Dr.Shrook Ramadan

06/11/2025

هرمونات السعاده ❤️🌸

04/11/2025

ممكن مساعدة ف الاجابة ع الاستبيان ده بعد اذنكم خاص برسالة دكتوراه

هذا الإستبيان العلمى حول إستخدام تطبيقات الذكاء الإصطناعى و تأثيرها على العلاقه الزوجيه. (المشاركه سريه)

31/10/2025

خلي هدفك ان السحب يكون أقل من الايداع👌

31/10/2025

الشخصيات السامة مش دايمًا بتصرّخ أو بتهاجمك بشكل مباشر…
أوقات بيظهروا في شكل "حد طيب" بس بيستنزفك بهدوء
يطّمنك بكلمة ويكسر فيك بعدها يخليك تشك في نفسك ويخليك دايمًا تحس إنك الغلطان
السِمّ الحقيقي مش اللي بيأذي مرة لكن اللي بيخلّيك تفقد سلامك النفسي شوية بشوية من غير ما تلاحظ إنك اتأذيت

31/10/2025

لما تفضل تبذل مجهود علشان ميبعدوش عنك حتي لو بتخسر نفسك
يبقي ده مش حب ده اسمه (( تعلق ))
العلاقات الصحية مش تشبث
العلاقات الصحية بتحسسك بالأمان❤️

31/10/2025

الوحدة مش دايما غياب الناس..
أوقات وجودهم مش حقيقي كفاية

30/10/2025

التعب النفسي ملوش صوت ... بس ليه علامات

30/10/2025

فيه نوع من الشخصيات بيعيش في صراع دايم بين “محتاجلك” و“سيبني فحالي”
ده اسمه نمط الشخصية الحدّية (Borderline Personality)
الأشخاص دول مش مؤذيين هم بس حاسّين أكتر من اللازم
مشاعرهم بتتغير بسرعة من قمة الحب لأقصى الغضب في لحظة واحدة من الهدوء الي العاصفه
اغلبهم بيشترك في بعض الاعراض دي

خوف شديد من الهجر أو الفقد و تقلب مزاجي حاد و علاقات عاطفية مضطربة جدًا واخيرا نظرة متقلبة للذات (مرة شايف نفسه قوي ومرة ولا حاجة)
ونخلي بالنا
هم مش “دراما” زي ما الناس بتقول هم محتاجين أمان واحتواء وحد يسمعهم من غير حكم

25/10/2025

لو بتحس إن دماغك دايما شغالة حتى لو مفيش سبب واضح
تفكير مستمر، وخوف من المستقبل وبدأ يأثر علي حياتك ويومك
ده اسمه ((القلق المفرط)) وده حالة بيكون فيها الجسم في “وضع الاستعداد” طول الوقت
ممكن تحصلك اعراض زي :
صداع أو شد في الجسم
صعوبة في النوم
تفكير متكرر في أسوأ الاحتمالات

جرّب خطوات بسيطة:
١-خُد نفس عميق واتنفس بطريقة صح لما القلق يزيد.
٢-اكتُب أفكارك ع الورق حتي لو هتقطعه بعدها
٣-جرب تشتت انتباهك لحاجه تانيه ف المكان اللي انت فيه

وافتكر لو حسيت انك مش قادر اطلب المساعده
احنا هنا لدعمك 💪🤝

25/10/2025

احنا هنا لدعمك 💪🌸

25/10/2025

اهلا بيكم في مساحة جديدة… مختلفة شوية❤️

هنا بنؤمن إن التغيير الحقيقي بيبدأ من جوّا النفس
من لحظة الوعي الأولى… لما نقرر نفهم نفسنا بدل ما نهرب منها.

💬 هنتكلم سوا عن:

إزاي نتعامل مع القلق والضغوط.

مهارات تساعدك تحافظ على توازنك النفسي.

علاقات صحية ووعي بالمشاعر.

وكمان تدريبات عملية للنمو الشخصي وورش عمل.

🎯 هدفنا بسيط:
إنك تعيش بسلام مع نفسك واللي حواليك.

خليك معانا في رحلة الوعي والنمو…
رحلة فيها كل مرة "شروق" جديد لنفسك 🌞💛