06/12/2025
هينمه،
وجودك معانا مكانش مجرد مشاركة في مسابقة،
كان حضور روح صادقة،
وحُب حقيقي للعلم،
وإحساس بالمسؤولية قبل أي لقب أو جائزة.
كنتِ دايمًا بتبذلي مجهود من قلبك،
تفهمي الفكرة بعمق،
وتوصّليها ببساطة تخلي اللي قدامك يحب يسمع ويفهم.
شرحك كان من القلب…
علشان كده وصل للقلب.
في المدارس،
الأطفال كانوا مستنيينك،
بيحبوكي،
وبيحبوا طريقتك،
ويمكن ما كانوش فاهمين مصطلحات علمية كتير،
بس فاهمين حبك وصدقك،
وفاهمين إنك جاية علشانهم.
مجهودك معانا،
وكلامك،
وتعبك،
وروحك الحلوة في التيم…
مش هتتنسي،
وذكرك جزء من نجاحتنا الجاية
وإحنا بنفخر إن اسمك يترفع مع التيم،
شكراً يا هينمه من القلب
ربنا يرحمك رحمة واسعة،
ويجعل كل كلمة علم قلتيها،
وكل طفل استفاد منك،
وكل خطوة عملتيها بنية الخير…
في ميزان حسناتك.
اللهم اجعل هذا الجهد شفيعًا لها،
وارفع به درجاتها في الجنة،
واجعل أثرها الجميل صدقة جارية لا تنقطع. 🤍
۞وَيَطُوفُ عَلَيۡهِمۡ وِلۡدَٰنٞ مُّخَلَّدُونَ إِذَا رَأَيۡتَهُمۡ حَسِبۡتَهُمۡ لُؤۡلُؤٗا مَّنثُورٗا (19) وَإِذَا رَأَيۡتَ ثَمَّ رَأَيۡتَ نَعِيمٗا وَمُلۡكٗا كَبِيرًا (20) عَٰلِيَهُمۡ ثِيَابُ سُندُسٍ خُضۡرٞ وَإِسۡتَبۡرَقٞۖ وَحُلُّوٓاْ أَسَاوِرَ مِن فِضَّةٖ وَسَقَىٰهُمۡ رَبُّهُمۡ شَرَابٗا طَهُورًا (21) إِنَّ هَٰذَا كَانَ لَكُمۡ جَزَآءٗ وَكَانَ سَعۡيُكُم مَّشۡكُورًا
