11/01/2026
🌸 محبش اشتغل فى أى مكان ولا مع أى استشارى إلا أما أكون شايف أنه بيتقى ربنا فى المرضى وبيعالجهم كويس لأن دا مهم لشغلى برضو وسمعتى.
🌸من الحاجات اللى بحس أنها رحمة من ربنا لمنطقة الجيزة والحوامدية والبدرشين والمنوات ومزغونة وأم خنان وجود حضانة ولى العهد ودا حقيقى وهقولك ليه
🌸 أول مرة أتعامل معاهم كنت داخل على البيت الساعة ٥ الفجر هنام ساعة وأنزل أروح الجامعة بس كان المريض اللى عندهم حالته حرجة جدا والأكسجبن بتاعه ٣٠ ٪ . طبعا لو رجعت من العبور للحوامدية وأنا مش نايم ٢٤ ساعة وكمان مش هنام وهدخل فى يوم شغل جديد فمش هقدر أكمل. رديت لأ مستحيل طبعا مش هعرف آجى . مشيت خطوتين وقررت أرجع تانى علشان الطفل هيموت . رحت وشخصنا الطفل انسداد تام فى الشريان الرئوى وبدأنا علاجاته لحد ما اتحول لمكان جراحة .
🌸من هنا كانت بدايتنا لحد ما أقنعونى ليه ميكونش فى عيادة قلب أطفال ف المكان ؟ المكان بعيد جدا وبياخد وقت جامد بس قلت نجرب مفيش مشكلة .
🌸 بعد ست شهور على وجود العيادة منتظمة أحب أقولك انى بقيت شايف العيادة حاجة مهمة ولازم احافظ على معادها طول الوقت مع ان التكلفة فيها تعتبر رمزية
🌸لقيت ان المكان والقائمين عليه فعلا هدفهم الطفل من وقت ما يدخل لحد آخر لحظة وبيعملوا أقصى ما يمكن لعلاج المريض حتى لو الأهل مش مستطيعين ماديا . لقيت عيان مش قادر يتحجز بس حالة الطفل حرجة فيدوروا قدر الإمكان ويتواصلوا مع كل مكان علشان المريض يتنقل بأمان .
🌸 امبارح جالنا طفل من البيت عادى مفهوش أى مشاكل ولا ظاهر عليه حاجة بس بيطمنوا على قلب الطفل فبيعمل موجات صوتية على القلب بعد استشارة طبيب أطفال.
والأهل كانوا مطمنين يعنى شويتين تلاتة علشان عملوا سونار رباعى الأبعاد ٣ مرات وكان كويس ف التلت مرات .
🌸للأسف الطفل كان عنده عيب خلقى نادر بالقلب وهو أن شريانين القلب الرئيسيين مدمجين فى شريان واحد مع وجود ثقب كبير بالقلب بين البطينين Truncus arteriosus
ودا بيحتاج اصلاح جراحى بعد اول شهر لا محالة والعملية خطيرة ونسبة الوفاة عالية.
🌸وصفنا الحالة للأهل وسط ذهولهم التام لأن الطفل عامل تلت مرات سونار رباعى الأبعاد وكان طبيعى . هيتم عمل أشعة مقطعية والتنسيق لعمل الجراحة باذن الله معاهم خطوة بخطوة لحد ما ربنا يفرج كربهم
🌸ومن هنا أحب أقول تانى وتالت مرارا وتكرارا إن السونار رباعى الأبعاد لا يغنى عن الايكو على قلب الجنين اللى بيتعمل بواسطة دكتور تخصص قلب مش دكتور تخصص نساء وتوليد
🌸آخر حاجة أختم بيها بأنه الحمد لله أن مركز ولى العهد موجود لخدمة أطفال الجيزة بمحتلف مناطقها
❤️د/ عبد الوهاب الأسوانى
مدرس واستشارى قلب الاطفال
كلية الطب جامعة عين شمس
في ولي العهد، الرعاية مش بس أجهزة حديثة ولا أطباء متخصصين✋🏻
الرعاية هنا قلب صاحي، وضمير صاحي أكتر❤️
للتواصل والاستفسار👇🏻
فون واتس: ٠١١٠٢٥١٢٥٣١📱☎️
العنوان👇🏻
الجيزة، الحوامدية، المجلس أعلى مركز البوشي للاشعه🏪
👼🏻🩺
