د.هدى عبد المنعم / تغذية علاجية و علاج السمنة و النحافة

20/05/2026

ليه ناس بتخس بسرعة وناس لا؟ 🤔
لأن الجسم مش نسخة واحدة!
الهرمونات، العضلات، النوم، النشاط، وطريقة الأكل… كلهم بيفرقوا ⚖️

18/05/2026

ممتنة جدًا لكل دكتور وثق فيّ كطبيبة تغذية علاجية،
وحوّل لي حالات بدون معرفة شخصية سابقة…
فقط ثقة في العلم ودور التغذية العلاجية، خاصة مع مرضى الأورام 🤍
من الاكتر الاوقات سعادة اما مريض يجيلي يقولي دكتوري المعالج حولني على حضرتك 💟💟

التكامل بين التخصصات دائمًا بيصنع فرق حقيقي في رحلة علاج المريض

لكل دكتور وثق في دور التغذية العلاجية…
ولكل طبيب بيحول مريضه عشان ياخد فرصة أحسن في العلاج والحياة…
شكرًا من القلب💟

17/05/2026

كل الشكر والتقدير لـ
Limitless Naturals
على التنظيم الرائع والاستضافة المميزة


Special thanks to Limitless Naturals
for the wonderful organization and hospitality

13/05/2026

خسارة الوزن الحقيقية مش “حقنة” ولا “دايت” لوحده…
هي رحلة من ٤ خطوات و العلاج الدوائي هو الخطوة الرابعة فيهم

10/05/2026

هنشوف الـ Kwashiorkor تاني…
لكن المرة دي في الكبار!

بسبب نظام الطيبات الغير متوازن و اللي بيقلل البروتين بشكل كبير ده غير طبعا المجموعات الاخري اللي بيقللها

زمان كنا بندرس Kwashiorkor على إنه مرض مرتبط بالأطفال وسوء التغذية الشديد…

المرض ده سببه إن الجسم ممكن ياخد سعرات كفاية…
لكن من غير بروتين كافي يبدأ ينهار بالتدريج.

أعراض نقص البروتين الشديد ممكن تشمل:
• ضعف وفقدان الكتلة العضلية
• تورم الجسم أو الرجلين واحتباس سوائل
• إرهاق شديد وضعف التركيز
• تساقط الشعر وضعف الأظافر
• شحوب وضعف المناعة
• بطء التئام الجروح
• دهون على الكبد واضطراب وظائفه
• نقص الألبومين في التحاليل
• فقدان الشهية أو اضطرابات هضمية

و ده طبعا بعد فترة من اتباع النظام

الأكل الصحي مش معناه نحذف مجموعات غذائية كاملة.
التوازن هو اللي يحافظ على العضلات، المناعة، الهرمونات، وصحة الجسم على المدى الطويل

هم ما بلغت… اللهم فاشهد.

08/05/2026

في اليوم العالمي لسرطان المبيض
لازم نعرف إن في أعراض ناس كتير بتعتبرها “عادية”
لكن لو مستمرة لازم ما تتسكتش عليها

الكشف المبكر والتوعية ممكن يفرقوا في حياة كاملة

07/05/2026

بعد ما توقف أدوية التخسيس… هل الوزن بيرجع تاني؟ 🤔
الإجابة منطقية يا جماعة بس احنا اللي مش عايزين نقتنع بيها …
شوفي الحقيقة الكاملة في الفيديو 🧐🧐

06/05/2026

بتخسي… بس رجلك مش راضية؟ الموضوع مش جديد 👀

Lipedema…
حكاية تانية خالص لازم تتفهم صح.

01/05/2026

بقى شيء مُحرج فعلًا إننا محتاجين نناقش أساسيات بديهية:
لو عطشان… اشرب.
لو جعان… كل.
لو نعسان… نام.

والأبسط من كده، إن الأمراض المزمنة معناها إن الجسم محتاج تدخل خارجي، ومفيش أي مشكلة في العلاج الدوائي لما يكون مطلوب.

برضه مش منطقي نطالب الناس تقطع مصادر بروتين أساسية زي البيض واللبن والفراخ، وفي نفس الوقت مش قادرة توفّر بديل كافي… النتيجة الطبيعية هي نقص عناصر غذائية مهمة و سوء تغذية ومرض.
قبل ما تفكر تقاطع فكر في البدايل ……

ارجوكم اللي عايز يجرب اي نظام يكون حد من الأصحاء
ابعدوا عن اصحاب الأمراض المزمنة

بجد محتاجة أفهم، إحنا بنتكلم بعلم ولا بنفتي و خلاص

30/04/2026

لخبطة يوم… مش معناها نهاية الرحلة 👀
جلد الذات مش حل…
الحل إنك ترجعي أقوى وتكمّلي 💪🏻

28/04/2026