01/08/2025
❗ لو غلطت في حق ابنك، اعتذر..
مش علشان غلطت، لكن علشان بتربي إنسان.
الأبوة والأمومة مش معصومين من الخطأ، ممكن تزعل وتتعصب ترفع صوتك أو حتى تتصرف بطريقة قاسية في لحظة غضب…
لكن الأهم مش إنك متغلطش الأهم إزاي بتتصرف بعد الغلط❌
لما تعتذر لطفلك، أنت بتزرع فيه 3 قيم أساسية:
✅ إن الإنسان ممكن يغلط، ومش عيب يعترف.
✅ إن الكبار كمان بيتعلموا ويصححوا نفسهم.
✅ وإن الحب والاحترام مش مرتبط بالمقام أو السن، لكنه مرتبط بالنية والسلوك.
👈🏻الاعتذار مش ضعف، ده قمة النضج.
مش معنى إنك أب أو أم إنك دايمًا على حق.
مش معنى إنك أكبر، إنك مش مطالب بالاعتذار.
لما ابنك يسمعك بتقول "أنا آسف"، هيشوفك إنسان، وهيحترمك أكتر، وهيتعلم إنه يعمل زيك لما يغلط.
👶🏼الطفل اللي بيكبر في بيئة فيها صدق وشفافية، بيطلع إنسان واثق في نفسه ومش مهزوز.
بيتعلم من أهله مش بس الصح والخطأ، لكن كمان بيتعلم إزاي يتعامل مع الغلط بشكل صحي وإنساني.
احنا مش بنربي أولاد بس، احنا بنبني شخصيات.
وكل موقف بسيط زي ده، ممكن يفضل محفور في عقل وقلب ابنك سنين طويلة.
فكر في ده:
👈🏻لما تعتذر، إنت مش بتخسر احترامه…
✨إنت بتكسب ثقته، وبتعلمه إن القوة الحقيقية في التواضع.
