Dr. Mirna Magdy

Dr. Mirna Magdy (سلُوا اللهَ علمًا نافعًا، وتَعَوَّذُوا باللهِ منْ علمٍ لا ينفعُ). Pharmacist, and Nutritionist �

لانش صحي… طفل مبسوط… وأم مطمّنة 💚كتاب Healthy Lunch Box for Kidsمش مجرد وصفات،ده دليل عملي لكل أم عايزة:✔️ أفكار لانش بو...
29/01/2026

لانش صحي… طفل مبسوط… وأم مطمّنة 💚

كتاب Healthy Lunch Box for Kids
مش مجرد وصفات،
ده دليل عملي لكل أم عايزة:

✔️ أفكار لانش بوكس صحية وسهلة
✔️ وصفات يحبّها الطفل ومش يرفضها
✔️ توازن غذائي حقيقي من غير تعقيد
✔️ توفير وقت ومجهود في الزحمة اليومية

مع خطوات بسيطة ونصايح تغذية مدروسة
تقدري تعملي لانش متكامل…
وفي نفس الوقت تطمني على صحة طفلك ونموه 👶🍎

📘 إعداد: د. ميرنا مجدي – أخصائي تغذية
الآن ستجدوه على صفحة Migo World كروت صغيرة، لحظات كبيرة
لأن التغذية الصح… بداية طفل صحي وسعيد.

لو أنت بتعمل دايت و ماشي على نظام صحي بقالك فترة أكيد هتمر بفترة اسمها (ثبات الميزان) يعني وزنك على الميزان مش بيتغير .....
22/09/2025

لو أنت بتعمل دايت و ماشي على نظام صحي بقالك فترة أكيد هتمر بفترة اسمها (ثبات الميزان) يعني وزنك على الميزان مش بيتغير ... طب هو أنت عارف أو دكتور التغذية الشاطر بتاعك عرفك إيه الفرق بين ثبات الميزان و ثبات الوزن؟!!
تعالا أما أقولك أصلا الفرق بينهم و اطمنك
- أولا: لازم أى حد بيعمل دايت و بيحاول يخس إنه يمر بفترة اسمها ثبات الميزان لأن دا معناه أن الدهون بتتحول لعضلات بس مازال الكيلو دهون لما بينزل من جسمك بيتبني مكانه كيلو عضلات فالميزان مش هيتغير ولكن يا عميلي العزيز شكلك و مقاساتك هي اللى بتتغير
- أنت تقلق على نفسك لو بقالك فترة طويلة بتعمل دايت و لسه قاعد تنزل على الميزان كدة هنقول أنك بتنزل ماية أزيد من المطلوب أو بتنزل عضلات يعني عيد حساباتك يا باشا
- ثانياً بقى: الفرق بين أنك ثابت في الوزن دا معناه أنك ما بتخسش و دي ما بتتحسبش بس بالميزان اللى هو أنت بقيت كام كيلو جرام
ولكن دا اسمه ثبات الميزان
- ثبات الوزن دا لما تعمل inbody
بنفس الشروط كل مرة و كل مرة تكون مظبوطة على جهاز كويس و تكون نفس نسبة عضلاتك، نسبة الدهون، نسبة الماء ثابتة كل مرة هنا نقول دا ثبات وزن
- عشان تحكم على نفسك صح لااااازم تقارن بالمقاسات (مقاسات لبسك، و قياسات المازورة)
و أعرف أن
- عندك في جسمك دهون حشوية مُخزنة فممكن الدايت و النظام الصحي يكون بيقلل من الدهون الحشوية الزائدة الغير صحية و لسه محتاج مجهود أزيد شوية عشان نوصل لحرق دهون البطن والأجناب (يعني اتشجع و كمل)

** الدايت مش بس ميزان
** الدايت نظام صحي عشان ما يكونش فيه مشاكل صحية
** المقاسات مهمة جدا فخلي شكلك يشجعك أنك تكمل حتى لو الرقم مش بيتحرك



Let's go ❤️👌💪
28/07/2025

Let's go ❤️👌💪

كلنا بقينا عارفين الصيام المتقطع وعارفين طريقته و فوايده ... بس يا ترى هل كل الناس ينفع تعمل صيام متقطع ؟! الإجابة هي لأ...
24/12/2024

كلنا بقينا عارفين الصيام المتقطع وعارفين طريقته و فوايده ... بس يا ترى هل كل الناس ينفع تعمل صيام متقطع ؟! الإجابة هي لأ ... مين بقى ما ينفعش يعمل الصيام المتقطع ؟!
اكتبولى في الكومنتات واستنوا الريل اللى جاي 😍😍❤️❤️

لو قولتلكو أن في نوع من الزيوت بيتحط على الأكل بيساعد على الشبع و بيساعد في نزول الوزن و بيمد الجسم بالطاقة العاليةوهي م...
23/12/2024

لو قولتلكو أن في نوع من الزيوت بيتحط على الأكل بيساعد على الشبع و بيساعد في نزول الوزن و بيمد الجسم بالطاقة العاليةوهي مصدر وقود للدماغ وبيقتل كتير من الميكروبات.. مش بس كدة بيحسن الهضم و يقلل الكولسترول الضار
و بيستخدم على الجلد لعلاج مشاكل البشرة، مرطب فعال، بيقلل ظهور حب الشباب، بيدخل في تصنيع مراهم و كريمات فعالة
يعني في المأكولات هنلاقيه، في المشروبات هنلاقيه، وفي منتجات التجميل هنلاقيه
يبقى هو زيت جوز الهند coconut oil
لأنه بيحتوي على MCT = medium chain fatty acid سلسلة دهون متوسطة سهلة الامتصاص و التكسير وبيحفز الكبد على تكسير الدهون المخزنة و على التخلص من الكولسترول الضار
كمان ممكن نحط منه معلقة صغيرة على كوباية القهوة ما بيكسرش الصيام لو أنت عامل صيام متقطع دا بيحسس بالشبع و بيزود الجسم بالطاقة و كمان بينقي الجسم من السموم و الروائح الكريهة
و الله عليه في الحلويات الصحية 👌👌♥️♥️
اشتروه أصلي وبكر (بيبقى شكله صلب في الشتا و سائل في الصيف) 💪

البوست الجاي هنتكلم عن حاجة مهمة جدا جدا تفيد القولون ... تبعد عنك الامساك أو الإسهال... تحسن من الهضم و تعزز المناعة .....
18/12/2024

البوست الجاي هنتكلم عن حاجة مهمة جدا جدا تفيد القولون ... تبعد عنك الامساك أو الإسهال... تحسن من الهضم و تعزز المناعة ... تقلل الانتفاخات والغازات ... تفتكروا إيه هي؟!

جوع الشتا و ما أدراكم من جوع الشتا 😂😂😂😂ما تيجو اقولكوا على سناكس مفيدة ومغذية و بتحسس بالشبع و سعراتها أقل من ٢٠٠ سعر حر...
17/12/2024

جوع الشتا و ما أدراكم من جوع الشتا 😂😂😂😂
ما تيجو اقولكوا على سناكس مفيدة ومغذية و بتحسس بالشبع و سعراتها أقل من ٢٠٠ سعر حراري ممكن ناكل منها بليل و هترضينا ومش هتحسسنا بالذنب 💪💪
- الفشار: بيساعد على التركيز ، غني بالالياف ، بيحتوي على فيتامينات ومعادن أهمها فيتامين ب٦ (مسموح ١٠٠ جرام = ٤ كوب)
- الترمس: مصدر رائع للبروتين، بيحسن صحة القلب، بيقلل خطر مرض السكري بيحتوي على الكالسيوم بيحسن صحة العظام و الشعر والجلد (١٠٠ جرام ترمس = ١٦ جرام بروتين)
- الدارك شوكلت أو الكاكاو الخام: ممكن ناكل قطعتين أو ٣ دارك شوكليت و ممكن نشرب مشروب الكاكاو الخام بسكر استيفيا أو عسل وعدوا الفوايد ... تعزيز مناعة، تحسين المزاج، امداد الجسم بالهرمونات مثل السيروتونين، تحسين الدورة الدموية و تظبيط ضغط الدم و تقليل خطر الإصابة بالسكر و أمراض القلب (١٥ جرام بتحتوي على ٨٢ سعر حراري)
- البطاطا: ملكة الشتا، مليئة بفيتامين أ بتحافظ على المناعة و بتحافظ على صحة العين والشبكية بتحارب أمراض الجهاز التنفسي و بتحافظ على الجلد من الجفاف و بتعزز المناعة جدا (٧٠ جرام بتحتوي على ٦٠ سعر حراري)

لو عاوزين أفكار تاني من دي اكتبولي في الكومنتات ❤️❤️❤️


ـ

بما أننا في موسم ڤيروسات و ضعف في المناعة للكبار و الصغيرين خلينا نعرف إيه الفيتامينات و المعادن المهم جدا لتعزيز المناع...
17/12/2024

بما أننا في موسم ڤيروسات و ضعف في المناعة للكبار و الصغيرين خلينا نعرف إيه الفيتامينات و المعادن المهم جدا لتعزيز المناعة

1. فيتامين سي (Vitamin C): بيساعد على زيادة إنتاج الخلايا المناعية و بيحارب الأجسام المضادة وبيحمي من نزلات البرد و الانفلونزا وموجود في الفواكه الحمضية زى البرتقال والليمون والكيوي والجوافة.
2. فيتامين د (Vitamin D): له دورً مهم جدا في تنظيم الجهاز المناعي. موجود في الأسماك الدهنية والزبدة والبيض.
3. فيتامين إي (Vitamin E): بيساعد على حماية الخلايا من التلف لأه مضاد للأكسدة قوي جدا. موجود في الزيتون والبذور والجوز.
4. فيتامين أ (Vitamin A): بيساعد على الحفاظ على صحة الجلد والأنف والحلق مهم جدا الحماية من حساسية الأنف و الالتهاب الرئوي. موجود في الفواكه والخضروات الغنية بالكاروتين مثل الجزر بس الحوامل تحذر من نسبته العالية .
2. فيتامين ب6 (Vitamin B6): بيساعد على تعزيز وظيفة الخلايا المناعية و بيجدد نشاطها. موجود في الدواجن والسمك واللحوم.
3. فيتامين ب12 (Vitamin B12): اه دور مهم في إنتاج الخلايا المناعية. موجود في اللحوم والأسماك والمنتجات البحرية والأشخاص اللى بتتبع نظام نباتي vegan or vegetarian لازم ياخدوه كمكمل غذائي.
4. الحديد: بيساعد على نقل الأكسجين إلى الخلايا المناعية. موجود في اللحوم والأسماك والبقوليات والمصادر الحيوانية أغنى من المصادر النباتية.
5. زنك (Zinc): ودا بطل المناعة بقى بيساعد على تعزيز وظيفة الخلايا المناعية بيحمي الجهاز التنفسي من العدوى و بيحمي الجسم من الميكروبات والفيروسات. موجود في المكسرات والبقوليات واللحوم ويفضل ناخده supplement ويكون جزء من روتينا الصحي.

٥ نصايح بقى لا غنى عنها عشان مناعتنا تزيد و جسمنا يبقى صحي وسليم نبعد عن السكريات المضافة والدهون المشبعة
1. الأكل يبقى نظام صحي متوازن مليان بالفيتامينات والمعادن الأساسية.
2. .التعرض لأشعة الشمس كل يوم من ١٥ ل ٢٠ دقيقة
3. شرب الماء بكميات كافية من ٨ ل ١٠ اكواب يوميا.
4. ممارسة الرياضة بانتظام مش أقل من ٣٠ دقيقة يومياً حتى لو مشي في البيت.
5. الحصول على قسط كافٍ من النوم من ٦ ل ٨ ساعات ليلا.

ربنا يحفظ الجميع ويبعد عن أطفالنا أى سوء حقيقي لو عملنا الخطوات دي هنتغير تماماً للأفضل ولعلها تكون بداية جديدة.

"إذا كلف الله أعان" جملة دايما في دماغي رداً على أى سؤال بيخطر في بالي من أخرة دا إيه، مش هقدر على كدة، مش قادرة ابدأ ال...
17/12/2024

"إذا كلف الله أعان" جملة دايما في دماغي رداً على أى سؤال بيخطر في بالي من أخرة دا إيه، مش هقدر على كدة، مش قادرة ابدأ الطريق
بس في الأخر فعلا بتعرف أن ربنا له حكمة في كل اختيار ليك ...
خليك واعي أنت كمان أنك لازم تحافظ على دماغك وتمدها بالعلم والمعرفة و العلوم الدينية والدنيوية الصح، وتحافظ على جسمك و بنيته و تستثمر في صحتك عشان جسمك اللى هيشيلك، وتحافظ على نفسيتك أنك دايما تتشجع بالأفضل و يبقى عندك حافز وإنجاز تحس بيه أنك فخور بنفسك
أنا ربنا إن شاء الله يعيني اذاكر و اتعلم، وأنت ربنا يعينك أن شاء الله في تطبيق ما يحتاجه جسمك و صحتك ... ونشجع بعض 💪💪♥️♥️
اكتبولي أى أسئلة أو مواضيع حابين نتكلم فيها في الكومنتات و ما تنسوش الفولو 🥰🥰

Welcome to my page, my new journey, and your new goals ♥️ كل واحد في حياته أهداف وأحلام كتير نفسه يحققها و بيفضل طول حيا...
16/12/2024

Welcome to my page, my new journey, and your new goals ♥️
كل واحد في حياته أهداف وأحلام كتير نفسه يحققها و بيفضل طول حياته يسعى عشانها و بننسى أن الهدف الحقيقي اللى ربنا خلقنا عشانه هو العبادة و تعمير الأرض وإصلاح أنفسنا
و بعد الأحداث الكتير اللى حصلت الفترة اللى فاتت الواحد خد باله فعلاً أن مفيش حاجة دائمة وأن فعلا الشيء الباقي هو أن الواحد يفيد اللى حواليه و يسيب بصمة طيبة و أثر إيجابي
وهو دا الهدف الحقيقي اللى بسعى عشانه دايما إني أقدم كل معلومة اتعلمتها وبتعلمها لعلها تكون زكاة علم.. لعلها تكون المنجية
عشان كدة هحاول أن شاء الله اقدم لكم كل ما تعلمته و اساعدكم تحافظوا على صحتكم و نتعلم مع بعض ازاى نحافظ على صحتنا سليمة من بداية أطفالنا لحد كبيرنا و هكلمكم أكتر عن التغذية الصحيحة وأن ازاى الأكل والمغذيات و النعم اللى ربنا رزقنا بيها مهمة جدا لأجسامنا مش بس سمنة و نحافة لأ هنتناول كل ما يخص التغذية بفكر جديد
ممكن المعلومات ما تكونش جديدة عليكم بس بنذكر بعض و بنشجع بعض لرحلة جديدة وبداية صح و خلي شعارنا "you're what you eat"

Address

Mohandsen
Giza

Website

Alerts

Be the first to know and let us send you an email when Dr. Mirna Magdy posts news and promotions. Your email address will not be used for any other purpose, and you can unsubscribe at any time.

Shortcuts

Share

Category