Harmony Minds, 37 ش كعابيش الرئيسي فوق صيدليه د البري محطه الطوابق فيصل, Giza (2025)

29/08/2025

❓ابنك متأخر في الكلام ولسه مستني يبدأ لوحده؟
التأخر في النطق محتاج تدخل مبكر وجلسات تخاطب علشان يفرق في تطور الطفل وثقته بنفسه.
📍 متاح جلسات في مركز بمدينة الشروق
🏡 وجلسات منزلية في (مدينتي – الشروق – الرحاب)
🧩 كمان متاح اختبارات:
ذكاء
فرط الحركة وتشتت الانتباه
صعوبات التعلم (نمائي وأكاديمي)
التوحد
📞 للتواصل واتس: 01148519496

26/08/2025

👩‍👦✨ اللدغات عند الأطفال

ممكن تلاقي ابنك بيقول "س" = "ث" أو "ر" = "ي" 😅 … وده اسمه لدغة.
مش عيب ولا كسوف، لكن مهم ناخد بالنا، لأن لو استمرت هتأثر على كلامه وثقته بنفسه.

🌸 دورك كأم:
ما تضحكيش أو تتريقي على كلامه.

كرري الكلمة الصح بطريقة لطيفة.

شجعيه يحكي ويحاورك كتير.

🎯 والأهم: جلسات التخاطب
بتكون زي لعب وتمارين بسيطة مع الأخصائي، بتساعده ينطق صح بسرعة، ويكسب ثقة أكتر.

22/08/2025

👶✨ هل ابنك بيتلخبط أو يكرر كلمات وهو بيتكلم؟
ده ممكن يكون تهتهة… ومش معناه إنه مش ذكي! بالعكس 👌

🌀 التهتهة بتحصل كتير بين سن 2 – 5 سنوات، وبتزيد مع الحماس أو التوتر.
💡 خطوات بسيطة تساعد طفلك:

اسمعه للآخر من غير مقاطعة ❤️
اتكلم معاه بهدوء وبطء
سيبه ياخد وقته في الكلام
قلل الأسئلة الكتير والمفاجئة

🔑 والأهم: أخصائي التخاطب يقدر يساعده يكتسب طلاقة وثقة بسرعة أكبر.

08/08/2025

🎯 ليه في طفل بيكره يتحضن وطفل تاني محتاج يتحضن طول اليوم ؟
🎯 ليه في طفل بيخاف من صوت عادي وطفل تاني مش بيسمع اسمه ؟
🎯 ليه في طفل بيتلخبط وسط الزحمة وطفل تاني بيتجاهل العالم ؟

كل ده مش مشكلات سلوكية دي علامات على وجود مشكلات في التكامل الحسي

✴️ يعني إيه مشكلات التكامل الحسي

التكامل الحسي هو قدرة المخ على استقبال وتنظيم وتفسير المعلومات الحسية اللي جاية من الجسم والعالم
لما يحصل خلل في العملية دي الطفل بيفهم الإحساس بطريقة مش منتظمة وده بيأثر على سلوكه تواصله وتركيزه

✴️ أهم أشكال مشكلات التكامل الحسي

🟥 1. فرط الإحساس

الطفل بيحس بكل حاجة زيادة عن اللزوم

الصوت العادي يبقى مزعج

اللمسة الخفيفة تبقى مؤلمة

الأنوار تبقى ساطعة بشكل غير مريح

مثال : طفل بيعيط من صوت جرس الباب – أو يرفض يلبس هدوم معينة عشان بتضايقه

🟦 2. نقص الإحساس

الطفل مش بيستقبل الإحساس بسهولة أو بيحتاج محفزات قوية علشان يحس

مش بيرد على اسمه

بيدور على الضغط القفز أو العض

ممكن يتصرف ببرود أو بطء

مثال : طفل بيمشي حافي على الأرض الباردة وما بيحسش – أو ما يستجيبش لما يتنده عليه.

🟨 3. الإدراك غير الثابت

الإحساس بيظهر ويختفي مرة بيشوف ويميز ومرة لا

بيتفاعل مع الأصوات أحياناً وأحياناً يتجاهلها

مرة ينجذب للعبة ومرة كأنها مش موجودة

مثال : ده بيخلي السلوك متقلب والأهل يتلخبطوا هو بيسمع ولا لأ بيحس ولا لأ

🟩 4. الإغلاق الحسي

لما الحواس تتعب المخ يقفل الباب

الطفل يبان كأنه فصل

يسكت ينسحب يبطل يرد

بيهرب من البيئة الحسية دي كلها

مثال : طفل وسط الزحمة يقعد في الأرض ويقفل ودانه – أو يبص في الأرض لفترة طويل

🟫 5. الإدراك المجزأ

العقل بيفهم الإحساس على هيئة أجزاء مش واضحة أو غير مترابطة

يشوف حاجة بس مش بيربطها بمعناها

يمسك أدوات بس مش بيعرف يركبها أو يستخدمها

المعنى : دماغ الطفل مش قادر يكون الصورة الكاملة من التفاصيل

🟧 6. الإدراك المشتت

المعلومة الحسية بتدخل بس ما بتوصلش للتركيز

بيتشتت بسهولة جداً

بينتقل من إحساس لإحساس من غير ما يكمل أي تجربة

مثال : بيلعب في الرمل وبعدين فجأة يجري ناحية الضوء… وبعدين يسيبه ويروح لحاجة تانية.

🟦 7. المعالجة المتأخرة

العقل بياخد وقت أطول من الطبيعي علشان يفهم الإحساس ويرد عليه

بيرد متأخر

محتاج وقت يستوعب التعليمات أو التغيير

مثال : تنادي عليه وبيرد بعد وقت طويل كأنه لسه سمعك

مش كل طفل غريب الأطوار بيكون عنده مشكلة سلوكية
أحياناً المشكلة في الطريقة اللي دماغه بيستقبل ويفهم بيها الإحساس وكل ما نفهم أنواع مشكلات التكامل الحسي
نقدر نحتوي الطفل ونرسم له طريق الراحة والأمان

07/08/2025

😤💥 "ابني بيزعق ويرمي نفسه على الأرض؟!"

لو ابنك كل شوية يعصب، يصرخ، يرمي اللعب، ويعمل حفلة غضب في أي مكان.. متقلقيش، ده اسمه نوبة غضب (Tantrum)، وده طبيعي جدًا!

📌 بس السؤال المهم: أتصرف إزاي؟

1️⃣ متزعقيش ولا تضربيه
هو أصلًا مش بيسمعك وقت النوبة، هو مشاعره خارجة عن السيطرة.

2️⃣ متكلميش كتير وقت النوبة
كل اللي محتاجه وجودك الهادي جنبه، مش محاضرة عن الأدب.

3️⃣ ثبّتي القواعد
يعني لو هو بيزعق عشان عايز حاجة غلط، متضعفيش وتديها له.. عشان مش كل صريخ = مكافأة.

4️⃣ بعد ما يهدى.. اتكلمي معاه
اسأليه: "كنت زعلان ليه؟ طيب المرة الجاية تعال قوليلي مش لازم تزعل كده".

5️⃣ اتأكدي إنه مش جعان أو تعبان
90% من نوبات الغضب بتيجي وقت الجوع أو النوم.

🧠 نصيحة: نوبات الغضب مش "قلة أدب"، دي مرحلة في تطور الطفل العاطفي. اللي محتاجينه هو طريقة تعامل ذكية مش عصبية.

❤️ ابنك محتاج يفهم مشاعره قبل ما تتوقعي يتحكم فيها!

04/08/2025

في أهالي بتسألني بكل صراحة:

"يعني أنا أودي ابني جلسة تخاطب ألاقيه بياخد 🍎 تفاح، 🥒 خيار 🦆 بطة 🎨 وألوان؟!
هو هيستفاد ايه؟!"🤔

والإجابة بسيطة جدًا:

👶 الطفل مش بيتعلم "معلومة"...
الطفل بيتعلم "لغة".

علشان الطفل يتكلم لازم يكون عنده كلمات يعرف يعبر بيها.
وإحنا ما نقدرش نعلّمه يقول:
"أنا جعان" 😋
من غير ما يعرف يعني إيه:
🍌 موز – 🍏 تفاح – 🥗 أكل – 🥤 أشرب – 🎨 ألوان ...

زي ما البيت🧱 محتاج طوب وأسمنت…
اللغة محتاجة حصيلة كلمات 🧠🗣️

والكلمات دي بنجمعها من الحياه اليومية:
🍽️ أكل
🧴 أدوات
🚗 وسائل مواصلات
🧸 حيوانات
🖍️ ألوان
📍 أماكن
❤️ مشاعر

كل كلمة بيتعلمها الطفل = خطوة بتقربه من إنه يعبر عن نفسه ✨

فـ لما ابنك يتعلم "اسم خضار أو لون أو وسيلة مواصلات"،
ده مش مجرد تعليم...
ده تأسيس لغة وتكوين جملة وبكره هتبقى تعبير عن إحساس 🌱

🌟 ابدأ معاه من أبسط كلمه…
هتوصّله لأجمل جملة ❤️

#تخاطب

#توحد

31/07/2025

🚽 تدريب الولد على التشطيف: إمتى؟ وإزاي؟

📍 السن المناسب:

🔹 من عمر ٣ سنوات ونصف إلى ٥ سنوات
هو الوقت المثالي لبدء تدريب الولد على التشطيف الذاتي تدريجيًا، بشرط ظهور علامات الاستعداد:

✅ قدرته على خلع ولبس البنطلون
✅ إدراكه إنه "خلص حمام" وطلبه للمساعدة
✅ فهمه البسيط للتعليمات
✅ ميله للاستقلال والتقليد

✨ القاعدة الذهبية:
كل ما دربنا الطفل بدري، كل ما زادت ثقته بنفسه واستقلاليته.

👣 خطوات تعليم الولد التشطيف بشكل علمي وتربوي:

1. ابدئي بالتقليد والنمذجة

استخدمي دمية تشبه الطفل أو رسمة توضيحية.

شرحي له ببساطة: "بعد الحمام لازم ننضف جسمنا علشان ميبقاش فيه ريحة أو التهابات".

🧼 قوليها بلغة هادية من غير خجل:

"بنغسل العضو من قدام بالماء، وبعدين نغسل المؤخرة كويس"

2. تدريب عملي بدون ضغط

أول مرة، ساعديه بإيدك وإيده سوا.

بعدها، خليه يجرب لوحده وإنتِ تتابعي وتصححي بهدوء.

علميه يتحكم في اتجاه الشطافة، يرفع هدومه كويس، ويتأكد إن المية بتنزل جوه التواليت مش بره.

3. استخدام وسائل تعليمية مساعدة

📚 وسائل ممكن تساعده يتعلم:

دمية تشبه شكل الجسم

قصص مصورة عن النظافة الشخصية

فيديوهات توعوية تربوية (مناسبة لعمره)

بوستر خطوات الحمام على الحائط

📌 مثال لبوستر مبسط:

1. خلّي هدومك مرفوعة

2. شطّف قدام ورا

3. نشف بفوطة نظيفة

4. اغسل إيدك

5. فلّش السيفون

🕌 الجانب الديني:

في الإسلام، الطهارة شرط للصلاة، وتعلم الطفل الطهارة من الصغر يعزز احترامه لجسده ونظافته.

قال رسول الله ﷺ: "الطهور شطر الإيمان" – رواه مسلم.

👶 الطفل من ٤ سنوات ممكن يتعلّم إن النظافة بعد الحمام عبادة وطهارة، مش بس عادة.

قولي له: "لما تتنظف كويس، ربنا بيحبك"

شجعيه بجمل زي: "كده تقدر تصلي وأنت نظيف"

اربطي النظافة بالرضا الإلهي بطريقة إيجابية وحنونة

🚫 تجنبي:

التوبيخ أو العقاب لو ما عرفش يعملها

المقارنات ("أخو فلان بيتشطّف لوحده")

التسرّع في سحب المساعدة قبل ما يكون مستعد تمامًا

💬 وأخيرًا:

كل تجربة حمام هي فرصة للتعلم، مش اختبار للنجاح أو الفشل
كرري، شجعي، وصبّري…
لأن استقلال الطفل في الحمام بيصنع منه ولد واعي، نظيف، واثق في نفسه.

ا شيماء الجمال

30/07/2025

🔔 مركز الياسمين للتأهيل وتنمية المهارات بيعلن عن فتح باب التسجيل لاستقبال حالات جديدة بنظام 🙌✨

🎯 لو بتدوري على مكان يجمع بين الخبرة – الأمان – والاهتمام الحقيقي بولادنا…
يبقى مكانك معانا 💚

👦👧 الفئات اللي بنستقبلها: ✅
✅
✅
✅
✅
✅
✅

💥 كل طفل عندنا له برنامج خاص به، بنشتغل فيه على: 🧩 جلسات فردية
🧠 تنمية مهارات
📚 تأهيل أكاديمي
💪 علاج حركي وتكامل حسي
🗣️ تخاطب
📌 جلسات فرديه وجماعيه
📖 قرآن كريم
وكل ده في بيئة آمنة ومحفزة ومليانة حب واهتمام 🌷

📍 العنوان: 37 شارع كعابيش الرئيسي – محطة الطوابق – فيصل
📞 للتواصل: 01148519496
📲 أو ابعتلنا على رسائل الصفحة دلوقتي

#تخاطب

#أكاديمي

29/07/2025

❓يعني إيه رعاية نهارية؟
✅ مكان آمن يقضي فيه الطفل يومه بتأهيل ورعاية مناسبة لحالته.

❓طفلي هيستفيد إزاي؟
✅ هينمي مهاراته – يتعود على الروتين – ويتلقى جلسات فردية (تخاطب، سلوك، تكامل حسي).

❓الرعاية بس للحالات الشديده ؟
❌ لأ، بنستقبل كل الحالات حسب تقييم الحالة واحتياجاتها.

📍 مركز الياسمين – فيصل. الجيزه
37 شارع كعابيش الرئيسي محطه الطوابق
📞 للحجز أو الاستفسار: [ 01148519496 ]

22/07/2025

💥 مش كل تأخير سببه الطفل… ساعات إحنا اللي متأخرين عليه
في طفل عنده 5 سنين، حافظ أسماء الكرتون والشخصيات…
بس مش بيعرف يكتب اسمه.
كل يوم بيعدّي من غير ما يتعلم،هو يوم من عمره… مش هيرجع تاني.
المشكلة مش فيه، المشكلة في الطريقة اللي بنحاول نعلّمه بيها.
لما يلاقي الكراسة صعبة، أو القلم تقيل عليه… طبيعي يزهق ويبعد.

✋ ابتكر مع طفلك ✋

22/07/2025

🎯 ليه التكامل الحسي مهم لطفلك؟

1️⃣ بيقلل فرط الحركة والتشتت، وبيخلي طفلك أهدى.
2️⃣ بيساعده يقدر يركز ويتعلم بشكل أفضل.
3️⃣ يحسن تواصله مع الناس ويخليه اجتماعي أكتر.
4️⃣ بيعالج رفض اللمس أو الحساسية من اللبس والأصوات.
5️⃣ بيخليه يفهم إحساسه بالألم أو الخوف أو الحركة بشكل طبيعي.

💡 التدخل المبكر بيفرق جدًا في سلوك طفلك وتطوره.

📍 مركز الياسمين لتنمية المهارات
📞 01148519496

22/07/2025

🧠 صعوبات التعلم النمائية = مشاكل في العمليات الأساسية اللي الطفل بيحتاجها عشان يتعلم 👶💡
قبل ما نتكلم عن القراءة والكتابة، لازم نركز على:
✅ الانتباه
✅ الذاكرة
✅ الإدراك
✅ التنظيم
✅ مهارات اللغة

لو ابنك/بنتك عنده تأخر في الكلام، ضعف انتباه، أو صعوبة في التفاعل... ده ممكن يكون بداية صعوبة تعلم نمائية ❗
🎯 كل ما بدأنا التدخل بدري، زادت فرص التحسن.

📍 مركز الياسمين لتنمية المهارات
📞 01148519496

Harmony Minds

29/08/2025

26/08/2025

22/08/2025

08/08/2025

07/08/2025

04/08/2025

31/07/2025

30/07/2025

29/07/2025

22/07/2025

22/07/2025

22/07/2025

Address

Telephone

Website

Alerts

Shortcuts

Share

Category