - 5pm Thursday 9am - 5pm Sunday 9am - 5pm

https://www.facebook.com/317243998137780/

Dr. Mariam Ahmed Shehata, Cairo, Giza (2026)

26/12/2025

آخر جمعة في 2025
نهاية أسبوع
نهاية شهر
نهاية عام
🙌اللهم اروِ أرواحنا بجودك وكرمك يارب العالمين
لا تنسونا من طيب دعائكم
واجعلوا أسماؤنا تعانق السماء
❤️فالحب دعاء❤️

15/12/2025

سعدت بدعوتي للتواجد في المؤتمر السنوي السابع "تحدي الاعاقة" تحت رعاية النقابة العامة للعلاج
الطبيعي ووزارة الصحة والسكان
مزيد من التفوق والنجاح الدائم يارب العالمين
بالتوفيق للجميع ان شاء الله
♥️♥️♥️♥️
#تحدي الإعاقة

09/12/2025

اتشرف بدعوتي للتواجد في المؤتمر السنوي السابع "تحدي الاعاقة" تحت رعاية النقابة العامة للعلاج

الطبيعي ووزارة الصحة والسكان
لدراسة كل ما هو جديد في مجال العلاج الطبيعي والتاهيل والمقام بفندق إنتركونتيننتال سيتي ستارز
InterContinental Citystars Cairo
يومي ١٢ و ١٣ ديسمبر الحالي ❤️
بدعوة كريمة من :
١- الاستاذ الدكتور سامي سعد النقيب العام للعلاج الطبيعي
٢- شركة فيوتشر ميديكال للاجهزه الطبيه- د.حازم عطيه الراعي الرسمي للمؤتمر
Future Medical . Dr.Hazem Atia
٣- دينامو المؤتمر دكتوره نهي سعيد سكرتير عام المؤتمر Noha said
و المهندس عمرو عبداللطيف
Physio amr abd elatief
الى مزيد من التفوق والنجاح الدائم يارب العالمين 🤲❤️
بالتوفيق للجميع ان شاء الله 🙏🌹❤️
#تحدي الإعاقة

06/12/2025

🌸لوحة فنية وابداع راقٍ بأنامل ذهبية اسكندرانية🌸

❤️شكراً للفنانة علا صبري❤️

🌹🌹🔥🔥 على التذكار الغالي على قلبي

بنت عروس البحر الأبيض المتوسط
أهل الإسكندرية أهل الجمال والرقي
❤️❤️❤️❤️❤️

01/10/2025

اللهم بارك يارب ❤️❤️
أحلى ليلى نورتنا 🌹🌹🌹

03/09/2025

🎉🎉كرومبة المولد بتسلم عليكم وبتقولكم كل سنة وحضراتكم طيبين 🎉🎉

بس عايزين يا حلويين
نقول هناكله ازاي وما ننساش التمرين
😍😍😍
الدايت مش حرمان
بس بنضبط كميات و توقيتات
😍😍😍

نخلي بالنا من حجم القطعة وتنوع أنواع الحلوى المتاحة لتناول كمية اقل في السكر ولازم ناكلها بعد الوجبه الرئيسيه وجبة الغداء بربع ساعه عشان ما نرفعش سكر الدم وتكون بحجم علبه الكبريت الصغيرة 😃😃

وطبعا ما نكونش من الناس اللي بتتغدى متأخر
عشان مستوى الحرق بيكون ضعيف بالليل 😢

و هناكله مرتين في الأسبوع كل ٣ أيام بس😄😄

وطبعا مش ننسى الرياضه عشان نرفع الحرق ونحافظ على الجسم من الترهلات 💪💪

وياسلام لو صلينا على حبيبنا وشفيعنا عليه افضل الصلاة والسلام ١٠٠ مرة لفك الكربات وحل العقد ونيل الرغائب وراجعنا سيرة الحبيب من رحيق المختوم ♥️♥️♥️

( لمحبي جلد الذات)😄😄😄

السعرات الحرارية في 100 جرام من بعض أنواع حلاوة المولد:
السمسمية: حوالي 619 - 650 سعرة حرارية.
الفولية: حوالي 444 - 800 سعر حراري.
الملبن (سادة): حوالي 382 - 820 سعرة حرارية.
النوجا: حوالي 298 - 389 سعر حراري.
الفستقية: حوالي 630 سعرًا حراريًا.
اللوزية: حوالي 650 سعرًا حراريًا.
البندقية: حوالي 571 - 700 سعر حراري.
الديدة: حوالي 526 - 500 سعر حراري.
الحمصية: حوالي 387 - 400 سعر حراري.
المكسرات: يمكن أن تتراوح السعرات الحرارية في النوجا بالمكسرات بين 500 و1080 سعرًا حراريًا.
عروسة أو حصان المولد: تصل إلى 1200 سعر حراري.

تحياتي 🌹🌹
د. مريم أحمد شحاته ❤️

19/08/2025

ممكن تحس بوجع غريب في جسمك.. كأن فيه حمصة صغيرة أو "عقدة" في مكان معين ومش عارف سببها؟
🥹🥹🥹
لو حسيت قبل كده بوجع مستمر في ضهرك أو كتفك، كأنه نقطة مشدودة أوي، والوجع ده بيخلي حركتك صعبة، وممكن كمان يخلّي فيه تنميل أو وجع بيسمّع في حتة تانية بعيدة عن المكان الأساسي، يبقى غالبًا عندك نقاط الزناد العضلية (Trigger Points).🙄🙄

💥💥 "النقاط الزناد" trigger point؟
نقاط الزناد هي مناطق صغيرة جدًا ومشدودة أوي جوه ألياف العضلات. بتحصل لما العضلة تكون مشدودة بشكل مستمر او جهد لفترات طويلة أو لما يحصل فيها إصابة. تخيّل إن العضلة بتاعتك زي الحبل، ونقطة الزناد دي عبارة عن "عقدة" في نص الحبل ده. العقدة دي بتخلي العضلة كلها متوترة، وبتسبب وجع، وممكن كمان تحد من حركتك.

💥💥فيه نوعين منها:

نقاط نشطة (Active): دي اللي بتوجع طول الوقت، حتى لو العضلة مرتاحة، وممكن تخلي الألم "يسمّع" في مكان تاني.
نقاط كامنة (Latent): دي مش بتوجع إلا لو ضغطت عليها، وبتخلي العضلة ضعيفة ومتيبسة.

إيه اللي بيخليها تظهر؟
🌷العمل في قعدات غير صحيحة لمدة طويلة: زي القعدة الغلط قدام الكمبيوتر لفترات طويلة.
🌷نقص اللياقه البدنية : التواء أو شد مفاجئ في العضلة.
🌷الحاله النفسية :التوتر والقلق بيخلوا عضلاتك في حالة انقباض على طول.
🌷نقص فيتامينات معينة: زي فيتامين د أو المغنيسيوم.

🎈🎈 طرق علاجها:
نقدر نفك "العقدة" دي و نرجع العضلة لطبيعتها. بنستخدم أكتر من طريقة:

💪الضغط على نقطة الزناد (Ischemic pressure) : الطبيب بيضغط على النقطة المشدودة بقوة ثابتة لمدة معينة، وده بيخلي الدم يرجع يتدفق للعضلة تاني، فترتخي وتفك.

💪التدليك العميق (Myofacsial release): تدليك المنطقة اللي فيها النقطة المشدودة بيساعد على تخفيف الشد وتحسين الدورة الدموية.

💪العلاج بالإبر الجافة (Dry Needling): دي طريقة متقدمة، وفيها المعالج بيستخدم إبر رفيعة جدًا عشان يوصل لنقطة الزناد مباشرة. الإبرة بتحفز العضلة إنها ترتخي بسرعة.

💪العلاج الكاسات الحجامة الجافة (Dry Cupping) :
يساعد على تنشيط الدورة الدورية وتقليل الالتهابات والتخلص من اللاكتيك اسيد المتراكم لفترات إجهاد طويلة.

💪حرارة وبرودة: استخدام الكمادات السخنة بيساعد على استرخاء العضلة، والتلج بيقلل الالتهاب والألم.

💪تمارين إطالة (Stretching): بعد ما العضلة ترتخي، تمارين الإطالة بتساعد ترجعها لطولها الطبيعي وتمنع الشد من إنه يرجع تاني.

16/08/2025

Part 2💥💥

💥💥 طب اعمل ايه يخلي الكبد يبقي زيرو ويرجع الشباب تاني في ١٠ خطوات سريعه

✅ 1. الصبح على الريق
كوباية ميّه دافية + عصرة ليمون + نقطة زيت زيتون نقي
→ بيفتح مجاري الكبد والمرارة وينشّط إفراز العصارة الصفراوية

✅ 2.مشروب الديتوكس الاخضر
كوباية خضرة/بقدونس + خيار + كرفس + نعناع + ليمون

✅ 3. نام بدري علي اد ماتقدر عشان خلايا الكبد بتتجدد بالليل وانت نايم
(عشان كده النوم المتأخر بيعمل تجاعيد وكسل من غير ما تفهم ليه السبب)

✅ 4 ابعد عن التوتر والضغط العصبي واعمل راحه لنفسك ولو ربع ساعه من الموبايل والناس ...تأمل واذكر الله

🟦 5.زود في اكلك أطعمه تجدد خلايا الكبد

✅ البنجر: بينشّط الكبد والدم
✅ الجزر: مليان بيتا كاروتين بيخلي البشرة صافية والكبد نشيط
✅ البروكلي والكرنب والقرنبيط: محفزات طبيعية للجلوتاثيون (أقوى مضاد أكسدة داخلي)
✅ الزنجبيل والكركم: يقلل الالتهاب، ينشّط الكبد
✅ الثوم والبصل: فيهما الكبريت العضوي لتنشيط إنزيمات الكبد

✅ الفلفل الألوان والكيوي: فيتامين C طبيعي بيحفز الكولاجين وبينضف الكبد ومضاد اكسده

✅ استخدم الزيوت الطبيعيه : زيت زيتون بكر، زيت جوز هند، سمن بلدي/ زبده طبيعي

✅ المكسرات النيّة: فيها للسيلينيوم والزنك والدهون الجيدة

🟨 6 الصيام ( السنه الاثنين والخميس) بيعمل التهام ذاتي وبيخلي الجسم يتخلص من السموم والخلايا الميتة ويقوي خلايا الكبد ويجدده

🟥 7 حبه مشروبات دخلها في يومك
كركديه👈🏼نعناع🌱زنجبيل دافي🌿شاي أخضر بدون سكر
✅✅مرتين يوميًا كفاية

☑️8 المشي 20 دقيقة يوميًا
أو أي حركة بسيطه بتزود الأكسجين للكبد عشان يجدد الخلايا

☑️ 9 تخلص من الإمساك لانه بيرجع السموم علي الكبد ...

⛔10 واخيرا ابعد تماما عن :

❌ زيوت نباتية مكررة
❌ سكر أبيض
❌ لحوم مصنعه (لانشون – سوسيس)
❌ مشروبات طاقه والعصائر
❌ أدوية مسكنات ومضادات حيوية كتير

✅جربوا تعملوا الخطوات دي لمده شهر وجددوا خلايا الكبد وشوفوا وشكم وطاقتكم وحياتكم هتتغير ازاي
👍👍💪💪💪
تحياتي
*د/مريم أحمد شحاته*

Dr. Mariam Ahmed Shehata

26/12/2025

15/12/2025

09/12/2025

06/12/2025

01/10/2025

03/09/2025

19/08/2025

16/08/2025

Address

Opening Hours

Website

Alerts

Shortcuts

Share

Category