Psychotherapist/Tuqa Abdelwahab

Psychotherapist/Tuqa Abdelwahab لحجز جلسات العلاج النفسي للكبار والمراهقين او الاستشارات اونلاين

28/07/2024

بعض الأمور دواؤها في تجاهُلْها

24/07/2024

انا بس كنت محتاجة انه يتنازل عشاني

23/07/2024

في العلاج النفسي مفيش سحر . الماضي خلص وانت بتساعد نفسك انك تتخطاه والحاضر والمستقبل بتاعك . السحر انت الي بتعمله لما بتقدر تتخطي الماضي وتشوف ان تجربتة كانت بعقل قديم . والفهم الجديد ده بتاع الحاضر ومستقبلك .الخسارة كمان ماضي . حتي الخسارة الي ممكن تحصل

الفرق بين الخجل الاجتماعى والرهاب الاجتماعى..🟣الخجل الاجتماعى الطبيعى بيحصل للناس على حسب الموقف أو الظروف وبيكون بدرجات...
23/07/2024

الفرق بين الخجل الاجتماعى والرهاب الاجتماعى..

🟣الخجل الاجتماعى الطبيعى بيحصل للناس على حسب الموقف أو الظروف وبيكون بدرجات متفاوتة وبينتهى..

والرهاب الاجتماعى قلق وأعراض مستمرة تعوق حياة الشخص وعلاقاته الاجتماعية...

لحجز جميع الاستشارات النفسية للكبار والمراهقين والاستشارات اونلاين العنوان /التبين _ فوق البوسطة_ميدان الساعة
22/07/2024

لحجز جميع الاستشارات النفسية للكبار والمراهقين والاستشارات اونلاين

العنوان /التبين _ فوق البوسطة_ميدان الساعة

22/07/2024

لا تحكم على نفسك بماضيك، أنت لم تعد تعيش هناُك، ركز على الحاضر (هنا والان)✨👏


22/07/2024

انا بس كنت محتاحة حد يطمني


22/07/2024

المعالج النفسي ..
مش هينسيك الماضي المؤلم بس هيعلمك ازاي تتعامل معاه وتتقبله كجزء منك
مش هيمحي لك اخطائك بس هيديك ادوات تراقب نفسك بيها علشان ما تقعش تاني في نفس الاخطاء
مش هيغير الناس اللي حوليك ولا هيغيرلك احداث يومك بس هيخليك تبص للامور باكتر من زاويه وتتعامل مع الاحداث بطريقه احسن
المعالج النفسي مش ساحر لكنه معلم مفكر وحكيم🖤🐢

22/07/2024

يعني إيه سيكوثيرابي (العلاج النفسي الكلامي)
ومين محتاجه ومين بيقدمه و إيه أشهر المفاهيم الخاطئة الشائعة عنه؟؟؟؟؟؟؟

سيكوثيرابي أو العلاج النفسي الكلامي بيكون عبارة عن عدد من الجلسات ممكن تزيد حسب طبيعة المشكلة أو الاضطراب النفسي بيستخدم فيه المعالج إحدى مدارس العلاج النفسي علشان يساعدنا نشوف ونفهم أكتر اللي بيحصل معانا وكمان علشان نكتسب مهارات نتعامل بيها مع مشكلاتنا.

السيكوثيرابي بيساعد حالات كتير بدون علاج دوائي.. وفي حالات تانية ممكن تحتاج علاج دوائي إلى جانب السيكوثيرابي.. وفي حالات تالتة بنبدأ بالعلاج الدوائي الأول وبعدين السيكوثيرابي.. وفي كل الأحوال بيكون الهدف هو تحقيق تحسن علاجي وكمان اكتساب مهارات تساعدني لو حصلت ضغوط أو مشكلات مستقبلا علشان ما اتعبش تاني.

في الأطفال السيكوثيرابي مختلف شوية.. ما ينفعش يكون أونلاين.. بيعتمد على التفاعل مع الطفل وتعليمه بعض المهارات المعرفية والسلوكية اللي بنوصلها ليه بطريقة مبسطة أو من خلال اللعب والحواديت والرسم والأنشطة الحركية البسيطة.

اللي بيقدم السيكوثيرابي اتنين فقط.. الطبيب النفسي اللي تلقى تدريب متخصص على إحدى مدارس العلاج النفسي أو أكتر من مدرسة.. أو الأخصائي النفسي خريج أقسام علم النفس بالجامعات الحكومية أو الخاصة ويكون تلقى تدريب بمستشفيات الطب النفسي المتخصصة وبردو اتدرب على إحدى مدارس العلاج النفسي أو أكثر.

أشهر المفاهيم الخاطئة عن السيكوثيرابي

ده فضفضة.. بنروح نتكلم ونحكي مع الدكتور..❌
✅ لا طبعا ده برنامج علاجي مدروس وفقا لمدرسة علاجية محددة بنتعلم فيه مهارات وبنشتغل على نفسنا موش مجرد كلام بدون هدف وأخرج مرتاح مؤقتا وأروح بيتي ألاقي مشكلاتي زي ما هي وموش عارف اتعامل معاها إزاي.

الدكتور بيحل مشاكلي وبيقوللي أعمل إيه.. هو أكيد بيفهم أحسن مني.. ❌
✅ ماحدش بيحل مشكلات حد ولا حد هيفهم أحسن منك.. وده موش دور الطبيب ولا المعالج النفسي إنه يقولك تعمل إيه وتقرر إيه.. مفيش طبيب أو معالج ينفع يقوللي اشتغل الشغل ده أو اختار الدراسة دي أو اتجوز الراجل ده.. ده تدخل في حياتي وتعزيز للاعتمادية على المعالج.. المعالج بيساعدك تفهم مشكلاتك وتشوفها عن قرب بصورة أكثر واقعية وتتعلم مهارات تتعامل بيها مع مشكلاتك وتاخد قراراتك بنفسك وإنت دورك إنك تطبق المهارات دي وتناقش نتايج ده مع المعالج.

بروح أقعد مع الدكتور جلسة نص ساعة أو ربع ساعة..❌
✅ أقل مدة لجلسة العلاج النفسي ٤٥ دقيقة ويفضل تكون ساعة.. أقل من كده مفيش عملية علاجية مظبوطة هتتم.

روحت لمعالج وقاللي بطل الأدوية خالص مالهاش لازمة دي هتضرك.. والعلاج النفسي بس هيجيب نتيجة.. ❌
✅ غالبا ده حد موش متخصص.. لإن المعالج المتخصص لو هو أخصائي نفسي موش طبيب هيتواصل مع الطبيب علشان ينسقوا مع بعض ويناقشوا معاك إيه أفضل خطة علاجية مناسبة ليك..ولو هو طبيب هيعرف إمتى يستخدم العلاج الدوائي وإمتى يستخدم السيكوثيرابي وإمتى الاتنين يدعموا بعض.

خريج أي كلية بس أخد كورس ممكن يشتغل معالج نفسي..❌
✅ لا طبعا العلاج النفسي لسه قايلين فوق مين اللي بيقوم بيه وبيكون دراسته إيه.. ما ينفعش يقوم بيه المدرس ولا الأخصائي الاجتماعي ولا اللايف كوتش ولا مدرب التنمية البشرية ولا الاستشاري التربوي.. دول لهم أدوار مهنية تانية مختلفة تماما في أماكن تانية خالص غير عيادات الطب النفسي وحجرة العلاج النفسي.

المعالج بيقوللي كلام كويس بيحفزني وبيديني طاقة إيجابية.. ❌
✅ ده بردو مش دور الطبيب ولا المعالج.. إنك تخرج من عنده كلك حماس وشايف الدنيا وردي وقدام أول مشكلة أو تغير مزاجي ينتهي الحماس.. دور المعالج يساعدك تشوف الأمور بواقعية وتتعلم تتعامل معاها وتقبل نفسك في كل أحوالك.. مش إنه يقولك خليك سعيد طول الوقت والدنيا حلوة.. كلنا بنمر بمشاعر مختلفة وبنقبل مشاعرنا كلها..

✴️أخيرا العلاج النفسي رحلة بيمشيها المعالج والمتعالج.. جنب بعض ماحدش فيهم سابق التاني.. بيأثروا في بعض وبيتأثروا ببعض.. كل الفكرة إن المعالج من خلال دراسته ممكن يساعد المتعالج إنه يشوف بعض معالم الطريق الغير واضحة.. وساعات بيحصل العكس وبتعلم حاجة جديدة من متعالج أو من طفل صغير ودي بتبقى أحلى حاجة💚.

✴️ما تخليش حد يستغلك ويبيعلك وجهات نظره الشخصية على أساس إن دي عملية علاجية.. إنت إنسان مستنير وطلبك للمساعدة العلاجية ما يقللش منك ولا يسمح لحد إنه يفرض وصايته عليك.

✴️أنا قررت أطلب المساعدة النفسية المتخصصة والسيكوثيرابي من طبيب أو أخصائي نفسي متخصص وأمشي الطريق ده بجدعنة لحد آخره.. علشان السيكوثيرابي ما بينتهيش مع نهاية آخر جلسة.. لكن بيكمل معايا عمري كله وكل يوم بشتغل على نفسي وبكون أكثر نضجا ووعيا.
دمتم بخير🙂.

Address

التبين _ فوق البوسطة _ ميدان الساعة
Helwan

Opening Hours

Tuesday 9am - 5pm
Wednesday 9am - 5pm
Thursday 9am - 5pm
Sunday 9am - 5pm

Website

Alerts

Be the first to know and let us send you an email when Psychotherapist/Tuqa Abdelwahab posts news and promotions. Your email address will not be used for any other purpose, and you can unsubscribe at any time.

Shortcuts

Share

Category