د / أمير المصري - عيادة التغذية العلاجية

  • Home
  • Egypt
  • Nasr City
  • د / أمير المصري - عيادة التغذية العلاجية

د / أمير المصري - عيادة التغذية العلاجية التغذية العلاجية حسب القواعد الطبية بدون استخدام أدوية و اعشاب مجهولة المصدر أو جلسات تجميل سطحي

طبيب بشري
عيادة مصر الجديدة ( الثلاثاء من ٤ ل ٩ م )
عيادة ابوكبير ( الأربعاء و الخميس من ٢ ل ٦ م )
*علاج السمنة و النحافة
*تغذية حالات جراحات الجهاز الهضمي
*تغذية الأطفال و كبار السن
*تغذية الحوامل و المرضعات
*تغذية حالات:
القلب
السكر
الضغط
الكلى
الكبد

26/01/2026

تحذير هام

رمضان مش شهر زيادة وزن ❌️ولا شهر حرمان ❌️تقدر تاكل اللي بتحبه لكن بنظاميعني ممكن أفطر محشي و بط؟ 🦆طبعاً ممكن .. و تخس كم...
26/01/2026

رمضان مش شهر زيادة وزن ❌️
ولا شهر حرمان ❌️

تقدر تاكل اللي بتحبه لكن بنظام
يعني ممكن أفطر محشي و بط؟ 🦆
طبعاً ممكن .. و تخس كمان
أو ع الأقل ماتزيدش

قدامنا ٣ أسابيع نظبط فيهم
علشان تدخل رمضان وإنت مسيطر .. مش متلخبط

🎯 عرض قبل رمضان : فرع مصر الجديدة - بجوار كلية البنات

لو بدأت معانا حتى لو كشف مرة واحدة
من ٢٧ يناير لـ ١٧ فبراير

ليك شهر متابعة أونلاين مجاناً طوال رمضان 🎈
مع الدكتور مباشرة
وخطة معمولة مخصوص للصيام ولنظام حياتك
⏳ الأماكن محدودة

إحجز دلوقتي وما تأجلش صحتك لبعد العيد

📅 الثلاثاء من كل أسبوع
📱 011 07834321

ناس كتير بعتولي مستغربين ازاى بقول ان فى رمضان ممكن ناكل محشي و بط و نخس ؟خد المثال البسيط ده :وجبة ١ :٢٥ محشي ورق عنب =...
25/01/2026

ناس كتير بعتولي مستغربين ازاى بقول ان فى رمضان ممكن ناكل محشي و بط و نخس ؟

خد المثال البسيط ده :

وجبة ١ :
٢٥ محشي ورق عنب = ٤٠٠ سعر
معلقة كبيرة سمنة للطبخ = ١٣٥ سعر
٢٠٠ جرام لحم ضاني بدون عظم = ٥٠٠ سعر
طبق سلاطة = ٤٠ سعر
٢٠٠ جرام بطيخ = ١٢٠ سعر
الإجمالي : ١٢٠٠ سعر + وجبة مُشبِعة غنية بالبروتين و الألياف و الدهون الصحية

وجبة ٢ :
١٠٠ جرام بطاطس شيبس = ٥٥٠ سعر
٣٣٠ مل مشروب غازي = ١٥٠ سعر
١٠٠ جرام بسكوت ويفر = ٥٠٠ سعر
الإجمالي : ١٢٠٠ سعر + وجبة غير مُشبِعة غنية بالسكر و الدهون المصنعة و الدقيق الأبيض

عرفت بقى تاكل ايه علشان تشبع و تتبسط و صحتك تتحسن و وزنك مايزيدش ؟

رمضان مش شهر زيادة وزن ❌️ومش شهر حرمان ❌️تقدر تاكل اللي بتحبه وتخسأو على الأقل ما تزيدشيعني ممكن أفطر محشي و بط؟ 🦆طبعاً ...
18/01/2026

رمضان مش شهر زيادة وزن ❌️
ومش شهر حرمان ❌️

تقدر تاكل اللي بتحبه وتخس
أو على الأقل ما تزيدش
يعني ممكن أفطر محشي و بط؟ 🦆
طبعاً ممكن
وهخس؟
آه والمفاجأة إن مش دول سبب زيادة الوزن

قدامنا 30 يوم نظبط فيهم
علشان تدخل رمضان وإنت مسيطر، مش متلخبط

🎯 عرض قبل رمضان : فرع مصر الجديدة - بجوار كلية البنات

لو بدأت معانا من 20 يناير لـ 17 فبراير
هتاخد شهر متابعة أونلاين مجاناً طوال رمضان 🎈
مع الدكتور مباشرة
وخطة معمولة مخصوص للصيام ولنظام حياتك
⏳ الأماكن محدودة

إحجز دلوقتي وما تأجلش صحتك لبعد العيد

📅 الثلاثاء من كل أسبوع
📱 011 07834321

حلو ان الدراسة دي اتنشرت علشان الناس تصدق ان الحقن مش بتزود الحرق ولا حتى بتحافظ عليه .. بتقلله ..و ده مش تأثير مباشر لل...
09/01/2026

حلو ان الدراسة دي اتنشرت علشان الناس تصدق ان الحقن مش بتزود الحرق ولا حتى بتحافظ عليه .. بتقلله ..و ده مش تأثير مباشر للحقن لكنه نتيجه لفقد الكتلة أثناء فترة نزول الوزن بسبب التركيز على سرعة النزول و الدعاية المبالغ فيها .. و العيان بيفرح إنه مبياكلش و يكتشف فى النهاية إنه دمر جسمه ..

اللي عايز يستخدم حقن :

١- لازم قبلها يعمل اشعة و فحوصات للغدة الدرقية
٢- لازم يستخدم الحقن الأصلية مش الكوكتيل اللي بيتباع بالجرعة
٣- لازم يتابع مع طبيب تغذية طول فترة استخدام الحقن .. و لو اللي كاتبها مثلا دكتور السكر يبقى تتابع مع الاتنين ..

المشكلة اللي بتقابلنا مع الحقن و يعد العمليات إننا ازاى نحافظ ان الجسم يفقد دهون و يحافظ على العضلات .. الموضوع مش نزول رقم و خلاص ..

بلاش تجري ورا الدعاية اللي بتوهمك انك هتاخد الحقنة و تاكل اللي يعجبك .. و الا فى الآخر هتزعل .. و هتجيب ناس تزعل

مين قال ان الدايت حرمان و جوع ؟و مين قال ان لازم له أكل مخصوص ؟و مين أقنعك ان علشان تخس لازم تاخد اعشاب و حقن تزود الحرق...
08/01/2026

مين قال ان الدايت حرمان و جوع ؟
و مين قال ان لازم له أكل مخصوص ؟
و مين أقنعك ان علشان تخس لازم تاخد اعشاب و حقن تزود الحرق ؟

اللي بينشروا الأفكار دى مش فاهمين أو أصحاب مصلحة

محدود العلم ميعرفش ايه نهاية اللي بيعمله .. هو شايف حاجة واحدة .. ان الطريقة دى بتخسس .. طب ايه الأضرار ؟ مخدنهاش في الكلاس .. الوزن اللي نزل دهون ولا عضلات ؟ مش فارقة .. المريض حصل له ايه بعد سنتين من اتباع تعليماتك ؟ مش مهم

المستفيد له هدف مختلف .. هو عايزك تشتري منه البرسيم اللي بيبيعه .. هيقول لك انه دوا أسباني مش موجود غير عنده .. و هو فعلا مش موجود غير عنده لان العلب المعدنية الملونة دى بتيجي فاضية و التاجر بيحط فيها الكبسولات .. اللي غالبا متعبية تحت بير السلم .. و دايما هتلاقيها كبسولات أو نقط لأن مفيش مكن كبس أقراص غبر فى مصانع الأدوية الكبيرة ..

الموضوع أبسط من كده بكتير و تقدر تخس لوحدك بشوية تعديلات بسيطة .. لو ماكنتش من الفئات اللي محتاجة معاملة طبية خاصة زى الأمراض المزمنة و الأطفال و الحوامل و المرضعات و كبار السن و الرياضيين و اللي عامل أو هيعمل تكميم و اللى بياخد أو هياخد حقن تحت الجلد بأنواعها ..

العيادات :
مصر الجديدة - بجوار كلية البنات - الثلاثاء من كل اسبوع
الشرقية - ابوكبير - الأربعاء و الخميس من كل أسبوع

متاح المتابعة أونلاين لحالات محدودة

للحجز و الاستفسار
واتس اب
01107834321

او عن طريق رسائل الصفحة

🎯 لو حد وعدك يخسسك ٢٠ كيلو في الشهر… أو قالك عنده أدوية سحريةتأكد إنك في المكان الغلط ❌إحنا بنبدأ من الفحص الطبي و التشخ...
04/01/2026

🎯 لو حد وعدك يخسسك ٢٠ كيلو في الشهر… أو قالك عنده أدوية سحرية
تأكد إنك في المكان الغلط ❌

إحنا بنبدأ من الفحص الطبي و التشخيص السليم مش الوهم و الخيالات

👨‍⚕️ عيادة د. أمير المصري – طبيب التغذية العلاجية - خبرة ١٦ عام

الثلاثاء من كل أسبوع من ٥ ل ٩ مساء

✅ احجز استشارتك دلوقتي و صلح وزنك بطريقة علمية وآمنة
☑️ تخصصنا فى طب التغذية العلاجية

⛔️ لا يوجد بالعيادة أدوية أو اعشاب ولا جلسات موضعية

📍 Address:
مصر الجديدة – كلية البنات - رافال مول
الدخول من مدخل فايبرز جيم Fibers

📞 Booking appointment:
01109328032

✅️ Whatsapp:
01107834321

📍 Location on Google Maps:
https://maps.app.goo.gl/t4ANRRY9CVMHeKZn6?g_st=awb

علشان ناس كتير فهمتني غلط .. أوضح تاني تخصص التغذية العلاجية هو تخصص طبي لكنه مش حكر على الأطباء .. فيه مهن تانية لها أد...
01/01/2026

علشان ناس كتير فهمتني غلط .. أوضح تاني

تخصص التغذية العلاجية هو تخصص طبي لكنه مش حكر على الأطباء .. فيه مهن تانية لها أدوار مهمة فى فريق العمل .. صيدلي كلينيكال / أخصائي تغذية مؤسسات أو علوم أطعمة / تمريض مؤهل .. هو ده التشكيل الرسمي للفريق مع الطبيب البشري ..

و كل دول لازم يدرسوا التغذية بما يفيد في تأدية مهمتهم .. ف لما نقول محدش يكشف على المريض غير طبيب بشري بيبقى المقصود ان دراستك للتفذية و انت مش طبيب بتزود مهاراتك فى مهنتك .. جوه حدود مهنتك .. اللي هى مهنة محترمة و لها قيمة كبيرة عند اللي فاهمها ..

اللي متخيل إنه لما ياخد كورس ولا حتى دكتوراه هيقدر يحل محل الطبيب موهوم .. و الوهم ده بيدفع ثمنه المريض اللي بيقع تحت ايده

و الطبيب كمان ماينفعش يشتغل صيدلي ولا يشتغل تمريض .. احترم تخصصك يحترمك

** توضيح : انا ماجبتش هنا سيرة فئة او مهنة معينة .. انا بتكلم عن النصابين من كل المهن ..اللي عايز يتناقش بالذوق و الأدب ...
27/12/2025

** توضيح : انا ماجبتش هنا سيرة فئة او مهنة معينة .. انا بتكلم عن النصابين من كل المهن ..

اللي عايز يتناقش بالذوق و الأدب انا معاك للنهاية ..
اي عيل لسة ماقلعش البامبرز هيدخل يستظرف هقل منه و هيبقى عبرة
.....
تعديل ٢ :
اللي شايف ان فيه اى حد غير الطبيب البشري مسموح له قانونا يشتغل فى عيادة و يكشف على مريض .. يخلي عنده الجرأه و يكتب على صفحته او يافطته كده ..
يقول انا مش طبيب بس بفهم فى الطب احسن من الدكاترة ..
مش هي دى الحقيقة ؟.....

الواحد متفهم جدا الظروف الاقتصادية و وجود خريجين كليات مش لاقيين شغلانة ..

بس يعني ايه ذنب المريض ان سيادتك اتضحك عليك و الكورسات اللى خدتها و اقنعوك انها هتخليك دكتور تغذية ولا تجميل غير جراحي ولا الموضة الجديدة ( كوافير بس بيقول على نفسه اخصالي سكين كير ) كلها لا تؤهلك انك تبقى حلاق صحة ؟

و ايه ذنب المريض انك دخلت كلية أعداد خريجيها أكتر بعشرين ضعف من احتياجات السوق ؟ ده يسمح لك انك تنصب ع الناس و تكتب جنب إسمك لقب دكتور علشان توهم الناس انك طبيب ( حتى لو معاك دكتوراه فى تخصصك ) و تفتح عيادة و انت متعرفش الفرق بين
Hemoptysis و Hematemesis ?
صحة الناس مش لعبة ولا تهريج زى ما بتعملوا ..

أنصحك تتعلم صنعة و تشتغل شغلانة شريفة علشان اللي هيحصل قريب هيزعلك و هتندم لما تتحبس ..

ده غير عقاب ربنا على إضرارك بناس وثقوا فيك انك هتحافظ على صحتهم

عندك استشارة طبية ؟ بس ظروفك و وقتك مايسمحوش تروح عيادة ؟دلوقتي مش محتاج تنزل ولا تستنى دورتقدر تكشف 🟢 أونلاينوانت في مك...
17/12/2025

عندك استشارة طبية ؟ بس ظروفك و وقتك مايسمحوش تروح عيادة ؟
دلوقتي مش محتاج تنزل ولا تستنى دور
تقدر تكشف 🟢 أونلاين
وانت في مكانك

✔ تشخيص
✔ متابعة الحالة و الفحوصات
✔ خطة علاج واضحة

احجز موعدك الآن 👇
https://wa.me/201107834321

* بعض الحالات الطبية لا يمكن تقييمها إلا بالكشف المباشر .. في حالة عدم إمكانية متابعة الحالة أونلاين يتم توجيهك لأقرب طبيب متخصص فى حالتك *

11/12/2025

*جودة و العوضي و حقن التخسيس و أشياء أخرى*

على مر الزمان بيطلع ناس يدعوا لنفسهم اكتشافات علمية و طبية .. افتكر فى أواخر الثمانينات أعلن الدكتور أحمد شفيق استاذ الجراحة الشهير عن اكتشافه لعلاج الإيدز .. هتقول لى ايه العلاقة بين الجراحة و الإيدز ؟ الله أعلم ..
خد من ده كتير بقى بصرف النظر هم بيعملوا كده علشان التريند ولا المكسب المادي ولا فعلا مصدقين نفسهم ..
بس الفرق إن زمان كان الشغل ده بيتعمل على الأمراض المستعصية اللي محدش عارف لها حل .. دلوقتي دخلوا على الأمراض اللي لها علاج معروف ..

عموما العلم مالوش نهاية و مالوش كبير .. يعني ممكن فعلا حد يكتشف طريقة علاج جديدة .. بس علشان تبقى معتمدة فى العالم لازم يتعمل عليها تجارب و أبحاث و نشوف ايه اللي هيحصل للعيان بعد سنة و اتنين من العلاج ..

اللي يطلع يقول انه اكتشف علاج .. دى حاجة تخصه لوحده .. ماسموش علم و ماسموش طب .. و اللي يصدقه و يمشي وراه مسؤول عن نفسه لوحده .. عايز يبقى متطوع للتجربة عليه هو حر ..

العيب و الجريمة فى الموضوع ان اللي بيتجرب عليه علاج ده مفروض يبقى عارف و موافق .. و مايدفعش ثمن العلاج

نفس اللي بيحصل مع حقن التخسيس اللي اسمها
Rita ريتاتروتايد
دى حقن لسة بيتعمل عليها تجارب و لسة ماتمش إصدارها رسمي ولا مؤكد آثارها الجانبية .. لكنهم بيجيبوها متهربة و يجربوها على الناس و يدفعوهم ثمنها

ف نصيحتي لسيادتك اوعى تصدق الإعلانات .. اوعى تشتري دوا من عيادة أو اونلاين .. اوعى تسمع كلام حد يقول لك بطل الدوا بتاعك الا لو سألت دكتور ثقة تكون عارفه شخصيا و يقول لك ده كلام علمي ولا خرف ..

آخر صيحة في عالم أدوية التخسيسريتاتروتايد Ritatrutideو الشهير بإسم حقن ريتا Ritaاكيد شفت اعلانات كتير من بياعين بيعلنوا ...
01/12/2025

آخر صيحة في عالم أدوية التخسيس
ريتاتروتايد Ritatrutide
و الشهير بإسم حقن ريتا Rita
اكيد شفت اعلانات كتير من بياعين بيعلنوا عنه و إنه أحدث دوا أمريكي .. و دي حقيقة

بس فيه حتة صغيرة البياعين بينسوا يقولوها فى كل إعلان ..
إن الحقن دى مازالت فى مرحلة التجارب و لم ترخص للاستخدام البشري فى بلد تصنيعها ( أمريكا ) حتى الآن .. و طبعا غير معتمدة فى مصر ولا في اي دولة

البياعين بيجيبوها عينات متهربة و يخلوك تشتريها علشان يجربوها على سيادتك .. لو فضلت عايش و ماحصلكش أورام سرطانية يبقى تمام هيعتمدوها ان شاء الله ..

و الدليل اهو من الموقع الرسمي

صحتك أمانة ماتخليش شوية تجار شنطة يضحكوا عليك

Address

. مصر الجديدة : شارع أحمد تيسير/بجوار كلية البنات/رافال مول, • ابوكبير : خلف عمارة السيد عبده نصر
Nasr City

Opening Hours

Wednesday 2pm - 5pm
Thursday 2pm - 5pm

Telephone

+201008867868

Website

Alerts

Be the first to know and let us send you an email when د / أمير المصري - عيادة التغذية العلاجية posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to د / أمير المصري - عيادة التغذية العلاجية:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category